Luka 24
24
Imbuko ja Jesu ku bafu
(Mat 28:1-10; Male 16:1-8; Joa 20:1-10)
1Mwijuba lyetanzi mu nsunda, a masiku-siku wawa, a banakazi kale ba inda a mafuta go minunko i milotu aga na ba lukisa no ku ja kwibita. 2Kale ba ka gwana buti ibwe na lya galumunwa ku zwisigwa ebita#24:2 Ibita lya Jesu ka lili lyo ku conkomona mwibwe mi ta ka li li lyo ku laila nevu, ndibwe inene lyo ku koza sinagwe ndiwili na ba galumuna no ku sinka ku cizi ce lambo mi ka ku golaala uku li fwinkulao no ku nginamo sinagwe mu njugo., 3kono aa se ba la nginimo, ta na ba ka gwana i citupu co Mfumu Jesu. 4Aa ka ba si komoketwe byebyo, aobulyo a bankosi bo bile aba ka ba zwesi i bizwato byo ku pazima sinagwe ndumuni lo mvula kale ba keza ku zimana ambali nabo.
5Mu bujoge bwabo wawa a banakazi kale ba sungamina ansi, kono babo a bankosi kale ba ta nabo, “Ncinzi aa mu shakila u mumi mukati ko bafu? 6Ta mu li mo muno, a la buki! Mu gaje ubu sa mi tela, na si kele nenwe mwilonga lya Galileya buti, 7‘Ime nde Mwana Muntu kuti na ndi wegwe mu maganja go bantu bo bitendantu i bimangoju, na ndi kankaminwe mi mwijuba lya tatu na ndi buke kame ku zwa ku bafu.’ ” 8Cwale kale ba vuluka a majwi gakwe.
9Aa se ba la ka zwi kwibita, kale ba sukulula byebi i bintu byonse ku batumigwa be kumi no genke mane no bamwinya bonse. 10Babo a banakazi, ka ba li ba Maliya Magadalena, no Joana, no Maliya nyina ba Jakobo, no bamwinya aba ka kele nabo kale ba gambaguza a batumigwa byebi i bintu. 11Kono abo kale ba kana uku zumina i bintu ka ba sukulula babo a banakazi, kakuli a majwi gabo ka ga shugwaala sinagwe nga bugelo kwabo. 12Kono nanganceciba bulyao Pitolosi, kale ga nanuka no ku tigilila kwibita. Aa sa la kotami, kale ga bona a masila a malotu ga li lalile gonke, mi kale ga bogola, na komoketwe kwe bi na bya tendaala.
A bazigigwa bo bile aa ba ja kwa Imausi
(Male 16:12-13)
13Cwale mwa lelyo ijuba a bazigigwa bamwinya bo bile babo ku munzi gu kugigwa Imausi ka ba ja, ugu ka gu li u kule kanunu#24:13 Mbule ka bu shaka uku sika a makilomita ga 11 kampa ga 12. no Jelusalema. 14Kame ka ba ja bu li gambaguza mwalyabo i bintu byonse ibi na bya tendaala. 15Aa ka ba si kwesi uku li gambaguza no ku li buzagula byebi i bintu mwalyabo, Jesu kale ga keza no ku jendelela nabo. 16Kono kale ba kangwa uku mu ziba.
17Jesu kale ga ba ta nage, “Mbinzi mu ja bu gambagula na mu jenda?” Abo kale ba zimana, bu tompete.
18Jumwinya gwabo gwezina lya Kilopa, kale ga mu buza nage, “Ndigwe nyenda gwenke mu munzi gwa Jelusalema uju ta zekelele i bintu na bya tendaala mwa ga gano a majuba?”
19Jesu kale ga buza nage, “Mbintunzi?”
Abo kale ba taba nabo, “Bya Jesu gwa Nanzaleta, uju ka li muboni gwa Nyambe, uju ka kwesi inguzu mu majwi no mu bitendantu kwa Nyambe no ku bantu bonse.
20“A mapulisiti a bakulu no bajendesi betu kale ba mu kwata no ku mu wa buti a atwilwe u lufu, mi kale ba mu kankamina a cifapaano. 21Kono ka tu kwesi insepo buti ndege na lamwine a bantu bo luasi lwa Isilaele. Kono mbinzi kame, shunu se ndi juba lya tatu ku zwa aa na bya tendaalila byonse byebyo. 22Ko ku nungako, bamwinya bo banakazi betu ba la tu komokwisi. Ba la meneki ku ja kwibita shunu a masiku-siku 23kono ta ba la ka gwani i citupu cakwe. Mi ba la kezi ku tu gambaguza buti ncibonwa co mañiloi ba la ka boni, aga ga la ka ba ti buti Jesu mumi. 24Cwale bamwinya bo bagenzetu mpa ba ja kwibita no ka gwana buti ubu kaba tela a banakazi mbobo ka ku kalile, kono ta ba la ka boni Jesu.”
25Cwale Jesu kale ga ba ta nage, “Mu li bigelo bya buti, inwe ta mu zumini wangu ku bintu byonse ibi na ba gamba a baboni ba Nyambe! 26Ta li u Mushaligwa#24:26 Mu Ciebelu ndi “Mesiya”, mi mu Cigelike ndi “Kilesite”. ka botele uku penga kwa byebi i bintu mi cwale nko ku ngina mu mpazimo jakwe?” 27Jesu kale ga tatikila kwa Mushe mane no byo baboni ba Nyambe bonse, no ku ba tansulwila ibi na bya gambigwa byakwe mu Mañolo gonse.
28Aa se ka ba kokelele u munzi u mu ka ba ja, Jesu kale ga jenda bulyao sinagwe nkule ka ja. 29Kono kale ba mu binda wawa nabo, “U kale neswe, kakuli se masiku, ijuba se lye ka gwa.” Mi kale ga jamo no ka kala nabo.
30Aa se ka kele nabo a ntafule, kale ga inda i cinkwa, ku litumela no ku ci komagula mi kale ga ci ba wa. 31Cwale a mensho gabo kale ga togoka mi kale ba mu ziba, mi kale ga ba leguka buti ba leke uku mu bona. 32Kale ba li buzagula mwalyabo nabo, “Ta li i myojo jetu nku bbuka ka ji bbuka-bbuka aa ka kwesi uku gambagula neswe mu nzila no ku tu vwikwila a Mañolo?”
33Kale ba nanuka aobulyo no ku bogola kwa Jelusalema. Kale ba ka gwana a batumigwa be kumi no genke no babo ka ba kele nabo, na ba gwanene antu-onke 34mi kale ba ta nabo, “Mbyaconse! Mfumwetu a la buki ku bafu mi a la li bonaazi kwa Simoni.” 35Cwale babo bo bile kale ba gambagula ibi bi la tendaali mu nzila, no bu ba la zibili Jesu aa la komagula i cinkwa.
Jesu aa li bonaaza ku bazigigwa
(Mat 28:16-20; Male 16:14-18; Joa 20:19-23; Bit 1:6-8)
36Aa ka ba si gambagula byebyo, Jesu kale ga keza ku zimana mukati kabo no ku ta nage, “Mu joje nenja.”
37Kale ba tilumuka no ku joga, na ba gaja nabo ncilumba ba la boni. 38Jesu kale ga ba ta nage, “Ncinzi aa mu zielea, mi ncinzi aa mu mamanya mu myojo jenu? 39Nga mu lole a maganja no matende gangu. Ndime wawa! Mu ndi kwate mi mu bone, i cilumba ta ci kwesi inyama no bifuwa, sinagwe aa mu wene buti ime ndi li bi kwesi.”
40Aa sa la ti bulyao, kale ga ba sunda a maganja gakwe no matende. 41Mi aa ka ba sini uku zumina bulyao kebaka lyo njangalo no ku komokwa, kale ga ba buza nage, “Ta mu kwesi i cintu conse co ku lya mo muno?” 42Kale ba mu wa u lubazu loonswi go ku ika, 43mi kale ga lu tambula no ku lu lya na ba mu lolelele.
44Kale ga ba ta nage, “Bebi mbebyo se ndi mi gambaguza na ndi si kele nenwe buti, i bintu byonse bi li botele uku vumbilizwa ibi na bya ñoligwa byangu mu mulao gwa Mushe, a baboni ba Nyambe no mu Nimbo.”
45Kale ga ba wa i migajalo jo ku shugwilisa a Mañolo. 46Kale ga ba ta nage, “I bintu bi ñoletwe mbi byebi, u Mushaligwa kuti na penge no ku buka ku zwa ku bafu mwijuba lya tatu, 47mi insiguluko jo nkwatilo jo bitendantu i bimangoju kuti na ji tandazigwe mwizina lyakwe ku malonga gonse, ku tatikila mwa Jelusalema. 48Inwe mu li bampaki ba byebi i bintu. 49Kuti na ndi mi tumine ici sa kuluwiza Tata, kono mu kale mwa Jelusalema ku twala aa na mu tambule inguzu ji zwa kwigulu.”
Jesu aa kambamina kwigulu
(Male 16:19-20; Bit 1:9-11)
50Aa sa la ba twali afuwi no munzi gwa Bbetaniya, kale ga nanwina a maganja gakwe mwigulu no ku ba wa imfwijaguzi. 51Aa ka kwesi uku ba wa imfwijaguzi bulyao, kale ga ba leka mi kale ga twaligwa mwigulu. 52Abo kale ba mu shogelela no ku bogola mwa Jelusalema ko njangalo inene. 53Mi kale ba zundamina uku kalanga mu tempele, na ba lumba Nyambe.
Currently Selected:
Luka 24: TOI
Highlight
Copy
Compare
Share
Want to have your highlights saved across all your devices? Sign up or sign in
2026 The Seed Company
Luka 24
24
Imbuko ja Jesu ku bafu
(Mat 28:1-10; Male 16:1-8; Joa 20:1-10)
1Mwijuba lyetanzi mu nsunda, a masiku-siku wawa, a banakazi kale ba inda a mafuta go minunko i milotu aga na ba lukisa no ku ja kwibita. 2Kale ba ka gwana buti ibwe na lya galumunwa ku zwisigwa ebita#24:2 Ibita lya Jesu ka lili lyo ku conkomona mwibwe mi ta ka li li lyo ku laila nevu, ndibwe inene lyo ku koza sinagwe ndiwili na ba galumuna no ku sinka ku cizi ce lambo mi ka ku golaala uku li fwinkulao no ku nginamo sinagwe mu njugo., 3kono aa se ba la nginimo, ta na ba ka gwana i citupu co Mfumu Jesu. 4Aa ka ba si komoketwe byebyo, aobulyo a bankosi bo bile aba ka ba zwesi i bizwato byo ku pazima sinagwe ndumuni lo mvula kale ba keza ku zimana ambali nabo.
5Mu bujoge bwabo wawa a banakazi kale ba sungamina ansi, kono babo a bankosi kale ba ta nabo, “Ncinzi aa mu shakila u mumi mukati ko bafu? 6Ta mu li mo muno, a la buki! Mu gaje ubu sa mi tela, na si kele nenwe mwilonga lya Galileya buti, 7‘Ime nde Mwana Muntu kuti na ndi wegwe mu maganja go bantu bo bitendantu i bimangoju, na ndi kankaminwe mi mwijuba lya tatu na ndi buke kame ku zwa ku bafu.’ ” 8Cwale kale ba vuluka a majwi gakwe.
9Aa se ba la ka zwi kwibita, kale ba sukulula byebi i bintu byonse ku batumigwa be kumi no genke mane no bamwinya bonse. 10Babo a banakazi, ka ba li ba Maliya Magadalena, no Joana, no Maliya nyina ba Jakobo, no bamwinya aba ka kele nabo kale ba gambaguza a batumigwa byebi i bintu. 11Kono abo kale ba kana uku zumina i bintu ka ba sukulula babo a banakazi, kakuli a majwi gabo ka ga shugwaala sinagwe nga bugelo kwabo. 12Kono nanganceciba bulyao Pitolosi, kale ga nanuka no ku tigilila kwibita. Aa sa la kotami, kale ga bona a masila a malotu ga li lalile gonke, mi kale ga bogola, na komoketwe kwe bi na bya tendaala.
A bazigigwa bo bile aa ba ja kwa Imausi
(Male 16:12-13)
13Cwale mwa lelyo ijuba a bazigigwa bamwinya bo bile babo ku munzi gu kugigwa Imausi ka ba ja, ugu ka gu li u kule kanunu#24:13 Mbule ka bu shaka uku sika a makilomita ga 11 kampa ga 12. no Jelusalema. 14Kame ka ba ja bu li gambaguza mwalyabo i bintu byonse ibi na bya tendaala. 15Aa ka ba si kwesi uku li gambaguza no ku li buzagula byebi i bintu mwalyabo, Jesu kale ga keza no ku jendelela nabo. 16Kono kale ba kangwa uku mu ziba.
17Jesu kale ga ba ta nage, “Mbinzi mu ja bu gambagula na mu jenda?” Abo kale ba zimana, bu tompete.
18Jumwinya gwabo gwezina lya Kilopa, kale ga mu buza nage, “Ndigwe nyenda gwenke mu munzi gwa Jelusalema uju ta zekelele i bintu na bya tendaala mwa ga gano a majuba?”
19Jesu kale ga buza nage, “Mbintunzi?”
Abo kale ba taba nabo, “Bya Jesu gwa Nanzaleta, uju ka li muboni gwa Nyambe, uju ka kwesi inguzu mu majwi no mu bitendantu kwa Nyambe no ku bantu bonse.
20“A mapulisiti a bakulu no bajendesi betu kale ba mu kwata no ku mu wa buti a atwilwe u lufu, mi kale ba mu kankamina a cifapaano. 21Kono ka tu kwesi insepo buti ndege na lamwine a bantu bo luasi lwa Isilaele. Kono mbinzi kame, shunu se ndi juba lya tatu ku zwa aa na bya tendaalila byonse byebyo. 22Ko ku nungako, bamwinya bo banakazi betu ba la tu komokwisi. Ba la meneki ku ja kwibita shunu a masiku-siku 23kono ta ba la ka gwani i citupu cakwe. Mi ba la kezi ku tu gambaguza buti ncibonwa co mañiloi ba la ka boni, aga ga la ka ba ti buti Jesu mumi. 24Cwale bamwinya bo bagenzetu mpa ba ja kwibita no ka gwana buti ubu kaba tela a banakazi mbobo ka ku kalile, kono ta ba la ka boni Jesu.”
25Cwale Jesu kale ga ba ta nage, “Mu li bigelo bya buti, inwe ta mu zumini wangu ku bintu byonse ibi na ba gamba a baboni ba Nyambe! 26Ta li u Mushaligwa#24:26 Mu Ciebelu ndi “Mesiya”, mi mu Cigelike ndi “Kilesite”. ka botele uku penga kwa byebi i bintu mi cwale nko ku ngina mu mpazimo jakwe?” 27Jesu kale ga tatikila kwa Mushe mane no byo baboni ba Nyambe bonse, no ku ba tansulwila ibi na bya gambigwa byakwe mu Mañolo gonse.
28Aa se ka ba kokelele u munzi u mu ka ba ja, Jesu kale ga jenda bulyao sinagwe nkule ka ja. 29Kono kale ba mu binda wawa nabo, “U kale neswe, kakuli se masiku, ijuba se lye ka gwa.” Mi kale ga jamo no ka kala nabo.
30Aa se ka kele nabo a ntafule, kale ga inda i cinkwa, ku litumela no ku ci komagula mi kale ga ci ba wa. 31Cwale a mensho gabo kale ga togoka mi kale ba mu ziba, mi kale ga ba leguka buti ba leke uku mu bona. 32Kale ba li buzagula mwalyabo nabo, “Ta li i myojo jetu nku bbuka ka ji bbuka-bbuka aa ka kwesi uku gambagula neswe mu nzila no ku tu vwikwila a Mañolo?”
33Kale ba nanuka aobulyo no ku bogola kwa Jelusalema. Kale ba ka gwana a batumigwa be kumi no genke no babo ka ba kele nabo, na ba gwanene antu-onke 34mi kale ba ta nabo, “Mbyaconse! Mfumwetu a la buki ku bafu mi a la li bonaazi kwa Simoni.” 35Cwale babo bo bile kale ba gambagula ibi bi la tendaali mu nzila, no bu ba la zibili Jesu aa la komagula i cinkwa.
Jesu aa li bonaaza ku bazigigwa
(Mat 28:16-20; Male 16:14-18; Joa 20:19-23; Bit 1:6-8)
36Aa ka ba si gambagula byebyo, Jesu kale ga keza ku zimana mukati kabo no ku ta nage, “Mu joje nenja.”
37Kale ba tilumuka no ku joga, na ba gaja nabo ncilumba ba la boni. 38Jesu kale ga ba ta nage, “Ncinzi aa mu zielea, mi ncinzi aa mu mamanya mu myojo jenu? 39Nga mu lole a maganja no matende gangu. Ndime wawa! Mu ndi kwate mi mu bone, i cilumba ta ci kwesi inyama no bifuwa, sinagwe aa mu wene buti ime ndi li bi kwesi.”
40Aa sa la ti bulyao, kale ga ba sunda a maganja gakwe no matende. 41Mi aa ka ba sini uku zumina bulyao kebaka lyo njangalo no ku komokwa, kale ga ba buza nage, “Ta mu kwesi i cintu conse co ku lya mo muno?” 42Kale ba mu wa u lubazu loonswi go ku ika, 43mi kale ga lu tambula no ku lu lya na ba mu lolelele.
44Kale ga ba ta nage, “Bebi mbebyo se ndi mi gambaguza na ndi si kele nenwe buti, i bintu byonse bi li botele uku vumbilizwa ibi na bya ñoligwa byangu mu mulao gwa Mushe, a baboni ba Nyambe no mu Nimbo.”
45Kale ga ba wa i migajalo jo ku shugwilisa a Mañolo. 46Kale ga ba ta nage, “I bintu bi ñoletwe mbi byebi, u Mushaligwa kuti na penge no ku buka ku zwa ku bafu mwijuba lya tatu, 47mi insiguluko jo nkwatilo jo bitendantu i bimangoju kuti na ji tandazigwe mwizina lyakwe ku malonga gonse, ku tatikila mwa Jelusalema. 48Inwe mu li bampaki ba byebi i bintu. 49Kuti na ndi mi tumine ici sa kuluwiza Tata, kono mu kale mwa Jelusalema ku twala aa na mu tambule inguzu ji zwa kwigulu.”
Jesu aa kambamina kwigulu
(Male 16:19-20; Bit 1:9-11)
50Aa sa la ba twali afuwi no munzi gwa Bbetaniya, kale ga nanwina a maganja gakwe mwigulu no ku ba wa imfwijaguzi. 51Aa ka kwesi uku ba wa imfwijaguzi bulyao, kale ga ba leka mi kale ga twaligwa mwigulu. 52Abo kale ba mu shogelela no ku bogola mwa Jelusalema ko njangalo inene. 53Mi kale ba zundamina uku kalanga mu tempele, na ba lumba Nyambe.
2026 The Seed Company