ᐅᐸᓓᑭᔅ ᒫᑎᐤ 20
20
ᐊᓂᑭ ᑳ ᑮ ᐊᐹᑎᓯᒋᒃ ᔓᒥᓈᑎᑯ ᓂᑖᐎᑭᒋᑲᓂᒃ
1ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐗᓚᐙᑦ ᐎᐸᒡ ᐁ ᑭᑭᔐᐹᔮᓕᒃ ᑭᒋ ᐊᑐᑖᑦ ᐅᑕᑑᔅᑫᐗ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮ 2ᐃᔅᐱ ᒫᑲ ᑳ ᐊᔓᑕᒪᐙᑦ ᐅᑕᑑᔅᑫᐗ ᐯᔭᑯ ᑭᔑᑳᐤ ᑭᒋ ᒥᓛᑦ ᐯᐯᔭᒃ ᔔᓕᐊᓈᐱᔅᑯᔕ, ᑮ ᐃᔑᑎᔕᐌᐤ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮ 3ᑮ ᐗᓚᐎᐤ ᒫᑲ ᓈᓐᑕᐤ ᓂᔅᑐ ᑎᐹᔨᑲᓐ ᐱᓯᒧᑳᓂᒃ, ᑮ ᐙᐸᒣᐤ ᒫᑲ ᑯᑕᑭᔭ ᐁ ᑭᑎᒥᑳᐸᐎᓕᒋ ᐃᑕ ᐁ ᐊᑖᒥᑐᓈᓂᐗᒃ, 4ᑮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ, ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑎᓇᐗᐤ᙮ ᐁᑯ ᒫᑲ ᐁᑐᑌᒋᒃ᙮ 5ᒥᓇ ᑮ ᐗᓚᐎᐤ ᓈᓐᑕᐤ ᓂᑯᑣᔅ ᓀᔥᑕ ᔖᑭᑖᑦ ᑎᐹᔨᑲᓇ ᐱᓯᒧᑳᓂᒃ, ᑖᐱᔅᑯᒡ ᒫᑲ ᑮ ᑐᑕᒻ᙮ 6ᓈᓐᑕᐤ ᒫᑲ ᐯᔭᑯᔖᑉ ᑎᐹᔨᑲᓐ ᐱᓯᒧᑳᓂᒃ ᑮ ᐗᓚᐎᐤ, ᑮ ᒥᔅᑲᐌᐤ ᒫᑲ ᑯᑕᑭᔭ ᐁ ᑭᑎᒥᑳᐸᐎᓕᒋ, ᐃᑌᐤ ᒫᑲ, ᑖᓀᑭ ᐌᒋ ᐅᑕ ᐁᔅᑲᓂ ᑭᔑᑳᐤ ᑭᑎᒥᑳᐸᐎᔦᒃ? 7ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮
8ᐃᔅᐱ ᒫᑲ ᐌᑖᑯᔑᓂᓕᒃ, ᑳ ᑎᐯᓕᑕᒃ ᔓᒥᓈᑎᑯ ᓂᑖᐎᑭᒋᑲᓂᓕᐤ ᐃᑌᐤ ᐅ ᑲᓇᐌᓕᑎᓛᑲᓇ, ᓇᑐᒥᒃ ᐅᑕᑑᔅᑫᐗᒃ, ᒥᓕᒃ ᒫᑲ ᐅ ᑎᐸᐊᒫᑯᓯᐎᓂᐗᐤ, ᓃᔥᑕᒻ ᐁ ᑎᐸᐊᒪᐗᒋᒃ ᐊᓂᑯ ᒫᒋᒡ ᑳ ᑕᑯᔑᑭᒃ ᐱᓕᔥ ᐊᓂᑭ ᓃᔥᑕᒻ᙮ 9ᐃᔅᐱ ᒫᑲ ᐊᓂᑭ ᑳ ᑮ ᐊᑐᑖᑲᓂᐎᒋᒃ ᓈᓐᑕᐤ ᐯᔭᑯᔖᑉ ᑎᐹᔨᑲᓐ ᐱᓯᒧᑳᓂᒃ ᑌᑯᔑᑭᒃ, ᑮ ᒥᓛᐗᒃ ᒥᓯᐌ ᐯᐯᔭᒃ ᐃᓕᓕᐤ ᐯᔭᒃ ᔔᓕᐋᓈᐱᔅᑯᔕ᙮ 10ᒫᑲ ᐃᔅᐱ ᐊᓂᑭ ᓃᔥᑕᒻ ᑳ ᐊᑐᑖᑲᓂᐎᒋᒃ ᑌᑯᔑᑭᒃ, ᐊᐙᓯᑌ ᓂ ᑳ ᒥᓕᑲᐎᓈᓐ ᑮ ᐃᑌᓕᑕᒶᒃ; ᐎᓚᐗᐤ ᓀᔥᑕ ᑮ ᒥᓛᐗᐤ ᒥᓯᐌ ᐯᐯᔭᒃ ᐃᓕᓕᐤ ᐯᔭᒃ ᔔᓕᐊᓈᐱᔅᑯᔕ᙮ 11ᐃᔅᐱ ᒫᑲ ᑳ ᑮ ᐅᑎᓈᒋᒃ, ᑮ ᒥᑕᐙᒣᐗᒃ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, 12ᐁ ᐃᑗᒋᒃ, ᐅᑯ ᒫᒋᒡ ᑳ ᑕᑯᔑᑭᒃ ᐯᔭᒃ ᑎᐹᔨᑲᓐ ᐱᓯᒧᑳᓂᒃ ᐱᑯ ᑮ ᐊᑑᔅᑫᐗᒃ, ᑖᐱᔅᑯᒡ ᓂᓚᓈᓐ ᒫᑲ ᑭ ᑮ ᑐᑕᐙᐗᒃ, ᑳ ᑮ ᐊᓕᒥᐃᑯᔮᒃ ᐋᐸᑎᓯᐎᓐ ᓀᔥᑕ ᐁ ᑭᔖᔥᑌᒃ ᐁᔅᑲᓂ ᑭᔑᑳᐤ᙮
13ᒫᑲ ᐁ ᓇᔥᑴᐗᔑᐋᑦ ᐯᔭᒃ ᐁ ᐃᑕᓯᓕᒋ, ᑮ ᐃᑌᐤ, ᓂᑐᑌᒻ, ᓇᒪᐎᓚ ᑭ ᐗᓂᑐᑖᑎᓐ: ᓇᒪ ᓈ ᑭ ᑮ ᓇᔅᑯᒥᓐ ᐯᔭᒃ ᔔᓕᐊᓈᐱᔅᑯᔑᔥ ᑭᒋ ᐅᑎᓇᑦ? 14ᐅᑎᓐ ᐊᓇ ᑭᑦ ᐋᔮᓐ, ᑭᑐᑌ ᒫᑲ: ᓂ ᑳ ᒥᓚᐤ ᐊᐗ ᒫᒋᒡ, ᑖᐱᔅᑯᒡ ᐃᔥᐱᔥ ᑭᓚ᙮ 15ᓇᒪ ᓈ ᐅᓚᓕᑖᑾᓐ ᑭᒋ ᑐᑕᒫᓐ ᓂᑦ ᐋᔮᓇ ᐁ ᐃᑌᓕᑕᒫᓐ? ᓈᔦᑕᐗᓐ ᓈ ᑮᔅᑭᔑᒃ, ᐁ ᒥᓗᑣᔮᓐ?
16ᐁᑯᔑ ᒫᑲ ᐊᓂᑭ ᒫᒋᒡ ᐁᐗᒀᓂᑭ ᓃᔥᑕᒻ ᑫ ᐃᑌᓕᑖᑯᓯᒋᒃ, ᐊᓂᑭ ᒫᑲ ᓃᔥᑕᒻ ᐁᐗᒀᓂᑭ ᒫᒋᒡ ᑫ ᐃᑌᓕᑖᑯᓯᒋᒃ: ᐌᓴ ᒥᒉᑦ ᓇᑐᒫᐗᒃ, ᒫᑲ ᒐᑲᐙᔑᔥ ᐙᐌᓛᐸᒫᐗᒃ᙮
ᓂᔅᑣᐤ ᒋᓴᔅ ᐋᓕᒧᑕᒻ ᐅᓂᐱᐎᓐ
(ᒫᕐᒃ 10:32–34; ᓘᒃ 18:31–34)
17ᐁ ᐊᑎ ᐃᑐᑌᑦ ᒫᑲ ᒋᕉᓴᓚᒥᒃ, ᒋᓴᔅ ᐅᐱᒣ ᑮ ᐃᑐᑕᐁᐤ ᐊᓂᐃ ᓂᔓᔖᑉ ᑭᔅᑭᓄᐊᒫᐙᑲᓇ, ᓀᔥᑕ ᑮ ᐃᑌᐤ, 18ᒫᑎᑲ, ᑭᑦ ᐃᑐᑖᓈᓇᐤ ᒋᕉᓴᓚᒥᒃ: ᐃᓕᓕᐎᑯᓯᓵᓐ ᒫᑲ ᑲᑕ ᐙᔦᔑᐸᑭᑎᓇᐤ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ ᐅᒋᒌᓕᒃ, ᐁᑯ ᒫᑲ ᑫ ᓂᔑᐗᓈᒋᒥᑯᑦ ᑭᒋ ᓂᐸᐋᑲᓂᐎᑦ, 19ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮
ᐅᑳᐎᒪᐤ ᑳ ᑮ ᐃᔑ ᑲᑴᒋᒫᑦ ᒋᓴᓴ
(ᒫᕐᒃ 10:35–45)
20ᐁᑯ ᐱᐁᒋ ᓈᑎᑯᑦ ᐅᑳᐎᓕᐗ ᓭᐱᑎ ᐅᑦ ᐊᐙᔑᒥᔕ ᐅᑯᓯᓴ ᐊᓯᒋ, ᐁ ᓇᐗᑮᔅᑖᑯᑦ, ᓀᔥᑕ ᐁ ᓇᑕᐌᓕᑕᒫᑯᑦ ᑫᒀᓕᐤ᙮
21ᑮ ᐃᑌᐤ ᒫᑲ, ᑫᒀᓐ ᓀᑕᐌᓕᑕᒪᓐ?
ᐃᑎᑯ, ᒥᓕᒃ ᐅᑯ ᓂᑯᓯᓴᒃ ᑳ ᓂᔑᒋᒃ ᑭᒋ ᐊᐱᒋᒃ, ᐯᔭᒃ ᑭ ᑭᒋᓂᔅᑮᒃ, ᑯᑕᒃ ᒫᑲ ᑭ ᓇᒪᑎᓂᔅᑭᒃ, ᑭᑦ ᐅᑭᒫᐎᐎᓂᒃ᙮
22ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᑭ ᑭᔅᑫᓕᑌᓈᐗᐤ ᑳ ᓇᑐᑕᒫᔦᒃ᙮ ᑭ ᑲᔥᑭᑖᓇᐗᐤ ᓈ ᑭᒋᐅᒋ ᒥᓂᑴᔦᒃ ᐊᓂᒪ ᒥᓂᒀᑲᓐ ᑫ ᐅᒋ ᒥᓂᑴᔮᓐ, ᓀᔥᑕ ᑭᒋ ᐅᒋ ᓯᑲᐋᑖᑲᐎᔦᒃ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑳᐎᔮᓐ?
ᐃᑌᐗᒃ, ᓂ ᑲᔥᑭᑖᓈᓐ᙮
23ᐃᑌᐤ ᒫᑲ, ᑖᐺ ᑭ ᑳ ᐅᒋ ᒥᓂᒀᓇᐗᐤ ᓂ ᒥᓂᒀᑲᓂᒃ, ᓀᔥᑕ ᑭ ᑳ ᐅᒋ ᓯᑲᐋᑖᑲᐎᓈᐗᐤ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ: ᒫᑲ ᑭᒋ ᐊᐱᓈᓂᐗᒃ ᓂ ᑭᒋᓂᔅᑮᒃ ᓀᔥᑕ ᓂ ᓇᒪᑎᓂᔅᑭᒃ ᓇᒪᐎᓚ ᓂᓚ ᓂᑦ ᐋᔮᓐ ᑭᒋ ᒥᓕᐌᔮᓐ, ᒫᑲ ᑲᑕ ᒥᓛᐗᒃ ᐊᓂᑭ ᑳ ᐋᔦᔅᑲᐎᑕᒫᑯᒋᒃ ᓄᑖᐎᔭ᙮
24ᐃᔅᐱ ᒫᑲ ᐊᓂᑭ ᒥᑖᑦ ᐱᐁᑕᑭᒃ, ᑮ ᑭᔑᐌᓕᒣᐗᒃ ᐊᓂᐃ ᓂᔓ ᑳ ᐎᒋᔖᓂᑐᓕᒋ᙮ 25ᒫᑲ ᒋᓴᔅ ᑮ ᓇᑐᒣᐤ, ᑮ ᐃᑗᐤ ᒫᑲ, ᑭ ᑭᔅᑫᓕᑌᓇᐗᐤ ᐁ ᐃᔑ ᑎᐯᓕᒥᑯᒋᒃ ᒉᓐᑖᐃᓚᒃ ᐅ ᑭᒋᐅᑭᒫᒥᐙᐗ, ᐊᓂᐃ ᓀᔥᑕ ᑳ ᑭᒋᐃᑌᓕᑖᑯᓯᓕᒋ ᐁ ᐃᔑ ᑭᒋ ᑎᐯᓕᒥᑯᒋᒃ᙮ 26ᒫᑲ ᓇᒪᐎᓚ ᐅᒪ ᑭ ᑳ ᐃᔑ ᐋᔮᓇᐗᐤ ᑭᓚᐗᐤ: ᒫᑲ ᐊᐌᓇ ᐁ ᐃᑕᔑᔦᒃ ᐗ ᑭᒋᐃᑌᓕᑖᑯᓯᑴ, ᐁᑯᔑ ᐁᐗᑯ ᑫ ᐱᒥᐃᑖᒃ; 27ᐊᐌᓇ ᐁ ᐃᑕᔑᔦᒃ ᒫᑲ ᐙ ᐅᑭᒪᐎᑴ, ᐁᐗᑯ ᑫ ᐅᑦ ᐊᑑᔅᑫᓛᑲᓂᒥᔦᒃ: 28ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮
ᒋᓴᔅ ᒥᓇᐙᒋᐁᐤ ᓂᔓ ᐁᑳ ᑳ ᐙᐱᒋᒃ
(ᒫᕐᒃ 10:46–52; ᓘᒃ 18:35–43)
29ᐁ ᐊᑎ ᑭᑐᑌᒋᒃ ᒫᑲ ᒉᕆᑯᐃᒃ ᐅᒋ, ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ ᑮ ᓄᔅᐱᓈᑎᑯ᙮ 30ᒫᑎᑲ, ᒫᑲ, ᓂᔓ ᐁᑳ ᐁ ᐙᐱᒋᒃ ᐃᓕᓕᐗᒃ ᐅᐱᒣᔅᑲᓈᒃ ᐁ ᐊᐱᒋᒃ, ᐃᔅᐱ ᐱᐁᑕᑭᒃ ᒋᓴᓴ ᐊᓐᑕ ᐁ ᐱᒧᑌᓕᒋ, ᑮ ᑌᐺᐗᒃ, ᐁ ᐃᑗᒋᒃ, ᔕᐌᓕᒥᓈᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ!
31ᒥᔮᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᑭᑕᐊᒪᐌᐗᒃ ᑭᒋ ᑭᐱᑐᐌᓕᒋ: ᒫᑲ ᐊᐙᓯᑌ ᑮ ᑌᐺᐗᒃ, ᐁ ᐃᑗᒋᒃ, ᔕᐌᓕᒥᓈᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ᙮
32ᒋᓴᔅ ᒫᑲ ᑮ ᑭᐱᒋᑳᐸᐎᐤ, ᓀᔥᑕ ᐁ ᓇᑐᒫᑦ, ᑮ ᐃᑗᐤ, ᑫᒀᓐ ᓀᑕᐌᓕᒥᔦᒃ ᑭᒋ ᑐᑕᑖᑾᒃ?
33ᐃᑌᐗᒃ, ᑌᐯᓕᒋᑫᔭᓐ, ᓂᔅᑭᔑᑯᓈᓇ ᑭᒋ ᐸᔅᑭᑌᓇᒪᓐ᙮
34ᐁᑯᔑ ᒫᑲ ᒋᓴᔅ ᑮ ᑭᑎᒫᑫᓕᒣᐤ, ᑮ ᓵᒥᓇᒬᐤ ᒫᑲ ᐅᔅᑭᔑᑯᓕᐗ: ᑣᔦᒃ ᒫᑲ ᑮ ᐙᐱᐋᐗᒃ, ᑮ ᓄᔅᐱᓇᑌᐗᒃ ᒫᑲ᙮
Currently Selected:
ᐅᐸᓓᑭᔅ ᒫᑎᐤ 20: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᐅᐸᓓᑭᔅ ᒫᑎᐤ 20
20
ᐊᓂᑭ ᑳ ᑮ ᐊᐹᑎᓯᒋᒃ ᔓᒥᓈᑎᑯ ᓂᑖᐎᑭᒋᑲᓂᒃ
1ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐗᓚᐙᑦ ᐎᐸᒡ ᐁ ᑭᑭᔐᐹᔮᓕᒃ ᑭᒋ ᐊᑐᑖᑦ ᐅᑕᑑᔅᑫᐗ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮ 2ᐃᔅᐱ ᒫᑲ ᑳ ᐊᔓᑕᒪᐙᑦ ᐅᑕᑑᔅᑫᐗ ᐯᔭᑯ ᑭᔑᑳᐤ ᑭᒋ ᒥᓛᑦ ᐯᐯᔭᒃ ᔔᓕᐊᓈᐱᔅᑯᔕ, ᑮ ᐃᔑᑎᔕᐌᐤ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮ 3ᑮ ᐗᓚᐎᐤ ᒫᑲ ᓈᓐᑕᐤ ᓂᔅᑐ ᑎᐹᔨᑲᓐ ᐱᓯᒧᑳᓂᒃ, ᑮ ᐙᐸᒣᐤ ᒫᑲ ᑯᑕᑭᔭ ᐁ ᑭᑎᒥᑳᐸᐎᓕᒋ ᐃᑕ ᐁ ᐊᑖᒥᑐᓈᓂᐗᒃ, 4ᑮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ, ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑎᓇᐗᐤ᙮ ᐁᑯ ᒫᑲ ᐁᑐᑌᒋᒃ᙮ 5ᒥᓇ ᑮ ᐗᓚᐎᐤ ᓈᓐᑕᐤ ᓂᑯᑣᔅ ᓀᔥᑕ ᔖᑭᑖᑦ ᑎᐹᔨᑲᓇ ᐱᓯᒧᑳᓂᒃ, ᑖᐱᔅᑯᒡ ᒫᑲ ᑮ ᑐᑕᒻ᙮ 6ᓈᓐᑕᐤ ᒫᑲ ᐯᔭᑯᔖᑉ ᑎᐹᔨᑲᓐ ᐱᓯᒧᑳᓂᒃ ᑮ ᐗᓚᐎᐤ, ᑮ ᒥᔅᑲᐌᐤ ᒫᑲ ᑯᑕᑭᔭ ᐁ ᑭᑎᒥᑳᐸᐎᓕᒋ, ᐃᑌᐤ ᒫᑲ, ᑖᓀᑭ ᐌᒋ ᐅᑕ ᐁᔅᑲᓂ ᑭᔑᑳᐤ ᑭᑎᒥᑳᐸᐎᔦᒃ? 7ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮
8ᐃᔅᐱ ᒫᑲ ᐌᑖᑯᔑᓂᓕᒃ, ᑳ ᑎᐯᓕᑕᒃ ᔓᒥᓈᑎᑯ ᓂᑖᐎᑭᒋᑲᓂᓕᐤ ᐃᑌᐤ ᐅ ᑲᓇᐌᓕᑎᓛᑲᓇ, ᓇᑐᒥᒃ ᐅᑕᑑᔅᑫᐗᒃ, ᒥᓕᒃ ᒫᑲ ᐅ ᑎᐸᐊᒫᑯᓯᐎᓂᐗᐤ, ᓃᔥᑕᒻ ᐁ ᑎᐸᐊᒪᐗᒋᒃ ᐊᓂᑯ ᒫᒋᒡ ᑳ ᑕᑯᔑᑭᒃ ᐱᓕᔥ ᐊᓂᑭ ᓃᔥᑕᒻ᙮ 9ᐃᔅᐱ ᒫᑲ ᐊᓂᑭ ᑳ ᑮ ᐊᑐᑖᑲᓂᐎᒋᒃ ᓈᓐᑕᐤ ᐯᔭᑯᔖᑉ ᑎᐹᔨᑲᓐ ᐱᓯᒧᑳᓂᒃ ᑌᑯᔑᑭᒃ, ᑮ ᒥᓛᐗᒃ ᒥᓯᐌ ᐯᐯᔭᒃ ᐃᓕᓕᐤ ᐯᔭᒃ ᔔᓕᐋᓈᐱᔅᑯᔕ᙮ 10ᒫᑲ ᐃᔅᐱ ᐊᓂᑭ ᓃᔥᑕᒻ ᑳ ᐊᑐᑖᑲᓂᐎᒋᒃ ᑌᑯᔑᑭᒃ, ᐊᐙᓯᑌ ᓂ ᑳ ᒥᓕᑲᐎᓈᓐ ᑮ ᐃᑌᓕᑕᒶᒃ; ᐎᓚᐗᐤ ᓀᔥᑕ ᑮ ᒥᓛᐗᐤ ᒥᓯᐌ ᐯᐯᔭᒃ ᐃᓕᓕᐤ ᐯᔭᒃ ᔔᓕᐊᓈᐱᔅᑯᔕ᙮ 11ᐃᔅᐱ ᒫᑲ ᑳ ᑮ ᐅᑎᓈᒋᒃ, ᑮ ᒥᑕᐙᒣᐗᒃ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, 12ᐁ ᐃᑗᒋᒃ, ᐅᑯ ᒫᒋᒡ ᑳ ᑕᑯᔑᑭᒃ ᐯᔭᒃ ᑎᐹᔨᑲᓐ ᐱᓯᒧᑳᓂᒃ ᐱᑯ ᑮ ᐊᑑᔅᑫᐗᒃ, ᑖᐱᔅᑯᒡ ᓂᓚᓈᓐ ᒫᑲ ᑭ ᑮ ᑐᑕᐙᐗᒃ, ᑳ ᑮ ᐊᓕᒥᐃᑯᔮᒃ ᐋᐸᑎᓯᐎᓐ ᓀᔥᑕ ᐁ ᑭᔖᔥᑌᒃ ᐁᔅᑲᓂ ᑭᔑᑳᐤ᙮
13ᒫᑲ ᐁ ᓇᔥᑴᐗᔑᐋᑦ ᐯᔭᒃ ᐁ ᐃᑕᓯᓕᒋ, ᑮ ᐃᑌᐤ, ᓂᑐᑌᒻ, ᓇᒪᐎᓚ ᑭ ᐗᓂᑐᑖᑎᓐ: ᓇᒪ ᓈ ᑭ ᑮ ᓇᔅᑯᒥᓐ ᐯᔭᒃ ᔔᓕᐊᓈᐱᔅᑯᔑᔥ ᑭᒋ ᐅᑎᓇᑦ? 14ᐅᑎᓐ ᐊᓇ ᑭᑦ ᐋᔮᓐ, ᑭᑐᑌ ᒫᑲ: ᓂ ᑳ ᒥᓚᐤ ᐊᐗ ᒫᒋᒡ, ᑖᐱᔅᑯᒡ ᐃᔥᐱᔥ ᑭᓚ᙮ 15ᓇᒪ ᓈ ᐅᓚᓕᑖᑾᓐ ᑭᒋ ᑐᑕᒫᓐ ᓂᑦ ᐋᔮᓇ ᐁ ᐃᑌᓕᑕᒫᓐ? ᓈᔦᑕᐗᓐ ᓈ ᑮᔅᑭᔑᒃ, ᐁ ᒥᓗᑣᔮᓐ?
16ᐁᑯᔑ ᒫᑲ ᐊᓂᑭ ᒫᒋᒡ ᐁᐗᒀᓂᑭ ᓃᔥᑕᒻ ᑫ ᐃᑌᓕᑖᑯᓯᒋᒃ, ᐊᓂᑭ ᒫᑲ ᓃᔥᑕᒻ ᐁᐗᒀᓂᑭ ᒫᒋᒡ ᑫ ᐃᑌᓕᑖᑯᓯᒋᒃ: ᐌᓴ ᒥᒉᑦ ᓇᑐᒫᐗᒃ, ᒫᑲ ᒐᑲᐙᔑᔥ ᐙᐌᓛᐸᒫᐗᒃ᙮
ᓂᔅᑣᐤ ᒋᓴᔅ ᐋᓕᒧᑕᒻ ᐅᓂᐱᐎᓐ
(ᒫᕐᒃ 10:32–34; ᓘᒃ 18:31–34)
17ᐁ ᐊᑎ ᐃᑐᑌᑦ ᒫᑲ ᒋᕉᓴᓚᒥᒃ, ᒋᓴᔅ ᐅᐱᒣ ᑮ ᐃᑐᑕᐁᐤ ᐊᓂᐃ ᓂᔓᔖᑉ ᑭᔅᑭᓄᐊᒫᐙᑲᓇ, ᓀᔥᑕ ᑮ ᐃᑌᐤ, 18ᒫᑎᑲ, ᑭᑦ ᐃᑐᑖᓈᓇᐤ ᒋᕉᓴᓚᒥᒃ: ᐃᓕᓕᐎᑯᓯᓵᓐ ᒫᑲ ᑲᑕ ᐙᔦᔑᐸᑭᑎᓇᐤ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ ᐅᒋᒌᓕᒃ, ᐁᑯ ᒫᑲ ᑫ ᓂᔑᐗᓈᒋᒥᑯᑦ ᑭᒋ ᓂᐸᐋᑲᓂᐎᑦ, 19ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮
ᐅᑳᐎᒪᐤ ᑳ ᑮ ᐃᔑ ᑲᑴᒋᒫᑦ ᒋᓴᓴ
(ᒫᕐᒃ 10:35–45)
20ᐁᑯ ᐱᐁᒋ ᓈᑎᑯᑦ ᐅᑳᐎᓕᐗ ᓭᐱᑎ ᐅᑦ ᐊᐙᔑᒥᔕ ᐅᑯᓯᓴ ᐊᓯᒋ, ᐁ ᓇᐗᑮᔅᑖᑯᑦ, ᓀᔥᑕ ᐁ ᓇᑕᐌᓕᑕᒫᑯᑦ ᑫᒀᓕᐤ᙮
21ᑮ ᐃᑌᐤ ᒫᑲ, ᑫᒀᓐ ᓀᑕᐌᓕᑕᒪᓐ?
ᐃᑎᑯ, ᒥᓕᒃ ᐅᑯ ᓂᑯᓯᓴᒃ ᑳ ᓂᔑᒋᒃ ᑭᒋ ᐊᐱᒋᒃ, ᐯᔭᒃ ᑭ ᑭᒋᓂᔅᑮᒃ, ᑯᑕᒃ ᒫᑲ ᑭ ᓇᒪᑎᓂᔅᑭᒃ, ᑭᑦ ᐅᑭᒫᐎᐎᓂᒃ᙮
22ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᑭ ᑭᔅᑫᓕᑌᓈᐗᐤ ᑳ ᓇᑐᑕᒫᔦᒃ᙮ ᑭ ᑲᔥᑭᑖᓇᐗᐤ ᓈ ᑭᒋᐅᒋ ᒥᓂᑴᔦᒃ ᐊᓂᒪ ᒥᓂᒀᑲᓐ ᑫ ᐅᒋ ᒥᓂᑴᔮᓐ, ᓀᔥᑕ ᑭᒋ ᐅᒋ ᓯᑲᐋᑖᑲᐎᔦᒃ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑳᐎᔮᓐ?
ᐃᑌᐗᒃ, ᓂ ᑲᔥᑭᑖᓈᓐ᙮
23ᐃᑌᐤ ᒫᑲ, ᑖᐺ ᑭ ᑳ ᐅᒋ ᒥᓂᒀᓇᐗᐤ ᓂ ᒥᓂᒀᑲᓂᒃ, ᓀᔥᑕ ᑭ ᑳ ᐅᒋ ᓯᑲᐋᑖᑲᐎᓈᐗᐤ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ: ᒫᑲ ᑭᒋ ᐊᐱᓈᓂᐗᒃ ᓂ ᑭᒋᓂᔅᑮᒃ ᓀᔥᑕ ᓂ ᓇᒪᑎᓂᔅᑭᒃ ᓇᒪᐎᓚ ᓂᓚ ᓂᑦ ᐋᔮᓐ ᑭᒋ ᒥᓕᐌᔮᓐ, ᒫᑲ ᑲᑕ ᒥᓛᐗᒃ ᐊᓂᑭ ᑳ ᐋᔦᔅᑲᐎᑕᒫᑯᒋᒃ ᓄᑖᐎᔭ᙮
24ᐃᔅᐱ ᒫᑲ ᐊᓂᑭ ᒥᑖᑦ ᐱᐁᑕᑭᒃ, ᑮ ᑭᔑᐌᓕᒣᐗᒃ ᐊᓂᐃ ᓂᔓ ᑳ ᐎᒋᔖᓂᑐᓕᒋ᙮ 25ᒫᑲ ᒋᓴᔅ ᑮ ᓇᑐᒣᐤ, ᑮ ᐃᑗᐤ ᒫᑲ, ᑭ ᑭᔅᑫᓕᑌᓇᐗᐤ ᐁ ᐃᔑ ᑎᐯᓕᒥᑯᒋᒃ ᒉᓐᑖᐃᓚᒃ ᐅ ᑭᒋᐅᑭᒫᒥᐙᐗ, ᐊᓂᐃ ᓀᔥᑕ ᑳ ᑭᒋᐃᑌᓕᑖᑯᓯᓕᒋ ᐁ ᐃᔑ ᑭᒋ ᑎᐯᓕᒥᑯᒋᒃ᙮ 26ᒫᑲ ᓇᒪᐎᓚ ᐅᒪ ᑭ ᑳ ᐃᔑ ᐋᔮᓇᐗᐤ ᑭᓚᐗᐤ: ᒫᑲ ᐊᐌᓇ ᐁ ᐃᑕᔑᔦᒃ ᐗ ᑭᒋᐃᑌᓕᑖᑯᓯᑴ, ᐁᑯᔑ ᐁᐗᑯ ᑫ ᐱᒥᐃᑖᒃ; 27ᐊᐌᓇ ᐁ ᐃᑕᔑᔦᒃ ᒫᑲ ᐙ ᐅᑭᒪᐎᑴ, ᐁᐗᑯ ᑫ ᐅᑦ ᐊᑑᔅᑫᓛᑲᓂᒥᔦᒃ: 28ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮
ᒋᓴᔅ ᒥᓇᐙᒋᐁᐤ ᓂᔓ ᐁᑳ ᑳ ᐙᐱᒋᒃ
(ᒫᕐᒃ 10:46–52; ᓘᒃ 18:35–43)
29ᐁ ᐊᑎ ᑭᑐᑌᒋᒃ ᒫᑲ ᒉᕆᑯᐃᒃ ᐅᒋ, ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ ᑮ ᓄᔅᐱᓈᑎᑯ᙮ 30ᒫᑎᑲ, ᒫᑲ, ᓂᔓ ᐁᑳ ᐁ ᐙᐱᒋᒃ ᐃᓕᓕᐗᒃ ᐅᐱᒣᔅᑲᓈᒃ ᐁ ᐊᐱᒋᒃ, ᐃᔅᐱ ᐱᐁᑕᑭᒃ ᒋᓴᓴ ᐊᓐᑕ ᐁ ᐱᒧᑌᓕᒋ, ᑮ ᑌᐺᐗᒃ, ᐁ ᐃᑗᒋᒃ, ᔕᐌᓕᒥᓈᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ!
31ᒥᔮᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᑭᑕᐊᒪᐌᐗᒃ ᑭᒋ ᑭᐱᑐᐌᓕᒋ: ᒫᑲ ᐊᐙᓯᑌ ᑮ ᑌᐺᐗᒃ, ᐁ ᐃᑗᒋᒃ, ᔕᐌᓕᒥᓈᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ᙮
32ᒋᓴᔅ ᒫᑲ ᑮ ᑭᐱᒋᑳᐸᐎᐤ, ᓀᔥᑕ ᐁ ᓇᑐᒫᑦ, ᑮ ᐃᑗᐤ, ᑫᒀᓐ ᓀᑕᐌᓕᒥᔦᒃ ᑭᒋ ᑐᑕᑖᑾᒃ?
33ᐃᑌᐗᒃ, ᑌᐯᓕᒋᑫᔭᓐ, ᓂᔅᑭᔑᑯᓈᓇ ᑭᒋ ᐸᔅᑭᑌᓇᒪᓐ᙮
34ᐁᑯᔑ ᒫᑲ ᒋᓴᔅ ᑮ ᑭᑎᒫᑫᓕᒣᐤ, ᑮ ᓵᒥᓇᒬᐤ ᒫᑲ ᐅᔅᑭᔑᑯᓕᐗ: ᑣᔦᒃ ᒫᑲ ᑮ ᐙᐱᐋᐗᒃ, ᑮ ᓄᔅᐱᓇᑌᐗᒃ ᒫᑲ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.