Gn 22
22
Is porobalil cham Abraham yuj Jehová
1Yet max ec' janic'ok tiempoal, max ak'lay porobal cham Abraham yuj Dios, max awtelay cham yuj, axa tak'wi tu':
—Tix in ti', ẍi cham:
2Max yalon Dios bay:
—Itok nak Isaac, jun c'otan a c'ajol tol xiwil cha camc'ulnej, cax chach toj bay tx'otx' Moriah, axa yet chach apni bay chon tzalan tu', cax chak'on nak yin xajanbalil ayin bay jun lugar ok in tx'ox ayach tu', ẍi Dios bay.
3Yet wal puch k'inibalil max aj wan cham Abraham, cax max yaon oc cham is tz'um jun no' is burro, max tzoc'on cham te si' yet chi tz'a te' yetok xajanbal tu'. Max toj bay jun lugar max yal Dios bay, cax max yiontok Isaac is c'ajol yetok, yetok c'apax cawan is chekbej. 4Axa yet cabjial tu' max yilontok cham Abraham tx'otx' witz najat. 5Lajwi tu' max yalon cham bay eb nak is chekbej tu':
—Cananek cayti' yetok no burro ti', axa ayin yetok nak in c'ajol ti', ok on tokc'al janic'okxa, yet chi toj jiay co ba on bay co Mam Dios. Chi lajwi tu', cax chon jay pax ayex ti', ẍi cham Abraham tu' bay eb nak.
6Lajwi tu' max yaon ajtok cham te si' yiban jolom is xic' nak Isaac tu', cax max yiontok is cuchillo yetok is k'ak', cax max toj eb cawanil. 7Janic' ixto wal chi toj eb, max yalon nak Isaac tu' bay is mam tu':
—Mam, ẍi nak.
—¿Tzet ẍi c'ajol? ẍi cham.
—Ilabi, ibil oc co si', c'al co k'ak', ¿baytal ay pax no calnel yet chi oc yin xajanbalil? ẍi nak.
8Max yalon cham:
—A Dios ok ak'on no calnel ok oc xajanbalil tu', c'ajol, ẍi cham bay nak.
Cax max beyc'altoj eb. 9Axa yet max apni oc eb bay max yal Dios tu xin, max watx'nen aj cham Abraham jun altar, cax max watx'nen ajtok te si' tu' yiban. Axa c'alon ay cham is c'ajol tu', cax max yaon ajtok yiban te si' ayajtok yiban altar tu'. 10Axa wal yet jun bek tu' yet wal max yion aj cham ch'en cuchillo yet chi yak'on cam is c'ajol tu' yin xajanbalil, 11axa Cham yángel Jehová max awji aytek bay satcan:
—Abraham, Abraham, ẍi bay.
—¿Tzet ẍi, Mamin? ẍi cham bay.
12Max yalon Cham ángel tu':
—Manchak a mak'cam a c'ajol. A tinani' wojtakxa tol ay welapnok yul a sat, ilab tol bekan a c'ul ak'on nak jun c'otan a c'ajol tu' ayin, ẍi Cham ángel tu'.
13Axa toj t'anan cham Abraham tu' yintak, max yiloni tol a tu' ayic' jun no icham calnel, bac'antok yuc'a' xol te q'uix, cax max toj lemnajok, max bet yiontek no' cax max yak'on tz'a yin xajanbalil q'uexelok is c'ajol tu'. 14Lajwi tu', max yaoncan oc is bi jun lugar tu' axca ti': A Jehová chi ak'on tzet yowalil chi oqui, ẍi is bi tu', xan chitoc'al yal eb anima tinani': A bay tx'otx' witz yet Jehová chi yak' tzet yowalil chi oqui, ẍi eb.
15Max k'anjab pax aytek Cham yángel Jehová bay satcan bay Abraham yet is cayelal:
16—Ayin caw Jehová in chi wala': Yujtol max ekej onen jun ti', cax maj a ten ak'on nak jun c'otan a c'ajol ayin, xan ayin caw chi wak' in ti', 17tol wal yel ok wak' in watx'c'ulal eban, tol ok wi wal aj can bisil enatil axca wal waycan bay satcan, c'al axca yarenail ti a' mar, caytu' ok yunej; yetok c'apaxok, ok yak' c'al ayc'ay eb enatil tu' eb ajc'ul yin. 18Yujtol max ekejc'al tzet max wala', xan masanil nacionlak yulyibank'inal ok cha' eb in watx'c'ulal yuj enatil, ẍi Cham bay Abraham.
19Max lajwi tu xin, max meltzoj cham Abraham yetok nak is c'ajol bay aycan eb nak cawan is chekbej, junejxac'al max yun meltzojtek eb. Max apni oc eb bay Beerseba. A bay tu' maxtoc'al cajay ec' eb.
Is C'ajol Nacor
20Axa yet max ec'c'al tiempo xin, cax max yaben cham Abraham is k'umal, tolab ayxa yuninal Nacor is yuẍtak yetok xal Milca. 21Nak babel unin, Uz max yika', axa nak yet is cab unin, Buz max yika', axa nak yet is yox unin xin, Kemuel max yika', a ton is mam nak Aram. 22Cax max alji c'apax Quesed, Hazo, Pildas, Jidlaf c'al Betuel. 23A ton waxakwan ti' is yune' Milca yetok Nacor. A Betuel tu', a ton is mam Rebeca.
24Ayto is c'ajol Nacor tu' yetok junxa ix, a ton ix Reuma, a ton eb chi yik Teva, Gaham, Tahas c'al Maaca.
Currently Selected:
Gn 22: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Gn 22
22
Is porobalil cham Abraham yuj Jehová
1Yet max ec' janic'ok tiempoal, max ak'lay porobal cham Abraham yuj Dios, max awtelay cham yuj, axa tak'wi tu':
—Tix in ti', ẍi cham:
2Max yalon Dios bay:
—Itok nak Isaac, jun c'otan a c'ajol tol xiwil cha camc'ulnej, cax chach toj bay tx'otx' Moriah, axa yet chach apni bay chon tzalan tu', cax chak'on nak yin xajanbalil ayin bay jun lugar ok in tx'ox ayach tu', ẍi Dios bay.
3Yet wal puch k'inibalil max aj wan cham Abraham, cax max yaon oc cham is tz'um jun no' is burro, max tzoc'on cham te si' yet chi tz'a te' yetok xajanbal tu'. Max toj bay jun lugar max yal Dios bay, cax max yiontok Isaac is c'ajol yetok, yetok c'apax cawan is chekbej. 4Axa yet cabjial tu' max yilontok cham Abraham tx'otx' witz najat. 5Lajwi tu' max yalon cham bay eb nak is chekbej tu':
—Cananek cayti' yetok no burro ti', axa ayin yetok nak in c'ajol ti', ok on tokc'al janic'okxa, yet chi toj jiay co ba on bay co Mam Dios. Chi lajwi tu', cax chon jay pax ayex ti', ẍi cham Abraham tu' bay eb nak.
6Lajwi tu' max yaon ajtok cham te si' yiban jolom is xic' nak Isaac tu', cax max yiontok is cuchillo yetok is k'ak', cax max toj eb cawanil. 7Janic' ixto wal chi toj eb, max yalon nak Isaac tu' bay is mam tu':
—Mam, ẍi nak.
—¿Tzet ẍi c'ajol? ẍi cham.
—Ilabi, ibil oc co si', c'al co k'ak', ¿baytal ay pax no calnel yet chi oc yin xajanbalil? ẍi nak.
8Max yalon cham:
—A Dios ok ak'on no calnel ok oc xajanbalil tu', c'ajol, ẍi cham bay nak.
Cax max beyc'altoj eb. 9Axa yet max apni oc eb bay max yal Dios tu xin, max watx'nen aj cham Abraham jun altar, cax max watx'nen ajtok te si' tu' yiban. Axa c'alon ay cham is c'ajol tu', cax max yaon ajtok yiban te si' ayajtok yiban altar tu'. 10Axa wal yet jun bek tu' yet wal max yion aj cham ch'en cuchillo yet chi yak'on cam is c'ajol tu' yin xajanbalil, 11axa Cham yángel Jehová max awji aytek bay satcan:
—Abraham, Abraham, ẍi bay.
—¿Tzet ẍi, Mamin? ẍi cham bay.
12Max yalon Cham ángel tu':
—Manchak a mak'cam a c'ajol. A tinani' wojtakxa tol ay welapnok yul a sat, ilab tol bekan a c'ul ak'on nak jun c'otan a c'ajol tu' ayin, ẍi Cham ángel tu'.
13Axa toj t'anan cham Abraham tu' yintak, max yiloni tol a tu' ayic' jun no icham calnel, bac'antok yuc'a' xol te q'uix, cax max toj lemnajok, max bet yiontek no' cax max yak'on tz'a yin xajanbalil q'uexelok is c'ajol tu'. 14Lajwi tu', max yaoncan oc is bi jun lugar tu' axca ti': A Jehová chi ak'on tzet yowalil chi oqui, ẍi is bi tu', xan chitoc'al yal eb anima tinani': A bay tx'otx' witz yet Jehová chi yak' tzet yowalil chi oqui, ẍi eb.
15Max k'anjab pax aytek Cham yángel Jehová bay satcan bay Abraham yet is cayelal:
16—Ayin caw Jehová in chi wala': Yujtol max ekej onen jun ti', cax maj a ten ak'on nak jun c'otan a c'ajol ayin, xan ayin caw chi wak' in ti', 17tol wal yel ok wak' in watx'c'ulal eban, tol ok wi wal aj can bisil enatil axca wal waycan bay satcan, c'al axca yarenail ti a' mar, caytu' ok yunej; yetok c'apaxok, ok yak' c'al ayc'ay eb enatil tu' eb ajc'ul yin. 18Yujtol max ekejc'al tzet max wala', xan masanil nacionlak yulyibank'inal ok cha' eb in watx'c'ulal yuj enatil, ẍi Cham bay Abraham.
19Max lajwi tu xin, max meltzoj cham Abraham yetok nak is c'ajol bay aycan eb nak cawan is chekbej, junejxac'al max yun meltzojtek eb. Max apni oc eb bay Beerseba. A bay tu' maxtoc'al cajay ec' eb.
Is C'ajol Nacor
20Axa yet max ec'c'al tiempo xin, cax max yaben cham Abraham is k'umal, tolab ayxa yuninal Nacor is yuẍtak yetok xal Milca. 21Nak babel unin, Uz max yika', axa nak yet is cab unin, Buz max yika', axa nak yet is yox unin xin, Kemuel max yika', a ton is mam nak Aram. 22Cax max alji c'apax Quesed, Hazo, Pildas, Jidlaf c'al Betuel. 23A ton waxakwan ti' is yune' Milca yetok Nacor. A Betuel tu', a ton is mam Rebeca.
24Ayto is c'ajol Nacor tu' yetok junxa ix, a ton ix Reuma, a ton eb chi yik Teva, Gaham, Tahas c'al Maaca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989