Gn 29
29
Yet max apni oc Jacob bay Harán
1Caytu' max yun tojc'al Jacob, max oc yul is tx'otx'al eb nak cajan bay yetc'ulal bay chi ajol c'u.
2Axa yet max apni oc bay tu' max yilontok jun a' uc'bala'. A bay is cawilal a' tu', ayic' ox bulan no calnel, yujtol a a' chi yuc' no'; ay jun miman ch'en ayoc is makilok ti a'. 3A yet chi wajon ba masanil no calnel bay tu', axa eb nak ilom calnel chi ion el ch'en makil ti a' tu', cax chi yak'on eb nak yuc'a' no', chi lajwi tu' cax chi makchen paxcan eb ti a' tu'. 4Axa Jacob max k'anlen bay eb ilom calnel axca ti':
—¿Mac ex txel ex wamigo? ẍi Jacob.
—Aj Harán on, ẍi eb nak.
5—¿E yojtak mi cham Labán is yitxiquin Nacor? ẍi Jacob.
—Ja', jojtak ton cham on, ẍi eb nak.
6—¿Watx' mi is c'ul cham che yila'? ẍi Jacob tu'.
—Watx' c'ul cham. Ilab ix Raquel is cutz'in cham, lanan jayoc yetok is calnel cayti', ẍi eb nak.
7Max yalon Jacob bay eb axca ti':
—Canto c'u ¿tzet yuj xan man toc'alok che yak'can yuc'a' no' cax che yilon low no' janic'okxa? ẍi bay eb.
8Cax max yalon eb bay axca ti':
—C'am chi je' axca tu', yowalil tol chi jechbanej wajon ba masanil no' calnel, catatu' ok jion el ch'en miman ch'en ayoc is makilok ti a' uc'bala' ti', yet chi je' yak'lay yuc'a' masanil no calnel tu', ẍi eb.
9Lanantoc'al k'anjab Jacob yetok eb nak tu', cax max apni oc Raquel yetok no' is calnel is mam, yujtol a ix chi ilon no'. 10A yet max yilon Jacob yapni oc ix yetok no calnel Labán, a ton is yican Jacob, ayman max toj lemnaj yion el ch'en makil ti a' uc'bala' tu', max yak'on yuc'a' no calnel tu'. 11Cax yin aymanil max yak'on cawil c'ul ix Raquel, max tz'ubon el is ti' ix, cax max ok'ajok. 12Axa c'oli yalon Jacob tu' bay ix tol yune' xal Rebeca, xal yanab Labán. Maxc'al yab Raquel axca tu', max toj lemnaj yalon bay is mam.
13Maxc'al yab Labán binaj Jacob is yune' yanab, xan max toj lemnaj chaoni, max oc lak'an yin, max tz'ubon el is ti', axa yiontok bay yatut tu'. Axa yoc ijan Jacob tu' yalon tzet max yunc'al tita. 14Max yalon Labán bay axca ti': Wal yel caw wal ayontoc'al ocok, ẍi bay.
Max can Jacob yin serbilal yuj Raquel
Max cancan Jacob yetok cham Labán yin jun xajaw; 15axa yet max ec' el jun xajaw tu', axa yalon cham Labán bay axca ti':
—A tinani' caxc'al ayto juj co ba, palta maj je' tol toc'al ok ach mulnaj ayin, tol c'am jabok a tojol ok e'. Al ayin jantak ok ach in tojlanej, ẍi cham.
16A cham Labán tu' ay cawan is cutz'in, a ix babel chi yik Lea, axa junxa ix chi yik Raquel. 17A ix Lea tu' axq'uijantak c'alnaj yili ix, asan is bak' sat caw wal watx' yili, a pax ix Raquel xin, caw wal watx' yili ix. 18Axa Jacob xin max canxac'al is nabal yin ix Raquel, xan max yal axca ti':
—Chin cancan ukebok abil ach wak'on serbil yuj ix Raquel a tzunan cutz'in, ẍi Jacob.
19Max yalon cham Labán:
—Canancan xin, watx' chi wak' ix ayach, yintak tol a bay junokxa tx'ok winakil bay chi watok ix, ẍi cham.
20Axca tu' max yun mulnaj Jacob yin ukeb abil yuj ix Raquel. Caw wal c'am chi yab nak yeq'uel janic' tiempo tu', yujtol caw wal chi camel c'ul yin ix. 21Axa yet max eq'uel ukeb abil tu xin, max yalon Jacob bay cham Labán axca ti':
—A tinani xin, mayal lajwi tiempoal in trato ach wak'on serbil. Ak' ix wetbi ayin yet chin mojay yetok ix, ẍi Jacob.
22Axa cham Labán max yawtej masanil eb cajan bay is cawilal tu', max chaon cham is k'inal nupayil is cutz'in tu'. 23Axa yet maxax aj ak'bal max yiontek cham Labán ix Lea bay Jacob cax max way yetok ix. 24Max yak'on cham Labán jun is chekbej ix Lea, a ix chekbej tu' chi yik ix Zilpa. 25Axa yet max sakbi el xin, cax max yilontek nak Jacob tol a ix Lea max way yetok nak, cax max toj yalon nak bay cham Labán axca ti':
—¿Tzet yuj xan caytu' max in otej? Yuj ix Raquel xan max in mulnaj ayach, ¿tzet yuj xan chin etnej? ẍi Jacob.
26Max yalon cham Labán bay nak axca ti':
—A beybalej cayti', c'am chi je' tol a eb ix tzunan ix chi babji yoc yichamil yintak eb ix babel ix. 27Ikejcan jun semanail yet ix Lea ti', catatu' ok eon pax ix Raquel tu' tatol chak' a ti' a mulnaj ukebokxa abil wetok, ẍi cham Labán.
28Cax max chaon c'ul Jacob tu' jun k'anej tu'. Max yiken jun semana k'inal nupayil yetok ix Lea tu'. Lajwi tu' max yak'on pax cham Labán ix Raquel is yetbiok Jacob. 29Max yak'on c'apax cham Labán jun ix is chekbej ix Raquel tu' a ton ix chi yik Bilha. 30Cax max junanen ba Jacob yetok ix Raquel, yelxac'al chi camc'ulnelay ix yuj, yintak pax ix Lea tu'. A yuj tu' xan maxto mulnaj ukebxa abil bay cham Labán.
Eb yuninal Jacob
31Axa yilon Jehová tol cabc'ulnebil xal Lea, axa yak'on is yaxilal yiban xal tu' tol ok jay yune' xal, axa pax xal Raquel xin, man ok yil unin. 32Max oc xal Lea yobixal, max jay jun yune' xal, max yak'on yik Rubén,*fn* yujtol max yal xal, A Jehová max yila' tol intaknebil in yuj wichamil, axa tinani' ok in camc'ulnelay yuj, ẍi xal.
33Lajwi tu' max jay pax junxa yune' xal Lea, max yak'on yik Simeón,*fn* yujtol max yal xal axca ti': Max yab Jehová tol cabc'ulnebil in elok, xan max yak' junxa wune' ti', ẍi xal.
34Max jay pax junxa yune' Lea tu', max yak'on yik Leví,*fn* max yalon xal: A tinani' ok junanejxac'al ba wichamil ti' wetok, yujtol ayxa oxwan wune' yetok, ẍi xal.
35Max jay pax junxa yune' xal Lea; max yak'on yik Judá,*fn* max yalon pax xal: A tinani' chi wi' can Jehová, ẍi xal. Asanxac'al tu' cax max oc wanaj yilon yin unin.
Currently Selected:
Gn 29: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Gn 29
29
Yet max apni oc Jacob bay Harán
1Caytu' max yun tojc'al Jacob, max oc yul is tx'otx'al eb nak cajan bay yetc'ulal bay chi ajol c'u.
2Axa yet max apni oc bay tu' max yilontok jun a' uc'bala'. A bay is cawilal a' tu', ayic' ox bulan no calnel, yujtol a a' chi yuc' no'; ay jun miman ch'en ayoc is makilok ti a'. 3A yet chi wajon ba masanil no calnel bay tu', axa eb nak ilom calnel chi ion el ch'en makil ti a' tu', cax chi yak'on eb nak yuc'a' no', chi lajwi tu' cax chi makchen paxcan eb ti a' tu'. 4Axa Jacob max k'anlen bay eb ilom calnel axca ti':
—¿Mac ex txel ex wamigo? ẍi Jacob.
—Aj Harán on, ẍi eb nak.
5—¿E yojtak mi cham Labán is yitxiquin Nacor? ẍi Jacob.
—Ja', jojtak ton cham on, ẍi eb nak.
6—¿Watx' mi is c'ul cham che yila'? ẍi Jacob tu'.
—Watx' c'ul cham. Ilab ix Raquel is cutz'in cham, lanan jayoc yetok is calnel cayti', ẍi eb nak.
7Max yalon Jacob bay eb axca ti':
—Canto c'u ¿tzet yuj xan man toc'alok che yak'can yuc'a' no' cax che yilon low no' janic'okxa? ẍi bay eb.
8Cax max yalon eb bay axca ti':
—C'am chi je' axca tu', yowalil tol chi jechbanej wajon ba masanil no' calnel, catatu' ok jion el ch'en miman ch'en ayoc is makilok ti a' uc'bala' ti', yet chi je' yak'lay yuc'a' masanil no calnel tu', ẍi eb.
9Lanantoc'al k'anjab Jacob yetok eb nak tu', cax max apni oc Raquel yetok no' is calnel is mam, yujtol a ix chi ilon no'. 10A yet max yilon Jacob yapni oc ix yetok no calnel Labán, a ton is yican Jacob, ayman max toj lemnaj yion el ch'en makil ti a' uc'bala' tu', max yak'on yuc'a' no calnel tu'. 11Cax yin aymanil max yak'on cawil c'ul ix Raquel, max tz'ubon el is ti' ix, cax max ok'ajok. 12Axa c'oli yalon Jacob tu' bay ix tol yune' xal Rebeca, xal yanab Labán. Maxc'al yab Raquel axca tu', max toj lemnaj yalon bay is mam.
13Maxc'al yab Labán binaj Jacob is yune' yanab, xan max toj lemnaj chaoni, max oc lak'an yin, max tz'ubon el is ti', axa yiontok bay yatut tu'. Axa yoc ijan Jacob tu' yalon tzet max yunc'al tita. 14Max yalon Labán bay axca ti': Wal yel caw wal ayontoc'al ocok, ẍi bay.
Max can Jacob yin serbilal yuj Raquel
Max cancan Jacob yetok cham Labán yin jun xajaw; 15axa yet max ec' el jun xajaw tu', axa yalon cham Labán bay axca ti':
—A tinani' caxc'al ayto juj co ba, palta maj je' tol toc'al ok ach mulnaj ayin, tol c'am jabok a tojol ok e'. Al ayin jantak ok ach in tojlanej, ẍi cham.
16A cham Labán tu' ay cawan is cutz'in, a ix babel chi yik Lea, axa junxa ix chi yik Raquel. 17A ix Lea tu' axq'uijantak c'alnaj yili ix, asan is bak' sat caw wal watx' yili, a pax ix Raquel xin, caw wal watx' yili ix. 18Axa Jacob xin max canxac'al is nabal yin ix Raquel, xan max yal axca ti':
—Chin cancan ukebok abil ach wak'on serbil yuj ix Raquel a tzunan cutz'in, ẍi Jacob.
19Max yalon cham Labán:
—Canancan xin, watx' chi wak' ix ayach, yintak tol a bay junokxa tx'ok winakil bay chi watok ix, ẍi cham.
20Axca tu' max yun mulnaj Jacob yin ukeb abil yuj ix Raquel. Caw wal c'am chi yab nak yeq'uel janic' tiempo tu', yujtol caw wal chi camel c'ul yin ix. 21Axa yet max eq'uel ukeb abil tu xin, max yalon Jacob bay cham Labán axca ti':
—A tinani xin, mayal lajwi tiempoal in trato ach wak'on serbil. Ak' ix wetbi ayin yet chin mojay yetok ix, ẍi Jacob.
22Axa cham Labán max yawtej masanil eb cajan bay is cawilal tu', max chaon cham is k'inal nupayil is cutz'in tu'. 23Axa yet maxax aj ak'bal max yiontek cham Labán ix Lea bay Jacob cax max way yetok ix. 24Max yak'on cham Labán jun is chekbej ix Lea, a ix chekbej tu' chi yik ix Zilpa. 25Axa yet max sakbi el xin, cax max yilontek nak Jacob tol a ix Lea max way yetok nak, cax max toj yalon nak bay cham Labán axca ti':
—¿Tzet yuj xan caytu' max in otej? Yuj ix Raquel xan max in mulnaj ayach, ¿tzet yuj xan chin etnej? ẍi Jacob.
26Max yalon cham Labán bay nak axca ti':
—A beybalej cayti', c'am chi je' tol a eb ix tzunan ix chi babji yoc yichamil yintak eb ix babel ix. 27Ikejcan jun semanail yet ix Lea ti', catatu' ok eon pax ix Raquel tu' tatol chak' a ti' a mulnaj ukebokxa abil wetok, ẍi cham Labán.
28Cax max chaon c'ul Jacob tu' jun k'anej tu'. Max yiken jun semana k'inal nupayil yetok ix Lea tu'. Lajwi tu' max yak'on pax cham Labán ix Raquel is yetbiok Jacob. 29Max yak'on c'apax cham Labán jun ix is chekbej ix Raquel tu' a ton ix chi yik Bilha. 30Cax max junanen ba Jacob yetok ix Raquel, yelxac'al chi camc'ulnelay ix yuj, yintak pax ix Lea tu'. A yuj tu' xan maxto mulnaj ukebxa abil bay cham Labán.
Eb yuninal Jacob
31Axa yilon Jehová tol cabc'ulnebil xal Lea, axa yak'on is yaxilal yiban xal tu' tol ok jay yune' xal, axa pax xal Raquel xin, man ok yil unin. 32Max oc xal Lea yobixal, max jay jun yune' xal, max yak'on yik Rubén,*fn* yujtol max yal xal, A Jehová max yila' tol intaknebil in yuj wichamil, axa tinani' ok in camc'ulnelay yuj, ẍi xal.
33Lajwi tu' max jay pax junxa yune' xal Lea, max yak'on yik Simeón,*fn* yujtol max yal xal axca ti': Max yab Jehová tol cabc'ulnebil in elok, xan max yak' junxa wune' ti', ẍi xal.
34Max jay pax junxa yune' Lea tu', max yak'on yik Leví,*fn* max yalon xal: A tinani' ok junanejxac'al ba wichamil ti' wetok, yujtol ayxa oxwan wune' yetok, ẍi xal.
35Max jay pax junxa yune' xal Lea; max yak'on yik Judá,*fn* max yalon pax xal: A tinani' chi wi' can Jehová, ẍi xal. Asanxac'al tu' cax max oc wanaj yilon yin unin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989