Gn 31
31
Max na' Jacob tzet ok yun yelaj bay cham Labán
1Axa max yaben aj cham Jacob, tol a eb nak is c'ajol cham Labán, lananxa yalon el eb nak axca ti': A yuj masanil tzet max yiec' jun Jacob ti' bay co mam, xan beyomxa, ẍi eb nak. 2Cax max yilon c'apax oc cham Jacob tol a cham Labán yobxac'al chi yut matz'lok ba cham yin, cax man axcaok yet yalantok. 3Axa Jehová max alon bay cham Jacob axca ti': Meltzojan bay is tx'otx'al echmam bay ayic' eb nak ecan, ok in occ'al etok, ẍi Jehová.
4Lajwi tu', cax max yak'on Jacob toj tit eb xal yetbi, a ton xal Raquel yetok xal Lea, yet watx' chi jayoc eb bay chi ilwi calnel cham. 5A yet max apni oc eb xal, max yalon bay eb axca ti':
—Ex wetbi, a tinani' mayal wila' tol a e mam tol yobxa chi yut c'ul win tinani', man axcaok yet yalantok; palta a Dios, Cham max sic'on el wichmam, caw wal ayc'al oc wetok. 6Ayex ti' caw wal e yojtak sic'libil tol max in mulnaj bay e mam yin watx'il axca wal bay max je' wuj. 7Axa e mam axca wal tol chin yetnej, cax lajonelxa max q'uex in tojol. Palta a Dios xin, c'am chin chaon etaxok. 8Akxa a' xin, a yet chi yaloni: Ok ach in tojlanej yetok masanil no calnel tol tz'ibyin, ẍi, axa yet chi jay yune' no', tz'ibyinxac'al yune' no' chi jayi. Cax chi yalon paxok: Ok ach in tojlanej yetok no' tol jasquiltak is tz'ibil, ẍi; axa yet chi jay yune' no', naba jasquiltakxac'al is tz'ibil no' yune' chi jayi. 9Axca tu' max yun yion ec' co Mam Dios masanil is jobbejal no' e mam, cax max yak'on ayin.
10Yet jun el ay jun in wayich; yet wal elnak wal sakchi no', max wiloni tol a no mam chiwo chi ak'on sakchok no txutxej tu' naba tz'ibyinc'al el no', c'al jasquiltak is tz'ibil no'. 11Axa yin jun in wayich tu' max quin yawtej Cham yángel Dios, cax max in tak'wi bay, Tix in ti', quin chi bay. 12Max yalon Cham ayin axca ti': Chi cam eloni tol a no mamej chi ak'on sakchok no' tol tz'ibyin, c'al tol jasquiltakxac'al is tz'ibil, yujtol max wil masanil tzet max yun Labán etok. 13Ayin Dios in, max in tx'ox in ba ayach bay Betel, bay max a seccan ay aceite yiban ch'en ch'en max a wabajcan ajok, a ton bay max ak' a ti' ayin. A tinani xin, bekcan jun lugar ti', cax chach meltzoj bay a tx'otx'al bay max ach alji, ẍi Dios ayin, ẍi Jacob tu' bay eb ix yetbi.
14Max tak'wi Raquel c'al Lea bay axca ti':
—Aon ti', c'amxa jabok co satak on ok ji' bay co mam on ti'. 15A ti' yet cham, tol axcaxac'al comon anima chon yutej. Ilab tol max con is txonilok, max loaytok co tojol max ak'a' yet max on mojay etok. 16Wal yel masanil beyomal max yiec' Dios bay co mam on, jet-xa yetok eb june' on ti'. Yuj tu xin masanil tzet mayal yal Dios ayach, yunokabc'al, ẍi eb xal.
Max el cham Jacob bay Padan-aram
17-18Max watx'nen ba cham Jacob yet chi meltzoj bay Canaán baytac'a cajan cham Isaac is mam, cax max yaon ajtok cham eb is c'ajol c'al eb xal is yetbi yiban no camello. Max yiontok masanil is tzet yetal, max toj yetok masanil no no' max yi' yin is mulnajil bay Padan-aram. 19Yak'ban aytok cham Labán bay junxa lugar tzukoj calnel, max yelk'anentok Raquel diosal is mam tu' ayoctok yul na. 20Ac'al oc yet jun tiempoal tu', max elaj Jacob yin ewantakil, maj yal toj ba bay cham Labán aj Aram. 21Axca tu' max yun yelaj yetok masanil is tzet yetal; yinxac'al aymanil max yun yec'tok bay a' miman aej Éufrates, cax max tojc'al is satak masantac'al bay tzalanlak yul yet Galaad.
Max tzakloj cham Labán yintak Jacob
22Oxebxa c'ual toj cham Jacob, catatu' max yaben aj cham Labán tol mayal elajok. 23Cax max toj eb is yican yetok, max tzakloj eb yintak. Yet-xa is wakjial tu', catatu' max apni eb yintak bay tzalanlak yul yet Galaad. 24A yet jun ak'bal tu', max tx'oxaj ba Dios bay cham Labán arameo tu'. Yin is wayich max yalon Cham bay axca ti': Chi camc'al a naon tzet ok al bay Jacob. Man comonok ok ach k'anjabok, ẍi Cham bay Labán.
25Max apni oc cham Labán bay tzalanlak yul yet Galaad yintak Jacob. A bay tu' ayic' cham Jacob tu'. Yet max apni c'apax cham Labán yetok eb winak ibil oc yuj, max watx'nej c'apax aj is campamento bay tu'. 26Cax max c'oli yalon oc cham Labán tu' yin sat cham Jacob tu' axca ti':
—¿Tzet max onej? ¿Tzet yuj xan max quin etnej? Yinxac'al elilal max yun eontek eb ix in cutz'in; cochxac'al yin ak'oj owal chetok eb ix. 27¿Tzet yuj xan max quin etnej? Toxac'al max ach elajok max ach tita, majxac'al al jabok ayin. C'amxac'al jabok max wabej, ta c'amak, max ex in tak'ej yin tzalojc'ulal, max oc son tambor c'al yetok arpa max ex tita. 28Tamwal max in tz'ubcan is ti' eb ix in cutz'in, c'al eb nak wi' in txiquin jabok, axcaxac'al tol c'am jabok a nabal, xan caytu' max ot a ba. 29A ayin ti' chi je' wak'on yobc'ulal e yin ta chi yochej in c'ul, palta a yet ak'balil max tx'ox ba is Diosal a mam ayin, max yaloni: Chi camc'al a naon tzet ok al bay Jacob; man comonok ok ach k'anjabok, ẍi ayin. 30Akxa xin, xiwilxac'al chochej chach pax bay yatut a mam, xan caytu' chot a ba, palta ¿tzet yuj xan max elk'anejtek in diosal? ẍi Labán.
31Cax max tak'wi Jacob bay cham axca ti':
—Max quin elaj ayach yujtol max quin xiwi. A max wut in naoni talaj checan ec' eb ix a cutz'in ayin yin ak'bil puralil. 32Talaj c'uxan a bay junok eb ayic' cayti' ayic' a diosal tu xin, chi je' chi cami. A eb ayic' jetok ti' chi je' yak'on eb testigoal. Say ila', ta ay jabok a tzet yetal ibil oc wuj chi je' eontok, ẍi Jacob.
Palta man yojtakok ta a Raquel max elk'anentek is diosal is mam tu'.
33Max octok cham Labán bay is mantiado Jacob, cax max oc c'apax bay is mantiado Lea, c'al bay is mantiado eb ix cawan chekbej, palta c'amc'al tzet max ilchaj yuj. Lajwi yeltek yul is mantiado xal Lea cax max octok bay is mantiado Raquel. 34Axa Raquel maxax c'ubaj el juntzan yechelej tu' bay yalan is tz'um no camello, cax max ay chotan yiban. Max ec'c'al cham Labán sayon bay masanil mantiado, palta c'am is diosal tu' max ilchaji.
35Max yalon Raquel bay cham axca ti':
—Mam, c'amokab chi tit owal win yujtol c'am chin aj wan a satak, yujtol a tinani', ya' in ay yuj in bisbal xajaw, ẍi ix, max tz'ak yaloni.
A cham Labán xin, max ec' say is yechelej tu', palta maj ilchaj yuj. 36Axa cham Jacob xin, max tit yowal, max yalon axca ti':
—¿Tzet wal in mul max oc ayach? ¿Baytal ay in mul tu' xan chach tzaklojxac'al wintak? 37Masanilxac'al in tzet yetal cha say ela', ¿tzet yetal tol et max ilchaj oj tinani'? Tx'ox satak eb nak ajun etok ti' c'al satak eb nak ibil oc wuj ti', yet watx' a eb nak chi je' yaloni mac on txel yel chi jala'. 38Yin wal junc'al abil max in mulnaj etok, c'am wal junok a calnel, tamwal junok no' a mam chiwo max in chiaytok, tamwal no txutxej, c'amc'al junok no' toc'al max el yune'. 39C'am bay max witek no' a calnel max chilay yuj no' ok ayach. A ti' wet, max in tojlanej no'. Ta yet c'ualil ma yet ak'balil chi toj no' yuj elk'om, ilab tol max a k'anic' tojol no' ayin. 40A yet c'ualil chin cam yuj k'ak', axa yet ak'balil chin cam yuj sic, c'am chi oc in wayan chi ec' ak'bal. 41Yin wal junc'al abil max quin ayji ec' etok; axca tu' max yun techaj c'al wuj. 14 abil max in mulnaj yuj eb ix cawan a cutz'in ti', axa wakebxa abil xin, max in mulnaj yuj no' a jobbejal no' ti', cax lajon el max a q'uex a ti' yuj in tojol. 42Tawal c'amoc Diosal Abraham, a ton c'apax Dios bay chi txajli in mam Isaac wetok, wal yel, c'am wal jabok tzet ay yul in k'ab cax chin paxi; palta a Dios max ilon in yatakilal c'al tzet max yun yelapnok in mulnajil, xan a Dios max ach tenchanen ma'i ak'balil tu'.
Is trato cham Jacob yetok cham Labán
43Max yalon cham Labán bay cham Jacob axca ti':
—In cutz'in eb ix ti', cax wi' in txiquin eb ti' la, c'al masanil no calnel ti', wet no'; masanil tzet ay cayti' wet; palta xin, ¿tzetto wal chi wut eb ix in cutz'in, c'al yetok yune' eb ix? 44Yuj tu', co watx'nej junok co trato tinani' c'al junok yechel co trato ti', ẍi cham Labán.
45Cax max yiontek Jacob jun ch'en ch'en max waban ajok; 46axa yalon bay masanil eb is chekbej axca ti':
—Wajbajektek ch'en ch'en, ẍi Jacob.
Masanil eb max wajbajtek eb ch'en ch'en; jun wal bulan max yut eb ch'en, axa low eb c'atan ch'en ch'en tu'. 47Max yaon oc cham Labán is bi jun bulan ch'en tu', yin is ti' chi yala' Jegar Sahaduta.*fn* Axa pax Jacob xin, Galaad max yak' yik ch'en yin is ti'.
48Lajwi tu' max yalon pax cham Labán axca ti':
—A tinani' a jun bulan ch'en ti' testigo chi yuncan juj co cawanil, ẍi. Yuj tu' xan max yikcan Galaad jun lugar tu'. 49Max yikon c'apax Mizpa*fn* yujtol max yal cham Labán axca ti':
—A Jehová chon ilon co cawanil, yet majxa je' jil-len co ba junjun on. 50Ta ok etnej eb ix in cutz'in ti', ma ok a say juntzanokxa eb ix ix estzilok, caxc'al c'am mac chi ak'on testigoal, palta Dios testigo, ẍi cham Labán.
51Max yalonc'al cham Labán bay Jacob axca ti':
—Ilabi tix ch'en bulan ch'en ti' c'al ch'en max aj can waanok, a ton wal ch'en max wacan oc co nan co xol co cawanil. 52A wal ch'en max cancan testigoal juj co cawanil tol c'amxa chi je' co k'axponen junok on jun mojon ti' yet chi jak'on yobc'ulal jin junjun on. 53Aokab is Diosal echmam Abraham c'al is diosal wichmam Nacor, chon iloni, ẍi cham Labán.
Lajwi tu' max yak'on cham Jacob is ti' yin bi Dios bay chi oc Isaac is mam yin ayilal yetok. 54Max watx'nen cham Jacob jun xajanbal bay chon tzalan tu', cax max yawtentek eb ajun yetok lowok. Masanil eb max lowi; a bay chon tzalan tu' max ec' ak'bal yuj eb.
55Axa yet max k'inibi aj yet junxa c'ual, max aj wan cham Labán, max tz'uboncan el is ti' eb ix is cutz'in, c'al is ti' eb is yi' txiquin, cax max yaloncan watx' k'anej yiban eb, max meltzoj bay yatut.
Currently Selected:
Gn 31: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Gn 31
31
Max na' Jacob tzet ok yun yelaj bay cham Labán
1Axa max yaben aj cham Jacob, tol a eb nak is c'ajol cham Labán, lananxa yalon el eb nak axca ti': A yuj masanil tzet max yiec' jun Jacob ti' bay co mam, xan beyomxa, ẍi eb nak. 2Cax max yilon c'apax oc cham Jacob tol a cham Labán yobxac'al chi yut matz'lok ba cham yin, cax man axcaok yet yalantok. 3Axa Jehová max alon bay cham Jacob axca ti': Meltzojan bay is tx'otx'al echmam bay ayic' eb nak ecan, ok in occ'al etok, ẍi Jehová.
4Lajwi tu', cax max yak'on Jacob toj tit eb xal yetbi, a ton xal Raquel yetok xal Lea, yet watx' chi jayoc eb bay chi ilwi calnel cham. 5A yet max apni oc eb xal, max yalon bay eb axca ti':
—Ex wetbi, a tinani' mayal wila' tol a e mam tol yobxa chi yut c'ul win tinani', man axcaok yet yalantok; palta a Dios, Cham max sic'on el wichmam, caw wal ayc'al oc wetok. 6Ayex ti' caw wal e yojtak sic'libil tol max in mulnaj bay e mam yin watx'il axca wal bay max je' wuj. 7Axa e mam axca wal tol chin yetnej, cax lajonelxa max q'uex in tojol. Palta a Dios xin, c'am chin chaon etaxok. 8Akxa a' xin, a yet chi yaloni: Ok ach in tojlanej yetok masanil no calnel tol tz'ibyin, ẍi, axa yet chi jay yune' no', tz'ibyinxac'al yune' no' chi jayi. Cax chi yalon paxok: Ok ach in tojlanej yetok no' tol jasquiltak is tz'ibil, ẍi; axa yet chi jay yune' no', naba jasquiltakxac'al is tz'ibil no' yune' chi jayi. 9Axca tu' max yun yion ec' co Mam Dios masanil is jobbejal no' e mam, cax max yak'on ayin.
10Yet jun el ay jun in wayich; yet wal elnak wal sakchi no', max wiloni tol a no mam chiwo chi ak'on sakchok no txutxej tu' naba tz'ibyinc'al el no', c'al jasquiltak is tz'ibil no'. 11Axa yin jun in wayich tu' max quin yawtej Cham yángel Dios, cax max in tak'wi bay, Tix in ti', quin chi bay. 12Max yalon Cham ayin axca ti': Chi cam eloni tol a no mamej chi ak'on sakchok no' tol tz'ibyin, c'al tol jasquiltakxac'al is tz'ibil, yujtol max wil masanil tzet max yun Labán etok. 13Ayin Dios in, max in tx'ox in ba ayach bay Betel, bay max a seccan ay aceite yiban ch'en ch'en max a wabajcan ajok, a ton bay max ak' a ti' ayin. A tinani xin, bekcan jun lugar ti', cax chach meltzoj bay a tx'otx'al bay max ach alji, ẍi Dios ayin, ẍi Jacob tu' bay eb ix yetbi.
14Max tak'wi Raquel c'al Lea bay axca ti':
—Aon ti', c'amxa jabok co satak on ok ji' bay co mam on ti'. 15A ti' yet cham, tol axcaxac'al comon anima chon yutej. Ilab tol max con is txonilok, max loaytok co tojol max ak'a' yet max on mojay etok. 16Wal yel masanil beyomal max yiec' Dios bay co mam on, jet-xa yetok eb june' on ti'. Yuj tu xin masanil tzet mayal yal Dios ayach, yunokabc'al, ẍi eb xal.
Max el cham Jacob bay Padan-aram
17-18Max watx'nen ba cham Jacob yet chi meltzoj bay Canaán baytac'a cajan cham Isaac is mam, cax max yaon ajtok cham eb is c'ajol c'al eb xal is yetbi yiban no camello. Max yiontok masanil is tzet yetal, max toj yetok masanil no no' max yi' yin is mulnajil bay Padan-aram. 19Yak'ban aytok cham Labán bay junxa lugar tzukoj calnel, max yelk'anentok Raquel diosal is mam tu' ayoctok yul na. 20Ac'al oc yet jun tiempoal tu', max elaj Jacob yin ewantakil, maj yal toj ba bay cham Labán aj Aram. 21Axca tu' max yun yelaj yetok masanil is tzet yetal; yinxac'al aymanil max yun yec'tok bay a' miman aej Éufrates, cax max tojc'al is satak masantac'al bay tzalanlak yul yet Galaad.
Max tzakloj cham Labán yintak Jacob
22Oxebxa c'ual toj cham Jacob, catatu' max yaben aj cham Labán tol mayal elajok. 23Cax max toj eb is yican yetok, max tzakloj eb yintak. Yet-xa is wakjial tu', catatu' max apni eb yintak bay tzalanlak yul yet Galaad. 24A yet jun ak'bal tu', max tx'oxaj ba Dios bay cham Labán arameo tu'. Yin is wayich max yalon Cham bay axca ti': Chi camc'al a naon tzet ok al bay Jacob. Man comonok ok ach k'anjabok, ẍi Cham bay Labán.
25Max apni oc cham Labán bay tzalanlak yul yet Galaad yintak Jacob. A bay tu' ayic' cham Jacob tu'. Yet max apni c'apax cham Labán yetok eb winak ibil oc yuj, max watx'nej c'apax aj is campamento bay tu'. 26Cax max c'oli yalon oc cham Labán tu' yin sat cham Jacob tu' axca ti':
—¿Tzet max onej? ¿Tzet yuj xan max quin etnej? Yinxac'al elilal max yun eontek eb ix in cutz'in; cochxac'al yin ak'oj owal chetok eb ix. 27¿Tzet yuj xan max quin etnej? Toxac'al max ach elajok max ach tita, majxac'al al jabok ayin. C'amxac'al jabok max wabej, ta c'amak, max ex in tak'ej yin tzalojc'ulal, max oc son tambor c'al yetok arpa max ex tita. 28Tamwal max in tz'ubcan is ti' eb ix in cutz'in, c'al eb nak wi' in txiquin jabok, axcaxac'al tol c'am jabok a nabal, xan caytu' max ot a ba. 29A ayin ti' chi je' wak'on yobc'ulal e yin ta chi yochej in c'ul, palta a yet ak'balil max tx'ox ba is Diosal a mam ayin, max yaloni: Chi camc'al a naon tzet ok al bay Jacob; man comonok ok ach k'anjabok, ẍi ayin. 30Akxa xin, xiwilxac'al chochej chach pax bay yatut a mam, xan caytu' chot a ba, palta ¿tzet yuj xan max elk'anejtek in diosal? ẍi Labán.
31Cax max tak'wi Jacob bay cham axca ti':
—Max quin elaj ayach yujtol max quin xiwi. A max wut in naoni talaj checan ec' eb ix a cutz'in ayin yin ak'bil puralil. 32Talaj c'uxan a bay junok eb ayic' cayti' ayic' a diosal tu xin, chi je' chi cami. A eb ayic' jetok ti' chi je' yak'on eb testigoal. Say ila', ta ay jabok a tzet yetal ibil oc wuj chi je' eontok, ẍi Jacob.
Palta man yojtakok ta a Raquel max elk'anentek is diosal is mam tu'.
33Max octok cham Labán bay is mantiado Jacob, cax max oc c'apax bay is mantiado Lea, c'al bay is mantiado eb ix cawan chekbej, palta c'amc'al tzet max ilchaj yuj. Lajwi yeltek yul is mantiado xal Lea cax max octok bay is mantiado Raquel. 34Axa Raquel maxax c'ubaj el juntzan yechelej tu' bay yalan is tz'um no camello, cax max ay chotan yiban. Max ec'c'al cham Labán sayon bay masanil mantiado, palta c'am is diosal tu' max ilchaji.
35Max yalon Raquel bay cham axca ti':
—Mam, c'amokab chi tit owal win yujtol c'am chin aj wan a satak, yujtol a tinani', ya' in ay yuj in bisbal xajaw, ẍi ix, max tz'ak yaloni.
A cham Labán xin, max ec' say is yechelej tu', palta maj ilchaj yuj. 36Axa cham Jacob xin, max tit yowal, max yalon axca ti':
—¿Tzet wal in mul max oc ayach? ¿Baytal ay in mul tu' xan chach tzaklojxac'al wintak? 37Masanilxac'al in tzet yetal cha say ela', ¿tzet yetal tol et max ilchaj oj tinani'? Tx'ox satak eb nak ajun etok ti' c'al satak eb nak ibil oc wuj ti', yet watx' a eb nak chi je' yaloni mac on txel yel chi jala'. 38Yin wal junc'al abil max in mulnaj etok, c'am wal junok a calnel, tamwal junok no' a mam chiwo max in chiaytok, tamwal no txutxej, c'amc'al junok no' toc'al max el yune'. 39C'am bay max witek no' a calnel max chilay yuj no' ok ayach. A ti' wet, max in tojlanej no'. Ta yet c'ualil ma yet ak'balil chi toj no' yuj elk'om, ilab tol max a k'anic' tojol no' ayin. 40A yet c'ualil chin cam yuj k'ak', axa yet ak'balil chin cam yuj sic, c'am chi oc in wayan chi ec' ak'bal. 41Yin wal junc'al abil max quin ayji ec' etok; axca tu' max yun techaj c'al wuj. 14 abil max in mulnaj yuj eb ix cawan a cutz'in ti', axa wakebxa abil xin, max in mulnaj yuj no' a jobbejal no' ti', cax lajon el max a q'uex a ti' yuj in tojol. 42Tawal c'amoc Diosal Abraham, a ton c'apax Dios bay chi txajli in mam Isaac wetok, wal yel, c'am wal jabok tzet ay yul in k'ab cax chin paxi; palta a Dios max ilon in yatakilal c'al tzet max yun yelapnok in mulnajil, xan a Dios max ach tenchanen ma'i ak'balil tu'.
Is trato cham Jacob yetok cham Labán
43Max yalon cham Labán bay cham Jacob axca ti':
—In cutz'in eb ix ti', cax wi' in txiquin eb ti' la, c'al masanil no calnel ti', wet no'; masanil tzet ay cayti' wet; palta xin, ¿tzetto wal chi wut eb ix in cutz'in, c'al yetok yune' eb ix? 44Yuj tu', co watx'nej junok co trato tinani' c'al junok yechel co trato ti', ẍi cham Labán.
45Cax max yiontek Jacob jun ch'en ch'en max waban ajok; 46axa yalon bay masanil eb is chekbej axca ti':
—Wajbajektek ch'en ch'en, ẍi Jacob.
Masanil eb max wajbajtek eb ch'en ch'en; jun wal bulan max yut eb ch'en, axa low eb c'atan ch'en ch'en tu'. 47Max yaon oc cham Labán is bi jun bulan ch'en tu', yin is ti' chi yala' Jegar Sahaduta.*fn* Axa pax Jacob xin, Galaad max yak' yik ch'en yin is ti'.
48Lajwi tu' max yalon pax cham Labán axca ti':
—A tinani' a jun bulan ch'en ti' testigo chi yuncan juj co cawanil, ẍi. Yuj tu' xan max yikcan Galaad jun lugar tu'. 49Max yikon c'apax Mizpa*fn* yujtol max yal cham Labán axca ti':
—A Jehová chon ilon co cawanil, yet majxa je' jil-len co ba junjun on. 50Ta ok etnej eb ix in cutz'in ti', ma ok a say juntzanokxa eb ix ix estzilok, caxc'al c'am mac chi ak'on testigoal, palta Dios testigo, ẍi cham Labán.
51Max yalonc'al cham Labán bay Jacob axca ti':
—Ilabi tix ch'en bulan ch'en ti' c'al ch'en max aj can waanok, a ton wal ch'en max wacan oc co nan co xol co cawanil. 52A wal ch'en max cancan testigoal juj co cawanil tol c'amxa chi je' co k'axponen junok on jun mojon ti' yet chi jak'on yobc'ulal jin junjun on. 53Aokab is Diosal echmam Abraham c'al is diosal wichmam Nacor, chon iloni, ẍi cham Labán.
Lajwi tu' max yak'on cham Jacob is ti' yin bi Dios bay chi oc Isaac is mam yin ayilal yetok. 54Max watx'nen cham Jacob jun xajanbal bay chon tzalan tu', cax max yawtentek eb ajun yetok lowok. Masanil eb max lowi; a bay chon tzalan tu' max ec' ak'bal yuj eb.
55Axa yet max k'inibi aj yet junxa c'ual, max aj wan cham Labán, max tz'uboncan el is ti' eb ix is cutz'in, c'al is ti' eb is yi' txiquin, cax max yaloncan watx' k'anej yiban eb, max meltzoj bay yatut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989