Gn 33
33
Max oc Jacob yin watx'c'ulal yetok Esaú
1Axa max yilon cham Jacob, chi jayoc Esaú yetok 400 winak, axa pojon ec' eb unin xol eb xal ix, a ton Lea, c'al Raquel yetok c'apax eb ix cawan chekbej eb tu'. 2A eb ix is chekbej tu' max babji toj yetok eb is yune' eb, catatu' max toj xal Lea yetokc'al eb yune'. Yinxa tzunanil max toj Raquel yetok nak José is yune'. 3Yin aymanil max babjitok cham Jacob satak eb ix. Uk el max ay nojanok yak'ban chi apni oc satak yuẍtak. 4Axa Esaú max jayoc lemnaj yin aymanil, max oc lak'an yin tel is nuk', cax max tz'ublen el eb is ti' junjun, max ok'aj eb cawanil. 5Lajwi tu' max yilon oc Esaú eb ix ix c'al eb unin, max k'anlen axca ti':
—A pax juntzan eb ti' ¿mac ay yet eb? ẍi Esaú.
—Wuninal eb, max yak' co Mam Dios ayin yuj is watx'c'ulal, ẍi cham Jacob.
6Catatu' max jitzontek ba eb ix is chekbej yetok yune' eb, cax max c'oli yay nojan eb sat tx'otx'. 7Yin c'apax aymanil max jitztek ba Lea yetok eb is yune', cax max ay c'apax nojan eb. Yinxa tzunanil max jayoc José yetok Raquel is txutx, cax max ay c'apax nojan eb. 8Cax max k'anlen Esaú bay cham Jacob axca ti':
—¿Tzet cha na' yin juntzan no no' max in cha' yulak be? ẍi Esaú.
—Et yayji masanil no' tu' yet watx' c'amxa yobc'ulal cha na' win, ẍi cham Jacob.
9—C'amak wuẍtak, xiwil no' wet; canokab no' etok, ẍi Esaú.
10Palta a cham Jacob max occ'al ijan yin yalon axca ti':
—C'amak wuẍtak, ta watx' in yul a sat, cha' juntzan sabal chi wak' ayach ti', yujtol a yet chach wilon ti', axca wal tol a co Mam Dios chi wiloc yin, yujtol yin watx'c'ulalil max yun in a chaoni. 11Chin tewi ayach, cha' juntzan sabalej max witek ayach ti', yujtol a Dios max el yin c'ul max yak' in beyomal ti', cax c'am jabok tzet chi majax ayin, ẍi Jacob.
Max occ'al tean cham Jacob yin, axa max yun xin, cax max chaon Esaú sabalej tu'. 12Max yalon Esaú axca ti':
—Elokon cayti' xin, chon toji. Ayin chin babji a satak, ẍi Esaú.
13Cax max tak'wi cham Jacob axca ti':
—Ach wuẍtak, ojtak tol a eb unin, c'un c'unbi aj eb, cax chin naon pax yin no calnel c'al no wacax tol yaliẍto yune', ta chi wuktej bey no', chi je' cam no' yin junnej c'ual. 14Yuj tu' watx' mi chach babjic'altok in satak. Axa ayin ti' xin, c'ojanc'ulalc'al in toji, jantakc'al chi yal bey eb unin, c'al no no' ti'. Okxa ach wil apnok bay Seir, ẍi cham Jacob.
15Yunokab xin, chi je' chi can jaywanok eb nak in chekbej ti' colwaj etok, ẍi Esaú.
Palta max yalon cham Jacob axca ti':
—C'amak, yuj wal dios, c'amc'al tzet cha na', ẍi cham.
16A yet jun c'ual tu' max meltzoj Esaú bay conob Seir. 17Axa cham Jacob, a tu' max apnican oc bay Sucot. A bay tu' max watx'nej yatut, cax max watx'nen c'apax coc'tak lanchu bay max octok is jobbejal no'; yuj tu' xan max yak' yik jun lugar tu' Sucot.*fn*
18A yet max el cham Jacob bay Padan-aram, yin wal watx'c'ulalil, max apni oc bay Canaán, max watx'nen aj is campamento sataktok conob Siquem. 19100 bijan ch'en plata max yak' cham yin manon jun tx'otx' bay eb c'ajol Hamor, is mam Siquem. A bay tu' max watx'nej aj is campamento. 20Max lajwi tu' max watx'nen aj jun altar, max yak'on yik El-Elohe-Israel.*fn*
Currently Selected:
Gn 33: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Gn 33
33
Max oc Jacob yin watx'c'ulal yetok Esaú
1Axa max yilon cham Jacob, chi jayoc Esaú yetok 400 winak, axa pojon ec' eb unin xol eb xal ix, a ton Lea, c'al Raquel yetok c'apax eb ix cawan chekbej eb tu'. 2A eb ix is chekbej tu' max babji toj yetok eb is yune' eb, catatu' max toj xal Lea yetokc'al eb yune'. Yinxa tzunanil max toj Raquel yetok nak José is yune'. 3Yin aymanil max babjitok cham Jacob satak eb ix. Uk el max ay nojanok yak'ban chi apni oc satak yuẍtak. 4Axa Esaú max jayoc lemnaj yin aymanil, max oc lak'an yin tel is nuk', cax max tz'ublen el eb is ti' junjun, max ok'aj eb cawanil. 5Lajwi tu' max yilon oc Esaú eb ix ix c'al eb unin, max k'anlen axca ti':
—A pax juntzan eb ti' ¿mac ay yet eb? ẍi Esaú.
—Wuninal eb, max yak' co Mam Dios ayin yuj is watx'c'ulal, ẍi cham Jacob.
6Catatu' max jitzontek ba eb ix is chekbej yetok yune' eb, cax max c'oli yay nojan eb sat tx'otx'. 7Yin c'apax aymanil max jitztek ba Lea yetok eb is yune', cax max ay c'apax nojan eb. Yinxa tzunanil max jayoc José yetok Raquel is txutx, cax max ay c'apax nojan eb. 8Cax max k'anlen Esaú bay cham Jacob axca ti':
—¿Tzet cha na' yin juntzan no no' max in cha' yulak be? ẍi Esaú.
—Et yayji masanil no' tu' yet watx' c'amxa yobc'ulal cha na' win, ẍi cham Jacob.
9—C'amak wuẍtak, xiwil no' wet; canokab no' etok, ẍi Esaú.
10Palta a cham Jacob max occ'al ijan yin yalon axca ti':
—C'amak wuẍtak, ta watx' in yul a sat, cha' juntzan sabal chi wak' ayach ti', yujtol a yet chach wilon ti', axca wal tol a co Mam Dios chi wiloc yin, yujtol yin watx'c'ulalil max yun in a chaoni. 11Chin tewi ayach, cha' juntzan sabalej max witek ayach ti', yujtol a Dios max el yin c'ul max yak' in beyomal ti', cax c'am jabok tzet chi majax ayin, ẍi Jacob.
Max occ'al tean cham Jacob yin, axa max yun xin, cax max chaon Esaú sabalej tu'. 12Max yalon Esaú axca ti':
—Elokon cayti' xin, chon toji. Ayin chin babji a satak, ẍi Esaú.
13Cax max tak'wi cham Jacob axca ti':
—Ach wuẍtak, ojtak tol a eb unin, c'un c'unbi aj eb, cax chin naon pax yin no calnel c'al no wacax tol yaliẍto yune', ta chi wuktej bey no', chi je' cam no' yin junnej c'ual. 14Yuj tu' watx' mi chach babjic'altok in satak. Axa ayin ti' xin, c'ojanc'ulalc'al in toji, jantakc'al chi yal bey eb unin, c'al no no' ti'. Okxa ach wil apnok bay Seir, ẍi cham Jacob.
15Yunokab xin, chi je' chi can jaywanok eb nak in chekbej ti' colwaj etok, ẍi Esaú.
Palta max yalon cham Jacob axca ti':
—C'amak, yuj wal dios, c'amc'al tzet cha na', ẍi cham.
16A yet jun c'ual tu' max meltzoj Esaú bay conob Seir. 17Axa cham Jacob, a tu' max apnican oc bay Sucot. A bay tu' max watx'nej yatut, cax max watx'nen c'apax coc'tak lanchu bay max octok is jobbejal no'; yuj tu' xan max yak' yik jun lugar tu' Sucot.*fn*
18A yet max el cham Jacob bay Padan-aram, yin wal watx'c'ulalil, max apni oc bay Canaán, max watx'nen aj is campamento sataktok conob Siquem. 19100 bijan ch'en plata max yak' cham yin manon jun tx'otx' bay eb c'ajol Hamor, is mam Siquem. A bay tu' max watx'nej aj is campamento. 20Max lajwi tu' max watx'nen aj jun altar, max yak'on yik El-Elohe-Israel.*fn*
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989