Hch 11
11
Pedro yet' eb' creyente 'a Jerusalén
1Ax eb' schecb' Jesucristo, yet' eb' creyente 'ay 'a Judea, 'ix yab' eb' chajtlto 'ay eb' man̈ israeloc xya'ch sc'ojl 'a spaxti Dios. 2Yuj cha, yic 'ix c'ochx Pedro 'a Jerusalén jun 'ejm xo, a jun tzo'n̈ eb' creyente niwn yel'ch circuncisión 'a sat, 'ix yaln eb' to man̈ wach'c 'ix yutj sb'a Pedro cha. 3'Ix sc'anb'n eb' 'ixtc 'a 'a:
—¿Tas yuj xit' a c'umc eb' man̈ israeloc, ach wa pax yet' eb'? xchi eb' 'a 'a.
4Yuj cha, 'ix syamn 'och Pedro yaln 'a eb', jantcn̈ej tas xlaj b'o'i. 'Ix yaln 'ixtic:
5—'Ayn 'ec' 'a chon̈b' Jope. Ax 'a jun c'u, yic wan in leslwi, 'icha waychil x'aj wiln yeml jun 'icha niwquil sac nip 'a satcha'an̈. T'un̈b'il chan̈ yisquinyoal schan̈il, 'ix 'eml 'a 'aj 'ayin. 6In 'och q'ueln 'a 'a, sec tzwila, tas 'ay 'a yojol. Ax xwilni, 'ay jun tzo'n̈ no noc' chan̈e yoc. 'Ay no 'ay smay. 'Ay no chan, yet' pax jun tzo'n̈ no ch'ic. 7Xlajw cha, 'ix wab'n yoch jun paxti', 'ix yaln 'ixtic: Pedro, q'uen̈ wa'an, mil cham a chi jun tzo'n̈ noc' tic, xchi. 8Palta xwaln 'ixtc 'a 'a: May Mamin, yujto mant 'a jun 'ejmoc xin c'ux junc tas comn yaji yet' tas 'ay yowlal yuj ley yic Moisés, xin chi 'a 'a. 9Yuj cha, 'ix yaln 'emt 'ayn 'a satchan̈ jun 'ejm xo. Xyaln 'ixtic: A jun tzo'n̈ tas tzyal Dios, to may yowlal, ach xo tic man̈ ala', to 'ay yowlal, xchi. 10'Ox 'ejm 'ix yal jun tzo'n̈ chi 'ixta'. Xlajw cha, 'ix 'ijx pax q'ue jun sac nip chi 'a satcha'an̈. 11Yajn̈j wal cha, 'ix c'och 'oxwn̈ winc 'a jun n̈a chi 'aj 'ayn 'eq'ui. A eb' cha, checb'il 'at eb' 'ayn 'a chon̈b' Cesarea, in 'at sayc' eb' 'a chon̈b' Jope cha. 12Ax Yespíritu Dios 'ix aln 'ixtc 'ayin: 'Ixc yet' eb'. 'A'ch 'a a c'ojl a 'at yet' eb', xchi. 'Ix xit' pax wacwn̈ eb' cu'tac tic wet'oc. Yic on̈ c'och ta 'on̈, on̈ 'och 'a yol yatut jun winc chi 'on̈. 13'Ix yaln win 'ayn̈ on̈, chajtlto 'ix yil win jun ángel 'a yol yatut, lin̈n 'eq'ui. 'Ix yaln ab' 'a win 'ixtic: Checb't jaywn̈oc a checb' 'a chon̈b' Jope, 'at yi' cab' cot eb' Simón, tzcuch pax Pedro. 14A 'oj wul alnc 'ayach', chajtl 'oj aj a colchji, yet' jantcn̈ej eb' jun aj et' 'a yol atut, xchi ab' jun ángel chi 'a winac. 15Ax yic in yamn 'och waln 'a eb', yajn̈j cha, x'och Yespíritu Dios 'a eb', 'icha 'ajnc sb'ab'l 'och 'ayn̈ec. 16Yuj cha, xin nan cot tas alb'il can yuj Cajlilec, yic yaln 'ixtic: Yel toni, a win Juan x'a'n bautisar eb' 'anma 'a a a'. Palta ax tic, 'oj 'ajxoc Yespíritu Dios 'ayex, 'icha to 'oj eyajx bautisar yu'uj, xchi. 17A Dios 'ix yac' Yespíritu 'a eb', 'icha xyutj ya'n 'ayn̈ec, yic ca'nec 'och Cajlil Jesucristo 'a qui c'ojol. Yuj cha, ¿tom 'oj stac' in tenn 'och wan tas tzb'o Dios? xchi Pedro 'a eb'.
18Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic:
—An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.
A yab'xil eb' creyente 'aj chon̈b' Antioquía
19Yictax smilx can cham Esteban, caw x'ajx 'och syailal eb' creyente smasnil. Yuj cha, xlaj 'at eb' 'eloc. 'Ay eb' xlaj c'och to 'a Fenicia, 'a Chipre, yet' 'a Antioquía.#Hch 11.19 A Antioquía, niwquil chon̈b' yaj 'a yol yic Siria. 'Ay pax junx Antioquía 'a yol yic Pisidia. 'Ix laj yalnc 'el eb' wach' 'ab'x 'a eb' yit israelal 'ayc' ta'. Palta may tas 'ix yal eb' 'a eb' man̈ israeloc. 20Palta 'ay jaywn̈ eb' creyente 'aj Chipre yet' jaywn̈ eb' 'aj Cirene 'ix c'och 'a Antioquía. Ata xyal-l eb' yab'xil Cajlil Jesucristo 'a eb' man̈ israeloc. 21Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.
22Ax eb' creyente 'aj Jerusalén, 'ix yab'n eb' speclal jun cha. Yuj cha, 'ix checn 'at eb' Bernabé 'a Antioquía cha. 23Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo. 24Yujto a Bernabé cha, caw wach' snab'en, caw 'aych Yespíritu Dios 'a 'a. Caw tzya'ch wal sc'ojl 'a Cristo. Yuj cha, til wal eb' 'aj chon̈b' chi xya'ch sc'ojl 'a Cajlil yu'uj.
25Xlajw cha, 'ix 'at Bernabé 'a chon̈b' Tarso, xit' saync 'ec' Saulo ta'. Yic 'ix 'ilchj yu'uj, 'ix yi'n cot 'a chon̈b' Antioquía cha. 26Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.
27A 'a jun tiempoal cha, 'ay jaywn̈ eb' tzyac' Dios yal-l spaxti'. 'Ix cot eb' 'a Jerusalén, xc'och eb' 'a Antioquía cha. 28'Ay jun yitb'eym eb' Agabo sb'i. 'ix q'ue wan lin̈n 'a scal eb' creyente. 'Ix 'ajx yal yuj Yespíritu Dios 'ixtic:
—'Ay jun niwn wejl 'oj jawc 'a yib'n̈ smasnil yolyib'n̈q'uinl tic, xchi. Ax yic 'aych win Claudio yajlil, 'ix jaw jun niwn wejl cha. 29Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'. 30'Ixta xyutj sb'a eb'. 'Ix ya'n 'at eb' yofrenda 'a eb' anciano 'aj Judea cha. Ax Bernabé yet' Saulo 'ix 'i'n 'at jun ofrenda cha.
Currently Selected:
Hch 11: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Hch 11
11
Pedro yet' eb' creyente 'a Jerusalén
1Ax eb' schecb' Jesucristo, yet' eb' creyente 'ay 'a Judea, 'ix yab' eb' chajtlto 'ay eb' man̈ israeloc xya'ch sc'ojl 'a spaxti Dios. 2Yuj cha, yic 'ix c'ochx Pedro 'a Jerusalén jun 'ejm xo, a jun tzo'n̈ eb' creyente niwn yel'ch circuncisión 'a sat, 'ix yaln eb' to man̈ wach'c 'ix yutj sb'a Pedro cha. 3'Ix sc'anb'n eb' 'ixtc 'a 'a:
—¿Tas yuj xit' a c'umc eb' man̈ israeloc, ach wa pax yet' eb'? xchi eb' 'a 'a.
4Yuj cha, 'ix syamn 'och Pedro yaln 'a eb', jantcn̈ej tas xlaj b'o'i. 'Ix yaln 'ixtic:
5—'Ayn 'ec' 'a chon̈b' Jope. Ax 'a jun c'u, yic wan in leslwi, 'icha waychil x'aj wiln yeml jun 'icha niwquil sac nip 'a satcha'an̈. T'un̈b'il chan̈ yisquinyoal schan̈il, 'ix 'eml 'a 'aj 'ayin. 6In 'och q'ueln 'a 'a, sec tzwila, tas 'ay 'a yojol. Ax xwilni, 'ay jun tzo'n̈ no noc' chan̈e yoc. 'Ay no 'ay smay. 'Ay no chan, yet' pax jun tzo'n̈ no ch'ic. 7Xlajw cha, 'ix wab'n yoch jun paxti', 'ix yaln 'ixtic: Pedro, q'uen̈ wa'an, mil cham a chi jun tzo'n̈ noc' tic, xchi. 8Palta xwaln 'ixtc 'a 'a: May Mamin, yujto mant 'a jun 'ejmoc xin c'ux junc tas comn yaji yet' tas 'ay yowlal yuj ley yic Moisés, xin chi 'a 'a. 9Yuj cha, 'ix yaln 'emt 'ayn 'a satchan̈ jun 'ejm xo. Xyaln 'ixtic: A jun tzo'n̈ tas tzyal Dios, to may yowlal, ach xo tic man̈ ala', to 'ay yowlal, xchi. 10'Ox 'ejm 'ix yal jun tzo'n̈ chi 'ixta'. Xlajw cha, 'ix 'ijx pax q'ue jun sac nip chi 'a satcha'an̈. 11Yajn̈j wal cha, 'ix c'och 'oxwn̈ winc 'a jun n̈a chi 'aj 'ayn 'eq'ui. A eb' cha, checb'il 'at eb' 'ayn 'a chon̈b' Cesarea, in 'at sayc' eb' 'a chon̈b' Jope cha. 12Ax Yespíritu Dios 'ix aln 'ixtc 'ayin: 'Ixc yet' eb'. 'A'ch 'a a c'ojl a 'at yet' eb', xchi. 'Ix xit' pax wacwn̈ eb' cu'tac tic wet'oc. Yic on̈ c'och ta 'on̈, on̈ 'och 'a yol yatut jun winc chi 'on̈. 13'Ix yaln win 'ayn̈ on̈, chajtlto 'ix yil win jun ángel 'a yol yatut, lin̈n 'eq'ui. 'Ix yaln ab' 'a win 'ixtic: Checb't jaywn̈oc a checb' 'a chon̈b' Jope, 'at yi' cab' cot eb' Simón, tzcuch pax Pedro. 14A 'oj wul alnc 'ayach', chajtl 'oj aj a colchji, yet' jantcn̈ej eb' jun aj et' 'a yol atut, xchi ab' jun ángel chi 'a winac. 15Ax yic in yamn 'och waln 'a eb', yajn̈j cha, x'och Yespíritu Dios 'a eb', 'icha 'ajnc sb'ab'l 'och 'ayn̈ec. 16Yuj cha, xin nan cot tas alb'il can yuj Cajlilec, yic yaln 'ixtic: Yel toni, a win Juan x'a'n bautisar eb' 'anma 'a a a'. Palta ax tic, 'oj 'ajxoc Yespíritu Dios 'ayex, 'icha to 'oj eyajx bautisar yu'uj, xchi. 17A Dios 'ix yac' Yespíritu 'a eb', 'icha xyutj ya'n 'ayn̈ec, yic ca'nec 'och Cajlil Jesucristo 'a qui c'ojol. Yuj cha, ¿tom 'oj stac' in tenn 'och wan tas tzb'o Dios? xchi Pedro 'a eb'.
18Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic:
—An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.
A yab'xil eb' creyente 'aj chon̈b' Antioquía
19Yictax smilx can cham Esteban, caw x'ajx 'och syailal eb' creyente smasnil. Yuj cha, xlaj 'at eb' 'eloc. 'Ay eb' xlaj c'och to 'a Fenicia, 'a Chipre, yet' 'a Antioquía.#Hch 11.19 A Antioquía, niwquil chon̈b' yaj 'a yol yic Siria. 'Ay pax junx Antioquía 'a yol yic Pisidia. 'Ix laj yalnc 'el eb' wach' 'ab'x 'a eb' yit israelal 'ayc' ta'. Palta may tas 'ix yal eb' 'a eb' man̈ israeloc. 20Palta 'ay jaywn̈ eb' creyente 'aj Chipre yet' jaywn̈ eb' 'aj Cirene 'ix c'och 'a Antioquía. Ata xyal-l eb' yab'xil Cajlil Jesucristo 'a eb' man̈ israeloc. 21Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.
22Ax eb' creyente 'aj Jerusalén, 'ix yab'n eb' speclal jun cha. Yuj cha, 'ix checn 'at eb' Bernabé 'a Antioquía cha. 23Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo. 24Yujto a Bernabé cha, caw wach' snab'en, caw 'aych Yespíritu Dios 'a 'a. Caw tzya'ch wal sc'ojl 'a Cristo. Yuj cha, til wal eb' 'aj chon̈b' chi xya'ch sc'ojl 'a Cajlil yu'uj.
25Xlajw cha, 'ix 'at Bernabé 'a chon̈b' Tarso, xit' saync 'ec' Saulo ta'. Yic 'ix 'ilchj yu'uj, 'ix yi'n cot 'a chon̈b' Antioquía cha. 26Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.
27A 'a jun tiempoal cha, 'ay jaywn̈ eb' tzyac' Dios yal-l spaxti'. 'Ix cot eb' 'a Jerusalén, xc'och eb' 'a Antioquía cha. 28'Ay jun yitb'eym eb' Agabo sb'i. 'ix q'ue wan lin̈n 'a scal eb' creyente. 'Ix 'ajx yal yuj Yespíritu Dios 'ixtic:
—'Ay jun niwn wejl 'oj jawc 'a yib'n̈ smasnil yolyib'n̈q'uinl tic, xchi. Ax yic 'aych win Claudio yajlil, 'ix jaw jun niwn wejl cha. 29Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'. 30'Ixta xyutj sb'a eb'. 'Ix ya'n 'at eb' yofrenda 'a eb' anciano 'aj Judea cha. Ax Bernabé yet' Saulo 'ix 'i'n 'at jun ofrenda cha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.