Gn 15
15
Xyac' Dios sti ya'n yunnal Abram
1Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic:
—Man̈ ach xiw Abram, an 'oj ach in colo', caw wal niwn spac 'oj a cha', xchi Dios.
2-3'Ix ta'w Abram 'ixtic:
—Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.
4Yuj cha, xyaln Dios 'a Abram 'ixtic:
—Ma'ay, man̈oc win chuc chon̈b'al chi 'oj 'ica'anoc, a wal caw onnal, a 'oj 'ica'anoc, xchi 'a 'a.
5'Ix yi'n 'el Abram 'a b'esan, 'ix yaln 'a 'ixtic:
—'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.
6'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová. 7'Ix yaln pax Dios:
—An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.
8—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.
9Yuj cha, 'ix yaln Dios 'a 'a:
—'Ij cot junc no cob's wacx 'ayin, yet' junc no chiwo, yet' junc no mam calnelu. 'Oxe ab'il sq'uinl junjn e no', tze'n cot pax junc no cowojte', yet' junc no parama, xchi Dios.
10'Ix yi'n cot Abram smasnil jun tzo'n̈ no noc' tic 'a yojltac Dios. 'Ix spojn win snan̈l junjn no', chachmb'a xyutj win snan̈l e no', ax no ch'ic cha, ma'ix spoj win snan̈l e no'. 11Ax e no 'usej, tznib'j e no tzchi no chib'j cha, palta tzpechx 'el e no yuj Abram. 12Ax yic xq'uic'b'i, caw xcham Abram swayi, 'ix jaw xiwlal 'a 'a, yujto caw q'uic'q'uinal. 13Xlajw cha, xyaln Jehová 'a 'ixtic:
—Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il. 14Palta an 'oj wac' yailal 'a yib'n̈ jun chon̈b' 'aj 'oj 'och eb' mosoal cha. 'Oj lajwc cha, ax yajx 'elt eb' en̈tl cha, 'oj yic' cot eb' sricoal jun chon̈b' cha. 15Ach tic, 'oj a cham 'a junc'ojlal, yic 'ichm achx winac. 16Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.
17A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha. 18Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic:
—A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto,#Gn 15.18 A a b'eymal a yic Egipto tzalx cot 'a tic, man̈oc a Nilo tzyal coti, palta atn a b'eymal a tzcuch "el-Arish" ticnec, a tzcot 'a sla'nil Sinaí, tz'ec' a 'a sla'nil sti a mar Mediterráneo. masnto 'a sti a niwquil a Éufrates. 19-21Atn lum yic eb' ceneo, eb' cenezeo, eb' cadmoneo, eb' hitita, eb' ferezeo, eb' refaíta, eb' amorreo, eb' cananeo, eb' gergeseo yet' eb' jebuseo, xchi Dios.
Currently Selected:
Gn 15: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Gn 15
15
Xyac' Dios sti ya'n yunnal Abram
1Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic:
—Man̈ ach xiw Abram, an 'oj ach in colo', caw wal niwn spac 'oj a cha', xchi Dios.
2-3'Ix ta'w Abram 'ixtic:
—Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.
4Yuj cha, xyaln Dios 'a Abram 'ixtic:
—Ma'ay, man̈oc win chuc chon̈b'al chi 'oj 'ica'anoc, a wal caw onnal, a 'oj 'ica'anoc, xchi 'a 'a.
5'Ix yi'n 'el Abram 'a b'esan, 'ix yaln 'a 'ixtic:
—'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.
6'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová. 7'Ix yaln pax Dios:
—An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.
8—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.
9Yuj cha, 'ix yaln Dios 'a 'a:
—'Ij cot junc no cob's wacx 'ayin, yet' junc no chiwo, yet' junc no mam calnelu. 'Oxe ab'il sq'uinl junjn e no', tze'n cot pax junc no cowojte', yet' junc no parama, xchi Dios.
10'Ix yi'n cot Abram smasnil jun tzo'n̈ no noc' tic 'a yojltac Dios. 'Ix spojn win snan̈l junjn no', chachmb'a xyutj win snan̈l e no', ax no ch'ic cha, ma'ix spoj win snan̈l e no'. 11Ax e no 'usej, tznib'j e no tzchi no chib'j cha, palta tzpechx 'el e no yuj Abram. 12Ax yic xq'uic'b'i, caw xcham Abram swayi, 'ix jaw xiwlal 'a 'a, yujto caw q'uic'q'uinal. 13Xlajw cha, xyaln Jehová 'a 'ixtic:
—Yowlal tzojquej 'eli to a eb' en̈til, chuc chon̈b'al 'aj 'oj c'och cajn eb', mosoal 'oj 'ajch eb', man̈ yico'oc sb'a eb'. Chan̈e ciente ab'il 'oj 'ixtxoc eb' si'mb'il. 14Palta an 'oj wac' yailal 'a yib'n̈ jun chon̈b' 'aj 'oj 'och eb' mosoal cha. 'Oj lajwc cha, ax yajx 'elt eb' en̈tl cha, 'oj yic' cot eb' sricoal jun chon̈b' cha. 15Ach tic, 'oj a cham 'a junc'ojlal, yic 'ichm achx winac. 16Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.
17A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha. 18Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic:
—A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto,#Gn 15.18 A a b'eymal a yic Egipto tzalx cot 'a tic, man̈oc a Nilo tzyal coti, palta atn a b'eymal a tzcuch "el-Arish" ticnec, a tzcot 'a sla'nil Sinaí, tz'ec' a 'a sla'nil sti a mar Mediterráneo. masnto 'a sti a niwquil a Éufrates. 19-21Atn lum yic eb' ceneo, eb' cenezeo, eb' cadmoneo, eb' hitita, eb' ferezeo, eb' refaíta, eb' amorreo, eb' cananeo, eb' gergeseo yet' eb' jebuseo, xchi Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.