Gn 24
24
Xyac' Abraham sayxoc yistzil Isaac
1Caw wal 'ichm winc xo win Abraham, ax Jehová 'ix 'a'n syaxilal 'a yib'n̈ smasnil tastc 'ay 'a 'a. 2'Ay jun c'u 'ix yawtj cot jun schecb' caw 'ichm xo, win 'aych yilmalc smasnil tas 'ay 'a 'a, 'ix yaln 'a 'ixtic:
—'A'ch a c'ab' 'a yaln̈ in xub' tic, 3tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic. 4Palta tzach 'at 'a in chon̈ab', ata tza say junc yistzil ni wunnal 'a scal eb' 'ayt wuj in b'a yet'oc, xchi Abraham cha.
5Xta'w win schecb' chi 'ixtic:
—Q'uinloc matz yal sc'ojl 'ix tzcot wet'oc, ¿tas 'oj wutc paxi? ¿Yowlal am tzwij 'at ni onnal tic 'a 'aj cotn̈c ach cha? xchi winac.
6'Ix ta'w Abraham chi 'ixtic:
—May xon wal b'a'n̈ tzej 'at ni wunnal tic ta'. 7A Jehová sDiosal satcha'an̈, a in 'i'n 'elt 'a yatut in mam, 'ix ya'n sti ya'n jun lum tic 'a eb' win̈til. A pax 'oj checnc 'at yángel et'oc, sec wach' 'oj e' cot yistzil ni wunnal tic ta'. 8Toto a 'ix 'ix chi matz yal sc'ojl tzcot et'oc, libre ach 'a jun paxti tic. Palta matz tac' e'n 'at ni wunnal tic ta', xchi.
9'Ixta to b'i'an, 'ix ya'n 'och win checb' chi sc'ab' 'a yaln̈ xub' Abraham cha, 'ix ya'n sti', to tzyiclj win smasnil tas 'ix yal spatron̈ cha. 10Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia. 11Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha. 12Ya' sb'a cha, 'ix syamn 'och win sleslwi 'a Dios 'ixtic: Mamin Jehová, ach sDiosal Abraham in patron̈, tzin tew 'ayach, comnoc wach' tz'el'ch in checnb'il tic, tza ch'oxn pax a wach' nab'en 'a in patron̈ cha. 13Tic tzin cancn 'a sti a 'uc'b'il a tic, ya' sb'a tzjaw eb' 'ix cob'stac 'ix wul yic' ya'al. 14Comnoc tz'el 'a a c'ojol, to a 'ix cob's 'oj wul yic' q'uet ya'al, 'oj wal 'ixtc 'a 'ix: Tzin tew 'ayach, 'ac' 'ejm a ch'ub', tza'n wuc' jac a a 'ay 'a yol a ch'ub' cha, 'oj in chic 'a 'a, ax yaln 'ix: 'U'j a', tzwa'n pax yuc' e no 'a cameyo tic a', xchi cab' 'ix. A cab' 'ix chi tza si'li, yic tz'och yistzilc win a checb' Isaac. 'Ixta 'oj 'aj snachj 'el wu'uj, ax wa'n 'och yipc in c'ojol, to caw wach' a nab'en 'a yib'n̈ win in patron̈, xchi win checb' cha.
15Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham. 16A 'ix Rebeca cha, caw wal wach' yilx 'ix, caw cob's 'ix, mant 'a winc tzc'umej. 'Ix 'ejm 'ix 'a yojl a 'uc'b'il a cha, yic tzyi'n q'uet 'ix ya'al, 'ix ya'n b'ut'joc 'ix sch'ub', 'ix 'atxi. 17Xlajw cha, carela x'at win checb' chi 'a spatc 'ix, 'ix yaln win 'a 'ix 'ixtic:
—Tzin tew 'ayach, 'ac' wuc' jac a a 'ay 'a yol a ch'ub' tic, xchi winac.
18—'U'j a mamin, xchi 'ix. Wal 'a yajn̈ej 'ix yac' 'ejm 'ix sch'ub' cha, 'ix ya'n 'ix yuc' win a'. 19Yic xlajw yu'n win checb' chi a', 'ix yaln pax 'ix 'ixtic:
—'Oj wic' q'uet pax yuc' e no a cameyo tic a', a tzyala jantc tznib'j e no yuc', xchi 'ix.
20Wal 'a yajn̈ej, 'ix secn 'ejm 'ix a 'a yol te jucub', 'a 'aj tzyu'j xon no noc' ya'al, niwn 'ejm xyac' 'ix yi'n q'uet a', masnto xyu'j e no a smasnil. 21A pax win checb' cha, ton̈j q'ueln 'och win 'a 'ix. Cojnto tzyila tas tzb'o Jehová 'a jun schecnb'il win cha. 22Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en. 23'Ix yaln win 'ixtic:
—Al 'ayin mach 'aych yico', 'aym pax 'aj coln tzon̈ can wayc 'a yatut a mam 'a jun 'ac'wl tic on̈, xchi winac.
24'Ix yaln 'ix 'a win 'ixtic:
—Yisl in Betuel, ni yunnal can Nacor yet' 'ix Milca. 25A 'a catut on̈ coln tzex wayi, 'ay pax 'aj wach' swa e no a cameyo tic, xchi 'ix.
26'Ix yab'n win checb' cha, to 'ixta 'ix yutj 'ix yalni, 'ix 'em n̈ojnjoc win sleslwi 'a Jehová, 'ix yaln yuj diosal 'a 'a. 27'Ix yaln 'ixtic: Alx cab' wach' paxti 'a Jehová, sDiosal Abraham in patron̈. Caw wal 'aych yet'oc, 'ay schamc'ojlal 'a 'a, tzin yi'n b'ey pax Jehová 'a yol b'e tic, masnto 'a scal eb' yican in patron̈ cha, xchi winac.
28Ax 'ix Rebeca cha, carela 'ix 'at 'ix 'a yatut snun, yic tzyaln 'ix smasnil tas xyal win checb' chi 'a 'a. 29'Ay jun win snul'j 'ix Labán sb'i, yajn̈ej 'ix 'at win 'a 'aj 'ay a 'uc'b'il a cha, yic tz'at yi'nc cot win jun winc cha. 30Yujto 'ix yil win q'uen 'icha yumchiquin, yet' q'uen brazalete 'aych 'a sc'ab' 'ix yanb' cha, 'ix yab'n pax tas xyutj 'ix yaln tas xyal win winc cha; yuj cha, x'at Labán 'a 'aj 'ayc' win schecb' Abraham 'a sti a 'uc'b'il a cha. 31'Ix yaln 'a 'ixtic:
—Con̈ wet' 'a watut mamin 'ichm winac, wach' ec yuj Jehová. Matz tac' tzach can 'a tic. Tox 'ix in b'o 'aj 'oj a wayi, 'ay pax 'aj wach' 'oj wa e no a cameyo tic, xchi Labán cha.
32'Ixta to b'i'an, 'ix 'at win checb' 'a yatut win Labán cha, ax Labán 'ix colwj yi'n 'el yictz e no cameyo cha, xya'n win tas tzc'ux e no', yajn̈ej 'ix yi'n cot pax win a a', yic tzb'icn 'el win checb' chi yoc yet' eb' ajun yet'oc.
33Ax yic x'ajx 'elt tas tzc'ux eb', 'ix yaln win checb' chi 'ixtic:
—An tic mant 'oj in wa'i, yowlal 'oj walcni tas in checnb'il wet'i, xchi winac.
—Paxtinan̈ 'an, xchi Labán cha.
34'Ix yaln win checb' chi 'ixtic:
—An tic schecb' in win Abraham. 35'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'. 36'Ixta pax 'ix Sara yistzil in patron̈ cha, caw wal chichm 'ix xo, 'ix 'alj jun yune'. Ax smasnil tas 'ay 'a win in patron̈ cha, yicn̈ej win 'unnab'il chi yaji. 37A win in patron̈ cha, 'ix yala to tzwac' in ti in yiclni schecnb'il, yuj cha, 'ix yaln 'ayn 'ixtic: Ma'oj stac' yi'n ni wunnal tic junc 'ix 'ix 'aj Canaán, 'a 'aj cajn in 'ec' tic. 38Yuj cha, tzach 'at a say yistzil ni wunnal tic 'a scal eb' 'ayt wuj in b'a yet'oc, ata tzach 'ati, xchi. 39'Ix waln 'a in patron̈ chi 'ixtic: Mamin, ¿q'uinloc a 'ix 'ix tz'at in say cha, matz yal sc'ojl 'ix scot 'a tic wet'oc? xin chi. 40'Ix ta'w win 'ayn 'ixtic: An tic, tzin yicljn̈ej tas tzyal Jehová. A 'oj checnc 'at yángel et'oc, sec wach' 'oj 'aj yel'ch jun a checnb'il cha, yic tze'n cot junc yistzil ni wunnal tic 'a scal eb' 'ix 'ix 'ayt wuj in b'a yet'oc. 41Cojn toto a eb' wican matz 'a'n cot yisl et'oc, libre ach 'a jun a paxti tic tzac' 'ayn tic, xchi win in patron̈ cha.
42'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic. 43Tzin tew 'aych ticnec, ya' sb'a 'ayn 'ec' 'a sti a 'uc'b'il a tic, ax 'oj 'ajoc, to a 'ix cob's 'oj jawc wul yic' yal 'a tic, an 'oj wal 'a 'ix 'ixtic: Tzin tew 'ayach, 'ac' wuc' jac al chi 'a yol a ch'ub' cha, 'oj in chic 'a 'ix. 44Ax yaln 'ix: 'U'j a', tzwi'n pax q'uet a yuc' e no a cameyo tic, toto xchi 'ix, atn cab' wal 'ix chi xa si'ch yistzilc win yunnal in patron̈, xin chi. 45'Ayt wal slajw waln jun tzo'n̈ tic 'a in lesl 'a in nab'en, ax xwilni xc'och 'unx Rebeca tic, 'ix c'och 'unx 'a a 'uc'b'il a cha, 'ay q'ue sch'ub' 'unx 'a squelab', 'ix waln a 'unix: Tzin tew 'ayach, 'ac' wuc' jac a a cha, xin chi 'a 'unix. 46Yajn̈ej 'ix ya'n 'ejm 'unx sch'ub' cha, 'ix yaln 'unx 'ayin: 'U'j a', ax wa'n pax yuc' e no a cameyo tic a', xchi 'unix. 'Ixta xyutj 'unx ya'n wuc' a', 'ix ya'n pax 'unx yuc' e no cameyo tic a'. 47Yuj cha, xin c'anb'n 'a 'unix: ¿Mach 'aych yisil? xin chi. 'Ix yaln 'unx 'ayin: Yiquin ni Betuel, ni yunnal Nacor yet' 'ix Milca, xchi 'unix. Yuj cha, 'ix wa'n 'och jun q'uen 'icha yumchicn tic 'a sn̈i 'unix, 'ix wa'n pax 'och junjn q'uen brazalete 'a junjn sc'ab' 'unix. 48Xlajw cha, 'in 'em cuman, 'ix waln wach' paxti yet' in lesl 'a Jehová, atn sDiosal in patron̈ Abraham, to a 'ix 'och wet'oc, yic in cot 'a yol b'e, wach' in 'aj in coti, yic tzwul wi'nc yistzil win yunnal in patron̈ 'a scal eb' yican. 49A ticnec b'i'an, paxtinan̈ec, ¿tom wach' 'oj eyutc e nab'en 'a in patron̈ cha, mto ma'ay? Alc pax 'ayin, sec wach' 'oj in na tas 'oj wutoc, xchi win checb' cha.
50Xlajw cha, xyaln Labán yet' Betuel 'ixtic:
—Smasnil jun tzo'n̈ tic, a 'a Jehová xcoti, an̈ tic man̈x 'a tas wach' caln 'ayach. 51'Ilto, yaj 'unx Rebeca tic; 'ij 'at 'unix, 'at cab' 'unx yistzilc ni yunnal a patron̈ cha, 'icha wal xyutj yaln Jehová, xchi eb'.
52Ax yic 'ix yab'n win schecb' Abraham, to wach' yaln eb', 'ix 'em cumn 'a yojltac Jehová, xyaln yuj diosal 'a 'a. 53Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix. 54Xlajw cha, xwa win yet' eb' ajun yet' cha, 'ix can eb' 'a jun 'ac'wl chi ta'. Ax yic sacb' 'el 'a junx c'u, 'ix q'ue wan win checb' cha, 'ix yaln 'ixtic:
—A ticnec jun, checc 'at 'unx cob's 'unn tic wet' 'a win in patron̈ cha, xchi winac.
55'Ix ta'w win snul'j 'ix, yet' 'ix snun 'ix cha, 'ix yaln eb' 'ixtic:
—Can cab' 'unx lajn̈ec xo c'u quet' on̈, 'ixta to b'i'an ax s'at 'unx et'oc, xchi eb' 'a winac.
56Palta 'ix ta'w win checb' chi 'ixtic:
—Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.
57'Ix yaln pax eb' 'a win 'ixtic:
—'At cawtc 'unx cob's chi 'an, ax cab'ni tas xchi 'unix, xchi eb'.
58'Ix yawtn cot eb' 'ix Rebeca cha, sc'anb'n eb' 'a 'ix 'ixtic:
—¿Tzyal am a c'ojl tzach 'at yet' jun win winc tic? xchi eb'.
—N', 'oj in 'ati, xchi 'ix.
59'Ixta to b'i'an, 'ix ya'n 'at eb' 'ix Rebeca, yet' junx 'ix 'ix xq'uib'tzan 'ix, yet' win schecb' Abraham cha, yet' pax ewin ajun yet'oc. 60'Ix yaln can eb' wach' paxti 'a yib'n̈ Rebeca chi 'ixtic:
Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.
61Xlajw cha, xq'ue 'ix Rebeca chi yet' eb' 'ix schecb' chi 'a yib'n̈ e no cameyo cha. 'Ix 'och tza'n eb' 'a spatc win checb' cha. 'Ixta ton 'ix yutj win checb' chi 'at yi'noc cot 'ix Rebeca, xlajw cha, 'ix paxta.
62Ax Isaac tox 'ix meltzj pax cot 'a a 'uc'b'il a tzcuch jun Dios Pitzan A Tzin 'Ilni, ata cajn 'a yatut 'a yol yic Neguev. 63Ax yic wan xo yejm c'u 'ix 'elt win b'eyc'oc, ax xyilni to 'ay jun tzo'n̈ no cameyo tzjaw 'a stz'ey. 64'Ixta pax 'ix Rebeca cha, 'ix 'at q'ueln 'ix, xyiln 'at 'ix win Isaac, yuj cha, 'ix 'emt 'ix 'a yib'n̈ no cameyo muc'uc. 65'Ix sc'anb'n 'ix 'ixtc 'a win checb' cha:
—¿Mach jun winc tzcot 'a qui sat cha? xchi 'ix. Xyaln win checb' chi 'ixtic:
—Atn win in patron̈ cha, xchi winac, yuj cha, xyi'n 'emt 'ix spotil, smacn 'och 'ix 'a sat.
66Ax win checb' cha, 'ix yaln win 'a Isaac yuj smasnil tas 'ix 'aj 'el'ch schecnb'il. 67Yajn̈j wal cha, 'ix yi'n 'at win Isaac 'ix Rebeca chi 'a yojl smantiado snun, atn 'ix Sara chamnac. Xlajw cha, 'ix nupn win yet' 'ix, caw wal xchamc'ojlax 'ix Rebeca chi yuj win Isaac cha. 'Ixta 'ix 'aj yec' scusc'ojlal win yuj schamlil snun.
Currently Selected:
Gn 24: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Gn 24
24
Xyac' Abraham sayxoc yistzil Isaac
1Caw wal 'ichm winc xo win Abraham, ax Jehová 'ix 'a'n syaxilal 'a yib'n̈ smasnil tastc 'ay 'a 'a. 2'Ay jun c'u 'ix yawtj cot jun schecb' caw 'ichm xo, win 'aych yilmalc smasnil tas 'ay 'a 'a, 'ix yaln 'a 'ixtic:
—'A'ch a c'ab' 'a yaln̈ in xub' tic, 3tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic. 4Palta tzach 'at 'a in chon̈ab', ata tza say junc yistzil ni wunnal 'a scal eb' 'ayt wuj in b'a yet'oc, xchi Abraham cha.
5Xta'w win schecb' chi 'ixtic:
—Q'uinloc matz yal sc'ojl 'ix tzcot wet'oc, ¿tas 'oj wutc paxi? ¿Yowlal am tzwij 'at ni onnal tic 'a 'aj cotn̈c ach cha? xchi winac.
6'Ix ta'w Abraham chi 'ixtic:
—May xon wal b'a'n̈ tzej 'at ni wunnal tic ta'. 7A Jehová sDiosal satcha'an̈, a in 'i'n 'elt 'a yatut in mam, 'ix ya'n sti ya'n jun lum tic 'a eb' win̈til. A pax 'oj checnc 'at yángel et'oc, sec wach' 'oj e' cot yistzil ni wunnal tic ta'. 8Toto a 'ix 'ix chi matz yal sc'ojl tzcot et'oc, libre ach 'a jun paxti tic. Palta matz tac' e'n 'at ni wunnal tic ta', xchi.
9'Ixta to b'i'an, 'ix ya'n 'och win checb' chi sc'ab' 'a yaln̈ xub' Abraham cha, 'ix ya'n sti', to tzyiclj win smasnil tas 'ix yal spatron̈ cha. 10Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia. 11Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha. 12Ya' sb'a cha, 'ix syamn 'och win sleslwi 'a Dios 'ixtic: Mamin Jehová, ach sDiosal Abraham in patron̈, tzin tew 'ayach, comnoc wach' tz'el'ch in checnb'il tic, tza ch'oxn pax a wach' nab'en 'a in patron̈ cha. 13Tic tzin cancn 'a sti a 'uc'b'il a tic, ya' sb'a tzjaw eb' 'ix cob'stac 'ix wul yic' ya'al. 14Comnoc tz'el 'a a c'ojol, to a 'ix cob's 'oj wul yic' q'uet ya'al, 'oj wal 'ixtc 'a 'ix: Tzin tew 'ayach, 'ac' 'ejm a ch'ub', tza'n wuc' jac a a 'ay 'a yol a ch'ub' cha, 'oj in chic 'a 'a, ax yaln 'ix: 'U'j a', tzwa'n pax yuc' e no 'a cameyo tic a', xchi cab' 'ix. A cab' 'ix chi tza si'li, yic tz'och yistzilc win a checb' Isaac. 'Ixta 'oj 'aj snachj 'el wu'uj, ax wa'n 'och yipc in c'ojol, to caw wach' a nab'en 'a yib'n̈ win in patron̈, xchi win checb' cha.
15Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham. 16A 'ix Rebeca cha, caw wal wach' yilx 'ix, caw cob's 'ix, mant 'a winc tzc'umej. 'Ix 'ejm 'ix 'a yojl a 'uc'b'il a cha, yic tzyi'n q'uet 'ix ya'al, 'ix ya'n b'ut'joc 'ix sch'ub', 'ix 'atxi. 17Xlajw cha, carela x'at win checb' chi 'a spatc 'ix, 'ix yaln win 'a 'ix 'ixtic:
—Tzin tew 'ayach, 'ac' wuc' jac a a 'ay 'a yol a ch'ub' tic, xchi winac.
18—'U'j a mamin, xchi 'ix. Wal 'a yajn̈ej 'ix yac' 'ejm 'ix sch'ub' cha, 'ix ya'n 'ix yuc' win a'. 19Yic xlajw yu'n win checb' chi a', 'ix yaln pax 'ix 'ixtic:
—'Oj wic' q'uet pax yuc' e no a cameyo tic a', a tzyala jantc tznib'j e no yuc', xchi 'ix.
20Wal 'a yajn̈ej, 'ix secn 'ejm 'ix a 'a yol te jucub', 'a 'aj tzyu'j xon no noc' ya'al, niwn 'ejm xyac' 'ix yi'n q'uet a', masnto xyu'j e no a smasnil. 21A pax win checb' cha, ton̈j q'ueln 'och win 'a 'ix. Cojnto tzyila tas tzb'o Jehová 'a jun schecnb'il win cha. 22Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en. 23'Ix yaln win 'ixtic:
—Al 'ayin mach 'aych yico', 'aym pax 'aj coln tzon̈ can wayc 'a yatut a mam 'a jun 'ac'wl tic on̈, xchi winac.
24'Ix yaln 'ix 'a win 'ixtic:
—Yisl in Betuel, ni yunnal can Nacor yet' 'ix Milca. 25A 'a catut on̈ coln tzex wayi, 'ay pax 'aj wach' swa e no a cameyo tic, xchi 'ix.
26'Ix yab'n win checb' cha, to 'ixta 'ix yutj 'ix yalni, 'ix 'em n̈ojnjoc win sleslwi 'a Jehová, 'ix yaln yuj diosal 'a 'a. 27'Ix yaln 'ixtic: Alx cab' wach' paxti 'a Jehová, sDiosal Abraham in patron̈. Caw wal 'aych yet'oc, 'ay schamc'ojlal 'a 'a, tzin yi'n b'ey pax Jehová 'a yol b'e tic, masnto 'a scal eb' yican in patron̈ cha, xchi winac.
28Ax 'ix Rebeca cha, carela 'ix 'at 'ix 'a yatut snun, yic tzyaln 'ix smasnil tas xyal win checb' chi 'a 'a. 29'Ay jun win snul'j 'ix Labán sb'i, yajn̈ej 'ix 'at win 'a 'aj 'ay a 'uc'b'il a cha, yic tz'at yi'nc cot win jun winc cha. 30Yujto 'ix yil win q'uen 'icha yumchiquin, yet' q'uen brazalete 'aych 'a sc'ab' 'ix yanb' cha, 'ix yab'n pax tas xyutj 'ix yaln tas xyal win winc cha; yuj cha, x'at Labán 'a 'aj 'ayc' win schecb' Abraham 'a sti a 'uc'b'il a cha. 31'Ix yaln 'a 'ixtic:
—Con̈ wet' 'a watut mamin 'ichm winac, wach' ec yuj Jehová. Matz tac' tzach can 'a tic. Tox 'ix in b'o 'aj 'oj a wayi, 'ay pax 'aj wach' 'oj wa e no a cameyo tic, xchi Labán cha.
32'Ixta to b'i'an, 'ix 'at win checb' 'a yatut win Labán cha, ax Labán 'ix colwj yi'n 'el yictz e no cameyo cha, xya'n win tas tzc'ux e no', yajn̈ej 'ix yi'n cot pax win a a', yic tzb'icn 'el win checb' chi yoc yet' eb' ajun yet'oc.
33Ax yic x'ajx 'elt tas tzc'ux eb', 'ix yaln win checb' chi 'ixtic:
—An tic mant 'oj in wa'i, yowlal 'oj walcni tas in checnb'il wet'i, xchi winac.
—Paxtinan̈ 'an, xchi Labán cha.
34'Ix yaln win checb' chi 'ixtic:
—An tic schecb' in win Abraham. 35'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'. 36'Ixta pax 'ix Sara yistzil in patron̈ cha, caw wal chichm 'ix xo, 'ix 'alj jun yune'. Ax smasnil tas 'ay 'a win in patron̈ cha, yicn̈ej win 'unnab'il chi yaji. 37A win in patron̈ cha, 'ix yala to tzwac' in ti in yiclni schecnb'il, yuj cha, 'ix yaln 'ayn 'ixtic: Ma'oj stac' yi'n ni wunnal tic junc 'ix 'ix 'aj Canaán, 'a 'aj cajn in 'ec' tic. 38Yuj cha, tzach 'at a say yistzil ni wunnal tic 'a scal eb' 'ayt wuj in b'a yet'oc, ata tzach 'ati, xchi. 39'Ix waln 'a in patron̈ chi 'ixtic: Mamin, ¿q'uinloc a 'ix 'ix tz'at in say cha, matz yal sc'ojl 'ix scot 'a tic wet'oc? xin chi. 40'Ix ta'w win 'ayn 'ixtic: An tic, tzin yicljn̈ej tas tzyal Jehová. A 'oj checnc 'at yángel et'oc, sec wach' 'oj 'aj yel'ch jun a checnb'il cha, yic tze'n cot junc yistzil ni wunnal tic 'a scal eb' 'ix 'ix 'ayt wuj in b'a yet'oc. 41Cojn toto a eb' wican matz 'a'n cot yisl et'oc, libre ach 'a jun a paxti tic tzac' 'ayn tic, xchi win in patron̈ cha.
42'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic. 43Tzin tew 'aych ticnec, ya' sb'a 'ayn 'ec' 'a sti a 'uc'b'il a tic, ax 'oj 'ajoc, to a 'ix cob's 'oj jawc wul yic' yal 'a tic, an 'oj wal 'a 'ix 'ixtic: Tzin tew 'ayach, 'ac' wuc' jac al chi 'a yol a ch'ub' cha, 'oj in chic 'a 'ix. 44Ax yaln 'ix: 'U'j a', tzwi'n pax q'uet a yuc' e no a cameyo tic, toto xchi 'ix, atn cab' wal 'ix chi xa si'ch yistzilc win yunnal in patron̈, xin chi. 45'Ayt wal slajw waln jun tzo'n̈ tic 'a in lesl 'a in nab'en, ax xwilni xc'och 'unx Rebeca tic, 'ix c'och 'unx 'a a 'uc'b'il a cha, 'ay q'ue sch'ub' 'unx 'a squelab', 'ix waln a 'unix: Tzin tew 'ayach, 'ac' wuc' jac a a cha, xin chi 'a 'unix. 46Yajn̈ej 'ix ya'n 'ejm 'unx sch'ub' cha, 'ix yaln 'unx 'ayin: 'U'j a', ax wa'n pax yuc' e no a cameyo tic a', xchi 'unix. 'Ixta xyutj 'unx ya'n wuc' a', 'ix ya'n pax 'unx yuc' e no cameyo tic a'. 47Yuj cha, xin c'anb'n 'a 'unix: ¿Mach 'aych yisil? xin chi. 'Ix yaln 'unx 'ayin: Yiquin ni Betuel, ni yunnal Nacor yet' 'ix Milca, xchi 'unix. Yuj cha, 'ix wa'n 'och jun q'uen 'icha yumchicn tic 'a sn̈i 'unix, 'ix wa'n pax 'och junjn q'uen brazalete 'a junjn sc'ab' 'unix. 48Xlajw cha, 'in 'em cuman, 'ix waln wach' paxti yet' in lesl 'a Jehová, atn sDiosal in patron̈ Abraham, to a 'ix 'och wet'oc, yic in cot 'a yol b'e, wach' in 'aj in coti, yic tzwul wi'nc yistzil win yunnal in patron̈ 'a scal eb' yican. 49A ticnec b'i'an, paxtinan̈ec, ¿tom wach' 'oj eyutc e nab'en 'a in patron̈ cha, mto ma'ay? Alc pax 'ayin, sec wach' 'oj in na tas 'oj wutoc, xchi win checb' cha.
50Xlajw cha, xyaln Labán yet' Betuel 'ixtic:
—Smasnil jun tzo'n̈ tic, a 'a Jehová xcoti, an̈ tic man̈x 'a tas wach' caln 'ayach. 51'Ilto, yaj 'unx Rebeca tic; 'ij 'at 'unix, 'at cab' 'unx yistzilc ni yunnal a patron̈ cha, 'icha wal xyutj yaln Jehová, xchi eb'.
52Ax yic 'ix yab'n win schecb' Abraham, to wach' yaln eb', 'ix 'em cumn 'a yojltac Jehová, xyaln yuj diosal 'a 'a. 53Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix. 54Xlajw cha, xwa win yet' eb' ajun yet' cha, 'ix can eb' 'a jun 'ac'wl chi ta'. Ax yic sacb' 'el 'a junx c'u, 'ix q'ue wan win checb' cha, 'ix yaln 'ixtic:
—A ticnec jun, checc 'at 'unx cob's 'unn tic wet' 'a win in patron̈ cha, xchi winac.
55'Ix ta'w win snul'j 'ix, yet' 'ix snun 'ix cha, 'ix yaln eb' 'ixtic:
—Can cab' 'unx lajn̈ec xo c'u quet' on̈, 'ixta to b'i'an ax s'at 'unx et'oc, xchi eb' 'a winac.
56Palta 'ix ta'w win checb' chi 'ixtic:
—Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.
57'Ix yaln pax eb' 'a win 'ixtic:
—'At cawtc 'unx cob's chi 'an, ax cab'ni tas xchi 'unix, xchi eb'.
58'Ix yawtn cot eb' 'ix Rebeca cha, sc'anb'n eb' 'a 'ix 'ixtic:
—¿Tzyal am a c'ojl tzach 'at yet' jun win winc tic? xchi eb'.
—N', 'oj in 'ati, xchi 'ix.
59'Ixta to b'i'an, 'ix ya'n 'at eb' 'ix Rebeca, yet' junx 'ix 'ix xq'uib'tzan 'ix, yet' win schecb' Abraham cha, yet' pax ewin ajun yet'oc. 60'Ix yaln can eb' wach' paxti 'a yib'n̈ Rebeca chi 'ixtic:
Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.
61Xlajw cha, xq'ue 'ix Rebeca chi yet' eb' 'ix schecb' chi 'a yib'n̈ e no cameyo cha. 'Ix 'och tza'n eb' 'a spatc win checb' cha. 'Ixta ton 'ix yutj win checb' chi 'at yi'noc cot 'ix Rebeca, xlajw cha, 'ix paxta.
62Ax Isaac tox 'ix meltzj pax cot 'a a 'uc'b'il a tzcuch jun Dios Pitzan A Tzin 'Ilni, ata cajn 'a yatut 'a yol yic Neguev. 63Ax yic wan xo yejm c'u 'ix 'elt win b'eyc'oc, ax xyilni to 'ay jun tzo'n̈ no cameyo tzjaw 'a stz'ey. 64'Ixta pax 'ix Rebeca cha, 'ix 'at q'ueln 'ix, xyiln 'at 'ix win Isaac, yuj cha, 'ix 'emt 'ix 'a yib'n̈ no cameyo muc'uc. 65'Ix sc'anb'n 'ix 'ixtc 'a win checb' cha:
—¿Mach jun winc tzcot 'a qui sat cha? xchi 'ix. Xyaln win checb' chi 'ixtic:
—Atn win in patron̈ cha, xchi winac, yuj cha, xyi'n 'emt 'ix spotil, smacn 'och 'ix 'a sat.
66Ax win checb' cha, 'ix yaln win 'a Isaac yuj smasnil tas 'ix 'aj 'el'ch schecnb'il. 67Yajn̈j wal cha, 'ix yi'n 'at win Isaac 'ix Rebeca chi 'a yojl smantiado snun, atn 'ix Sara chamnac. Xlajw cha, 'ix nupn win yet' 'ix, caw wal xchamc'ojlax 'ix Rebeca chi yuj win Isaac cha. 'Ixta 'ix 'aj yec' scusc'ojlal win yuj schamlil snun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.