Gn 7
7
A jun owl yaxn̈ab'
1Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic. 2'Ij 'och uc mojn̈oc no noc' tztac' yoch xajmb'alil, ax pax smasnil no man̈ wach'c yoch xajmb'alil, junjn mojn̈ no tzej 'ochi. 3'Ij 'och pax uc mojn̈oc junjn c'aj no ch'ic, sec wach' matz satl yin̈tl e no 'a sat lum lum tic. 4Yujto yic ucb'ix, ax wa'n cot jun niwquil owl yaxn̈ab' 'a sat lum tic. Chawinc c'u chawinc 'ac'wl 'oj yac'a'. 'Ixta wal 'oj wutc in satn 'el smasnil tas in b'ojnac 'a sat lum lum tic, xchi Dios 'a Noé. 5'Ixta 'ix yutj Noé syiclni tas 'ix yal Jehová 'a 'a.
6A yic xjaw jun niwquil owl yaxn̈ab' cha, waque ciente ab'il sq'uinl winac. 7'Ix 'och win 'a yojl te barco yet' yistzil, xyi'n 'och eb' yunnal yet' pax eb' yalib', yuj scolchj eb' 'a jun niwquil owl yaxn̈ab' cha. 8'Ixta pax no noc', e no tztac' yoch xajmb'alil yet' no man̈ wach'c yoch xajmb'alil, e no tzjuc sb'a, yet' e no ch'ic. 9Junjn mojn̈al x'aj no sjawi, no smam yet' no snun, yic x'och no 'a yojl te barco yet' Noé, 'icha xyutj Dios yalni.
10Ax 'a yucl c'ual, 'ix 'el yich smacchj 'el sat lum lum tic yuj owl yaxn̈ab' cha. 11A wal stz'acw yab'lil Noé 'a waque ciente ab'il sq'uinal, yic yuclajn̈il c'u yoch schab'l 'uj, yic xn̈i'chj q'uet a niwc a 'ay 'a yaln̈ lum lum tic, xcot pax secnjoc a a 'ay 'a satcha'an̈. 12Chawinc c'u chawinc 'ac'wl 'ix yac' n̈ab' 'a yib'n̈ lum lum tic. 13A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil. 14Smasnil yin̈tl junjn c'aj no noc', x'och yet' eb', no cajb'en noc', no calte'al noc', no tzjuc sb'a, yet' smasnil no ch'ic. 15Smasnil no noc' tzyij yic', 'ix jaw no 'a Noé, 'ix yi'n 'och win e no' 'a yojl te barco cha, chatcwan̈il 'ix 'aj e no yochi. 16Jun no smam jun no snun, 'ixta 'ix 'aj yoch junjn c'aj e no', 'icha 'ix yutj yaln Jehová 'a Noé. Xlajw cha, caw a Jehová 'ix macn can smac te barco cha.
17-18Chawincxo c'u smacchj 'el sat lum tic yuj a', 'ix q'ue wan a 'a cha'an̈, 'ix yi'n chan̈ a te barco cha. 19'Ix mucchj can 'ejm smasnil lum niwc witz yuj a'. 20'Ix q'uib' chan̈ a', 'aym uque'oc metro 'ix 'ec' a 'a yib'n̈ lum niwc witz cha. 21'Ixta 'ix 'aj xcham smasnil 'anma 'ay 'a sat lum lum tic, yet' smasnil no noc', no ch'ic, no cajb'en noc', no calte'al noc', yet' no tzjuc sb'a 'a sat lu'um. 22Smasnil tasto tzyij yic' cajn 'a sat lum lum tic, c'uxn 'ix chami. 23Cojxn Noé yet' eb' yico', yet' no noc' 'aych yet'oc, cojxn eb' xcolchji, ax pax jun tzo'n̈ xo eb' 'anma', 'ix lajw 'el eb' smasnil. 24O'e 'uj 'ix cancn pan̈n a 'a yib'n̈ lum lum tic.
Currently Selected:
Gn 7: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
