Jn 3
3
A Jesús paxtinnac yet' Nicodemo
1'Ay jun fariseo Nicodemo sb'i, yajl yaj 'a scal eb' yit israelal, yet' 'a eb' yit yajlil. 2Ax 'a jun 'ac'wal, 'ix c'och 'a Jesús. 'Ix yaln 'ixtic:
—Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.
3'Ix yaln Jesús 'a win 'ixtic:
—Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.
4—A junc 'ichm 'anma xo, ¿tast wal 'oj 'aj yalj pax 'a scha'ejmal? ¿Tom 'ojt stac' yochx 'a yol sc'ojl snun, ax yalj pax jun 'ejm xo? xchi Nicodemo.
5—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios. 6A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'. 7Man̈ sat a c'ojl yuj tas 'ix wala, to yowlal tzex 'alji yuj e chan jun q'uinl tzcot 'a satcha'an̈.#Jn 3.7 A jun paxti satcha'an̈, a 'a griego chab' tz'aj 'el'chi: " Tz'alj 'a scha'ejmal," mto " tz'alj 'a q'uinl tzcot 'a satcha'an̈." 8A 'ic', tz'atn̈j 'a 'aj tz'ati. Tzcab'c sc'an̈i, palta man̈ cojcoquec 'aj tzcoti, yet' 'aj tzc'ochi. 'Icha jun 'ic' cha,#Jn 3.8 'Ay chab' til 'aj paxtinac Jesús, atn 'a griego yet 'a hebreo. A jun paxti espíritu, chab' til 'aj tzalxi, tzyal 'el'ch "espíritu", an̈jtona tzyal pax 'el'ch " 'ic'." 'ixta pax eb' tz'alj yuj Yespíritu Dios, xchi Jesús 'a winac.
9—¿Tas wal 'oj 'aj sb'o jun tzo'n̈ tic? xchi win 'a 'a.
10Yuj cha, xyaln pax Jesús 'ixtic:
—¿Tom mant ojcoc jun tzo'n̈ tic? Palta 'in caw cuywjum ach 'a scal eb' quit israelal si'mb'il. 11Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈. 12Toto matz e chaj eyab' tas tzwal 'ayx yuj tastc 'ay 'a yolyib'n̈q'uinl tic, ¿tom 'oj e cha pax eyab'i', toto tzwal 'ayx yuj tastc 'ay 'a satcha'an̈?
13May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in. 14An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um,#Jn 3.14 A 'a Números 21.6-9, ata tz'ilchj yab'xil yechl chan bronce. 'ixta 'oj waj q'ue t'un̈n paxi. 15'Ixta 'oj waji, sec wach' jantcn̈ej eb' tzin 'a'n 'och 'a sc'ojol, ma'oj satc' eb', palta 'oj scha eb' sq'uinl 'a jun 'ejmn̈ej.
Tzchamc'ojlej Dios smasnil 'anma'
16Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej. 17An tic, Yunnaln ton Dios. Man̈ yujoc wa'n 'och syailal eb' 'anma', in ya'n cot 'a yolyib'n̈q'uinl tic, palta yuj in coln eb'.
18A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol. 19An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'. 20Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha. 21Palta a eb' tzyiclni 'icha tzyal jun cuynb'il caw yel, tzchaj eb' jun sacq'uinl tic, sec wach' tzcheclj 'eli to 'aych Dios yet' eb' yuj tas tzb'o'o, xchi Jesús 'a Nicodemo cha.
Yaljnac Juan Bautista*r* yab'xil Jesús jun 'ejm xo
22Xlajw cha, x'at Jesús yet' eb' scuywum 'a yol yic Judea. Ata 'ix 'och wan jaye c'u yet' eb'. Ax eb' scuywum chi x'a'n bautisar eb' 'anma ta'. 23An̈jtona Juan, 'ix 'a'w bautisar 'a jun lugar tzcuch Enón 'ay 'a stz'ey Salim, yujto til wal a ta'. 'Ix laj c'och eb' 'anma', xit' ya'nc 'ajxc bautisar sb'a eb' 'a 'a. 24'Ix sb'o Juan jun tzo'n̈ cha, yic mantzac 'ajx 'och 'a preso.
25'Ay jaywn̈ eb' scuywum Juan 'ix stej sb'a yet' eb' israel, yuj tas tzyutj eb' 'anma sacb'tzan sb'a 'icha yaln ley. 26Yuj cha, xit' yalnc eb' 'ixtc 'a Juan cha:
—Ach qui cuymal on̈, a jun 'e'nc et' 'a sc'axpil 'ec' a Jordán, jun alcn 'ayn̈ on̈, a jun cha, wan ya'n bautisar eb' 'anma ticnec. C'uxn tzlaj 'och eb' scuywumoc, xchi eb' 'a Juan cha.
27Yuj cha, xyaln pax 'a eb' 'ixtic:
—May junc mach tztac' scomn 'och yopiso, toto man̈oc Dios tz'a'n 'a 'a. 28Ax tic, eyab'jnac walni to man̈ in Cristooc. An tic, ton̈j b'ab'l checb'iln coti. 29Q'uinloc 'ay junc nupnel#Jn 3.29 'Ay 'aj tzyal ch'an̈ Biblia yuj nupnel, to tzch'ox cot yechl Dios yet' Israel, mto Cristo yet' iglesia. A 'a jun versículo tic, a win tznupn tic, atn Cristo; a pax jun swach'c'ojl win tznupn cha, tzch'ox cot Juan Bautista. tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús. 30A Jesús cha, yowlal yel xo 'oj niwtjoc chan̈ yopiso. An xo tic, c'ojnc'ojnil 'oj sat 'ejm wopiso, xchi Juan 'a eb' scuywum cha.
A jun 'emnc wul 'a satcha'an̈
31'Ix yaln pax Juan 'a eb' 'ixtic:
—A jun 'emlnac 'a satcha'an̈, yajl yaj 'a yib'n̈ smasnil 'anma'. An̈ xo 'aj yolyib'n̈q'uinl on̈c tic, 'anman̈n̈ej qui masnil. An̈j wal tas yic yolyib'n̈q'uinl tic tzcalec. Palta ax jun 'emlnac 'a satchan̈ cha, yajl yaj 'a quib'n̈ec qui masnil. 32A tas yab'jnac, yet' tas yiljnac, a tzyala, palta may wal mach tzchan 'ab'nc 'a 'a. 33Toto 'ay eb' tzchan 'ab'nc 'a 'a, tzyac' testigoal sb'a eb' yu'uj, chajtlto caw yel tzyal Dios. 34Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a. 35Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta. 36A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.
Currently Selected:
Jn 3: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Jn 3
3
A Jesús paxtinnac yet' Nicodemo
1'Ay jun fariseo Nicodemo sb'i, yajl yaj 'a scal eb' yit israelal, yet' 'a eb' yit yajlil. 2Ax 'a jun 'ac'wal, 'ix c'och 'a Jesús. 'Ix yaln 'ixtic:
—Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.
3'Ix yaln Jesús 'a win 'ixtic:
—Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.
4—A junc 'ichm 'anma xo, ¿tast wal 'oj 'aj yalj pax 'a scha'ejmal? ¿Tom 'ojt stac' yochx 'a yol sc'ojl snun, ax yalj pax jun 'ejm xo? xchi Nicodemo.
5—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios. 6A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'. 7Man̈ sat a c'ojl yuj tas 'ix wala, to yowlal tzex 'alji yuj e chan jun q'uinl tzcot 'a satcha'an̈.#Jn 3.7 A jun paxti satcha'an̈, a 'a griego chab' tz'aj 'el'chi: " Tz'alj 'a scha'ejmal," mto " tz'alj 'a q'uinl tzcot 'a satcha'an̈." 8A 'ic', tz'atn̈j 'a 'aj tz'ati. Tzcab'c sc'an̈i, palta man̈ cojcoquec 'aj tzcoti, yet' 'aj tzc'ochi. 'Icha jun 'ic' cha,#Jn 3.8 'Ay chab' til 'aj paxtinac Jesús, atn 'a griego yet 'a hebreo. A jun paxti espíritu, chab' til 'aj tzalxi, tzyal 'el'ch "espíritu", an̈jtona tzyal pax 'el'ch " 'ic'." 'ixta pax eb' tz'alj yuj Yespíritu Dios, xchi Jesús 'a winac.
9—¿Tas wal 'oj 'aj sb'o jun tzo'n̈ tic? xchi win 'a 'a.
10Yuj cha, xyaln pax Jesús 'ixtic:
—¿Tom mant ojcoc jun tzo'n̈ tic? Palta 'in caw cuywjum ach 'a scal eb' quit israelal si'mb'il. 11Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈. 12Toto matz e chaj eyab' tas tzwal 'ayx yuj tastc 'ay 'a yolyib'n̈q'uinl tic, ¿tom 'oj e cha pax eyab'i', toto tzwal 'ayx yuj tastc 'ay 'a satcha'an̈?
13May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in. 14An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um,#Jn 3.14 A 'a Números 21.6-9, ata tz'ilchj yab'xil yechl chan bronce. 'ixta 'oj waj q'ue t'un̈n paxi. 15'Ixta 'oj waji, sec wach' jantcn̈ej eb' tzin 'a'n 'och 'a sc'ojol, ma'oj satc' eb', palta 'oj scha eb' sq'uinl 'a jun 'ejmn̈ej.
Tzchamc'ojlej Dios smasnil 'anma'
16Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej. 17An tic, Yunnaln ton Dios. Man̈ yujoc wa'n 'och syailal eb' 'anma', in ya'n cot 'a yolyib'n̈q'uinl tic, palta yuj in coln eb'.
18A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol. 19An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'. 20Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha. 21Palta a eb' tzyiclni 'icha tzyal jun cuynb'il caw yel, tzchaj eb' jun sacq'uinl tic, sec wach' tzcheclj 'eli to 'aych Dios yet' eb' yuj tas tzb'o'o, xchi Jesús 'a Nicodemo cha.
Yaljnac Juan Bautista*r* yab'xil Jesús jun 'ejm xo
22Xlajw cha, x'at Jesús yet' eb' scuywum 'a yol yic Judea. Ata 'ix 'och wan jaye c'u yet' eb'. Ax eb' scuywum chi x'a'n bautisar eb' 'anma ta'. 23An̈jtona Juan, 'ix 'a'w bautisar 'a jun lugar tzcuch Enón 'ay 'a stz'ey Salim, yujto til wal a ta'. 'Ix laj c'och eb' 'anma', xit' ya'nc 'ajxc bautisar sb'a eb' 'a 'a. 24'Ix sb'o Juan jun tzo'n̈ cha, yic mantzac 'ajx 'och 'a preso.
25'Ay jaywn̈ eb' scuywum Juan 'ix stej sb'a yet' eb' israel, yuj tas tzyutj eb' 'anma sacb'tzan sb'a 'icha yaln ley. 26Yuj cha, xit' yalnc eb' 'ixtc 'a Juan cha:
—Ach qui cuymal on̈, a jun 'e'nc et' 'a sc'axpil 'ec' a Jordán, jun alcn 'ayn̈ on̈, a jun cha, wan ya'n bautisar eb' 'anma ticnec. C'uxn tzlaj 'och eb' scuywumoc, xchi eb' 'a Juan cha.
27Yuj cha, xyaln pax 'a eb' 'ixtic:
—May junc mach tztac' scomn 'och yopiso, toto man̈oc Dios tz'a'n 'a 'a. 28Ax tic, eyab'jnac walni to man̈ in Cristooc. An tic, ton̈j b'ab'l checb'iln coti. 29Q'uinloc 'ay junc nupnel#Jn 3.29 'Ay 'aj tzyal ch'an̈ Biblia yuj nupnel, to tzch'ox cot yechl Dios yet' Israel, mto Cristo yet' iglesia. A 'a jun versículo tic, a win tznupn tic, atn Cristo; a pax jun swach'c'ojl win tznupn cha, tzch'ox cot Juan Bautista. tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús. 30A Jesús cha, yowlal yel xo 'oj niwtjoc chan̈ yopiso. An xo tic, c'ojnc'ojnil 'oj sat 'ejm wopiso, xchi Juan 'a eb' scuywum cha.
A jun 'emnc wul 'a satcha'an̈
31'Ix yaln pax Juan 'a eb' 'ixtic:
—A jun 'emlnac 'a satcha'an̈, yajl yaj 'a yib'n̈ smasnil 'anma'. An̈ xo 'aj yolyib'n̈q'uinl on̈c tic, 'anman̈n̈ej qui masnil. An̈j wal tas yic yolyib'n̈q'uinl tic tzcalec. Palta ax jun 'emlnac 'a satchan̈ cha, yajl yaj 'a quib'n̈ec qui masnil. 32A tas yab'jnac, yet' tas yiljnac, a tzyala, palta may wal mach tzchan 'ab'nc 'a 'a. 33Toto 'ay eb' tzchan 'ab'nc 'a 'a, tzyac' testigoal sb'a eb' yu'uj, chajtlto caw yel tzyal Dios. 34Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a. 35Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta. 36A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.