Levetekɔ 2
2
Dɔ̂ŋ-ŋai bîlaŋɔɔi mii-sɛŋ sâla kuláa mai
1À kɛ̀ núu da à kɛ̀ pâi a mii-sɛŋ sama-sɛŋ Yâwɛɛ pɔ́, é kɛ́ a felaƃa fũa lɛ́lɛɛ. É ɔle-wulɔ pú ma da kéreŋ-sɛŋ kúŋ nɛ̃ɛ, 2é pá la Eelɔŋ ǹônii pɔ́ nyii-ŋai díkaa a zâla láa soŋ-ƃelai. Zâla láa soŋ-nuui é ǹyée láa fɛ́ɛ tɔnɔ kula zu da ɔle-wulɔi é pɛ́lɛ géreŋ-sɛŋ kúŋ nɛ̃ɛi kélee ma é géreŋ a zãai kélee pɔɔ ŋa tôo ŋ̀âla-teƃelei ŋá nyii géreŋ kúŋ lɛ̂lɛɛi Yâwɛɛ mɛni mai. 3M̀ii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ Yâwɛɛ pɔ́i da.
4À kɛ̀ ísama-sɛŋ káa a mii-sɛŋ nyii í gbɛ̀tɛ a kpóloi, é kɛ́ a kpólo nyii tɛ́-sɛŋ fé zui zumoɔɔ a ɔle-wulɔ kpaa máŋ kpólo ƃêla fɛ̀ŋ-fɛŋ nyii tɛ́-sɛŋ fé zui ɔle-wulɔ siáa ma.
5À kɛ̀ mii-sɛŋ sama-sɛŋ káa a kpólo nyii í gbɛ̀tɛ kpólo kpɛtɛ pâne sui, é kɛ́ a gbóloi nyii í gbɛ̀tɛ a ǹɛ́lɛɛ zumoɔɔ a ɔle-wulɔ nyii tɛ́-sɛŋ fé zui. 6Zu ɣále a gbua-kpûa í ɔle-wulɔ pú mà. Gáa a mii-sɛŋ sama-sɛŋ.
7Ǹyaŋ à kɛ̀ ísama-sɛŋ káa a mii-sɛŋ sama-sɛŋ nyii í gbɛ̀tɛ pânei, é kɛ́ a kpólo nyii í gbɛ̀tɛ a felaƃa fũa lɛ́lɛɛ ɔle-wulɔ kɛ́ ƃò ma. 8Ya pá a m̀ii-sɛŋ sama-sɛŋ Yâwɛɛ pɔ́, dɛ́ɛ zâla láa soŋ-nuui pɔ́ é lí la ŋ̀âla-teƃelei ma. 9Ǹyaŋ zâla láa soŋ-nuui a pâi zama-sɛŋ ŋí da kulâi ma é gɛ́ a zãai ŋí kélee pɔ́ɔ ŋa tôoi é géreŋ ŋ̀âla-teƃelei ŋá, nyii géreŋ kuŋ lɛ̂lɛɛi Yâwɛɛ mɛni mai. 10Mii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ bɔ́i da.
11Mii-sɛŋ sama-sɛŋ ya pâ la Yâwɛɛ pɔ́i, tɛ́-sɛŋ fé kɛ̀ zu. Ífe kéreŋ mii-sɛŋ sama-sɛŋ tɛ̀ɛ Yâwɛɛ pɔ́ nyii tɛ́-sɛŋ káa zui, kpaa máŋ kɔ̃́iŋ wûlɔ. 12Ísi-sãai m̀á maa-ŋuŋ nyii ya pâ la Yâwɛɛ pɔ́ a sama-sɛŋ, ya pɔ̂ri kɔ̃́iŋ-wûlɔ da tɛ́-sɛŋ pɛlɛ̂i ma kɛ́lɛ ífe gèreŋ ŋ̀âla-teƃelei ŋá a kéreŋ-sɛŋ kúŋ nɛ̃ɛ Yâwɛɛ mɛni ma. 13Kpolo lîyeŋ pú m̀ii-sɛŋ sama-sãai kélee dîa. Ífe nɛ̀ɛ naa kpolo lîyeŋ nyii gáa a gbanaŋ-wooi ŋɔŋɛi kɛ́-maa ka Yâwɛɛ káloai, é kpɛ́ɛ ímii-sɛŋ sama-sãai dîa. Ímii-sɛŋ sama-sãai kélee kpɛtɛ a kpolo lîyeŋ. 14Ƃa kɛ̀ pâi a m̀ii-sɛŋ maa-ŋuŋ a mii-sɛŋ sama-sɛŋ Yâwɛɛ pɔ́, é kɛ́ a mii-sɛŋ ŋɔŋɔ́ɔ. 15Ɔle-wulɔ pú ma da kéreŋ sɛŋ kúŋ nɛ̃ɛ. Gáa a mii-sɛŋ sama-sɛŋ. 16Zâla láa soŋ-nuui é zama-sɛŋ ŋí géreŋ ŋ̀ɔi kúla zu nyii gáa a zãâi kélee pɔ́ɔ ŋá tôoi é pɛ́lɛ géreŋ sɛŋ kúŋ nɛ̃ɛi kélee ma é díkereŋ. Gáa a kéreŋ sama-sɛŋ Yâwɛɛ mɛni ma.
Currently Selected:
Levetekɔ 2: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
Levetekɔ 2
2
Dɔ̂ŋ-ŋai bîlaŋɔɔi mii-sɛŋ sâla kuláa mai
1À kɛ̀ núu da à kɛ̀ pâi a mii-sɛŋ sama-sɛŋ Yâwɛɛ pɔ́, é kɛ́ a felaƃa fũa lɛ́lɛɛ. É ɔle-wulɔ pú ma da kéreŋ-sɛŋ kúŋ nɛ̃ɛ, 2é pá la Eelɔŋ ǹônii pɔ́ nyii-ŋai díkaa a zâla láa soŋ-ƃelai. Zâla láa soŋ-nuui é ǹyée láa fɛ́ɛ tɔnɔ kula zu da ɔle-wulɔi é pɛ́lɛ géreŋ-sɛŋ kúŋ nɛ̃ɛi kélee ma é géreŋ a zãai kélee pɔɔ ŋa tôo ŋ̀âla-teƃelei ŋá nyii géreŋ kúŋ lɛ̂lɛɛi Yâwɛɛ mɛni mai. 3M̀ii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ Yâwɛɛ pɔ́i da.
4À kɛ̀ ísama-sɛŋ káa a mii-sɛŋ nyii í gbɛ̀tɛ a kpóloi, é kɛ́ a kpólo nyii tɛ́-sɛŋ fé zui zumoɔɔ a ɔle-wulɔ kpaa máŋ kpólo ƃêla fɛ̀ŋ-fɛŋ nyii tɛ́-sɛŋ fé zui ɔle-wulɔ siáa ma.
5À kɛ̀ mii-sɛŋ sama-sɛŋ káa a kpólo nyii í gbɛ̀tɛ kpólo kpɛtɛ pâne sui, é kɛ́ a gbóloi nyii í gbɛ̀tɛ a ǹɛ́lɛɛ zumoɔɔ a ɔle-wulɔ nyii tɛ́-sɛŋ fé zui. 6Zu ɣále a gbua-kpûa í ɔle-wulɔ pú mà. Gáa a mii-sɛŋ sama-sɛŋ.
7Ǹyaŋ à kɛ̀ ísama-sɛŋ káa a mii-sɛŋ sama-sɛŋ nyii í gbɛ̀tɛ pânei, é kɛ́ a kpólo nyii í gbɛ̀tɛ a felaƃa fũa lɛ́lɛɛ ɔle-wulɔ kɛ́ ƃò ma. 8Ya pá a m̀ii-sɛŋ sama-sɛŋ Yâwɛɛ pɔ́, dɛ́ɛ zâla láa soŋ-nuui pɔ́ é lí la ŋ̀âla-teƃelei ma. 9Ǹyaŋ zâla láa soŋ-nuui a pâi zama-sɛŋ ŋí da kulâi ma é gɛ́ a zãai ŋí kélee pɔ́ɔ ŋa tôoi é géreŋ ŋ̀âla-teƃelei ŋá, nyii géreŋ kuŋ lɛ̂lɛɛi Yâwɛɛ mɛni mai. 10Mii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ bɔ́i da.
11Mii-sɛŋ sama-sɛŋ ya pâ la Yâwɛɛ pɔ́i, tɛ́-sɛŋ fé kɛ̀ zu. Ífe kéreŋ mii-sɛŋ sama-sɛŋ tɛ̀ɛ Yâwɛɛ pɔ́ nyii tɛ́-sɛŋ káa zui, kpaa máŋ kɔ̃́iŋ wûlɔ. 12Ísi-sãai m̀á maa-ŋuŋ nyii ya pâ la Yâwɛɛ pɔ́ a sama-sɛŋ, ya pɔ̂ri kɔ̃́iŋ-wûlɔ da tɛ́-sɛŋ pɛlɛ̂i ma kɛ́lɛ ífe gèreŋ ŋ̀âla-teƃelei ŋá a kéreŋ-sɛŋ kúŋ nɛ̃ɛ Yâwɛɛ mɛni ma. 13Kpolo lîyeŋ pú m̀ii-sɛŋ sama-sãai kélee dîa. Ífe nɛ̀ɛ naa kpolo lîyeŋ nyii gáa a gbanaŋ-wooi ŋɔŋɛi kɛ́-maa ka Yâwɛɛ káloai, é kpɛ́ɛ ímii-sɛŋ sama-sãai dîa. Ímii-sɛŋ sama-sãai kélee kpɛtɛ a kpolo lîyeŋ. 14Ƃa kɛ̀ pâi a m̀ii-sɛŋ maa-ŋuŋ a mii-sɛŋ sama-sɛŋ Yâwɛɛ pɔ́, é kɛ́ a mii-sɛŋ ŋɔŋɔ́ɔ. 15Ɔle-wulɔ pú ma da kéreŋ sɛŋ kúŋ nɛ̃ɛ. Gáa a mii-sɛŋ sama-sɛŋ. 16Zâla láa soŋ-nuui é zama-sɛŋ ŋí géreŋ ŋ̀ɔi kúla zu nyii gáa a zãâi kélee pɔ́ɔ ŋá tôoi é pɛ́lɛ géreŋ sɛŋ kúŋ nɛ̃ɛi kélee ma é díkereŋ. Gáa a kéreŋ sama-sɛŋ Yâwɛɛ mɛni ma.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia