Nɔŋba 2
2
Dí ǹûai sèe dísuu mâ mûui su
1Yâwɛɛ è mò Mose da Eelɔŋ dîa ǹyɛɛi, 2“Fɛ̂ɛ Eezuɛ-ŋai dí díƃûu-ŋai pu díkpulu ma díƃenâ-ŋai mu tɛ-tɛi. Dí dínûa-pɔlɔ-ŋai dípɛrɛ-ŋai maa ŋɛi-kɛ-maa-ŋai tɔ́ɔ naa. Dí díƃûu-ŋai lá tínaŋ Zua kɔlɔ seɣe pɛrɛ maa waai ma-pere m̀éla kélee ma.
3“Diai pâi díwɔ̂ ƃuui tɔɔ̂i vóloi kulâi-perei dí kɛ́ Zuda ŋɔƃenâi mu díkpulu ma. Zuda ŋɔnûai túɛ-nuui ƃa Aminɛda ǹóŋ Nasuŋ. 4Zuda ŋɔnúu-kpului su-ƃelai díkaa a wála buu lɔ́ɔlu mɛi feerɛ káo náaŋ pôlu ŋuŋ lɔ́ɔlu mɛi da (74,600). 5Diai pâi díwɔ ƃuui tɔɔ̂i gɔlɛ mai dí kɛ́ a Isaka ŋɔsuui. Isaka ŋɔnûai túɛ-nuui ƃa Zua ǹóŋ Natɛniɛ. 6Isaka ŋɔnúu-kpului su-ƃelai díkaa a wála buu lɔ́ɔlu káo náaŋ pôlu ŋuŋ náaŋ (54,400). 7Naa pôlu ma Zɛbulɔŋ ŋɔsuui. Zɛbulɔŋ ŋɔnûai túɛ-nuui ƃa Ɛlɔŋ ǹóŋ Ilia. 8Zɛbulɔŋ ŋɔnúu-kpului su-ƃelai díkaa a wála buu lɔ́ɔlu káo lɔ́ɔlu mɛi feerɛ pôlu ŋuŋ náaŋ (57,400). 9Diai kélee díkaa Zuda ŋɔƃûui sui díkaa a wála ŋuŋ tɔnɔ pôlu buu lɔ́ɔlu mɛi saaƃa káo lɔ́ɔlu mɛi da pôlu ŋuŋ náaŋ (186,400). Dia ƃa tɔ̂ɔ ziai kélee túɛ.
10“Nàa kwára-pere é kɛ́ Lubiŋ ŋɔƃenâi mu díkpulu ma. Lubiŋ ŋɔnûai túɛ-nuui ƃa Ilizɔ nóŋ Sidu. 11Lubiŋ ŋɔnúu-kpului su-ƃelai kélee díkaa a wála buu náaŋ káo lɔ́ɔlu mɛi da pôlu nuŋ lɔ́ɔlu (46,500). 12Diai pâi díwɔ̂ ƃuui tɔɔ̂i gɔlɛ mai dí kɛ́ a Simiɔŋ ŋɔsuui. Simiɔŋ ŋɔnúu-kpului túɛ-nuui ƃa Zurisadai ǹóŋ Silumiɛ. 13Simiɔŋ ŋɔnúu-kpului su-ƃelai díkaa a wála buu lɔ́ɔlu káo lɔ́ɔlu mɛi náaŋ pôlu ŋuŋ saaƃa (59,300). 14Ǹaa pôlu ma Gâa ŋɔsuui. Gâa ŋɔnúu-kpului túɛ-nuui ƃa Luɛ ǹóŋ Iliasa. 15Gâa ŋɔnúu-kpului su-ƃelai kélee díkaa a wála buu náaŋ káo lɔ́ɔlu pôlu ŋuŋ lɔ́ɔlu mɛi da pôlu buu lɔ́ɔlu (45,650). 16Lubiŋ ŋɔnûai kélee bù gîe mà káa a wála ŋuŋ tɔnɔ pôlu buu lɔ́ɔlu káo tɔnɔ pôlu buu náaŋ pôlu buu lɔ́ɔlu (151,450). Dia ƃa tɔ̂ɔ ziai túɛ-ƃelai pôlu.
17“Nàa pôlu ma Livai-ŋai dí Zua-kɔlɔ seɣe pɛrɛ maa waai síɣe dí tɔ́ɔ la nuu kpulu-ŋai loai díkɛ lì. Ǹúu-kpului kélee é tɔ́ɔ ŋɔƃenâi mu tɛi-tɛi yɛ̂ɛ berei díƃûu-ŋai tɔɔ̂i káa lai.
18“Diai pâi díwɔ̂ ƃuui tɔɔ̂i vóloi liî-perei dí kɛ́ Ifiraŋ ƃɔƃenâi mu díkpulu ma. Ifiraŋ ŋɔnûai túɛ-nuui ƃa Amiyu ǹóŋ Ilisama. 19Ifiraŋ ŋɔnuu-kpului su-ƃelai díkaa a wála ŋuŋ náaŋ pôlu ŋuŋ lɔ́ɔlu (40,500). 20Diai pâi díwɔ̂ ƃûui tɔɔ̂i gɔlɛ mai dí kɛ́ a Manasɛ ŋɔsuui. Manasɛ ŋɔnûai túɛ-nuui ƃa Pedazɔ ǹóŋ Gmaliɛ. 21Manasɛ ŋɔnúu-kpului su-ƃelai díkaa a wála buu saaƃa káo feerɛ pôlu ŋuŋ feerɛ (32,200). 22Nàa pôlu ma Bɛŋsima ŋɔsuui. Bɛŋsima ŋɔnûai túɛ-nuui ƃa Gidioni ǹóŋ Abidaŋ. 23Bɛŋsima ŋɔnúu-kpului su-ƃelai díkaa a wála buu saaƃa káo lɔ́ɔlu pôlu ŋuŋ náaŋ (35,400). 24Diai kélee díkaa Ifiraŋ ŋɔƃûui sui, díkaa a wála ŋuŋ tɔ̂nɔ káoo lɔ́ɔlu mɛi saaƃa pôlu ŋuŋ tɔ̂nɔ (108,100). Dia ƃa tɔ̂ɔ Livai-ŋai pôlu ziai su.
25“Nàa ŋûa-pere é kɛ́ Daŋ ŋɔƃenâi mu díkpulu ma. Daŋ ŋɔnûai túɛ-nuui ƃa Amisadai ǹóŋ Aizɛ. 26Daŋ ŋɔnúu-kpului su-ƃelai kélee díkaa a wála buu lɔ́ɔlu mɛi da káo feerɛ pôlu ŋuŋ lɔ́ɔlu mɛi feerɛ (62,700). 27Diai pâi díwɔ̂ ƃuui tɔɔ̂i gɔlɛ mai dí kɛ́ a Asɛ ŋɔsuui. Asɛ ŋɔnûai túɛ-nuui ƃa Okaŋ ǹóŋ Pagiɛ. 28Asɛ ŋɔnúu-kpului su-ƃelai díkaa a wála buu náaŋ káo tɔnɔ pôlu ŋuŋ lɔ́ɔlu (41,500). 29Nàa pôlu ma Nɛfɛtɛli ŋɔsuui. Nɛfɛtɛli ŋɔnûai mɛ-nuui ƃa Inaŋ ǹóŋ Aila. 30Nɛfɛtɛli ŋɔnúu-kpului su-ƃelai díkaa a wála buu lɔ́ɔlu káo saaƃa pôlu ŋuŋ náaŋ (53,400). 31Diai kélee díkaa Daŋ ŋɔƃûui sui, díkaa a wála ŋuŋ tɔnɔ pôlu buu lɔ́ɔlu káo lɔ́ɔlu mɛi feerɛ pôlu ŋuŋ lɔ́ɔlu mɛi da (157,600). Dia ƃa tɔɔ̂ díƃenâ-ŋai mu tɛi-tɛi nuu-kpulu-ŋai kélee pôlu ziai su.”
32Eezuɛ-ŋai kélee púɔ díkɛ ma yɛ̂ɛ berei dí dílono la dínâŋ-ni dípɛrɛi-ŋai dîa da díkpulu-ŋai, dí kɛ̀ a wála ŋuŋ lɔ́ɔlu mɛi da káo saaƃa pôlu ŋuŋ lɔ́ɔlu pôlu buu lɔ́ɔlu (603,550). 33Kɛ́lɛ dífe Livai-ŋai lóno ní Eezuɛ-ŋai sáma, yɛ̂ɛ berei Yâwɛɛ è mò la Mose mai.
34Ǹyaŋ bere nɔ́ ƃé Eezuɛ-ŋai dí gɛ̀ la. Dí mɛni-ŋai kélee kɛ̀ yɛ̂ɛ berei Yâwɛɛ è mò la Mose mai. Dí díƃûu-ŋai tɔ̀ɔ dí sía díƃêna-ŋai mu tɛi-tɛi dísuu ma da dínâŋ-ni dípɛrɛ-ŋai.
Currently Selected:
Nɔŋba 2: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Nɔŋba 2
2
Dí ǹûai sèe dísuu mâ mûui su
1Yâwɛɛ è mò Mose da Eelɔŋ dîa ǹyɛɛi, 2“Fɛ̂ɛ Eezuɛ-ŋai dí díƃûu-ŋai pu díkpulu ma díƃenâ-ŋai mu tɛ-tɛi. Dí dínûa-pɔlɔ-ŋai dípɛrɛ-ŋai maa ŋɛi-kɛ-maa-ŋai tɔ́ɔ naa. Dí díƃûu-ŋai lá tínaŋ Zua kɔlɔ seɣe pɛrɛ maa waai ma-pere m̀éla kélee ma.
3“Diai pâi díwɔ̂ ƃuui tɔɔ̂i vóloi kulâi-perei dí kɛ́ Zuda ŋɔƃenâi mu díkpulu ma. Zuda ŋɔnûai túɛ-nuui ƃa Aminɛda ǹóŋ Nasuŋ. 4Zuda ŋɔnúu-kpului su-ƃelai díkaa a wála buu lɔ́ɔlu mɛi feerɛ káo náaŋ pôlu ŋuŋ lɔ́ɔlu mɛi da (74,600). 5Diai pâi díwɔ ƃuui tɔɔ̂i gɔlɛ mai dí kɛ́ a Isaka ŋɔsuui. Isaka ŋɔnûai túɛ-nuui ƃa Zua ǹóŋ Natɛniɛ. 6Isaka ŋɔnúu-kpului su-ƃelai díkaa a wála buu lɔ́ɔlu káo náaŋ pôlu ŋuŋ náaŋ (54,400). 7Naa pôlu ma Zɛbulɔŋ ŋɔsuui. Zɛbulɔŋ ŋɔnûai túɛ-nuui ƃa Ɛlɔŋ ǹóŋ Ilia. 8Zɛbulɔŋ ŋɔnúu-kpului su-ƃelai díkaa a wála buu lɔ́ɔlu káo lɔ́ɔlu mɛi feerɛ pôlu ŋuŋ náaŋ (57,400). 9Diai kélee díkaa Zuda ŋɔƃûui sui díkaa a wála ŋuŋ tɔnɔ pôlu buu lɔ́ɔlu mɛi saaƃa káo lɔ́ɔlu mɛi da pôlu ŋuŋ náaŋ (186,400). Dia ƃa tɔ̂ɔ ziai kélee túɛ.
10“Nàa kwára-pere é kɛ́ Lubiŋ ŋɔƃenâi mu díkpulu ma. Lubiŋ ŋɔnûai túɛ-nuui ƃa Ilizɔ nóŋ Sidu. 11Lubiŋ ŋɔnúu-kpului su-ƃelai kélee díkaa a wála buu náaŋ káo lɔ́ɔlu mɛi da pôlu nuŋ lɔ́ɔlu (46,500). 12Diai pâi díwɔ̂ ƃuui tɔɔ̂i gɔlɛ mai dí kɛ́ a Simiɔŋ ŋɔsuui. Simiɔŋ ŋɔnúu-kpului túɛ-nuui ƃa Zurisadai ǹóŋ Silumiɛ. 13Simiɔŋ ŋɔnúu-kpului su-ƃelai díkaa a wála buu lɔ́ɔlu káo lɔ́ɔlu mɛi náaŋ pôlu ŋuŋ saaƃa (59,300). 14Ǹaa pôlu ma Gâa ŋɔsuui. Gâa ŋɔnúu-kpului túɛ-nuui ƃa Luɛ ǹóŋ Iliasa. 15Gâa ŋɔnúu-kpului su-ƃelai kélee díkaa a wála buu náaŋ káo lɔ́ɔlu pôlu ŋuŋ lɔ́ɔlu mɛi da pôlu buu lɔ́ɔlu (45,650). 16Lubiŋ ŋɔnûai kélee bù gîe mà káa a wála ŋuŋ tɔnɔ pôlu buu lɔ́ɔlu káo tɔnɔ pôlu buu náaŋ pôlu buu lɔ́ɔlu (151,450). Dia ƃa tɔ̂ɔ ziai túɛ-ƃelai pôlu.
17“Nàa pôlu ma Livai-ŋai dí Zua-kɔlɔ seɣe pɛrɛ maa waai síɣe dí tɔ́ɔ la nuu kpulu-ŋai loai díkɛ lì. Ǹúu-kpului kélee é tɔ́ɔ ŋɔƃenâi mu tɛi-tɛi yɛ̂ɛ berei díƃûu-ŋai tɔɔ̂i káa lai.
18“Diai pâi díwɔ̂ ƃuui tɔɔ̂i vóloi liî-perei dí kɛ́ Ifiraŋ ƃɔƃenâi mu díkpulu ma. Ifiraŋ ŋɔnûai túɛ-nuui ƃa Amiyu ǹóŋ Ilisama. 19Ifiraŋ ŋɔnuu-kpului su-ƃelai díkaa a wála ŋuŋ náaŋ pôlu ŋuŋ lɔ́ɔlu (40,500). 20Diai pâi díwɔ̂ ƃûui tɔɔ̂i gɔlɛ mai dí kɛ́ a Manasɛ ŋɔsuui. Manasɛ ŋɔnûai túɛ-nuui ƃa Pedazɔ ǹóŋ Gmaliɛ. 21Manasɛ ŋɔnúu-kpului su-ƃelai díkaa a wála buu saaƃa káo feerɛ pôlu ŋuŋ feerɛ (32,200). 22Nàa pôlu ma Bɛŋsima ŋɔsuui. Bɛŋsima ŋɔnûai túɛ-nuui ƃa Gidioni ǹóŋ Abidaŋ. 23Bɛŋsima ŋɔnúu-kpului su-ƃelai díkaa a wála buu saaƃa káo lɔ́ɔlu pôlu ŋuŋ náaŋ (35,400). 24Diai kélee díkaa Ifiraŋ ŋɔƃûui sui, díkaa a wála ŋuŋ tɔ̂nɔ káoo lɔ́ɔlu mɛi saaƃa pôlu ŋuŋ tɔ̂nɔ (108,100). Dia ƃa tɔ̂ɔ Livai-ŋai pôlu ziai su.
25“Nàa ŋûa-pere é kɛ́ Daŋ ŋɔƃenâi mu díkpulu ma. Daŋ ŋɔnûai túɛ-nuui ƃa Amisadai ǹóŋ Aizɛ. 26Daŋ ŋɔnúu-kpului su-ƃelai kélee díkaa a wála buu lɔ́ɔlu mɛi da káo feerɛ pôlu ŋuŋ lɔ́ɔlu mɛi feerɛ (62,700). 27Diai pâi díwɔ̂ ƃuui tɔɔ̂i gɔlɛ mai dí kɛ́ a Asɛ ŋɔsuui. Asɛ ŋɔnûai túɛ-nuui ƃa Okaŋ ǹóŋ Pagiɛ. 28Asɛ ŋɔnúu-kpului su-ƃelai díkaa a wála buu náaŋ káo tɔnɔ pôlu ŋuŋ lɔ́ɔlu (41,500). 29Nàa pôlu ma Nɛfɛtɛli ŋɔsuui. Nɛfɛtɛli ŋɔnûai mɛ-nuui ƃa Inaŋ ǹóŋ Aila. 30Nɛfɛtɛli ŋɔnúu-kpului su-ƃelai díkaa a wála buu lɔ́ɔlu káo saaƃa pôlu ŋuŋ náaŋ (53,400). 31Diai kélee díkaa Daŋ ŋɔƃûui sui, díkaa a wála ŋuŋ tɔnɔ pôlu buu lɔ́ɔlu káo lɔ́ɔlu mɛi feerɛ pôlu ŋuŋ lɔ́ɔlu mɛi da (157,600). Dia ƃa tɔɔ̂ díƃenâ-ŋai mu tɛi-tɛi nuu-kpulu-ŋai kélee pôlu ziai su.”
32Eezuɛ-ŋai kélee púɔ díkɛ ma yɛ̂ɛ berei dí dílono la dínâŋ-ni dípɛrɛi-ŋai dîa da díkpulu-ŋai, dí kɛ̀ a wála ŋuŋ lɔ́ɔlu mɛi da káo saaƃa pôlu ŋuŋ lɔ́ɔlu pôlu buu lɔ́ɔlu (603,550). 33Kɛ́lɛ dífe Livai-ŋai lóno ní Eezuɛ-ŋai sáma, yɛ̂ɛ berei Yâwɛɛ è mò la Mose mai.
34Ǹyaŋ bere nɔ́ ƃé Eezuɛ-ŋai dí gɛ̀ la. Dí mɛni-ŋai kélee kɛ̀ yɛ̂ɛ berei Yâwɛɛ è mò la Mose mai. Dí díƃûu-ŋai tɔ̀ɔ dí sía díƃêna-ŋai mu tɛi-tɛi dísuu ma da dínâŋ-ni dípɛrɛ-ŋai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia