Nɔŋba 33
33
Eezuɛi-ŋai dísia é síɣe Ize é lí Môa lɔii su
1Eezuɛ-ŋai díƃûu-ŋai láa ká ŋí é síɣe tãi ma dí kùla la Ize lɔii su. Mose da Eelɔŋ ƃé kɛ̀ dítuɛ. 2Mose è gwaa-ŋai ma láa pɔ̃yɛ tɛi-tɛi ƃɛ́i dí díƃûu-ŋai pù naai yɛ̂ɛ berei Yâwɛɛ è mò la mai. 3Dí kùla Ize lɔii su a góraŋ ŋɔɣáloŋ maa-ŋuŋ ŋɔfólo puu káo lɔ́ɔlu ɣele nyii kɛ̀ a dɛɛ-mɛi-kuui pôlu ma ɣelei. Yâwɛɛ ŋɔkpɔŋ-maai su Eezuɛ-ŋai dí kùla Laŋse-taa-leei su Ize-ŋai kélee ŋɛ́i. 4Maa tãi tí ƃé Ize-ŋai dí kɛ̀ dílônii-sinaai maa-ŋuŋ-ŋai saa loôi la nyii-ŋai Yâwɛɛ è dípàai. Bere sii ŋí ƃé Yâwɛɛ è díɣâla-ŋai maa-mɛni ŋá tee la.
5Eezuɛ-ŋai dí kùla Laŋse dí díƃûui pú Sukɔ. 6Nya ƃe dí kùla Sukɔ dí díƃûui pú Itaŋ nyii gáa vɛ̃ɛ-kpâlaŋ kóyaŋ mai. 7Nya ƃe dí kùla Itaŋ dí lí pôlu Pi-ɣaɣilo, nyii gáa Bazɛfɔŋ vóloi kûlai-perei, dí díƃûui pú Midɔ ŋɛ́i-tuɛ. 8Dí kùla Pi-ɣaɣilo dí tɛ́ɛ yúo sámai dí lí vɛ̃ɛ-kpâlaŋ su. Dí fólo saaƃa sia kɛ̀ Itaŋ fɛ̃ɛ-kpalaŋ su dí díƃûui pú Malai. 9Nya ƃe dí kùla Malai dí pá Iliŋ ƃɛ́i ya-toŋ-ma puu káo feerɛ da tóu nɛ̃ɛ wuru buu lɔ́ɔlu mɛi feerɛ dí kɛ̀ naai, dí díƃûui pú naa. 10Dí kùla Iliŋ dí díƃûui pú Ǹyúo Kpɔ̂lui kɔlɛ. 11Dí kùla Ǹyúo Kpɔ̂lui kɔlɛ dí díƃûui pú Siŋ fɛ̃ɛ-kpalaŋ su. 12Nya ƃe dí kùla Siŋ fɛ̃ɛ-kpalaŋ su dí díƃûui pú Dofa. 13Nya ƃe dí kùla Dofa dí díƃûui pú Alu. 14Dí kùla Alu dí díƃûui pú Lɛfidiŋ ƃɛ́i yá fé kɛ́ ní naa a gɛɛ dí díkpele lai. 15Nya ƃe dí kùla Lɛfidiŋ dí díƃûi pú Sana Fɛ̃ɛ-kpalaŋ su. 16Dí kùla Sana Fɛ̃ɛ-kpalaŋ su dí díƃûui pú Kibolo Atava. 17Nya ƃe dí kùla Kibolo Atava dí díƃuui pú Azelo. 18Nya ƃe dí kùla Azelo dí díƃûui pú Lima. 19Dí kùla Lima dí díƃûui pú Limoŋ Pɛrɛɛ. 20Nya ƃe dí kùla Limoŋ Pɛrɛɛ dí díƃûui pú Lina. 21Dí kùla Lina dí díƃûui pú Lisa. 22Dí kùla Lisa dí díƃûui pú Keelata. 23Dí kùla Keelata dí díƃûui pú Sefa yeei ma. 24Nya ƃe dí kùla Sefa yeei ma dí díƃûui pú Arada. 25Nya ƃe dí kùla Arada dí díƃûui pú Makelo. 26Nya ƃe dí kùla Makelo dí díƃûui pú Taya. 27Dí kùla Taya dí díƃûui pú Tela. 28Dí kùla Tela dí díƃûui pú Mika. 29Nya ƃe dí kùla Mika dí díƃûui pú Asimona. 30Dí kùla Asimona dí díƃûui pú Moselo. 31Dí kùla Moselo dí díƃûui pú Bene Zakaŋ. 32Dí kùla Bene Zakaŋ dí díƃûui pú Ɔ̂ɔ Agigaa. 33Nya ƃe dí kùla Ɔ̂ɔ Agigaa dí díƃûui pú Zobata. 34Nya ƃe dí kùla Zobata dí díƃûui pú Abona. 35Dí kùla Abona dí díƃûui pú Ezioŋ-gibɛ. 36Dí kùla Ezioŋ-gibɛ dí díƃûui pú Ziŋ fɛ̃ɛ-kpalaŋ su (nyii da dòli máŋ a Kedɛ). 37Nya ƃe dí kùla Kedɛ dí díƃûui pú Ɔ̂ɔ yeei ma, Idɔŋ lɔii koyaŋ ma.
38Nya ƃe Eelɔŋ è tɛ̀ Ɔ̂ɔ yeei su yɛ̂ɛ berei Yâwɛɛ è mò la mai é sáa naa a góraŋ buu náaŋ ŋɔɣaloŋ ǹɔ́ɔlu ŋɔfólo maa-ŋuŋ ɣele Eezuɛ-ŋai kuláa Ize lɔii su pôlu ma. 39Eelɔŋ è kɛ̀ a kóraŋ ŋuŋ tɔnɔ pôlu buu feerɛ káo saaƃa (123) tãi è saa la Ɔ̂ɔ yeei mai.
40Nya ƃe Keena kaloŋ Ara nyii bɔ́taai è kɛ̀ Keena lɔii kwára-perei, è mɛ̀ni a gɛɛ Eezuɛ-ŋai dí kɛ̀ pâi.
41Nya ƃe Eezuɛ-ŋai dí ŋɔ́nɔ kùla Ɔ̂ɔ yeei ma dí díƃûui pú Zamona. 42Dí kùla Zamona dí díƃûui pú Punɔŋ. 43Nya ƃe dí kùla Punɔŋ dí díƃûui pú Obo. 44Dí kùla Obo dí díƃûui pú Abariŋ, Môa lɔii su. 45Nya ƃe dí kùla Abariŋ dí díƃûui pú Dibɔŋ Gâa. 46Dí kùla Dibɔŋ Gâa dí díƃûui pú Dibataŋ. 47Nya ƃe dí kùla Amoŋ Dibataŋ dí díƃûui pú Abariŋ Yeei ma Nebo ŋɛ́i-tuɛ. 48Nya ƃe dí kùla Abariŋ Yeei ma dí díƃûui pú Môa fɛ̃ɛ-kpalaŋ su Zɔdiŋ Ya-leei pôlu Zɛleko téniŋ ma. 49Dí díƃûui pù Zɔdiŋ Ya-leei pôlu é síɣe Bɛ Zɛsimo é lí Akasia tiŋ-tiŋ su.
Zɔdiŋ tiyeŋ-pere maa kili-ŋa ponoi
50Nya ƃe Yâwɛɛ è lòno Mose pɔ́ Môa fɛ̃ɛ-kpalaŋ su Zɔdiŋ Ya-leei pôlu Zɛleko kɔlɛ ma ǹyɛɛi, 51“Mó Eezuɛ-ŋai dîa, tãi ka Zɔdiŋ Ya-leei tiyeŋ la ká píli Keena lɔii sui, 52fɛ̂ɛ ká ǹɔii-ƃelai kélee kpɛ́ kátuɛ, ká díkɔni siɣɛɛ-ŋai kélee su kara da díɣâla pɔkɔɔŋ-ŋai é pɛ́lɛ díɣâla fɛli kwaa-ŋai kélee ma. 53Ka ǹɔii síɣe ká sée ma. Kpɛni fêi, ŋa dɛ̀ɛ kápɔ a kápɔɔ. 54Ka ǹɔii ŋa kɔ́lɛ a kpɛyɛŋ toɔɔ yɛ̂ɛ berei kásuu-ŋai láa káa la tɛi-tɛi. Ǹûai nyii-ŋai dísuu kɛ̂tɛi, ka lɔii kɛ́tɛ tɛ́ɛ dípɔ. Ǹûai nyii-ŋai dísuu fé kɛ́tɛ ní, ka lɔii kpua-loŋ tɛɛ dípɔ. Berei gbɛyɛŋ a pâi toôi lai bere nɔ́ ƃé ǹúui a pâi ŋɔ̀i sɔlɔ ƃôi la. 55Kɛ́lɛ kà wàla ǹɔii-ƃelai kpɛ́, diai da lɛɛ naai da pâi kɛ̂i yɛ̂ɛ wúru-kalaŋ káŋɛi kpaa máŋ yɛ̂ɛ ŋalêŋ kápɛ̂rɛ ma, ǹyaŋ da pâi kɔ̂i kápɔ. 56Kà wàla díkpɛ, ŋa pâi kásu karai, yɛ̂ɛ berei ŋá gbɛ̀tɛ la ŋ́gili ŋá a gɛɛ ŋá dísu karai.”
Currently Selected:
Nɔŋba 33: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Nɔŋba 33
33
Eezuɛi-ŋai dísia é síɣe Ize é lí Môa lɔii su
1Eezuɛ-ŋai díƃûu-ŋai láa ká ŋí é síɣe tãi ma dí kùla la Ize lɔii su. Mose da Eelɔŋ ƃé kɛ̀ dítuɛ. 2Mose è gwaa-ŋai ma láa pɔ̃yɛ tɛi-tɛi ƃɛ́i dí díƃûu-ŋai pù naai yɛ̂ɛ berei Yâwɛɛ è mò la mai. 3Dí kùla Ize lɔii su a góraŋ ŋɔɣáloŋ maa-ŋuŋ ŋɔfólo puu káo lɔ́ɔlu ɣele nyii kɛ̀ a dɛɛ-mɛi-kuui pôlu ma ɣelei. Yâwɛɛ ŋɔkpɔŋ-maai su Eezuɛ-ŋai dí kùla Laŋse-taa-leei su Ize-ŋai kélee ŋɛ́i. 4Maa tãi tí ƃé Ize-ŋai dí kɛ̀ dílônii-sinaai maa-ŋuŋ-ŋai saa loôi la nyii-ŋai Yâwɛɛ è dípàai. Bere sii ŋí ƃé Yâwɛɛ è díɣâla-ŋai maa-mɛni ŋá tee la.
5Eezuɛ-ŋai dí kùla Laŋse dí díƃûui pú Sukɔ. 6Nya ƃe dí kùla Sukɔ dí díƃûui pú Itaŋ nyii gáa vɛ̃ɛ-kpâlaŋ kóyaŋ mai. 7Nya ƃe dí kùla Itaŋ dí lí pôlu Pi-ɣaɣilo, nyii gáa Bazɛfɔŋ vóloi kûlai-perei, dí díƃûui pú Midɔ ŋɛ́i-tuɛ. 8Dí kùla Pi-ɣaɣilo dí tɛ́ɛ yúo sámai dí lí vɛ̃ɛ-kpâlaŋ su. Dí fólo saaƃa sia kɛ̀ Itaŋ fɛ̃ɛ-kpalaŋ su dí díƃûui pú Malai. 9Nya ƃe dí kùla Malai dí pá Iliŋ ƃɛ́i ya-toŋ-ma puu káo feerɛ da tóu nɛ̃ɛ wuru buu lɔ́ɔlu mɛi feerɛ dí kɛ̀ naai, dí díƃûui pú naa. 10Dí kùla Iliŋ dí díƃûui pú Ǹyúo Kpɔ̂lui kɔlɛ. 11Dí kùla Ǹyúo Kpɔ̂lui kɔlɛ dí díƃûui pú Siŋ fɛ̃ɛ-kpalaŋ su. 12Nya ƃe dí kùla Siŋ fɛ̃ɛ-kpalaŋ su dí díƃûui pú Dofa. 13Nya ƃe dí kùla Dofa dí díƃûui pú Alu. 14Dí kùla Alu dí díƃûui pú Lɛfidiŋ ƃɛ́i yá fé kɛ́ ní naa a gɛɛ dí díkpele lai. 15Nya ƃe dí kùla Lɛfidiŋ dí díƃûi pú Sana Fɛ̃ɛ-kpalaŋ su. 16Dí kùla Sana Fɛ̃ɛ-kpalaŋ su dí díƃûui pú Kibolo Atava. 17Nya ƃe dí kùla Kibolo Atava dí díƃuui pú Azelo. 18Nya ƃe dí kùla Azelo dí díƃûui pú Lima. 19Dí kùla Lima dí díƃûui pú Limoŋ Pɛrɛɛ. 20Nya ƃe dí kùla Limoŋ Pɛrɛɛ dí díƃûui pú Lina. 21Dí kùla Lina dí díƃûui pú Lisa. 22Dí kùla Lisa dí díƃûui pú Keelata. 23Dí kùla Keelata dí díƃûui pú Sefa yeei ma. 24Nya ƃe dí kùla Sefa yeei ma dí díƃûui pú Arada. 25Nya ƃe dí kùla Arada dí díƃûui pú Makelo. 26Nya ƃe dí kùla Makelo dí díƃûui pú Taya. 27Dí kùla Taya dí díƃûui pú Tela. 28Dí kùla Tela dí díƃûui pú Mika. 29Nya ƃe dí kùla Mika dí díƃûui pú Asimona. 30Dí kùla Asimona dí díƃûui pú Moselo. 31Dí kùla Moselo dí díƃûui pú Bene Zakaŋ. 32Dí kùla Bene Zakaŋ dí díƃûui pú Ɔ̂ɔ Agigaa. 33Nya ƃe dí kùla Ɔ̂ɔ Agigaa dí díƃûui pú Zobata. 34Nya ƃe dí kùla Zobata dí díƃûui pú Abona. 35Dí kùla Abona dí díƃûui pú Ezioŋ-gibɛ. 36Dí kùla Ezioŋ-gibɛ dí díƃûui pú Ziŋ fɛ̃ɛ-kpalaŋ su (nyii da dòli máŋ a Kedɛ). 37Nya ƃe dí kùla Kedɛ dí díƃûui pú Ɔ̂ɔ yeei ma, Idɔŋ lɔii koyaŋ ma.
38Nya ƃe Eelɔŋ è tɛ̀ Ɔ̂ɔ yeei su yɛ̂ɛ berei Yâwɛɛ è mò la mai é sáa naa a góraŋ buu náaŋ ŋɔɣaloŋ ǹɔ́ɔlu ŋɔfólo maa-ŋuŋ ɣele Eezuɛ-ŋai kuláa Ize lɔii su pôlu ma. 39Eelɔŋ è kɛ̀ a kóraŋ ŋuŋ tɔnɔ pôlu buu feerɛ káo saaƃa (123) tãi è saa la Ɔ̂ɔ yeei mai.
40Nya ƃe Keena kaloŋ Ara nyii bɔ́taai è kɛ̀ Keena lɔii kwára-perei, è mɛ̀ni a gɛɛ Eezuɛ-ŋai dí kɛ̀ pâi.
41Nya ƃe Eezuɛ-ŋai dí ŋɔ́nɔ kùla Ɔ̂ɔ yeei ma dí díƃûui pú Zamona. 42Dí kùla Zamona dí díƃûui pú Punɔŋ. 43Nya ƃe dí kùla Punɔŋ dí díƃûui pú Obo. 44Dí kùla Obo dí díƃûui pú Abariŋ, Môa lɔii su. 45Nya ƃe dí kùla Abariŋ dí díƃûui pú Dibɔŋ Gâa. 46Dí kùla Dibɔŋ Gâa dí díƃûui pú Dibataŋ. 47Nya ƃe dí kùla Amoŋ Dibataŋ dí díƃûui pú Abariŋ Yeei ma Nebo ŋɛ́i-tuɛ. 48Nya ƃe dí kùla Abariŋ Yeei ma dí díƃûui pú Môa fɛ̃ɛ-kpalaŋ su Zɔdiŋ Ya-leei pôlu Zɛleko téniŋ ma. 49Dí díƃûui pù Zɔdiŋ Ya-leei pôlu é síɣe Bɛ Zɛsimo é lí Akasia tiŋ-tiŋ su.
Zɔdiŋ tiyeŋ-pere maa kili-ŋa ponoi
50Nya ƃe Yâwɛɛ è lòno Mose pɔ́ Môa fɛ̃ɛ-kpalaŋ su Zɔdiŋ Ya-leei pôlu Zɛleko kɔlɛ ma ǹyɛɛi, 51“Mó Eezuɛ-ŋai dîa, tãi ka Zɔdiŋ Ya-leei tiyeŋ la ká píli Keena lɔii sui, 52fɛ̂ɛ ká ǹɔii-ƃelai kélee kpɛ́ kátuɛ, ká díkɔni siɣɛɛ-ŋai kélee su kara da díɣâla pɔkɔɔŋ-ŋai é pɛ́lɛ díɣâla fɛli kwaa-ŋai kélee ma. 53Ka ǹɔii síɣe ká sée ma. Kpɛni fêi, ŋa dɛ̀ɛ kápɔ a kápɔɔ. 54Ka ǹɔii ŋa kɔ́lɛ a kpɛyɛŋ toɔɔ yɛ̂ɛ berei kásuu-ŋai láa káa la tɛi-tɛi. Ǹûai nyii-ŋai dísuu kɛ̂tɛi, ka lɔii kɛ́tɛ tɛ́ɛ dípɔ. Ǹûai nyii-ŋai dísuu fé kɛ́tɛ ní, ka lɔii kpua-loŋ tɛɛ dípɔ. Berei gbɛyɛŋ a pâi toôi lai bere nɔ́ ƃé ǹúui a pâi ŋɔ̀i sɔlɔ ƃôi la. 55Kɛ́lɛ kà wàla ǹɔii-ƃelai kpɛ́, diai da lɛɛ naai da pâi kɛ̂i yɛ̂ɛ wúru-kalaŋ káŋɛi kpaa máŋ yɛ̂ɛ ŋalêŋ kápɛ̂rɛ ma, ǹyaŋ da pâi kɔ̂i kápɔ. 56Kà wàla díkpɛ, ŋa pâi kásu karai, yɛ̂ɛ berei ŋá gbɛ̀tɛ la ŋ́gili ŋá a gɛɛ ŋá dísu karai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia