Nɔŋba 9
9
Dɛɛ mɛi kûui veerɛi kɛ́ mɛni
1Nya ƃe Yâwɛɛ è lòno Mose pɔ́ Sana Fɛ̃ɛ-kpalaŋ su, Eezuɛ-ŋai kuláa Ize lɔii su góraŋ veerɛi ɣaloŋ maa-ŋuŋ su ǹyɛɛi, 2“Fɛ̂ɛ Eezuɛ-ŋai dí dɛɛ-mɛi-kuui kɛ́ a gɛ́-tãi. 3Fɛ̂ɛ Eezuɛ-ŋai dí dɛɛ-mɛi-kuui kɛ́ a ŋáloŋ ŋí ŋɔfólo puu káo naaŋ-ɣele-wulii, yɛ̂ɛ berei maa-tɔŋ-ŋai kélee díkaa lai.” 4Nya ƃe Mose è mò Eezuɛ-ŋai dîa a gɛɛ dí dɛɛ-mɛi-kuui kɛ́. 5Nya ƃe dí dɛɛ-mɛi-kuui kɛ̀ Sana Fɛ̃ɛ-kpalaŋ su a ŋáloŋ maa-ŋuŋ ŋɔfólo puu káo náaŋ ɣele-wulii. Dí mɛnii kélee kɛ̀ yɛ̂ɛ berei Yâwɛɛ è mò la Mose mai. 6Kpakolo da-ni dí kɛ̀ naa dífe pɔ̂ri ní dɛɛ-mɛi-kuui kɛ̂i a maa ɣelei tí, kpɛ́ni fêi, dí lɛ̀ɣɛ saa ma, ǹyaŋ dímaa fé kɛ́ ní a ŋwaa. Mɛni ma ǹûai ŋí dí pà Mose da Eelɔŋ pɔ́ a maa-ɣelei tí dîɛ diai, 7“Kúmaa fé waa ní, kpɛ́ni fêi, kú lɛ̀ɣɛ saa ma. Kɛ́lɛ lé mɛni ƃé da kúkulâi la kúƃaraâi sáma a gɛɛ kwa dîa-ni kúfe kúsama-sɛŋ tɛɛ Yâwɛɛ pɔ́ a dɛɛ-tãi?” 8Mose è mò dîa ǹyɛɛi, “Ka ḿaa kpɛ́ŋ ŋa mɛnii mɛ́ni Yâwɛɛ a pâi môi ḿâ é pîlaŋ la kâai.”
9Nya ƃe Yâwɛɛ è mò Mose mà ǹyɛɛi, 10“Mó Eezuɛ-ŋai dîa yɛ̂ɛi, ‘À kɛ̀ káta kpaa máŋ kásuui su-nuu da maa à wàla kɛ́ a m̀aa waa, kpɛ́ni fêi, a lɛɣɛ saa mâ, kpaa máŋ à kɛ̀ sia kôya mà, a pɔ̂ri Yâwɛɛ ŋɔtɛɛ-mɛi-kuui kɛ̂i. 11Da pɔ̂ri dɛɛ-mɛi-kuui kɛ̂i a ŋáloŋ veerɛi ŋɔɣele-kuui buu káo náaŋ ɣele-wulii. Fɛ̂ɛ dí màla-loŋ-sua míi a tɛ́-sɛŋ féu kpolo da tuma-laa ŋwánaa. 12Dífe màla-suai dɔnɔ kpîŋ lɛ̀ɛ a gɛɛ ɣele é ƃɔ́, dífe zua kaoi wolo. Fɛ̂ɛ dí dɛɛ-mɛi-kuui kɛ́ yɛ̂ɛ berei maa tɔŋ-ŋai díkaa lai. 13Kɛ́lɛ ǹúui m̀aa waâi vé tela sia mai, à wàla dɛɛ-mɛi-kuui kɛ́ a gɛ́-tãi, fɛ̂ɛ dí maa-nuui kúla ŋɔnûai sáma, kpɛ́ni fêi, vé ŋasama-sɛŋ tɛɛ ní a dɛɛ-tãi. Ǹyaŋ fɛ̂ɛ maa-nuui é ŋɔsɔnyɔ̂ŋ maa-fela-fei kɛ́.’
14“À kɛ̀ ŋɔ̃ya káa kásama nyii ŋ̀wɛ̂lii é dɛɛ-mɛi-kuui kulai, fɛ̂ɛ é gula. Dɔ̂ŋ tɔnɔi tí káa núu kélee mɛni ma, lɔii-ƃelai da ŋɔ̃ya-ŋa.”
Ŋ̀ele-kɔlɔŋ kolei gáa zua kɔlɔ seɣe pɛrɛ maa waai mɛi
(Ɛsedɔ 40:34-38)
15Ŋ̀elei dí Zua kɔlɔ seɣe pɛrɛ maa waai tɔ̀ɔ lai, ŋ̀ele-kɔlɔŋ kolei è mɛ̀i pɛ̀lɛ. É síɣe ɣele-wulii ma é tóo ɣele-wala ma. Ŋ̀ele-kɔlɔŋ kolei è pɛ̀lɛ Zua kɔlɔ seɣe pɛrɛ maa waai mɛi yɛ̂ɛ ŋɔŋ-leŋ. 16Bere ƃé è kɛ̀ la a tãi kélee. Ŋ̀ele-kɔlɔŋ kolei è Zua kɔlɔ seɣe pɛrɛ maa waai mɛi pɛ̀lɛ a ɣele ƃɔ́ɔ, gɛ́ ƃò yɛ̂ɛ ŋɔŋ-leŋ a kpíni. 17Tãi kélee nɔ́ ŋ̀ele-kɔlɔŋ kolei a kâa mu sìɣe la Zua kɔlɔ seɣe pɛrɛ maa waai mɛi, Eezuɛ-ŋai da kâa dísiai kûla. Ƃɛ́i kélee a kâa kpera naai, nàa ƃé da kâa díƃûui pù naa. 18Eezuɛ-ŋai da kâa dísiai kùla yɛ̂ɛ berei Yâwɛɛ a kâa mò la diai, dí díƃûui pù ŋɔ́nɔ yɛ̂ɛ berei a kâa mò la diai. Tãi nɔ́ ŋ̀ele-kɔlɔŋ kolei a kâa kɛ̀ pɛlɛ̂i la Zua kɔlɔ seɣe pɛrɛ maa waai mɛi, díƃûui a kâa lɛ̀ɛ nɔ́ a búɔɔ gwaa tɔnɔi tí ma. 19À nɛ̀ɛ ma kpîŋ ŋ̀ele-kɔlɔŋ kolei è kɛ̀ pɛlɛ Zua kɔlɔ seɣe pɛrɛ maa waai mɛi a ɣele-kuu támaa Eezuɛ-ŋai dí Yâwɛɛ wóo sìɣe, dí lɛ́ɛ nɔ́ gwaa tɔnɔi tí ma. 20Tãi da ŋ̀ele-kɔlɔŋ kolei a kâa kɛ̀ nɔ́ pɛlɛ Zua kɔlɔ seɣe pɛrɛ maa waai mɛi a ɣele-kuu kpɛ́-kpɛɛ. Dí dísiai kula, kpaa máŋ díƃûui pù yɛ̂ɛ berei Yâwɛɛ a kâa mò la diai. 21Tãi da ŋ̀ele-kɔlɔŋ kolei a kâa lɛ̀ɛ nɔ́ Zua kɔlɔ seɣe pɛrɛ maa waai mɛi é síɣe ɣele-wulii ma é tóo ɣele-wala ma. Tãi nɔ́ ŋ̀ele-kɔlɔŋ kolei a mu sìɣe la a Ŋ̀ele-wâlai da dísiai kûla. À kâa mu sìɣe nɔ́, dia máŋ dí dímu sìɣe 22À nɛ̀ɛ ma kpîŋ ŋ̀ele-kɔlɔŋ kolei a kâa gɛ̀ Zua kɔlɔ seɣe pɛrɛ maa waai mɛi a ɣele-kuu feerɛ, ɣáloŋ tɔnɔ kpaa máŋ a tãi su kôya, Eezuɛ-ŋai díƃûui a kâa lɛ̀ɛ nɔ́ a búɔɔ gwaa tɔnɔi tí ma. Kɛ́lɛ a mù sìɣe, dia máŋ da dísiai kûla. 23Eezuɛ-ŋai da kâa díƃûui pù yɛ̂ɛ berei Yâwɛɛ a kâa mò la diai, dí ŋɔ́nɔ dísiai kúla yɛ̂ɛ berei Yâwɛɛ a kâa mò la díai. Dí Yâwɛɛ wóo mɛ̀ni yɛ̂ɛ berei è mò la Mose ma a gɛɛ é m̀ó diai.
Currently Selected:
Nɔŋba 9: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Nɔŋba 9
9
Dɛɛ mɛi kûui veerɛi kɛ́ mɛni
1Nya ƃe Yâwɛɛ è lòno Mose pɔ́ Sana Fɛ̃ɛ-kpalaŋ su, Eezuɛ-ŋai kuláa Ize lɔii su góraŋ veerɛi ɣaloŋ maa-ŋuŋ su ǹyɛɛi, 2“Fɛ̂ɛ Eezuɛ-ŋai dí dɛɛ-mɛi-kuui kɛ́ a gɛ́-tãi. 3Fɛ̂ɛ Eezuɛ-ŋai dí dɛɛ-mɛi-kuui kɛ́ a ŋáloŋ ŋí ŋɔfólo puu káo naaŋ-ɣele-wulii, yɛ̂ɛ berei maa-tɔŋ-ŋai kélee díkaa lai.” 4Nya ƃe Mose è mò Eezuɛ-ŋai dîa a gɛɛ dí dɛɛ-mɛi-kuui kɛ́. 5Nya ƃe dí dɛɛ-mɛi-kuui kɛ̀ Sana Fɛ̃ɛ-kpalaŋ su a ŋáloŋ maa-ŋuŋ ŋɔfólo puu káo náaŋ ɣele-wulii. Dí mɛnii kélee kɛ̀ yɛ̂ɛ berei Yâwɛɛ è mò la Mose mai. 6Kpakolo da-ni dí kɛ̀ naa dífe pɔ̂ri ní dɛɛ-mɛi-kuui kɛ̂i a maa ɣelei tí, kpɛ́ni fêi, dí lɛ̀ɣɛ saa ma, ǹyaŋ dímaa fé kɛ́ ní a ŋwaa. Mɛni ma ǹûai ŋí dí pà Mose da Eelɔŋ pɔ́ a maa-ɣelei tí dîɛ diai, 7“Kúmaa fé waa ní, kpɛ́ni fêi, kú lɛ̀ɣɛ saa ma. Kɛ́lɛ lé mɛni ƃé da kúkulâi la kúƃaraâi sáma a gɛɛ kwa dîa-ni kúfe kúsama-sɛŋ tɛɛ Yâwɛɛ pɔ́ a dɛɛ-tãi?” 8Mose è mò dîa ǹyɛɛi, “Ka ḿaa kpɛ́ŋ ŋa mɛnii mɛ́ni Yâwɛɛ a pâi môi ḿâ é pîlaŋ la kâai.”
9Nya ƃe Yâwɛɛ è mò Mose mà ǹyɛɛi, 10“Mó Eezuɛ-ŋai dîa yɛ̂ɛi, ‘À kɛ̀ káta kpaa máŋ kásuui su-nuu da maa à wàla kɛ́ a m̀aa waa, kpɛ́ni fêi, a lɛɣɛ saa mâ, kpaa máŋ à kɛ̀ sia kôya mà, a pɔ̂ri Yâwɛɛ ŋɔtɛɛ-mɛi-kuui kɛ̂i. 11Da pɔ̂ri dɛɛ-mɛi-kuui kɛ̂i a ŋáloŋ veerɛi ŋɔɣele-kuui buu káo náaŋ ɣele-wulii. Fɛ̂ɛ dí màla-loŋ-sua míi a tɛ́-sɛŋ féu kpolo da tuma-laa ŋwánaa. 12Dífe màla-suai dɔnɔ kpîŋ lɛ̀ɛ a gɛɛ ɣele é ƃɔ́, dífe zua kaoi wolo. Fɛ̂ɛ dí dɛɛ-mɛi-kuui kɛ́ yɛ̂ɛ berei maa tɔŋ-ŋai díkaa lai. 13Kɛ́lɛ ǹúui m̀aa waâi vé tela sia mai, à wàla dɛɛ-mɛi-kuui kɛ́ a gɛ́-tãi, fɛ̂ɛ dí maa-nuui kúla ŋɔnûai sáma, kpɛ́ni fêi, vé ŋasama-sɛŋ tɛɛ ní a dɛɛ-tãi. Ǹyaŋ fɛ̂ɛ maa-nuui é ŋɔsɔnyɔ̂ŋ maa-fela-fei kɛ́.’
14“À kɛ̀ ŋɔ̃ya káa kásama nyii ŋ̀wɛ̂lii é dɛɛ-mɛi-kuui kulai, fɛ̂ɛ é gula. Dɔ̂ŋ tɔnɔi tí káa núu kélee mɛni ma, lɔii-ƃelai da ŋɔ̃ya-ŋa.”
Ŋ̀ele-kɔlɔŋ kolei gáa zua kɔlɔ seɣe pɛrɛ maa waai mɛi
(Ɛsedɔ 40:34-38)
15Ŋ̀elei dí Zua kɔlɔ seɣe pɛrɛ maa waai tɔ̀ɔ lai, ŋ̀ele-kɔlɔŋ kolei è mɛ̀i pɛ̀lɛ. É síɣe ɣele-wulii ma é tóo ɣele-wala ma. Ŋ̀ele-kɔlɔŋ kolei è pɛ̀lɛ Zua kɔlɔ seɣe pɛrɛ maa waai mɛi yɛ̂ɛ ŋɔŋ-leŋ. 16Bere ƃé è kɛ̀ la a tãi kélee. Ŋ̀ele-kɔlɔŋ kolei è Zua kɔlɔ seɣe pɛrɛ maa waai mɛi pɛ̀lɛ a ɣele ƃɔ́ɔ, gɛ́ ƃò yɛ̂ɛ ŋɔŋ-leŋ a kpíni. 17Tãi kélee nɔ́ ŋ̀ele-kɔlɔŋ kolei a kâa mu sìɣe la Zua kɔlɔ seɣe pɛrɛ maa waai mɛi, Eezuɛ-ŋai da kâa dísiai kûla. Ƃɛ́i kélee a kâa kpera naai, nàa ƃé da kâa díƃûui pù naa. 18Eezuɛ-ŋai da kâa dísiai kùla yɛ̂ɛ berei Yâwɛɛ a kâa mò la diai, dí díƃûui pù ŋɔ́nɔ yɛ̂ɛ berei a kâa mò la diai. Tãi nɔ́ ŋ̀ele-kɔlɔŋ kolei a kâa kɛ̀ pɛlɛ̂i la Zua kɔlɔ seɣe pɛrɛ maa waai mɛi, díƃûui a kâa lɛ̀ɛ nɔ́ a búɔɔ gwaa tɔnɔi tí ma. 19À nɛ̀ɛ ma kpîŋ ŋ̀ele-kɔlɔŋ kolei è kɛ̀ pɛlɛ Zua kɔlɔ seɣe pɛrɛ maa waai mɛi a ɣele-kuu támaa Eezuɛ-ŋai dí Yâwɛɛ wóo sìɣe, dí lɛ́ɛ nɔ́ gwaa tɔnɔi tí ma. 20Tãi da ŋ̀ele-kɔlɔŋ kolei a kâa kɛ̀ nɔ́ pɛlɛ Zua kɔlɔ seɣe pɛrɛ maa waai mɛi a ɣele-kuu kpɛ́-kpɛɛ. Dí dísiai kula, kpaa máŋ díƃûui pù yɛ̂ɛ berei Yâwɛɛ a kâa mò la diai. 21Tãi da ŋ̀ele-kɔlɔŋ kolei a kâa lɛ̀ɛ nɔ́ Zua kɔlɔ seɣe pɛrɛ maa waai mɛi é síɣe ɣele-wulii ma é tóo ɣele-wala ma. Tãi nɔ́ ŋ̀ele-kɔlɔŋ kolei a mu sìɣe la a Ŋ̀ele-wâlai da dísiai kûla. À kâa mu sìɣe nɔ́, dia máŋ dí dímu sìɣe 22À nɛ̀ɛ ma kpîŋ ŋ̀ele-kɔlɔŋ kolei a kâa gɛ̀ Zua kɔlɔ seɣe pɛrɛ maa waai mɛi a ɣele-kuu feerɛ, ɣáloŋ tɔnɔ kpaa máŋ a tãi su kôya, Eezuɛ-ŋai díƃûui a kâa lɛ̀ɛ nɔ́ a búɔɔ gwaa tɔnɔi tí ma. Kɛ́lɛ a mù sìɣe, dia máŋ da dísiai kûla. 23Eezuɛ-ŋai da kâa díƃûui pù yɛ̂ɛ berei Yâwɛɛ a kâa mò la diai, dí ŋɔ́nɔ dísiai kúla yɛ̂ɛ berei Yâwɛɛ a kâa mò la díai. Dí Yâwɛɛ wóo mɛ̀ni yɛ̂ɛ berei è mò la Mose ma a gɛɛ é m̀ó diai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia