Luukha 4
4
Ibliis jarrab al-Masiih
1Wa Isa gabbal min bahar al-Urdun malaan be l-Ruuh al-Khudduus. Wa l-Ruuh al-Khudduus gaaʼid yuguudah wa waddaah fi l-khala. 2Wa fi muddit 40 yoom, Ibliis gaaʼid yijarribah. Wa fi kulla l-mudda di, Isa ma akal cheyy. Wa fi l-akhiir hu bigi jiiʼaan.
3Wa Ibliis hajja leyah wa gaal : «Kan sahiih inta Ibn Allah, chiil hajar min al-hujaar dool wa guul leyah yabga leek akil.» 4Wa Isa radda leyah wa gaal : «Maktuub fi Kitaab Allah : <Al-insaan ma yiʼiich be l-akil wiheedah.>»#4:4 Al-kalaam da talgooh fi Tasniya 8:3.
5Wa Ibliis waddaah fi bakaan aali wa fi wakit gisayyir bas wassaf leyah kulla mamaalik al-dunya. 6Wa gaal leyah : «Najʼalak haakim fooghum kulluhum wa nantiik kulla l-sulta wa l-daraja hana l-mamaalik dool. Achaan indi sulta fooghum wa nagdar nantiiha le ayyi naadum al-nidoorah. 7Kan tasjud leyi bas, da kulla ke yabga hanaak.» 8Wa Isa radda leyah wa gaal : «Maktuub fi l-Kitaab : <Le Allah Ilaahak bas tasjud wa leyah hu wiheedah bas taʼabudah.>»#4:8 Al-kalaam da talgooh fi Tasniya 6:13.
9Wa Ibliis waddaah fi Madiinat al-Khudus wa khattaah foog fi raas beet Allah. Wa gaal leyah : «Kan sahiih inta Ibn Allah, nutt min hini wa agaʼ tihit 10achaan fi l-Kitaab maktuub :
<Allah yaamur malaaʼikatah
achaan yahfadook.
11Yichiiluuk fi iideehum
achaan rijileenak ma yintaggo fi hajar.>»#4:11 Al-kalaam da talgooh fi Zabuur 91:11-12.
12Wa Isa radda leyah wa gaal : «Wa l-Kitaab yuguul : <Ma tijarrib Allah Ilaahak.>»#4:12 Al-kalaam da talgooh fi Tasniya 6:16.
13Wa Ibliis kammal min jarribiin Isa, hu faat khallaah achaan lahaddi yalga fursa aakhara.
14Wa Isa gabbal fi daar al-Jaliil malaan be gudrat al-Ruuh al-Khudduus. Wa khabarah ansamaʼ fi kulla l-balad. 15Wa Isa gaaʼid yiʼallim al-naas fi buyuut al-sala wa kulluhum chakarooh.
Al-Masiih abooh fi hillitah
16Wa Isa ja fi hillitah al-Naasira al-rabbooh foogha. Wa macha fi beet al-sala yoom al-sabt misil fi aadtah. Wa gamma foog achaan yagri le l-naas. 17Wa antooh kitaab al-nabi Ichaʼya. Wa hu fatah al-kitaab wa ligi al-bakaan al-maktuub foogah al-kalaam al-buguul :
18<Ruuh Allah gaaʼid foogi
achaan Allah masahaani wa khassasaani
le nibachchir al-masaakiin.
Hu rassalaani achaan naʼlin be l-hurriiye le l-masaajiin
wa nifattih uyuun al-amyaaniin
wa niharrir al-mazluumiin
19wa naʼlin sanit niʼmat Allah.>#4:19 Al-kalaam da talgooh fi Ichaʼya 61:1-2.
20Wa sadda al-kitaab wa gabbalah le l-khaddaam wa gaʼad tihit giddaamhum. Wa kulla l-naas al-gaaʼidiin fi beet al-sala khaattiin baalhum leyah. 21Wa bada yiʼallimhum wa gaal : «Al-yoom bas, al-kalaam al-maktuub da tamma wakit intu gaaʼidiin tasmaʼooh.»
22Wa kulluhum chakarooh wa alʼajjabo min kalaamah al-halu. Wa gaalo ambeenaathum : «Ha, da ma wileed Yuusuf walla ?» 23Wa battaan hajja leehum wa gaal : «Akiid tuguulu leyi al-masal al-maʼruuf al-buguul : ‹Ya daktoor, daawi nafsak.› Simiʼna be kulla l-khidme al-sawweetha fi hillit Kafar Naahuum. Sawwi nafs al-cheyy hini fi hillitak !»
24Wa gaal leehum : «Nuguul leeku al-hagg, ma fi nabi al-yakhbalooh fi hillitah halaalah. 25Laakin be l-sahiih nuguul leeku, taʼarfu kadar fi zaman al-nabi Iliyaas,#4:25 fi zaman al-nabi Iliyaas Al-taariikh da talgooh fi 1 Muluuk 17. Allah dahar al-matar ma yusubb talaata sana wa sitte chahar wa bigi juuʼ chadiid fi kulla l-balad. Wa fi Israaʼiil fiyah awiin katiiraat araamil 26wa laakin Allah ma rassal Iliyaas le ayyi waahide min al-awiin deel. Allah rassalah fi hillit Sarafa fi balad Seeda le mara aakhara armala. 27Wa fi zaman al-nabi Alyasaʼ, fi naas katiiriin fi balad Israaʼiil al-induhum jidaam wa naadum waahid minhum ma ligi al-aafe, illa Naʼamaan al-Suuri#4:27 Naʼamaan al-Suuri Al-taariikh da talgooh fi 2 Muluuk 5:1-14. bas ligi al-aafe.»
28Wa wakit simʼo al-kalaam da, kulla l-naas al-fi beet al-sala ziʼilo zaʼal chadiid. 29Wa gammo saagooh min al-hille wa waddooh fi taraf al-hajar al-hillithum mabniiye foogah achaan yarmuuh wa yaktuluuh. 30Wa laakin hu chaggaahum min usuthum wa faat.
Al-Masiih tarad cheetaan min naadum
31Wa Isa macha fi Kafar Naahuum wa hi hille waahide fi daar al-Jaliil. Wa yoom al-sabt, hu gaaʼid yiʼallim al-naas. 32Wa l-naas alʼajjabo bilheen min taʼliimah achaan hu gaaʼid yihajji be l-gudra al-Allah antaaha leyah.
33Wa fi beet al-sala, naadum waahid gaaʼid wa hu muchootin. Indah cheetaan fasil. Wa hu aat be hiss aali wa gaal : 34«Haay ! Ya Isa min al-Naasira, tidoor minnina chunu ? Jiit hini achaan tahlikna walla ? Ana naʼarfak. Inta bas al-Khudduus al-Allah rassalah.» 35Laakin Isa kachcha leyah wa gaal : «Askut wa amrug minnah !» Wa l-cheetaan rama al-naadum fi ust al-naas. Wa khalaas marag minnah. Wa l-naadum da, ma ligi ayyi wajaʼ.
36Wa kulla l-naas alʼajjabo bilheen wa gaalo ambeenaathum : «Al-muʼallim da kalaamah da kikkeef ? Indah sulta wa gudra lahaddi yaamur al-chawaatiin wa yamurgu min al-muchootiniin !» 37Wa khabarah chattat fi kulla l-daar di.
Al-Masiih fi beet Simʼaan
38Wa Isa marag min beet al-sala wa macha fi beet Simʼaan. Wa nasiibtah le Simʼaan indaha wirde chadiide. Wa saʼalo Isa le yachfiiha. 39Wa hu macha wagaf fi jamb al-bakaan al-hi raagde foogah wa kachcha le l-wirde wa l-wirde khallatha. Wa tawwaali hi gammat wa dayyafathum.
Al-Masiih daawa naas katiiriin
40Wa fi l-makhrib, kulla l-naas al-induhum naadum mardaan kan indah ayyi marad, jaabooh le Isa. Wa hu khatta iidah foog ayyi mardaan wa chafaah. 41Wa chawaatiin marago min naas katiiriin wa aato wa gaalo : «Inta Ibn Allah.» Laakin hu kachcha leehum wa daharaahum ma yihajju achaan humman yaʼarfu kadar hu al-Masiih.
42Wa wakit al-wata asbahat, hu marag wa macha fi bakaan ma indah naas. Wa l-naas fattachooh wa jo leyah wa dawwaro yadharooh ma yamchi yikhalliihum. 43Laakin hu gaal leehum : «Waajib niballikh bichaarat mamlakat Allah fi hillaal aakhariin kula. Fi chaan da bas Allah rassalaani.» 44Wa hu raayikh fi daar al-Yahuudiiya wa gaaʼid yibachchir al-naas fi buyuut al-sala.
Currently Selected:
Luukha 4: ADT19
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
Luukha 4
4
Ibliis jarrab al-Masiih
1Wa Isa gabbal min bahar al-Urdun malaan be l-Ruuh al-Khudduus. Wa l-Ruuh al-Khudduus gaaʼid yuguudah wa waddaah fi l-khala. 2Wa fi muddit 40 yoom, Ibliis gaaʼid yijarribah. Wa fi kulla l-mudda di, Isa ma akal cheyy. Wa fi l-akhiir hu bigi jiiʼaan.
3Wa Ibliis hajja leyah wa gaal : «Kan sahiih inta Ibn Allah, chiil hajar min al-hujaar dool wa guul leyah yabga leek akil.» 4Wa Isa radda leyah wa gaal : «Maktuub fi Kitaab Allah : <Al-insaan ma yiʼiich be l-akil wiheedah.>»#4:4 Al-kalaam da talgooh fi Tasniya 8:3.
5Wa Ibliis waddaah fi bakaan aali wa fi wakit gisayyir bas wassaf leyah kulla mamaalik al-dunya. 6Wa gaal leyah : «Najʼalak haakim fooghum kulluhum wa nantiik kulla l-sulta wa l-daraja hana l-mamaalik dool. Achaan indi sulta fooghum wa nagdar nantiiha le ayyi naadum al-nidoorah. 7Kan tasjud leyi bas, da kulla ke yabga hanaak.» 8Wa Isa radda leyah wa gaal : «Maktuub fi l-Kitaab : <Le Allah Ilaahak bas tasjud wa leyah hu wiheedah bas taʼabudah.>»#4:8 Al-kalaam da talgooh fi Tasniya 6:13.
9Wa Ibliis waddaah fi Madiinat al-Khudus wa khattaah foog fi raas beet Allah. Wa gaal leyah : «Kan sahiih inta Ibn Allah, nutt min hini wa agaʼ tihit 10achaan fi l-Kitaab maktuub :
<Allah yaamur malaaʼikatah
achaan yahfadook.
11Yichiiluuk fi iideehum
achaan rijileenak ma yintaggo fi hajar.>»#4:11 Al-kalaam da talgooh fi Zabuur 91:11-12.
12Wa Isa radda leyah wa gaal : «Wa l-Kitaab yuguul : <Ma tijarrib Allah Ilaahak.>»#4:12 Al-kalaam da talgooh fi Tasniya 6:16.
13Wa Ibliis kammal min jarribiin Isa, hu faat khallaah achaan lahaddi yalga fursa aakhara.
14Wa Isa gabbal fi daar al-Jaliil malaan be gudrat al-Ruuh al-Khudduus. Wa khabarah ansamaʼ fi kulla l-balad. 15Wa Isa gaaʼid yiʼallim al-naas fi buyuut al-sala wa kulluhum chakarooh.
Al-Masiih abooh fi hillitah
16Wa Isa ja fi hillitah al-Naasira al-rabbooh foogha. Wa macha fi beet al-sala yoom al-sabt misil fi aadtah. Wa gamma foog achaan yagri le l-naas. 17Wa antooh kitaab al-nabi Ichaʼya. Wa hu fatah al-kitaab wa ligi al-bakaan al-maktuub foogah al-kalaam al-buguul :
18<Ruuh Allah gaaʼid foogi
achaan Allah masahaani wa khassasaani
le nibachchir al-masaakiin.
Hu rassalaani achaan naʼlin be l-hurriiye le l-masaajiin
wa nifattih uyuun al-amyaaniin
wa niharrir al-mazluumiin
19wa naʼlin sanit niʼmat Allah.>#4:19 Al-kalaam da talgooh fi Ichaʼya 61:1-2.
20Wa sadda al-kitaab wa gabbalah le l-khaddaam wa gaʼad tihit giddaamhum. Wa kulla l-naas al-gaaʼidiin fi beet al-sala khaattiin baalhum leyah. 21Wa bada yiʼallimhum wa gaal : «Al-yoom bas, al-kalaam al-maktuub da tamma wakit intu gaaʼidiin tasmaʼooh.»
22Wa kulluhum chakarooh wa alʼajjabo min kalaamah al-halu. Wa gaalo ambeenaathum : «Ha, da ma wileed Yuusuf walla ?» 23Wa battaan hajja leehum wa gaal : «Akiid tuguulu leyi al-masal al-maʼruuf al-buguul : ‹Ya daktoor, daawi nafsak.› Simiʼna be kulla l-khidme al-sawweetha fi hillit Kafar Naahuum. Sawwi nafs al-cheyy hini fi hillitak !»
24Wa gaal leehum : «Nuguul leeku al-hagg, ma fi nabi al-yakhbalooh fi hillitah halaalah. 25Laakin be l-sahiih nuguul leeku, taʼarfu kadar fi zaman al-nabi Iliyaas,#4:25 fi zaman al-nabi Iliyaas Al-taariikh da talgooh fi 1 Muluuk 17. Allah dahar al-matar ma yusubb talaata sana wa sitte chahar wa bigi juuʼ chadiid fi kulla l-balad. Wa fi Israaʼiil fiyah awiin katiiraat araamil 26wa laakin Allah ma rassal Iliyaas le ayyi waahide min al-awiin deel. Allah rassalah fi hillit Sarafa fi balad Seeda le mara aakhara armala. 27Wa fi zaman al-nabi Alyasaʼ, fi naas katiiriin fi balad Israaʼiil al-induhum jidaam wa naadum waahid minhum ma ligi al-aafe, illa Naʼamaan al-Suuri#4:27 Naʼamaan al-Suuri Al-taariikh da talgooh fi 2 Muluuk 5:1-14. bas ligi al-aafe.»
28Wa wakit simʼo al-kalaam da, kulla l-naas al-fi beet al-sala ziʼilo zaʼal chadiid. 29Wa gammo saagooh min al-hille wa waddooh fi taraf al-hajar al-hillithum mabniiye foogah achaan yarmuuh wa yaktuluuh. 30Wa laakin hu chaggaahum min usuthum wa faat.
Al-Masiih tarad cheetaan min naadum
31Wa Isa macha fi Kafar Naahuum wa hi hille waahide fi daar al-Jaliil. Wa yoom al-sabt, hu gaaʼid yiʼallim al-naas. 32Wa l-naas alʼajjabo bilheen min taʼliimah achaan hu gaaʼid yihajji be l-gudra al-Allah antaaha leyah.
33Wa fi beet al-sala, naadum waahid gaaʼid wa hu muchootin. Indah cheetaan fasil. Wa hu aat be hiss aali wa gaal : 34«Haay ! Ya Isa min al-Naasira, tidoor minnina chunu ? Jiit hini achaan tahlikna walla ? Ana naʼarfak. Inta bas al-Khudduus al-Allah rassalah.» 35Laakin Isa kachcha leyah wa gaal : «Askut wa amrug minnah !» Wa l-cheetaan rama al-naadum fi ust al-naas. Wa khalaas marag minnah. Wa l-naadum da, ma ligi ayyi wajaʼ.
36Wa kulla l-naas alʼajjabo bilheen wa gaalo ambeenaathum : «Al-muʼallim da kalaamah da kikkeef ? Indah sulta wa gudra lahaddi yaamur al-chawaatiin wa yamurgu min al-muchootiniin !» 37Wa khabarah chattat fi kulla l-daar di.
Al-Masiih fi beet Simʼaan
38Wa Isa marag min beet al-sala wa macha fi beet Simʼaan. Wa nasiibtah le Simʼaan indaha wirde chadiide. Wa saʼalo Isa le yachfiiha. 39Wa hu macha wagaf fi jamb al-bakaan al-hi raagde foogah wa kachcha le l-wirde wa l-wirde khallatha. Wa tawwaali hi gammat wa dayyafathum.
Al-Masiih daawa naas katiiriin
40Wa fi l-makhrib, kulla l-naas al-induhum naadum mardaan kan indah ayyi marad, jaabooh le Isa. Wa hu khatta iidah foog ayyi mardaan wa chafaah. 41Wa chawaatiin marago min naas katiiriin wa aato wa gaalo : «Inta Ibn Allah.» Laakin hu kachcha leehum wa daharaahum ma yihajju achaan humman yaʼarfu kadar hu al-Masiih.
42Wa wakit al-wata asbahat, hu marag wa macha fi bakaan ma indah naas. Wa l-naas fattachooh wa jo leyah wa dawwaro yadharooh ma yamchi yikhalliihum. 43Laakin hu gaal leehum : «Waajib niballikh bichaarat mamlakat Allah fi hillaal aakhariin kula. Fi chaan da bas Allah rassalaani.» 44Wa hu raayikh fi daar al-Yahuudiiya wa gaaʼid yibachchir al-naas fi buyuut al-sala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.