مَرْخُوس 12
12
مَثَل الحرّاتين الفسْلين
1وَ فِي الْبَكَانْ دَا، عِيسَى قَمَّ يِحَجِّي لَيْهُمْ بِأَمْثَالْ وَ قَالْ: «نَادُمْ وَاحِدْ مَقَّنْ عِنَبْ فِي جِنَيْنَةْ. وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ. 2وَ فِي وَكِتْ لَمِّينْ الْعِنَبْ، هُو رَسَّلْ عَبِدْ وَاحِدْ لِلْحَرَّاتِينْ أَشَانْ يِشِيلْ مِنْهُمْ الْعِنَبْ الْوَاجِبْ لَيَّهْ. 3وَ الْحَرَّاتِينْ كَرَبَوْه وَ دَقَّوْه وَ قَبَّلَوْه لِسِيدَهْ بَلَا شَيّءْ. 4وَ بَتَّانْ رَسَّلْ لَيْهُمْ عَبِدْ تَانِي. وَ الْعَبِدْ دَا، هُو كُلَ دَقَّوْه فِي رَاسَهْ وَ عَيَّرَوْه. 5وَ رَسَّلْ لَيْهُمْ بَتَّانْ عَبِدْ آخَرْ وَ الْعَبِدْ دَا، كَتَلَوْه. وَ رَسَّلْ لَيْهُمْ عَبِيدْ كَتِيرِينْ وَ الْحَرَّاتِينْ سَوَّوْا لَيْهُمْ نَفْس الشَّيّءْ. وَاحِدِينْ دَقَّوْهُمْ وَ وَاحِدِينْ كَتَلَوْهُمْ. 6وَ فَضَّلْ لَيَّهْ نَادُمْ وَاحِدْ بَسْ الْهُو يِرَسِّلَهْ وَ دَا وِلَيْدَهْ الْيِحِبَّهْ بِلْحَيْن. وَ فِي الأَخِيرْ، سِيدْ الْجِنَيْنَةْ قَالْ: ‹أَكِيدْ وِلَيْدِي دَا يِكَرُّمُوهْ.› وَ خَلَاصْ رَسَّلْ لَيْهُمْ وِلَيْدَهْ. 7لَاكِنْ الْحَرَّاتِينْ أَشَّاوَرَوْا أَمْبَيْنَاتْهُمْ وَ قَالَوْا: ‹دَاهُو يَوْرِثْ الْجِنَيْنَةْ. خَلِّي نَكْتُلُوهْ أَشَانْ الْوَرَثَةْ تَبْقَى هِنْتِنَا!› 8وَ خَلَاصْ كَرَبَوْه وَ كَتَلَوْه وَ زَقَلَوْا جَنَازْتَهْ بَرَّا مِنْ الْجِنَيْنَةْ.»
9وَ عِيسَى قَالْ: «وَ هَسَّعْ دَا، نَسْأَلْكُو. سِيدْ الْجِنَيْنَةْ يِسَوِّي فَوْقهُمْ شُنُو؟ أَكِيدْ هُو يَجِي فِي الْجِنَيْنَةْ وَ يَكْتُلْ الْحَرَّاتِينْ دَوْل وَ خَلَاصْ يَنْطِي الْجِنَيْنَةْ لِنَاسْ آخَرِينْ. 10أَكِيدْ قَرَيْتُوا الْكَلَامْ الْمَكْتُوبْ فِي الْكِتَابْ الْبُقُولْ:
<الْحَجَرْ الْبَنَّايِينْ الْبَيْت أَوَّلْ مَا دَوَّرَوْه
بِقِي الْحَجَرْ الْمُهِمّ فِي بُنَى الْبَيْت.
11وَ الشَّيّءْ دَا جَايِ مِنْ اللّٰهْ
وَ شِفْنَاهْ عَجِيبْ!>»#12:11 الكلام دا تلقوه في زَبُور 118:22-23.
12وَ فِي الْبَكَانْ دَا، الْكُبَارَاتْ دَوَّرَوْا يَكُرْبُوا عِيسَى فِي السِّجِنْ أَشَانْ فِهْمَوْا كَدَرْ بِالْمَثَلْ دَا عِيسَى حَجَّى فَوْقهُمْ لَاكِنْ هُمَّنْ خَافَوْا مِنْ النَّاسْ. وَ أَشَانْ دَا، قَمَّوْا خَلَّوْه وَ فَاتَوْا.
السُؤال في الميري
13وَ الْكُبَارَاتْ رَسَّلَوْا لِعِيسَى نَاسْ وَاحِدِينْ مِنْ الْفَرِيزِيِّينْ وَ نَاسْ وَاحِدِينْ مِنْ حِزِبْ هِرُودُسْ أَشَانْ يَرْمُوهْ بِكَلَامَهْ. 14وَ الْجَوَاسِيسْ دَوْل جَوْا لَيَّهْ وَ قَالَوْا: «سَيِّدْنَا، نَعَرْفُوا كَدَرْ كَلَامَكْ حَقّ. إِنْتَ مَا خَايِفْ مِنْ أَيِّ نَادُمْ. مَا تَخَافْ مِنْ وِجِهْ النَّاسْ وَ تِعَلِّمْ النَّاسْ دَرِبْ اللّٰهْ الصَّحِيحْ. خَلَاصْ، قُولْ لَيْنَا، حَسَبْ التَّوْرَاةْ وَاجِبْ لَيْنَا نِكَفُّوا الْمِيرِي لِسُلْطَانْ الرَّوْمَانِيِّينْ وَلَّا؟ التُّكْفَاةْ وَاجِبْ لَيْنَا وَلَّا مَا وَاجِبْ؟»
15وَ عِيسَى عِرِفْ هُمَّنْ مُنَافِقِينْ. وَ رَدَّ لَيْهُمْ وَ قَالْ: «مَالَا تِدَوْرُوا تِجَرُّبُونِي؟ أَنْطُونِي دِينَارْ وَاحِدْ وَ خَلِّي نِشِيفَهْ.» 16وَ أَنْطَوْه دِينَارْ وَاحِدْ. وَ هُو سَأَلَاهُمْ وَ قَالْ: «الصُّورَةْ وَ الْأُسُمْ الْقَاعِدِينْ فَوْقَهْ دَوْل هَنَا يَاتُو؟» وَ رَدَّوْا لَيَّهْ وَ قَالَوْا: «هَنَا سُلْطَانْ الرَّوْمَانِيِّينْ.» 17وَ عِيسَى قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ!» وَ أَلْعَجَّبَوْا مِنَّهْ مَرَّةْ وَاحِدْ.
السُؤال البُخُصّ البُعاث
18وَ صَدُّوقِيِّينْ وَاحِدِينْ جَوْا لِعِيسَى بِسُؤَالْ. وَ الصَّدُّوقِيِّينْ مَا مُؤمِنِينْ بِالْبُعَاثْ. وَ سَأَلَوْه وَ قَالَوْا: 19«يَا السَّيِّدْ، نِدَوْرُوا نِحَجُّوا لَيْك بِالْكَلَامْ الْمُوسَى كَتَبَهْ لَيْنَا فِي التَّوْرَاةْ. هُو يُقُولْ كَنْ رَاجِلْ مَاتْ وَ خَلَّى مَرَةْ مَا عِنْدَهْ عِيَالْ، وَاجِبْ أَخُو الرَّاجِلْ دَا يَاخُدْ الْمَرَةْ.#12:19 الكلام دا تلقوه في تَثْنِية 25:5. وَ بَيْدَا، هُو يَلْدَ مِنْهَا ذُرِّيَّةْ لِأَخُوهْ الْمَرْحُومْ.
20«وَ أَوَّلْ فِي سَبْعَةْ أَخْوَانْ. وَ الْكَبِيرْ مِنْهُمْ أَخَدْ مَرَةْ وَ وَكِتْ هُو مَاتْ مَا عِنْدَهْ مِنْهَا ذُرِّيَّةْ. 21وَ التَّانِي أَخَدْهَا وَ بَعَدَيْن هُو كُلَ مَاتْ وَ مَا جَابْ مِنْهَا ذُرِّيَّةْ وَ التَّالِتْ سَوَّى نَفْس الشَّيّءْ. 22وَ نَفْس الشَّيّءْ بِقِي لِلْآخَرِينْ كُلَ. وَ الْأَخْوَانْ السَّبْعَةْ كُلُّهُمْ أَخَدَوْا الْمَرَةْ دِي وَ مَاتَوْا بَلَا ذُرِّيَّةْ. وَ فِي الأَخِيرْ، الْمَرَةْ ذَاتْهَا مَاتَتْ. 23وَ خَلَاصْ وَكِتْ الْمَيْتِينْ يَبْعَثَوْا دَا، هِي تَبْقَى مَرِةْ يَاتُو مِنْهُمْ؟ أَشَانْ كُلُّهُمْ السَّبْعَةْ أَخَدَوْهَا.»
24وَ عِيسَى رَدَّ لَيْهُمْ وَ قَالْ: «إِنْتُو مَا تَعَرْفُوا كِتَابْ اللّٰهْ وَ لَا قُدْرَةْ اللّٰهْ وَ أَشَانْ دَا بَسْ إِنْتُو مُوَدِّرِينْ. 25أَشَانْ وَكِتْ الْمَيْتِينْ يَبْعَثَوْا، الرُّجَالْ مَا يَاخُدُوا عَوِينْ وَ الْعَوِينْ مَا يَاخُدَنْ رُجَالْ. يَبْقَوْا مِثِلْ الْمَلَائِكَةْ فِي السَّمَاوَاتْ. أَمْبَيْنَاتْهُمْ أَخِيدَةْ مَا فِي. 26وَ فِي الشَّيّءْ الْبُخُصّ بُعَاثْ الْمَيْتِينْ، هَلْ نِسِيتُوا الْكَلَامْ الْقَرَيْتُوهْ فِي كِتَابْ مُوسَى وَلَّا؟ فَكُّرُوا فِي الْكَلَامْ الْبُخُصّ الشِّدَيْرَةْ الْقَمَّتْ فَوْقهَا نَارْ.#12:26 الشِّدَيْرَةْ الْقَمَّتْ فَوْقهَا نَارْ: التاريخ دا تلقوه في خُروج 3:1-10. فِي الْبَكَانْ دَا، اللّٰهْ حَجَّى لَيَّهْ وَ قَالْ: <أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.>#12:26 الكلام دا تلقوه في خُروج 3:6. 27وَ هُو رَبّ الْحَيِّينْ وَ مَا رَبّ الْمَيْتِينْ. وَ خَلَاصْ إِنْتُو مُوَدِّرِينْ مَرَّةْ وَاحِدْ.»
الوصيّة الأكْبر
28وَ نَادُمْ وَاحِدْ مِنْ الْعُلَمَاءْ قَاعِدْ هِنَاكْ وَ هُو سِمِعْ الْمُنَاقَشَةْ دِي. وَ هُو شَافْ كَدَرْ عِيسَى رَدَّ لِلصَّدُّوقِيِّينْ بِرَدّ عَدِيلْ. وَ أَشَانْ دَا، هُو سَأَلَهْ وَ قَالْ: «يَا سَيِّدْنَا، مِنْ كُلَّ وَصَايَا اللّٰهْ، وَيْنِي الْوَصِيَّةْ الْمُهِمَّةْ؟» 29وَ عِيسَى رَدَّ وَ قَالْ: «الْوَصِيَّةْ الْمُهِمَّةْ هِي تُقُولْ: <أَسْمَعَوْا يَا بَنِي إِسْرَائِيلْ! اللّٰهْ إِلٰـهْنَا هُو اللّٰهْ الْوَاحِدْ. 30حِبُّوا اللّٰهْ إِلٰـهْكُو بِكُلَّ قُلُوبْكُو وَ بِكُلَّ نُفُوسْكُو وَ بِكُلَّ فِكِرْكُو وَ بِكُلَّ قُدْرِتْكُو.>#12:30 الكلام دا تلقوه في تَثْنِية 6:4-5. 31وَ الْوَصِيَّةْ التَّانِيَةْ هِي: <حِبّ أَخُوكْ مِثِلْ تِحِبّ نَفْسَكْ.>#12:31 الكلام دا تلقوه في لاوِيِّين 19:18. وَ دَوْل بَسْ الْوَصَايَا الْكُبَارْ وَ مَا فِي وَصِيَّةْ أَكْبَرْ مِنْهُمْ.»
32وَ الْعَالِمْ قَالْ: «كَلَامَكْ سَمَحْ، سَيِّدْنَا. كَلَامَكْ حَقّ، أَشَانْ اللّٰهْ وَاحِدْ وَ لَا إِلٰـهْ إِلَّا هُو. 33وَ كَنْ نَادُمْ يِحِبَّهْ بِكُلَّ قَلْبَهْ وَ كُلَّ فِكْرَهْ وَ كُلَّ قُدُرْتَهْ وَ يِحِبّ أَخُوهْ مِثِلْ يِحِبّ نَفْسَهْ، دَا أَخَيْر مِنْ كُلَّ ضَحِيَّةْ وَ هَدِيَّةْ الْيَقْدَرْ يِقَدِّمْهُمْ لِلّٰهْ.» 34وَ عِيسَى قَصَّدْ بِكَلَامْ الْعَالِمْ أَشَانْ هُو رَدَّ بِفِكِرْ عَدِيلْ. وَ عِيسَى قَالْ لَيَّهْ: «إِنْتَ مَا بَعِيدْ مِنْ مَمْلَكَةْ اللّٰهْ.» وَ بَعَدْ دَا، نَادُمْ وَاحِدْ كُلَ مَا دَوَّرْ يَسْأَلَهْ أَيِّ سُؤَالْ.
سُؤال المسيح البُخُصّ إبْن دَاوُد
35وَ وَكِتْ عِيسَى قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ، هُو قَالْ: «كِكَّيْف الْعُلَمَاءْ يُقُولُوا كَدَرْ الْمَسِيحْ هُو إِبْن دَاوُدْ؟ 36دَاوُدْ ذَاتَهْ كَلَّمْ بِقُدْرَةْ الرُّوحْ الْقُدُّوسْ وَ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›#12:36 الكلام دا تلقوه في زَبُور 110:1. 37وَ فِي الْكَلَامْ دَا، دَاوُدْ قَالْ الْمَسِيحْ هُو سِيدَهْ. وَ بِمِثِلْ دَا، كِكَّيْف الْمَسِيحْ يَبْقَى وِلَيْدَهْ؟» وَ نَاسْ كَتِيرِينْ بِلْحَيْن قَاعِدِينْ يَسْمَعَوْا كَلَامَهْ بِفَرَحْ.
كلام المسيح في العُلماء
38وَكِتْ عِيسَى قَاعِدْ يِعَلِّمْهُمْ هُو قَالْ: «أَوْعُوا بَالْكُو مِنْ الْعُلَمَاءْ. هُمَّنْ يِرِيدُوا يُرُوغُوا فِي أُسْط النَّاسْ لَابْسِينْ جَلَالِيبْ طُوَالْ وَ يِرِيدُوا سَلَامْ النَّاسْ فِي السُّوقْ 39وَ الصَّفّ الْأَوَّلْ فِي بُيُوتْ الصَّلَاةْ وَ بَكَانْ الْكُبَارَاتْ فِي كُلِّ عَازُومَةْ. 40وَ لَاكِنْ هُمَّنْ يَاكُلُوا بُيُوتْ الْأَرَامِلْ وَ يُقُمُّوا يِصَلُّوا صَلَاةْ طَوِيلَةْ أَشَانْ النَّاسْ يِشِيفُوهُمْ. وَ أَشَانْ دَا، الْعَذَابْ الْيَرْجَاهُمْ يَبْقَى شَدِيدْ زِيَادَةْ.»
الأرْملة المِسْكينة
41وَ عِيسَى قَعَدْ قَرِيبْ لِصَنْدُوقْ بَيْت اللّٰهْ وَ شَافْ النَّاسْ الْقَاعِدِينْ يُصُبُّوا فَوْقَهْ قُرُسْهُمْ. وَ سِيَادْ الْمَالْ كَتِيرِينْ قَاعِدِينْ يُصُبُّوا قُرُسْ كَتِيرْ. 42وَ فِي الْبَكَانْ دَا، أَرْمَلَةْ وَاحِدَةْ جَاتْ وَ هِي مِسْكِينَةْ. وَ خَطَّتْ فِي الصَّنْدُوقْ رِيَالَيْن قِيمِتْهُمْ شِيَّةْ.
43وَ عِيسَى نَادَى تَلَامِيذَهْ وَ قَالْ: «نُقُولْ لَيْكُو الْحَقّ، الْأَرْمَلَةْ الْمِسْكِينَةْ دِي أَنْطَتْ زِيَادَةْ مِنْ كُلَّ النَّاسْ الْآخَرِينْ الْقَاعِدِينْ يُصُبُّوا قُرُسْهُمْ فِي صَنْدُوقْ بَيْت اللّٰهْ. 44أَشَانْ كُلُّهُمْ أَنْطَوْا لِلّٰهْ الزَّايِدْ مِنْ مَالْهُمْ، لَاكِنْ هِي مِسْكِينَةْ وَ أَنْطَتْ كُلَّ شَيّءْ الْعِنْدَهَا التِّعِيشْ بَيَّهْ.»
Currently Selected:
مَرْخُوس 12: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
مَرْخُوس 12
12
مَثَل الحرّاتين الفسْلين
1وَ فِي الْبَكَانْ دَا، عِيسَى قَمَّ يِحَجِّي لَيْهُمْ بِأَمْثَالْ وَ قَالْ: «نَادُمْ وَاحِدْ مَقَّنْ عِنَبْ فِي جِنَيْنَةْ. وَ زَرَبَاهَا وَ سَوَّى فَوْقهَا عَصَّارَةْ هَنَا عِنَبْ وَ بَنَى بَيْت هَنَا حَرَاسَةْ. وَ هُو أَجَّرْ حَرَّاتِينْ أَشَانْ يَخْدُمُوا فَوْقهَا وَ خَلَاصْ خَطَرْ وَ مَشَى فِي بَلَدْ آخَرَةْ. 2وَ فِي وَكِتْ لَمِّينْ الْعِنَبْ، هُو رَسَّلْ عَبِدْ وَاحِدْ لِلْحَرَّاتِينْ أَشَانْ يِشِيلْ مِنْهُمْ الْعِنَبْ الْوَاجِبْ لَيَّهْ. 3وَ الْحَرَّاتِينْ كَرَبَوْه وَ دَقَّوْه وَ قَبَّلَوْه لِسِيدَهْ بَلَا شَيّءْ. 4وَ بَتَّانْ رَسَّلْ لَيْهُمْ عَبِدْ تَانِي. وَ الْعَبِدْ دَا، هُو كُلَ دَقَّوْه فِي رَاسَهْ وَ عَيَّرَوْه. 5وَ رَسَّلْ لَيْهُمْ بَتَّانْ عَبِدْ آخَرْ وَ الْعَبِدْ دَا، كَتَلَوْه. وَ رَسَّلْ لَيْهُمْ عَبِيدْ كَتِيرِينْ وَ الْحَرَّاتِينْ سَوَّوْا لَيْهُمْ نَفْس الشَّيّءْ. وَاحِدِينْ دَقَّوْهُمْ وَ وَاحِدِينْ كَتَلَوْهُمْ. 6وَ فَضَّلْ لَيَّهْ نَادُمْ وَاحِدْ بَسْ الْهُو يِرَسِّلَهْ وَ دَا وِلَيْدَهْ الْيِحِبَّهْ بِلْحَيْن. وَ فِي الأَخِيرْ، سِيدْ الْجِنَيْنَةْ قَالْ: ‹أَكِيدْ وِلَيْدِي دَا يِكَرُّمُوهْ.› وَ خَلَاصْ رَسَّلْ لَيْهُمْ وِلَيْدَهْ. 7لَاكِنْ الْحَرَّاتِينْ أَشَّاوَرَوْا أَمْبَيْنَاتْهُمْ وَ قَالَوْا: ‹دَاهُو يَوْرِثْ الْجِنَيْنَةْ. خَلِّي نَكْتُلُوهْ أَشَانْ الْوَرَثَةْ تَبْقَى هِنْتِنَا!› 8وَ خَلَاصْ كَرَبَوْه وَ كَتَلَوْه وَ زَقَلَوْا جَنَازْتَهْ بَرَّا مِنْ الْجِنَيْنَةْ.»
9وَ عِيسَى قَالْ: «وَ هَسَّعْ دَا، نَسْأَلْكُو. سِيدْ الْجِنَيْنَةْ يِسَوِّي فَوْقهُمْ شُنُو؟ أَكِيدْ هُو يَجِي فِي الْجِنَيْنَةْ وَ يَكْتُلْ الْحَرَّاتِينْ دَوْل وَ خَلَاصْ يَنْطِي الْجِنَيْنَةْ لِنَاسْ آخَرِينْ. 10أَكِيدْ قَرَيْتُوا الْكَلَامْ الْمَكْتُوبْ فِي الْكِتَابْ الْبُقُولْ:
<الْحَجَرْ الْبَنَّايِينْ الْبَيْت أَوَّلْ مَا دَوَّرَوْه
بِقِي الْحَجَرْ الْمُهِمّ فِي بُنَى الْبَيْت.
11وَ الشَّيّءْ دَا جَايِ مِنْ اللّٰهْ
وَ شِفْنَاهْ عَجِيبْ!>»#12:11 الكلام دا تلقوه في زَبُور 118:22-23.
12وَ فِي الْبَكَانْ دَا، الْكُبَارَاتْ دَوَّرَوْا يَكُرْبُوا عِيسَى فِي السِّجِنْ أَشَانْ فِهْمَوْا كَدَرْ بِالْمَثَلْ دَا عِيسَى حَجَّى فَوْقهُمْ لَاكِنْ هُمَّنْ خَافَوْا مِنْ النَّاسْ. وَ أَشَانْ دَا، قَمَّوْا خَلَّوْه وَ فَاتَوْا.
السُؤال في الميري
13وَ الْكُبَارَاتْ رَسَّلَوْا لِعِيسَى نَاسْ وَاحِدِينْ مِنْ الْفَرِيزِيِّينْ وَ نَاسْ وَاحِدِينْ مِنْ حِزِبْ هِرُودُسْ أَشَانْ يَرْمُوهْ بِكَلَامَهْ. 14وَ الْجَوَاسِيسْ دَوْل جَوْا لَيَّهْ وَ قَالَوْا: «سَيِّدْنَا، نَعَرْفُوا كَدَرْ كَلَامَكْ حَقّ. إِنْتَ مَا خَايِفْ مِنْ أَيِّ نَادُمْ. مَا تَخَافْ مِنْ وِجِهْ النَّاسْ وَ تِعَلِّمْ النَّاسْ دَرِبْ اللّٰهْ الصَّحِيحْ. خَلَاصْ، قُولْ لَيْنَا، حَسَبْ التَّوْرَاةْ وَاجِبْ لَيْنَا نِكَفُّوا الْمِيرِي لِسُلْطَانْ الرَّوْمَانِيِّينْ وَلَّا؟ التُّكْفَاةْ وَاجِبْ لَيْنَا وَلَّا مَا وَاجِبْ؟»
15وَ عِيسَى عِرِفْ هُمَّنْ مُنَافِقِينْ. وَ رَدَّ لَيْهُمْ وَ قَالْ: «مَالَا تِدَوْرُوا تِجَرُّبُونِي؟ أَنْطُونِي دِينَارْ وَاحِدْ وَ خَلِّي نِشِيفَهْ.» 16وَ أَنْطَوْه دِينَارْ وَاحِدْ. وَ هُو سَأَلَاهُمْ وَ قَالْ: «الصُّورَةْ وَ الْأُسُمْ الْقَاعِدِينْ فَوْقَهْ دَوْل هَنَا يَاتُو؟» وَ رَدَّوْا لَيَّهْ وَ قَالَوْا: «هَنَا سُلْطَانْ الرَّوْمَانِيِّينْ.» 17وَ عِيسَى قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ!» وَ أَلْعَجَّبَوْا مِنَّهْ مَرَّةْ وَاحِدْ.
السُؤال البُخُصّ البُعاث
18وَ صَدُّوقِيِّينْ وَاحِدِينْ جَوْا لِعِيسَى بِسُؤَالْ. وَ الصَّدُّوقِيِّينْ مَا مُؤمِنِينْ بِالْبُعَاثْ. وَ سَأَلَوْه وَ قَالَوْا: 19«يَا السَّيِّدْ، نِدَوْرُوا نِحَجُّوا لَيْك بِالْكَلَامْ الْمُوسَى كَتَبَهْ لَيْنَا فِي التَّوْرَاةْ. هُو يُقُولْ كَنْ رَاجِلْ مَاتْ وَ خَلَّى مَرَةْ مَا عِنْدَهْ عِيَالْ، وَاجِبْ أَخُو الرَّاجِلْ دَا يَاخُدْ الْمَرَةْ.#12:19 الكلام دا تلقوه في تَثْنِية 25:5. وَ بَيْدَا، هُو يَلْدَ مِنْهَا ذُرِّيَّةْ لِأَخُوهْ الْمَرْحُومْ.
20«وَ أَوَّلْ فِي سَبْعَةْ أَخْوَانْ. وَ الْكَبِيرْ مِنْهُمْ أَخَدْ مَرَةْ وَ وَكِتْ هُو مَاتْ مَا عِنْدَهْ مِنْهَا ذُرِّيَّةْ. 21وَ التَّانِي أَخَدْهَا وَ بَعَدَيْن هُو كُلَ مَاتْ وَ مَا جَابْ مِنْهَا ذُرِّيَّةْ وَ التَّالِتْ سَوَّى نَفْس الشَّيّءْ. 22وَ نَفْس الشَّيّءْ بِقِي لِلْآخَرِينْ كُلَ. وَ الْأَخْوَانْ السَّبْعَةْ كُلُّهُمْ أَخَدَوْا الْمَرَةْ دِي وَ مَاتَوْا بَلَا ذُرِّيَّةْ. وَ فِي الأَخِيرْ، الْمَرَةْ ذَاتْهَا مَاتَتْ. 23وَ خَلَاصْ وَكِتْ الْمَيْتِينْ يَبْعَثَوْا دَا، هِي تَبْقَى مَرِةْ يَاتُو مِنْهُمْ؟ أَشَانْ كُلُّهُمْ السَّبْعَةْ أَخَدَوْهَا.»
24وَ عِيسَى رَدَّ لَيْهُمْ وَ قَالْ: «إِنْتُو مَا تَعَرْفُوا كِتَابْ اللّٰهْ وَ لَا قُدْرَةْ اللّٰهْ وَ أَشَانْ دَا بَسْ إِنْتُو مُوَدِّرِينْ. 25أَشَانْ وَكِتْ الْمَيْتِينْ يَبْعَثَوْا، الرُّجَالْ مَا يَاخُدُوا عَوِينْ وَ الْعَوِينْ مَا يَاخُدَنْ رُجَالْ. يَبْقَوْا مِثِلْ الْمَلَائِكَةْ فِي السَّمَاوَاتْ. أَمْبَيْنَاتْهُمْ أَخِيدَةْ مَا فِي. 26وَ فِي الشَّيّءْ الْبُخُصّ بُعَاثْ الْمَيْتِينْ، هَلْ نِسِيتُوا الْكَلَامْ الْقَرَيْتُوهْ فِي كِتَابْ مُوسَى وَلَّا؟ فَكُّرُوا فِي الْكَلَامْ الْبُخُصّ الشِّدَيْرَةْ الْقَمَّتْ فَوْقهَا نَارْ.#12:26 الشِّدَيْرَةْ الْقَمَّتْ فَوْقهَا نَارْ: التاريخ دا تلقوه في خُروج 3:1-10. فِي الْبَكَانْ دَا، اللّٰهْ حَجَّى لَيَّهْ وَ قَالْ: <أَنَا اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.>#12:26 الكلام دا تلقوه في خُروج 3:6. 27وَ هُو رَبّ الْحَيِّينْ وَ مَا رَبّ الْمَيْتِينْ. وَ خَلَاصْ إِنْتُو مُوَدِّرِينْ مَرَّةْ وَاحِدْ.»
الوصيّة الأكْبر
28وَ نَادُمْ وَاحِدْ مِنْ الْعُلَمَاءْ قَاعِدْ هِنَاكْ وَ هُو سِمِعْ الْمُنَاقَشَةْ دِي. وَ هُو شَافْ كَدَرْ عِيسَى رَدَّ لِلصَّدُّوقِيِّينْ بِرَدّ عَدِيلْ. وَ أَشَانْ دَا، هُو سَأَلَهْ وَ قَالْ: «يَا سَيِّدْنَا، مِنْ كُلَّ وَصَايَا اللّٰهْ، وَيْنِي الْوَصِيَّةْ الْمُهِمَّةْ؟» 29وَ عِيسَى رَدَّ وَ قَالْ: «الْوَصِيَّةْ الْمُهِمَّةْ هِي تُقُولْ: <أَسْمَعَوْا يَا بَنِي إِسْرَائِيلْ! اللّٰهْ إِلٰـهْنَا هُو اللّٰهْ الْوَاحِدْ. 30حِبُّوا اللّٰهْ إِلٰـهْكُو بِكُلَّ قُلُوبْكُو وَ بِكُلَّ نُفُوسْكُو وَ بِكُلَّ فِكِرْكُو وَ بِكُلَّ قُدْرِتْكُو.>#12:30 الكلام دا تلقوه في تَثْنِية 6:4-5. 31وَ الْوَصِيَّةْ التَّانِيَةْ هِي: <حِبّ أَخُوكْ مِثِلْ تِحِبّ نَفْسَكْ.>#12:31 الكلام دا تلقوه في لاوِيِّين 19:18. وَ دَوْل بَسْ الْوَصَايَا الْكُبَارْ وَ مَا فِي وَصِيَّةْ أَكْبَرْ مِنْهُمْ.»
32وَ الْعَالِمْ قَالْ: «كَلَامَكْ سَمَحْ، سَيِّدْنَا. كَلَامَكْ حَقّ، أَشَانْ اللّٰهْ وَاحِدْ وَ لَا إِلٰـهْ إِلَّا هُو. 33وَ كَنْ نَادُمْ يِحِبَّهْ بِكُلَّ قَلْبَهْ وَ كُلَّ فِكْرَهْ وَ كُلَّ قُدُرْتَهْ وَ يِحِبّ أَخُوهْ مِثِلْ يِحِبّ نَفْسَهْ، دَا أَخَيْر مِنْ كُلَّ ضَحِيَّةْ وَ هَدِيَّةْ الْيَقْدَرْ يِقَدِّمْهُمْ لِلّٰهْ.» 34وَ عِيسَى قَصَّدْ بِكَلَامْ الْعَالِمْ أَشَانْ هُو رَدَّ بِفِكِرْ عَدِيلْ. وَ عِيسَى قَالْ لَيَّهْ: «إِنْتَ مَا بَعِيدْ مِنْ مَمْلَكَةْ اللّٰهْ.» وَ بَعَدْ دَا، نَادُمْ وَاحِدْ كُلَ مَا دَوَّرْ يَسْأَلَهْ أَيِّ سُؤَالْ.
سُؤال المسيح البُخُصّ إبْن دَاوُد
35وَ وَكِتْ عِيسَى قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ، هُو قَالْ: «كِكَّيْف الْعُلَمَاءْ يُقُولُوا كَدَرْ الْمَسِيحْ هُو إِبْن دَاوُدْ؟ 36دَاوُدْ ذَاتَهْ كَلَّمْ بِقُدْرَةْ الرُّوحْ الْقُدُّوسْ وَ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›#12:36 الكلام دا تلقوه في زَبُور 110:1. 37وَ فِي الْكَلَامْ دَا، دَاوُدْ قَالْ الْمَسِيحْ هُو سِيدَهْ. وَ بِمِثِلْ دَا، كِكَّيْف الْمَسِيحْ يَبْقَى وِلَيْدَهْ؟» وَ نَاسْ كَتِيرِينْ بِلْحَيْن قَاعِدِينْ يَسْمَعَوْا كَلَامَهْ بِفَرَحْ.
كلام المسيح في العُلماء
38وَكِتْ عِيسَى قَاعِدْ يِعَلِّمْهُمْ هُو قَالْ: «أَوْعُوا بَالْكُو مِنْ الْعُلَمَاءْ. هُمَّنْ يِرِيدُوا يُرُوغُوا فِي أُسْط النَّاسْ لَابْسِينْ جَلَالِيبْ طُوَالْ وَ يِرِيدُوا سَلَامْ النَّاسْ فِي السُّوقْ 39وَ الصَّفّ الْأَوَّلْ فِي بُيُوتْ الصَّلَاةْ وَ بَكَانْ الْكُبَارَاتْ فِي كُلِّ عَازُومَةْ. 40وَ لَاكِنْ هُمَّنْ يَاكُلُوا بُيُوتْ الْأَرَامِلْ وَ يُقُمُّوا يِصَلُّوا صَلَاةْ طَوِيلَةْ أَشَانْ النَّاسْ يِشِيفُوهُمْ. وَ أَشَانْ دَا، الْعَذَابْ الْيَرْجَاهُمْ يَبْقَى شَدِيدْ زِيَادَةْ.»
الأرْملة المِسْكينة
41وَ عِيسَى قَعَدْ قَرِيبْ لِصَنْدُوقْ بَيْت اللّٰهْ وَ شَافْ النَّاسْ الْقَاعِدِينْ يُصُبُّوا فَوْقَهْ قُرُسْهُمْ. وَ سِيَادْ الْمَالْ كَتِيرِينْ قَاعِدِينْ يُصُبُّوا قُرُسْ كَتِيرْ. 42وَ فِي الْبَكَانْ دَا، أَرْمَلَةْ وَاحِدَةْ جَاتْ وَ هِي مِسْكِينَةْ. وَ خَطَّتْ فِي الصَّنْدُوقْ رِيَالَيْن قِيمِتْهُمْ شِيَّةْ.
43وَ عِيسَى نَادَى تَلَامِيذَهْ وَ قَالْ: «نُقُولْ لَيْكُو الْحَقّ، الْأَرْمَلَةْ الْمِسْكِينَةْ دِي أَنْطَتْ زِيَادَةْ مِنْ كُلَّ النَّاسْ الْآخَرِينْ الْقَاعِدِينْ يُصُبُّوا قُرُسْهُمْ فِي صَنْدُوقْ بَيْت اللّٰهْ. 44أَشَانْ كُلُّهُمْ أَنْطَوْا لِلّٰهْ الزَّايِدْ مِنْ مَالْهُمْ، لَاكِنْ هِي مِسْكِينَةْ وَ أَنْطَتْ كُلَّ شَيّءْ الْعِنْدَهَا التِّعِيشْ بَيَّهْ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019