ዬሱሲ ኪቴዳዋንቱ ኦሱዋ 5
5
ሃናኒያኔ ኣ ማቻቲ ሳጲሮ
1ኢቲ ሃናኒያ ጌቴቲያ ቢታኒ ባሬ ማቻቲ ሳጲሪና ጋዲያ ዛሊዔዳ። 2ሄ ዛሊዔዳ ሚሻፔ ባሬ ማቻታ ኤሪሺን ኣሺዴ፥ ኣቶዋ ዬሱሲ ኪቴዳዋንቱሲ ኢሜዳ።
3ሺን ጴፂሮሲ ሃናኒያ፥ «ኔኒ ጌሻ ኣያና ጪማዴ ኔ ጋዲያ ዛሊዔዳ ሚሻፔ ሻካ ኣሻና ማላ፥ ፃላሂ ኔ ዎዛናን ኣዪሲ ጌሌዴ? 4ኔኒ ዛሊዓናፔ ካሴ ጋዲ ኔዋ ጊዴኔ? ቃሲ ኔኒ ዛሊዓ ሲሚናካ ሚሻይ ኔሳ ጊዴኔ? ያቲና፥ ሃዋ ማላባ ኦናው ኣዪሲ ኔ ዎዛናን ቆፓዲ? ኔኒ ፆሳው ዎርዶቶዋፔ ኣቲን፥ ኣሳው ዎርዶታቤይካ» ያጌዳ።
5ሃናኒ ሄ ቃላ ሲሴዳ ማንዒያንካ ኩንዲዴ ሃይቂ ኣጌዳ፤ ሄዋ ሲሴዳ ኡባይ ዳሮ ያዬዳ። 6ዎዳላ ኣሳቱ ሶይ ጌሊዴ፥ ኣ ኣኃ ፃፂዴ፥ ካሬው ኬሲ ኣ ሞጌዲኖ።
7ሄዙ ሳቴ ጊዶዋፔ ጉዪያን፥ ሃናኒያ ማቻታ ሄዋ ኤሬናን ዴዓዴ ጌላዱ። 8ጴፂሮሲ ኢዞ፥ «ሂንቴንቱ ጋዲያ ሃኒ ኬና ሚሻን ዛሊዔዲቴ? ኣኔ ታው ኦዳ» ያጌዳ።
ኢዛ፥ «ኤ ሃኒ ኬና ሚሻን ዛሊዔዶ» ያጋዱ።
9ጴፂሮሲ ሚሺራቶ፥ «ኔኒኔ ኔ ኣሲናይ ጎዳ ኣያና ፓጫናው ኣዪሲ ዞሬቴዲቴ? ቤዓ፤ ኔ ኣሲና ሞጌዳ ኣሳቱ ካሬን ዴዒኖ፤ ኔ ኣኃካ ኡንቱንቱ ካሬ ኬሳና» ያጌዳ።
10ሚሺራታ ሄ ማንዒያንካ ጴፂሮሳ ጌዲያ ማታን ኩንዳዴ ሃይቃ ኣጋዱ፤ ዎዳላ ኣሳቱ ጌሊያ ዎዴ ሃይቄዳዉኖ ዴሚዴ፥ ካሬ ኬሴዳዋፔ ጉዬ፥ ኢዚ ኣሲና ዱፉዋ ማታን ሞጌዲኖ። 11ኣማኒያ ኣሳ ኡባይኔ ሄዋ ሲሴዳ ሃራ ኣሳይ ኡባይ ዳሪ ያዬዳ።
ዬሱሲ ኪቴዳዋንቱ ኩሺያን ኦሴቴዳ ኦራባቱዋኔ ማላሊሲያዋንታ
12ዬሱሲ ኪቴዳዋንቱ ዳሮ ማላታኔ ኦራባ ኣሳ ጊዶን ኦኖ፤ ኣማኒያ ኡባቱ ሶሎሞኔ ባራንዳን ኢቲፔ ሺቂኖ። 13ሃራ ኣሳፔ ኡንቱንቱና ጋኬታናው ሃራይ ኣቶ ኢቱኔ ፃሊቤና፤ ሺን ኣሳይ ኡንቱንታ ቦንቼ። 14ኣማኒያ ኣቱማ ኣሳይኔ ማጫ ኣሳይ ካሴዋፔ ጮራይ ጎዳሲ ጉጄቴ። 15ሄዋ ዲራው፥ ኣሳይ ሃርጋንቻቱዋ ሻንቻማኒኔ ሳሌናን ቄሪ ቶኪዴ፥ ጴፂሮሲ ሄዋና ኣያ ዎዴ ሃራይ ኣቶ፥ ኣው ኩዌንቶኔ ኡንቱንቱፔ ኢቱዋ ኢቱዋ ቦላና ኣና ማላ፥ ካታማ ኦጊያ ዶና ኬሲዴ ዎ። 16ቃሲ ጮራ ኣሳይ ዬሩሳላሜ ማታን ዴዒያ ካታማቱዋፔ ሃርጋንቻቱዋኔ ኢታ ኣያናን ኦይቄቴዳ ኣሳቱዋ ኣኪ ዬዲኖ፤ ኡባቱካ ፓፄዲኖ።
ዬሱሲ ኪቴዳዋንቱ ቦላ ዬዴሳይ ዴንዴዳ
17ሄዋፔ ሲሚና ቄሳቱዋ ካፑኔ ኣናና ዴዒያ ሳዱቃዋናቱ ኡባቱ ዬሱሲ ኪቴዳዋንታ ዳሮ ቃናቲዴ፥ ኡንቱንቱ ቦላ ዴንዴዲኖ። 18ቃሲ ዬሱሲ ኪቴዳዋንታ ኦይቂዴ፥ ኡባ ኣሳ ቃቺያ ጎሊያን ዬጌዲኖ። 19ሺን ጎዳ ኪታንቻይ ቃማ ቃሾ ጎሌ ፔንጊያ ዶዪዴ፥ ዬሱሲ ኪቴዳዋንታ ካሬ ኬሲዴ፥ 20«ሂንቴንቱ ቢዴ፥ ጌሻ ጎሊያን ኤቂዴ፥ ሃ ኦራ ዴዑዋ ቃላ ኡባ ኣሳው ኦዲቴ» ያጌዳ። 21ዬሱሲ ኪቴዳዋንቱ ሄዋ ሲሴዳ ዎዴ፥ ዎንቱማን ጌሻ ጎሊያ ጌሊዴ፥ ታማርሳናው ዶሜዲኖ።
ቃሲ ቄሳቱዋ ካፑኔ ኣናና ዴዒያዋንቱ ዪዴ፥ ሺቄዳ ኣሳና ኢስራዔሊያ ጪማቱዋ ኡባቱዋ ኢቲፔ ፄሲዴ፥ ዬሱሲ ኪቴዳዋንታ ባሬንቱ ሲን ኣሃና ማላ፥ ዎታዳራቱዋ ቃሾ ጎሌ ኪቴዲኖ። 22-23ሺን ዎታዳራቱ ቃሾ ጎሌ ቢዴ፥ ዬሱሲ ኪቴዳዋንታ ዴሚቤይኪኖ፤ ጉዬ ሲሚዴ ሺቄዳ ኣሳው፥ «ኑኒ ቢያ ዎዴ ቃሾ ጎሌ ካሪያ ዳሮ ሚኒሲ ቃቺና፥ ናጊያዋንቱካ ፔንጊያን ኤቄዳዋንታ ዴሜዶ፤ ሺን ኑኒ ቃሾ ጎሊያ ዶዪያ ዎዴ፥ ጎሌ ጋርሳን ሃራይ ኣቶ ኢቲ ኣሳይኔ ባዋ» ያጌዲኖ። 24ጌሻ ጎሊያ ዎታዳራቱዋ ኪቲያዌኔ ቄሳቱዋ ካፓቱ ሄዋ ሲሴዳ ዎዴ፥ «ሃዌ ዋኑዋሻ? ቃሲ ጊዲኒ ኣዬ ሃናንዴሻ?» ያጊዴ ሂርጌዲኖ።
25ሄዋፔ ጉዪያን፥ ኢቲ ቢታኒ ኡንቱንቱኮ ዪዴ፥ «ቤዒቴ፤ ቃሾ ጎሊያን ሂንቴ ቃቼዳ ኣሳቱ ጌሻ ጎሊያን ኤቂዴ፥ ኣሳ ታማሪሲኖ» ያጊዴ ኡንቱንቶ ኦዴዳ። 26ጌሻ ጎሊያ ዎታዳራቱዋ ኣዛዚያዌ ዎታዳራቱዋና ቢዴ፥ ዬሱሲ ኪቴዳዋንታ ኣሄዳ፤ ሺን ኡንቱንቱ ባሬንታ ኣሳይ ሹቻን ጫዳናዋንታ ጊዴ ያዬዳ ዲራው፥ ኡንቱንታ ሎዳን ኣሄዲኖ።
27ኡንቱንቱ ዬሱሲ ኪቴዳዋንታ ኣሂዴ፥ ሄዋ ሺቄዳ ሻንጉዋ ሲንን ኤሲና፥ ቄሳቱዋ ካፑ ኡንቱንታ፥ 28«ሂንቴንታ ኑኒ ሄ ቢታኒያ ሱንን ታማሪሴና ማላ ሚኒሲዴ ኣዛዚቤይኮ? ቤዒቴ፤ ሂንቴ ቲሚርቲያ ዬሩሳላሜ ካታማ ኡባ ጋዲታ፤ ቃሲ ሄ ቢታኒያ ሼምፑዋን ኑና ኦይናው ቆፒታ!» ያጊዴ ኦቼዳ።
29ጴፂሮሲኔ ዬሱሲ ኪቴዳ ሃራንቱ ዛሪዴ ያጌዲኖ፤ «ኑኒ ኣሳው ኣዛዜታናፔ ፆሳው ኣዛዜታናው ቤሴ። 30ማስቃሊያ ቦላ ሚሲማሪያን ሺ ካቂዴ፥ ሂንቴ ዎዳ ዬሱሳ ኑ ኣዋቱዋ ፆሳይ ሃይቁዋፔ ዴንዳ፤ 31ኢስራዔላቱዋሲ ናጋራፔ ሲማኔ ናጋራ ኣቶ ጉሳ ዬሱሲ ኢማና ማላ፥ ፆሳይ ሞዲያዋኔ ኣሺያዋ ኣ ኦዴ፥ ባሬፔ ኡሼቻ ባጋን ቁ ቁ ኦዳ። 32ሄዋሲ ኑኒ ማርካ፤ ቃሲ ፆሳይ ባሬው ኣዛዜቲያዋንቱሲ ኢሜዳ ጌሻ ኣያናይካ ማርካ» ያጌዲኖ።
33ሺቄዳ ኣሳይ ሄዋ ሲሴዳ ዎዴ፥ ዳሮ ዪሎቲዴ፥ ዬሱሲ ኪቴዳዋንታ ዎናው ቆፔዲኖ። 34ሺን ኣሳ ኡባን ዳሮ ቦንቼቴዳ ጋማሊያላ ጌቴቲያ፥ ሂጊያ ታማሪሲያ ኢቲ ፓሪሳዊ፥ ሺቁዋን ዴንዲ ኤቂዴ፥ ዬሱሲ ኪቴዳዋንቱ ጉ ዎዲያ ካሬ ኬሳና ማላ 35ኣዛዚዴ ሄዋን ሺቄዳ ኣሳ ሃዋዳን ያጌዳ፤ «ኢስራዔሊያ ኣሳቶ፥ ሂንቴ ሃ ኣሳቱዋ ኦና ቆፒያዋን ሂንቴንታ ናጊቴ። 36ኣዪሲ ጎፔ፥ ሃዋፔ ካሴ ዎዲያን ቴዎዳሳ ጌቴቲያዌ ባሬና ዎልቃማ ጊዴ ዴንዴዳ፤ ዴንዲና ኦይዱ ፄቱ ጊዲያ ኣሳቱ ኣናና ጋኬቴዲኖ፤ ሺን ኣ ዎና፥ ኣ ካሌዳ ኡባቱካ ላሌቲዴ፥ ማዴና ኣሳ ጊዲዴ ኣቴዲኖ። 37ሄዋፔ ጉዪያን፥ ኣሳይ ፓይዴቲያ ዎዴ፥ ጋሊላ ዪሁዳይ ዴንዲዴ፥ ዳሮ ኣሳ ፓኑዋ ኡዲዴ ካሌዳ፤ ሺን ኣካ ዎና፥ ኣ ካሌዳ ኣሳይ ኡባይ ላሌቴዳ።
38«ሃዒካ ታኒ ሂንቴንቶ ኦዳይ፤ ሃ ኣሳቱዋፔ ሻኬቲቴ፤ ኡንቱንታ ቦቾፒቴ። ኣዪሲ ጎፔ፥ ሃ ቆፋይኔ ሃ ኦሱ ኣሳይ ኦዳዋ ጊዶፔ ያና። 39ሺን ሃ ቆፋይኔ ሃ ኦሱ ፆሳፔ ዬዳዋ ጊዶፔ፥ ሂንቴ ኡንቱንታ ዪሳናው ዳንዳይኪታ፤ ኦኒ ኤሪ ሃዋ ሃኒዴ ፆሳና ሂንቴ ኢቴቴናዳን» ያጌዳ።
40ሄዋፔ ጉዬ ሺቄዳ ኣሳይ ጋማሊያላ ዞሪያ ኣኪዴ፥ ዬሱሲ ኪቴዳዋንታ ፄሲዴ፥ ሊሱዋን ሾጪሴዲኖ፤ ሄዋፔ ጉዪያን ኡንቱንታ፥ «ዬሱሳ ሱን ላዔዋ ኡባካ ዴንፒቴ» ጊ ቢሊዴ ዬዴዲኖ። 41ዬሱሳ ሱን ዲራው፥ ኡንቱንቱ ኡጋቲዴ ዬላታናው ቤሲያባ ቆፔዳ ዲራው፥ ሻንጉዋ ሲንፔ ናሼቲዴ ኬሴዲኖ። 42ኡንቱንቱ ኡባ ጋላሲ ጌሻ ጎሊያኒኔ ኣሳ ሶዪን ዬሱሲ፥ ኪሪስቶሳ ጊዴዳዋ ታማሪሲያዋኔ ኦዲያዋ ያ ጉጄዲኖ።
Currently Selected:
ዬሱሲ ኪቴዳዋንቱ ኦሱዋ 5: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaዬሱሲ ኪቴዳዋንቱ ኦሱዋ 5
5
ሃናኒያኔ ኣ ማቻቲ ሳጲሮ
1ኢቲ ሃናኒያ ጌቴቲያ ቢታኒ ባሬ ማቻቲ ሳጲሪና ጋዲያ ዛሊዔዳ። 2ሄ ዛሊዔዳ ሚሻፔ ባሬ ማቻታ ኤሪሺን ኣሺዴ፥ ኣቶዋ ዬሱሲ ኪቴዳዋንቱሲ ኢሜዳ።
3ሺን ጴፂሮሲ ሃናኒያ፥ «ኔኒ ጌሻ ኣያና ጪማዴ ኔ ጋዲያ ዛሊዔዳ ሚሻፔ ሻካ ኣሻና ማላ፥ ፃላሂ ኔ ዎዛናን ኣዪሲ ጌሌዴ? 4ኔኒ ዛሊዓናፔ ካሴ ጋዲ ኔዋ ጊዴኔ? ቃሲ ኔኒ ዛሊዓ ሲሚናካ ሚሻይ ኔሳ ጊዴኔ? ያቲና፥ ሃዋ ማላባ ኦናው ኣዪሲ ኔ ዎዛናን ቆፓዲ? ኔኒ ፆሳው ዎርዶቶዋፔ ኣቲን፥ ኣሳው ዎርዶታቤይካ» ያጌዳ።
5ሃናኒ ሄ ቃላ ሲሴዳ ማንዒያንካ ኩንዲዴ ሃይቂ ኣጌዳ፤ ሄዋ ሲሴዳ ኡባይ ዳሮ ያዬዳ። 6ዎዳላ ኣሳቱ ሶይ ጌሊዴ፥ ኣ ኣኃ ፃፂዴ፥ ካሬው ኬሲ ኣ ሞጌዲኖ።
7ሄዙ ሳቴ ጊዶዋፔ ጉዪያን፥ ሃናኒያ ማቻታ ሄዋ ኤሬናን ዴዓዴ ጌላዱ። 8ጴፂሮሲ ኢዞ፥ «ሂንቴንቱ ጋዲያ ሃኒ ኬና ሚሻን ዛሊዔዲቴ? ኣኔ ታው ኦዳ» ያጌዳ።
ኢዛ፥ «ኤ ሃኒ ኬና ሚሻን ዛሊዔዶ» ያጋዱ።
9ጴፂሮሲ ሚሺራቶ፥ «ኔኒኔ ኔ ኣሲናይ ጎዳ ኣያና ፓጫናው ኣዪሲ ዞሬቴዲቴ? ቤዓ፤ ኔ ኣሲና ሞጌዳ ኣሳቱ ካሬን ዴዒኖ፤ ኔ ኣኃካ ኡንቱንቱ ካሬ ኬሳና» ያጌዳ።
10ሚሺራታ ሄ ማንዒያንካ ጴፂሮሳ ጌዲያ ማታን ኩንዳዴ ሃይቃ ኣጋዱ፤ ዎዳላ ኣሳቱ ጌሊያ ዎዴ ሃይቄዳዉኖ ዴሚዴ፥ ካሬ ኬሴዳዋፔ ጉዬ፥ ኢዚ ኣሲና ዱፉዋ ማታን ሞጌዲኖ። 11ኣማኒያ ኣሳ ኡባይኔ ሄዋ ሲሴዳ ሃራ ኣሳይ ኡባይ ዳሪ ያዬዳ።
ዬሱሲ ኪቴዳዋንቱ ኩሺያን ኦሴቴዳ ኦራባቱዋኔ ማላሊሲያዋንታ
12ዬሱሲ ኪቴዳዋንቱ ዳሮ ማላታኔ ኦራባ ኣሳ ጊዶን ኦኖ፤ ኣማኒያ ኡባቱ ሶሎሞኔ ባራንዳን ኢቲፔ ሺቂኖ። 13ሃራ ኣሳፔ ኡንቱንቱና ጋኬታናው ሃራይ ኣቶ ኢቱኔ ፃሊቤና፤ ሺን ኣሳይ ኡንቱንታ ቦንቼ። 14ኣማኒያ ኣቱማ ኣሳይኔ ማጫ ኣሳይ ካሴዋፔ ጮራይ ጎዳሲ ጉጄቴ። 15ሄዋ ዲራው፥ ኣሳይ ሃርጋንቻቱዋ ሻንቻማኒኔ ሳሌናን ቄሪ ቶኪዴ፥ ጴፂሮሲ ሄዋና ኣያ ዎዴ ሃራይ ኣቶ፥ ኣው ኩዌንቶኔ ኡንቱንቱፔ ኢቱዋ ኢቱዋ ቦላና ኣና ማላ፥ ካታማ ኦጊያ ዶና ኬሲዴ ዎ። 16ቃሲ ጮራ ኣሳይ ዬሩሳላሜ ማታን ዴዒያ ካታማቱዋፔ ሃርጋንቻቱዋኔ ኢታ ኣያናን ኦይቄቴዳ ኣሳቱዋ ኣኪ ዬዲኖ፤ ኡባቱካ ፓፄዲኖ።
ዬሱሲ ኪቴዳዋንቱ ቦላ ዬዴሳይ ዴንዴዳ
17ሄዋፔ ሲሚና ቄሳቱዋ ካፑኔ ኣናና ዴዒያ ሳዱቃዋናቱ ኡባቱ ዬሱሲ ኪቴዳዋንታ ዳሮ ቃናቲዴ፥ ኡንቱንቱ ቦላ ዴንዴዲኖ። 18ቃሲ ዬሱሲ ኪቴዳዋንታ ኦይቂዴ፥ ኡባ ኣሳ ቃቺያ ጎሊያን ዬጌዲኖ። 19ሺን ጎዳ ኪታንቻይ ቃማ ቃሾ ጎሌ ፔንጊያ ዶዪዴ፥ ዬሱሲ ኪቴዳዋንታ ካሬ ኬሲዴ፥ 20«ሂንቴንቱ ቢዴ፥ ጌሻ ጎሊያን ኤቂዴ፥ ሃ ኦራ ዴዑዋ ቃላ ኡባ ኣሳው ኦዲቴ» ያጌዳ። 21ዬሱሲ ኪቴዳዋንቱ ሄዋ ሲሴዳ ዎዴ፥ ዎንቱማን ጌሻ ጎሊያ ጌሊዴ፥ ታማርሳናው ዶሜዲኖ።
ቃሲ ቄሳቱዋ ካፑኔ ኣናና ዴዒያዋንቱ ዪዴ፥ ሺቄዳ ኣሳና ኢስራዔሊያ ጪማቱዋ ኡባቱዋ ኢቲፔ ፄሲዴ፥ ዬሱሲ ኪቴዳዋንታ ባሬንቱ ሲን ኣሃና ማላ፥ ዎታዳራቱዋ ቃሾ ጎሌ ኪቴዲኖ። 22-23ሺን ዎታዳራቱ ቃሾ ጎሌ ቢዴ፥ ዬሱሲ ኪቴዳዋንታ ዴሚቤይኪኖ፤ ጉዬ ሲሚዴ ሺቄዳ ኣሳው፥ «ኑኒ ቢያ ዎዴ ቃሾ ጎሌ ካሪያ ዳሮ ሚኒሲ ቃቺና፥ ናጊያዋንቱካ ፔንጊያን ኤቄዳዋንታ ዴሜዶ፤ ሺን ኑኒ ቃሾ ጎሊያ ዶዪያ ዎዴ፥ ጎሌ ጋርሳን ሃራይ ኣቶ ኢቲ ኣሳይኔ ባዋ» ያጌዲኖ። 24ጌሻ ጎሊያ ዎታዳራቱዋ ኪቲያዌኔ ቄሳቱዋ ካፓቱ ሄዋ ሲሴዳ ዎዴ፥ «ሃዌ ዋኑዋሻ? ቃሲ ጊዲኒ ኣዬ ሃናንዴሻ?» ያጊዴ ሂርጌዲኖ።
25ሄዋፔ ጉዪያን፥ ኢቲ ቢታኒ ኡንቱንቱኮ ዪዴ፥ «ቤዒቴ፤ ቃሾ ጎሊያን ሂንቴ ቃቼዳ ኣሳቱ ጌሻ ጎሊያን ኤቂዴ፥ ኣሳ ታማሪሲኖ» ያጊዴ ኡንቱንቶ ኦዴዳ። 26ጌሻ ጎሊያ ዎታዳራቱዋ ኣዛዚያዌ ዎታዳራቱዋና ቢዴ፥ ዬሱሲ ኪቴዳዋንታ ኣሄዳ፤ ሺን ኡንቱንቱ ባሬንታ ኣሳይ ሹቻን ጫዳናዋንታ ጊዴ ያዬዳ ዲራው፥ ኡንቱንታ ሎዳን ኣሄዲኖ።
27ኡንቱንቱ ዬሱሲ ኪቴዳዋንታ ኣሂዴ፥ ሄዋ ሺቄዳ ሻንጉዋ ሲንን ኤሲና፥ ቄሳቱዋ ካፑ ኡንቱንታ፥ 28«ሂንቴንታ ኑኒ ሄ ቢታኒያ ሱንን ታማሪሴና ማላ ሚኒሲዴ ኣዛዚቤይኮ? ቤዒቴ፤ ሂንቴ ቲሚርቲያ ዬሩሳላሜ ካታማ ኡባ ጋዲታ፤ ቃሲ ሄ ቢታኒያ ሼምፑዋን ኑና ኦይናው ቆፒታ!» ያጊዴ ኦቼዳ።
29ጴፂሮሲኔ ዬሱሲ ኪቴዳ ሃራንቱ ዛሪዴ ያጌዲኖ፤ «ኑኒ ኣሳው ኣዛዜታናፔ ፆሳው ኣዛዜታናው ቤሴ። 30ማስቃሊያ ቦላ ሚሲማሪያን ሺ ካቂዴ፥ ሂንቴ ዎዳ ዬሱሳ ኑ ኣዋቱዋ ፆሳይ ሃይቁዋፔ ዴንዳ፤ 31ኢስራዔላቱዋሲ ናጋራፔ ሲማኔ ናጋራ ኣቶ ጉሳ ዬሱሲ ኢማና ማላ፥ ፆሳይ ሞዲያዋኔ ኣሺያዋ ኣ ኦዴ፥ ባሬፔ ኡሼቻ ባጋን ቁ ቁ ኦዳ። 32ሄዋሲ ኑኒ ማርካ፤ ቃሲ ፆሳይ ባሬው ኣዛዜቲያዋንቱሲ ኢሜዳ ጌሻ ኣያናይካ ማርካ» ያጌዲኖ።
33ሺቄዳ ኣሳይ ሄዋ ሲሴዳ ዎዴ፥ ዳሮ ዪሎቲዴ፥ ዬሱሲ ኪቴዳዋንታ ዎናው ቆፔዲኖ። 34ሺን ኣሳ ኡባን ዳሮ ቦንቼቴዳ ጋማሊያላ ጌቴቲያ፥ ሂጊያ ታማሪሲያ ኢቲ ፓሪሳዊ፥ ሺቁዋን ዴንዲ ኤቂዴ፥ ዬሱሲ ኪቴዳዋንቱ ጉ ዎዲያ ካሬ ኬሳና ማላ 35ኣዛዚዴ ሄዋን ሺቄዳ ኣሳ ሃዋዳን ያጌዳ፤ «ኢስራዔሊያ ኣሳቶ፥ ሂንቴ ሃ ኣሳቱዋ ኦና ቆፒያዋን ሂንቴንታ ናጊቴ። 36ኣዪሲ ጎፔ፥ ሃዋፔ ካሴ ዎዲያን ቴዎዳሳ ጌቴቲያዌ ባሬና ዎልቃማ ጊዴ ዴንዴዳ፤ ዴንዲና ኦይዱ ፄቱ ጊዲያ ኣሳቱ ኣናና ጋኬቴዲኖ፤ ሺን ኣ ዎና፥ ኣ ካሌዳ ኡባቱካ ላሌቲዴ፥ ማዴና ኣሳ ጊዲዴ ኣቴዲኖ። 37ሄዋፔ ጉዪያን፥ ኣሳይ ፓይዴቲያ ዎዴ፥ ጋሊላ ዪሁዳይ ዴንዲዴ፥ ዳሮ ኣሳ ፓኑዋ ኡዲዴ ካሌዳ፤ ሺን ኣካ ዎና፥ ኣ ካሌዳ ኣሳይ ኡባይ ላሌቴዳ።
38«ሃዒካ ታኒ ሂንቴንቶ ኦዳይ፤ ሃ ኣሳቱዋፔ ሻኬቲቴ፤ ኡንቱንታ ቦቾፒቴ። ኣዪሲ ጎፔ፥ ሃ ቆፋይኔ ሃ ኦሱ ኣሳይ ኦዳዋ ጊዶፔ ያና። 39ሺን ሃ ቆፋይኔ ሃ ኦሱ ፆሳፔ ዬዳዋ ጊዶፔ፥ ሂንቴ ኡንቱንታ ዪሳናው ዳንዳይኪታ፤ ኦኒ ኤሪ ሃዋ ሃኒዴ ፆሳና ሂንቴ ኢቴቴናዳን» ያጌዳ።
40ሄዋፔ ጉዬ ሺቄዳ ኣሳይ ጋማሊያላ ዞሪያ ኣኪዴ፥ ዬሱሲ ኪቴዳዋንታ ፄሲዴ፥ ሊሱዋን ሾጪሴዲኖ፤ ሄዋፔ ጉዪያን ኡንቱንታ፥ «ዬሱሳ ሱን ላዔዋ ኡባካ ዴንፒቴ» ጊ ቢሊዴ ዬዴዲኖ። 41ዬሱሳ ሱን ዲራው፥ ኡንቱንቱ ኡጋቲዴ ዬላታናው ቤሲያባ ቆፔዳ ዲራው፥ ሻንጉዋ ሲንፔ ናሼቲዴ ኬሴዲኖ። 42ኡንቱንቱ ኡባ ጋላሲ ጌሻ ጎሊያኒኔ ኣሳ ሶዪን ዬሱሲ፥ ኪሪስቶሳ ጊዴዳዋ ታማሪሲያዋኔ ኦዲያዋ ያ ጉጄዲኖ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa