ዮሃኒሳ 8
8
1ሺን ዬሱሲ ዎጋራ ሚን ኤሬቴዳ ዴሪያኮ ቤዳ። 2ዎንቴ ጋላሲ ጉራን ጌሻ ጎሊያ ሲሜዳ፤ ኡባ ኣሳይ ኣኮ ዪና፥ ኡቲዴ ኡንቱንታ ታማሪሱዋ ዶሜዳ። 3ሙሴ ሂጊያ ታማሪሲያዋንቱኔ ፓሪሳዋቱ ዎሹሚሺን ኦይቄቴዳ ኢቲ ሚሺራቶ ኣኮ ኣሄዲኖ። ኡንቱንቱ ኣሳ ኡባ ሲንን ኢዞ ኤሲዴ ዬሱሳ፥ 4«ታማሪሲያዎ፥ ሃ ሚሺራታ ዎሹማዴ ኦይቄታዱ። 5ሂጊያ ቦላን ሙሴ ሃኒ ማላ ማጫ ኣሳ ሹቻን ጫዳና ማላ፥ ኑና ኣዛዜዳ። ያቲና ኔኒ ዋጋይ?» ያጌዲኖ። #ዎግ 20፡10፤ ዛር 22፡22-24
6ኡንቱንቱ ሄዋ ጌዳዌ ዬሱሳ ሞቲያዋ ዴሚዴ ኣ ፓጫናሳ፤ ሺን ዬሱሲ ሆኪዴ፥ ባሬ ቢራያን ቢታ ቦላ ፃፌዳ። 7ኡንቱንቱ ኣ ኦቺዴ ኣጌናን ኢፂና፥ ፑዴ ቁ ጊዴ፥ «ሂንቴንቱ ጊዱዋን ናጋራ ኦቤና ኣሳይ ካሴቲዴ፥ ኢዞ ሹቻን ጫዶ» ያጌዳ። 8ቃሲካ ሆኪዴ፥ ቢታ ቦላ ፃፌዳ።
9ኡንቱንቱ ሄዋ ሲሴዳ ዎዴ፥ ካሴቲዴ ጪማቱ ኬሲና፥ ኢቱ ኢቱ ኬሲዴ ዉሬዲኖ፤ ኣ ሲንን ሚሺራታ ኤቃ ዴዒሺን፥ ዬሱሲ ባሬ ፃላላ ኣቴዳ። 10ኢ ፑዴ ቁ ጊዴ ሚሺራቶ፥ «ሚሺራቴ፥ ኣሳቱ ሃቃን ዴዒኖ? ኦኒኔ ኔ ቦላ ፒርዲቤኔ?» ያጌዳ።
11ሚሺራታ፥ «ጎዳው፥ ኦኒኔ ታ ቦላ ፒርዲቤና» ያጋዱ።
ዬሱሲ ኢዞ፥ «ታኒካ ኔ ቦላ ፒርዲኬ፤ ባ፤ ላዔንዴ ናጋራ ኦፓ» ያጌዳ። #7፡53-8፡11 ኢቲ ኢቲ ቤኒ ፃፌቴዳ ጌሻ ማፃፋቱዋን ሃ ፓይዱ ባዋ።
12ቃሲካ ዬሱሲ ኣሳው፥ «ታኒ ኣላሜው ፖዑዋ፤ ታና ካሊያ ኦኒኔ ዴዑዋ ኢሚያ ፖዑዋ ዴማናፔ ኣቲን፥ ማኒ ኡባካ ሃሜቴና» ያጊዴ ሃሳዬዳ።
13ሄዋፔ ጉዬ ፓሪሳዋቱ፥ «ኔኒ ኔባ ማርካታሳ፤ ኔ ማርካቴይ ቱማ ጊዴና» ያጌዲኖ።
14ዬሱሲ ዛሪዴ፥ «ታኒ ታባ ማርካቶፔካ፥ ታ ማርካቴይ ቱማ፤ ኣዪሲ ጎፔ፥ ታኒ ሃቃፔ ያዲታንቶኔ ቃሲ ሃቃ ባይታንቶ ኤራይ፤ ሺን ሂንቴንቱ ኤሪኪታ። 15ኣሳይ ፒርዲያ ኦጊያን ሂንቴንቱ ፒርዲታ፤ ታኒ ኢቲ ኡራ ቦላካ ፒርዲኬ። 16ሺን ታኒ ፒርዲያዋ ጊዶፔኔ፥ ታ ፒርዳይ ቱማ፤ ኣዪሲ ጎፔ፥ ታና ኪቴዳ ታ ኣቡ ታናና ዴዔፔ ኣቲን፥ ታኒ ታሬካ ዴዒኬ። 17ላዑ ኣሳ ማርካቴይ ቱማ ጊዲያዌ ሂንቴንቱ ሂጊያን ፃፌቲ ኡቴዳ። #ዛር 19፡15 18ታኒ ታባ ታ ሁጴው ማርካታዲ፤ ቃሲ ታና ኪቴዳ ታ ኣቡካ ታባ ማርካቴ» ያጌዳ።
19ኡንቱንቱ፥ «ኔ ኣቡ ሃቃን ዴዒ?» ያጊዴ ዬሱሳ ኦቼዲኖ።
ዬሱሲ ዛሪዴ፥ «ሂንቴንቱ ታናካ ዎይ ታ ኣባካ ኤሪኪታ፤ ታና ኤሬዳዋ ጊዲንቶ፥ ታ ኣባካ ኤራኒታ» ያጌዳ።
20ዬሱሲ ጌሻ ጎሊያ ታማሪሲዴ፥ ኢሞታ ሚሻይ ኡቲያ ሳፂኒያ ማታን ሄዋ ሃሳዬዳ። ኣ ኦኒኔ ኦይቂቤና፤ ኣዪሲ ጎፔ፥ ኣ ዎዲ ቢሮ ጋኪዲጊቤና።
ኣማኔናን ኢፄዳዋንቱሲ ኢሜቴዳ ሚኖ ኣኬኪሱዋ
21ቃሲካ ዬሱሲ ኡንቱንታ፥ «ታኒ ባና ሂንቴንቱ ታና ኮያና፤ ሺን ሂንቴንቱ፥ ሂንቴንቱ ናጋራን ሃይቃኒታ። ታኒ ቢያ ሳዓካ ባናው ሂንቴንቱ ዳንዳዪኪታ» ያጌዳ።
22ኣዪሁዳቱ፥ «ኢ፥ ‹ታኒ ቢያሳ ሂንቴንቱ ባናው ዳንዳይኪታ› ያጌ፤ ኢ ባሬና ባሬካ ዎኔዬ?» ያጌዲኖ።
23ዬሱሲ ዛሪዴ፥ «ሂንቴንቱ ጋርሳ ኣሳ፤ ታኒ ቦላ ኣሳ። ሂንቴንቱ ሃ ኣላሚያ ኣሳ፤ ታኒ ሃ ኣላሚያ ኣሳ ጊዲኬ። 24ሂንቴንቱ፥ ሂንቴንቱ ናጋራን ሃዪቃናዋ ታኒ ሂንቴንቱሲ ኦዴዳዌ ሃዋሳ፤ ታኒ ታና #8፡24 ታኒ ታና፡ ኣዪሁዴ ኣሳሲ ዎልቃማኔ ጌሻ ጊዴዳ ፆሳ ሱንይ «ያህዌህ» ጊዲዴ፥ ሃዋ ቢሌይካ ታኒ ታና ጊያዋ። ጊዲያዋ ሂንቴንቱ ኣማናና ዮፔ፥ ሂንቴንቱ፥ ሂንቴንቱ ናጋራን ሃያኒታ» ያጌዳ።
25ኡንቱንቱ፥ «ኔኒ ኦኔ?» ያጊዴ ኦቼዲኖ።
ዬሱሲ ዛሪዴ፥ «ታኒ ታና። 26ታኒ ሂንቴባ ሃሳዪያባይኔ ፒርዲያባይ ዳሮባይ ዴዔ። ሺን ታና ኪቴዳዌ ቱማንቻ፤ ቃሲ ታኒ ኣፔ ሲሴዳዋ ኣላሚያ ኣሳው ኦዳይ» ያጌዳ።
27ኢ ባሬ ኣዉዋባ ሃሳዪያዋ ኡንቱንቱ ኣኬኪቤይኪኖ። 28ሄዋ ዲራው፥ ዬሱሲ ኡንቱንታ፥ «ታና ኣሳ ናዓ ሂንቴንቱ ማስቃሊያ ቦላ ፑዴ ዴንያ ዎዴ፥ ታኒ ታና ጊዲያዋኔ ቃሲ ታኒ ታ ኣቡ ታና ታማሪሴዳዋዳን ሃሳዪያዋፔ ኣቲን፥ ታ ሼኒያን ኣይኔ ኦናዋ ሂንቴንቱ ኤራኒታ። 29ቃሲ ታና ኪቴዳዌ ታናና ዴዔ፤ ታኒ ኡባ ዎዴ ኣ ናሼቺያዋ ኦያ ዲራው፥ ኢ ታ ፃላላ ኣጊቤና» ያጌዳ።
30ዬሱሲ ሄዋ ሃሳዪሺን ሲሴዳ ዳሮ ኣሳይ ኣ ኣማኔዲኖ።
ናጋራ ኣይሌቴፔ ላዓ ኬሳ
31ዬሱሲ ባሬና ኣማኔዳ ኣዪሁዳቱዋ፥ «ሂንቴንቱ ታኒ ታማሪሲያዎ ኣዛዜቶፔ፥ ቱሙ ታና ካሊያዋንታ። 32ሂንቴንቱ ቱማቴካ ኤራኒታ፤ ቃሲ ቱማቴይ ሂንቴንታ ኣይሌቴፔ ኬሳናዋ» ያጌዳ።
33ኡንቱንቱ ዛሪዴ፥ «ኑኒ ኣብራሃሞ ዛሬ፤ ኑኒ ኦሲኔካ ኣይሌቲቤይኮ። ያቲና ኔኒ ዋጋዴ፥ ‹ኣይሌቴፔ ሂንቴንቱ ኬሳኒታ› ጋይ?» ያጌዲኖ።
34ዬሱሲ፥ «ታኒ ሂንቴንቱሲ ቱሙዋ ኦዳይ፤ ናጋራ ኦያ ኦኒኔ ናጋራ ኣይሊያ። 35ኣይሊ ኡባ ዎዴ ሶዪን ዴዔና፤ ሺን ናዓይ ሜናው ጎሌን ዴዔ። 36ናዓይ ሂንቴንታ ኣይሌቴፔ ኬሶፔ፥ ሂንቴንቱ ኣይሌቴፔ ቱሙ ኬሳኒታ። 37ሂንቴንቱ ኣብራሃሞ ዛሬ ጊዲያዋ ታኒ ኤራይ፤ ሺን ታ ታማሪሲያዋ ሂንቴንቱ ኣኬና ዲራው፥ ታና ዎናው ኮዪታ። 38ታኒ ታ ኣቡ ታና ቤሴዳዋ ሃሳያይ፤ ቃሲ ሂንቴንቱካ ሂንቴንቱ ኣዉዋፔ ሲሴዳዋ ኦታ» ያጌዳ።
39ኡንቱንቱ ዛሪዴ፥ «ኑ ኣቡ ኣብራሃማ» ያጌዲኖ።
ዬሱሲ ኡንቱንታ፥ «ሂንቴንቱ ኣብራሃሞ ናና ጊዴዴንቶ፥ ኢ ኦዳ ኦሱዋ ማላ ኦኒታ። 40ሺን ፆሳፔ ሲሴዳ ቱሙዋ ኦዴዳ ታና ሂንቴንቱ ዎናው ኮዪታ፤ ኣብራሃሜ ሄዋዳን ኦቤና። 41ሂንቴንቱ፥ ሂንቴንቱ ኣዉ ኦዳዋ ኦታ» ያጌዳ።
ኡንቱንቱ ዛሪዴ፥ «ኑኒ ዎሹማን ዲቃላቴ ዬሌቲቤይኮ፤ ኑሲ ኢቲ ኣዉ፥ ፆሳ ፃላላይ ዴዔ» ያጌዲኖ።
42ዬሱሲ ኡንቱንታ፥ «ሂንቴንቱ ፆሳ ናና ቱሙ ጊዴዴንቶ፥ ታና ሲቃና፤ ኣዪሲ ጎፔ፥ ታኒ ፆሳ ማታፔ ያዴ ሃዋን ዴዓይ። ታና ኢ ኪቴዳዋፔ ኣቲን፥ ታኒ ታ ሼኒያን ያቤይኬ። 43ታኒ ታማሪሲያዋ ሂንቴንቱ ኣኬኬናዌ ኣያሴ? ታኒ ታማሪሲያዋ ሂንቴንቱ ኣኬና ዲራሳ። 44ሂንቴንቱ፥ ሂንቴንቱ ኣዉዋ ኢታ ኣያና ናና፤ ቃሲ ሂንቴንቱ፥ ሂንቴንቱ ኣዉ ኣሞቲያዋ ኦናው ኮዪታ። ኢ ካሴፔ ዶሚዴ፥ ሼምፑዋ ዎዳዋ፤ ቱማቴይ ኣኒ ባይና ዲራው፥ ቱማቴኮ ሺቂ ኤሬና። ኢ ዎርዱዋ ሃሳዪያ ዎዴ፥ ባሬፔ ሃሳዬ፤ ኣዪሲ ጎፔ፥ ኢ ዎርዳንቻኔ ቃሲ ዎርዶካ ኣዉዋ። 45ሺን ታኒ ቱሙዋ ሃሳዪያ ዲራው፥ ሂንቴንቱ ታና ኣማኒኪታ። 46ሂንቴፔ ታና ናጋራ ኦሺን ቤዓዲ ጋናው ዳንዳዪያዌ ኦኔ? ታኒ ቱሙዋ ሃሳዪያዋ ጊዶፔ፥ ታና ኣዪሲ ኣማኒኪቴ? 47ፆሳ ኣሳ ጊዴዳ ኡራይ ፆሳይ ጊያዋ ሲሴ፤ ሂንቴንቱ ፆሳ ኣሳ ጊዴና ዲራው፥ ፆሳይ ጊያዋ ሲሲኪታ» ያጌዳ።
ዬሱሲ ኣብራሃሞፔ ካሴናካ ዴዔ
48ኣዪሁዳቱ ዛሪዴ፥ «ኑኒ ኔና፥ ‹ኔኒ ሳማሪያ ኣሳ፤ ኔናን ኢታ ኣያናይ ዴዔ› ጊዴ ባዪዜዶ?» ያጌዲኖ።
49ዬሱሲ ኡንቱንታ፥ «ታ ቦላ ኢታ ኣያናይ ባዋ። ታኒ ታ ኣባ ቦንቻይ፤ ሺን ሂንቴንቱ ታና ካዉሺታ። 50ታኒ ታ ሁጲያሲ ቦንቹዋ ኮዪኬ፤ ሄዋ ታው ኮዪያዌኔ ፒርዲያዌ ዴዔ። 51ታኒ ሂንቴንቱሲ ቱሙዋ ኦዳይ፤ ታኒ ታማሪሲያዋ ናጊያ ኦኒኔ ኡባካ ሃይቄና» ያጌዳ።
52ኣዪሁዳቱ ዛሪዴ፥ «ኔ ቦላ ኢታ ኣያናይ ዴዒያዋ ኑኒ ሃዒ ኤሬዶ። ኣብራሃሜ ሃይቄዳ፤ ናባቱ ሃይቄዲኖ፤ ሺን ኔኒ፥ ‹ታ ቃላ ናጊያ ኦኒኔ ኡባካ ሃይቄና› ያጋ። 53ኔኒ ሃይቄዳ ኑ ኣዉዋ ኣብራሃሞፔ ዳራይ? ናባቱ ቃሲ ሃይቄዲኖ። ኔኒ ኔና ኦና ጋዴ ቆፓይ?» ያጌዲኖ።
54ዬሱሲ፥ «ታኒ ታና ቦንቾፔ፥ ታ ቦንቹ ሜላ፤ ሂንቴንቱ ኑ ፆሳ ጊያ ታ ኣቡ ታና ቦንቼ። 55ሂንቴንቱ ኣ ኤራና ዮፔካ፥ ታኒ ኣ ኤራይ። ታኒ ኣ ኤሪኬ ጎፔ፥ ሂንቴንቱዋዳን ዎርዶ ጊዳይ፤ ሺን ታኒ ኣ ኤራይ፤ ቃሲ ኣ ቃላካ ናጋይ። 56ሂንቴንቱ ኣዉ ኣብራሃሜ፥ ታ ዩሳ ዎዲያ ቤዓናው ላሞቴዳ፤ ቤዒዴካ ናሼቴዳ» ያጌዳ።
57ኣዪሁዳቱ ዛሪዴ ኣ፥ «ኔው ሃራይ ኣቶ ኢሻታሙ ላይ ኩሚቤናዌ ኣብራሃማ ቤዓዲ?» ያጌዲኖ።
58ዬሱሲ ኡንቱንታ፥ «ታኒ ሂንቴንቱሲ ቱሙዋ ኦዳይ፤ ኣብራሃሞ ዬሌታናፔካ ካሴ ታኒ ታና» ያጌዳ።
59ሄዋ ዲራው፥ ኡንቱንቱ ዬሱሳ ጫዳናው ሹቻ ኣኬዲኖ፤ ሺን ዬሱሲ ኡንቱንቱፔ ጌሜቲዴ፥ ጌሻ ጎሊያፔ ቤዳ።
Currently Selected:
ዮሃኒሳ 8: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaዮሃኒሳ 8
8
1ሺን ዬሱሲ ዎጋራ ሚን ኤሬቴዳ ዴሪያኮ ቤዳ። 2ዎንቴ ጋላሲ ጉራን ጌሻ ጎሊያ ሲሜዳ፤ ኡባ ኣሳይ ኣኮ ዪና፥ ኡቲዴ ኡንቱንታ ታማሪሱዋ ዶሜዳ። 3ሙሴ ሂጊያ ታማሪሲያዋንቱኔ ፓሪሳዋቱ ዎሹሚሺን ኦይቄቴዳ ኢቲ ሚሺራቶ ኣኮ ኣሄዲኖ። ኡንቱንቱ ኣሳ ኡባ ሲንን ኢዞ ኤሲዴ ዬሱሳ፥ 4«ታማሪሲያዎ፥ ሃ ሚሺራታ ዎሹማዴ ኦይቄታዱ። 5ሂጊያ ቦላን ሙሴ ሃኒ ማላ ማጫ ኣሳ ሹቻን ጫዳና ማላ፥ ኑና ኣዛዜዳ። ያቲና ኔኒ ዋጋይ?» ያጌዲኖ። #ዎግ 20፡10፤ ዛር 22፡22-24
6ኡንቱንቱ ሄዋ ጌዳዌ ዬሱሳ ሞቲያዋ ዴሚዴ ኣ ፓጫናሳ፤ ሺን ዬሱሲ ሆኪዴ፥ ባሬ ቢራያን ቢታ ቦላ ፃፌዳ። 7ኡንቱንቱ ኣ ኦቺዴ ኣጌናን ኢፂና፥ ፑዴ ቁ ጊዴ፥ «ሂንቴንቱ ጊዱዋን ናጋራ ኦቤና ኣሳይ ካሴቲዴ፥ ኢዞ ሹቻን ጫዶ» ያጌዳ። 8ቃሲካ ሆኪዴ፥ ቢታ ቦላ ፃፌዳ።
9ኡንቱንቱ ሄዋ ሲሴዳ ዎዴ፥ ካሴቲዴ ጪማቱ ኬሲና፥ ኢቱ ኢቱ ኬሲዴ ዉሬዲኖ፤ ኣ ሲንን ሚሺራታ ኤቃ ዴዒሺን፥ ዬሱሲ ባሬ ፃላላ ኣቴዳ። 10ኢ ፑዴ ቁ ጊዴ ሚሺራቶ፥ «ሚሺራቴ፥ ኣሳቱ ሃቃን ዴዒኖ? ኦኒኔ ኔ ቦላ ፒርዲቤኔ?» ያጌዳ።
11ሚሺራታ፥ «ጎዳው፥ ኦኒኔ ታ ቦላ ፒርዲቤና» ያጋዱ።
ዬሱሲ ኢዞ፥ «ታኒካ ኔ ቦላ ፒርዲኬ፤ ባ፤ ላዔንዴ ናጋራ ኦፓ» ያጌዳ። #7፡53-8፡11 ኢቲ ኢቲ ቤኒ ፃፌቴዳ ጌሻ ማፃፋቱዋን ሃ ፓይዱ ባዋ።
12ቃሲካ ዬሱሲ ኣሳው፥ «ታኒ ኣላሜው ፖዑዋ፤ ታና ካሊያ ኦኒኔ ዴዑዋ ኢሚያ ፖዑዋ ዴማናፔ ኣቲን፥ ማኒ ኡባካ ሃሜቴና» ያጊዴ ሃሳዬዳ።
13ሄዋፔ ጉዬ ፓሪሳዋቱ፥ «ኔኒ ኔባ ማርካታሳ፤ ኔ ማርካቴይ ቱማ ጊዴና» ያጌዲኖ።
14ዬሱሲ ዛሪዴ፥ «ታኒ ታባ ማርካቶፔካ፥ ታ ማርካቴይ ቱማ፤ ኣዪሲ ጎፔ፥ ታኒ ሃቃፔ ያዲታንቶኔ ቃሲ ሃቃ ባይታንቶ ኤራይ፤ ሺን ሂንቴንቱ ኤሪኪታ። 15ኣሳይ ፒርዲያ ኦጊያን ሂንቴንቱ ፒርዲታ፤ ታኒ ኢቲ ኡራ ቦላካ ፒርዲኬ። 16ሺን ታኒ ፒርዲያዋ ጊዶፔኔ፥ ታ ፒርዳይ ቱማ፤ ኣዪሲ ጎፔ፥ ታና ኪቴዳ ታ ኣቡ ታናና ዴዔፔ ኣቲን፥ ታኒ ታሬካ ዴዒኬ። 17ላዑ ኣሳ ማርካቴይ ቱማ ጊዲያዌ ሂንቴንቱ ሂጊያን ፃፌቲ ኡቴዳ። #ዛር 19፡15 18ታኒ ታባ ታ ሁጴው ማርካታዲ፤ ቃሲ ታና ኪቴዳ ታ ኣቡካ ታባ ማርካቴ» ያጌዳ።
19ኡንቱንቱ፥ «ኔ ኣቡ ሃቃን ዴዒ?» ያጊዴ ዬሱሳ ኦቼዲኖ።
ዬሱሲ ዛሪዴ፥ «ሂንቴንቱ ታናካ ዎይ ታ ኣባካ ኤሪኪታ፤ ታና ኤሬዳዋ ጊዲንቶ፥ ታ ኣባካ ኤራኒታ» ያጌዳ።
20ዬሱሲ ጌሻ ጎሊያ ታማሪሲዴ፥ ኢሞታ ሚሻይ ኡቲያ ሳፂኒያ ማታን ሄዋ ሃሳዬዳ። ኣ ኦኒኔ ኦይቂቤና፤ ኣዪሲ ጎፔ፥ ኣ ዎዲ ቢሮ ጋኪዲጊቤና።
ኣማኔናን ኢፄዳዋንቱሲ ኢሜቴዳ ሚኖ ኣኬኪሱዋ
21ቃሲካ ዬሱሲ ኡንቱንታ፥ «ታኒ ባና ሂንቴንቱ ታና ኮያና፤ ሺን ሂንቴንቱ፥ ሂንቴንቱ ናጋራን ሃይቃኒታ። ታኒ ቢያ ሳዓካ ባናው ሂንቴንቱ ዳንዳዪኪታ» ያጌዳ።
22ኣዪሁዳቱ፥ «ኢ፥ ‹ታኒ ቢያሳ ሂንቴንቱ ባናው ዳንዳይኪታ› ያጌ፤ ኢ ባሬና ባሬካ ዎኔዬ?» ያጌዲኖ።
23ዬሱሲ ዛሪዴ፥ «ሂንቴንቱ ጋርሳ ኣሳ፤ ታኒ ቦላ ኣሳ። ሂንቴንቱ ሃ ኣላሚያ ኣሳ፤ ታኒ ሃ ኣላሚያ ኣሳ ጊዲኬ። 24ሂንቴንቱ፥ ሂንቴንቱ ናጋራን ሃዪቃናዋ ታኒ ሂንቴንቱሲ ኦዴዳዌ ሃዋሳ፤ ታኒ ታና #8፡24 ታኒ ታና፡ ኣዪሁዴ ኣሳሲ ዎልቃማኔ ጌሻ ጊዴዳ ፆሳ ሱንይ «ያህዌህ» ጊዲዴ፥ ሃዋ ቢሌይካ ታኒ ታና ጊያዋ። ጊዲያዋ ሂንቴንቱ ኣማናና ዮፔ፥ ሂንቴንቱ፥ ሂንቴንቱ ናጋራን ሃያኒታ» ያጌዳ።
25ኡንቱንቱ፥ «ኔኒ ኦኔ?» ያጊዴ ኦቼዲኖ።
ዬሱሲ ዛሪዴ፥ «ታኒ ታና። 26ታኒ ሂንቴባ ሃሳዪያባይኔ ፒርዲያባይ ዳሮባይ ዴዔ። ሺን ታና ኪቴዳዌ ቱማንቻ፤ ቃሲ ታኒ ኣፔ ሲሴዳዋ ኣላሚያ ኣሳው ኦዳይ» ያጌዳ።
27ኢ ባሬ ኣዉዋባ ሃሳዪያዋ ኡንቱንቱ ኣኬኪቤይኪኖ። 28ሄዋ ዲራው፥ ዬሱሲ ኡንቱንታ፥ «ታና ኣሳ ናዓ ሂንቴንቱ ማስቃሊያ ቦላ ፑዴ ዴንያ ዎዴ፥ ታኒ ታና ጊዲያዋኔ ቃሲ ታኒ ታ ኣቡ ታና ታማሪሴዳዋዳን ሃሳዪያዋፔ ኣቲን፥ ታ ሼኒያን ኣይኔ ኦናዋ ሂንቴንቱ ኤራኒታ። 29ቃሲ ታና ኪቴዳዌ ታናና ዴዔ፤ ታኒ ኡባ ዎዴ ኣ ናሼቺያዋ ኦያ ዲራው፥ ኢ ታ ፃላላ ኣጊቤና» ያጌዳ።
30ዬሱሲ ሄዋ ሃሳዪሺን ሲሴዳ ዳሮ ኣሳይ ኣ ኣማኔዲኖ።
ናጋራ ኣይሌቴፔ ላዓ ኬሳ
31ዬሱሲ ባሬና ኣማኔዳ ኣዪሁዳቱዋ፥ «ሂንቴንቱ ታኒ ታማሪሲያዎ ኣዛዜቶፔ፥ ቱሙ ታና ካሊያዋንታ። 32ሂንቴንቱ ቱማቴካ ኤራኒታ፤ ቃሲ ቱማቴይ ሂንቴንታ ኣይሌቴፔ ኬሳናዋ» ያጌዳ።
33ኡንቱንቱ ዛሪዴ፥ «ኑኒ ኣብራሃሞ ዛሬ፤ ኑኒ ኦሲኔካ ኣይሌቲቤይኮ። ያቲና ኔኒ ዋጋዴ፥ ‹ኣይሌቴፔ ሂንቴንቱ ኬሳኒታ› ጋይ?» ያጌዲኖ።
34ዬሱሲ፥ «ታኒ ሂንቴንቱሲ ቱሙዋ ኦዳይ፤ ናጋራ ኦያ ኦኒኔ ናጋራ ኣይሊያ። 35ኣይሊ ኡባ ዎዴ ሶዪን ዴዔና፤ ሺን ናዓይ ሜናው ጎሌን ዴዔ። 36ናዓይ ሂንቴንታ ኣይሌቴፔ ኬሶፔ፥ ሂንቴንቱ ኣይሌቴፔ ቱሙ ኬሳኒታ። 37ሂንቴንቱ ኣብራሃሞ ዛሬ ጊዲያዋ ታኒ ኤራይ፤ ሺን ታ ታማሪሲያዋ ሂንቴንቱ ኣኬና ዲራው፥ ታና ዎናው ኮዪታ። 38ታኒ ታ ኣቡ ታና ቤሴዳዋ ሃሳያይ፤ ቃሲ ሂንቴንቱካ ሂንቴንቱ ኣዉዋፔ ሲሴዳዋ ኦታ» ያጌዳ።
39ኡንቱንቱ ዛሪዴ፥ «ኑ ኣቡ ኣብራሃማ» ያጌዲኖ።
ዬሱሲ ኡንቱንታ፥ «ሂንቴንቱ ኣብራሃሞ ናና ጊዴዴንቶ፥ ኢ ኦዳ ኦሱዋ ማላ ኦኒታ። 40ሺን ፆሳፔ ሲሴዳ ቱሙዋ ኦዴዳ ታና ሂንቴንቱ ዎናው ኮዪታ፤ ኣብራሃሜ ሄዋዳን ኦቤና። 41ሂንቴንቱ፥ ሂንቴንቱ ኣዉ ኦዳዋ ኦታ» ያጌዳ።
ኡንቱንቱ ዛሪዴ፥ «ኑኒ ዎሹማን ዲቃላቴ ዬሌቲቤይኮ፤ ኑሲ ኢቲ ኣዉ፥ ፆሳ ፃላላይ ዴዔ» ያጌዲኖ።
42ዬሱሲ ኡንቱንታ፥ «ሂንቴንቱ ፆሳ ናና ቱሙ ጊዴዴንቶ፥ ታና ሲቃና፤ ኣዪሲ ጎፔ፥ ታኒ ፆሳ ማታፔ ያዴ ሃዋን ዴዓይ። ታና ኢ ኪቴዳዋፔ ኣቲን፥ ታኒ ታ ሼኒያን ያቤይኬ። 43ታኒ ታማሪሲያዋ ሂንቴንቱ ኣኬኬናዌ ኣያሴ? ታኒ ታማሪሲያዋ ሂንቴንቱ ኣኬና ዲራሳ። 44ሂንቴንቱ፥ ሂንቴንቱ ኣዉዋ ኢታ ኣያና ናና፤ ቃሲ ሂንቴንቱ፥ ሂንቴንቱ ኣዉ ኣሞቲያዋ ኦናው ኮዪታ። ኢ ካሴፔ ዶሚዴ፥ ሼምፑዋ ዎዳዋ፤ ቱማቴይ ኣኒ ባይና ዲራው፥ ቱማቴኮ ሺቂ ኤሬና። ኢ ዎርዱዋ ሃሳዪያ ዎዴ፥ ባሬፔ ሃሳዬ፤ ኣዪሲ ጎፔ፥ ኢ ዎርዳንቻኔ ቃሲ ዎርዶካ ኣዉዋ። 45ሺን ታኒ ቱሙዋ ሃሳዪያ ዲራው፥ ሂንቴንቱ ታና ኣማኒኪታ። 46ሂንቴፔ ታና ናጋራ ኦሺን ቤዓዲ ጋናው ዳንዳዪያዌ ኦኔ? ታኒ ቱሙዋ ሃሳዪያዋ ጊዶፔ፥ ታና ኣዪሲ ኣማኒኪቴ? 47ፆሳ ኣሳ ጊዴዳ ኡራይ ፆሳይ ጊያዋ ሲሴ፤ ሂንቴንቱ ፆሳ ኣሳ ጊዴና ዲራው፥ ፆሳይ ጊያዋ ሲሲኪታ» ያጌዳ።
ዬሱሲ ኣብራሃሞፔ ካሴናካ ዴዔ
48ኣዪሁዳቱ ዛሪዴ፥ «ኑኒ ኔና፥ ‹ኔኒ ሳማሪያ ኣሳ፤ ኔናን ኢታ ኣያናይ ዴዔ› ጊዴ ባዪዜዶ?» ያጌዲኖ።
49ዬሱሲ ኡንቱንታ፥ «ታ ቦላ ኢታ ኣያናይ ባዋ። ታኒ ታ ኣባ ቦንቻይ፤ ሺን ሂንቴንቱ ታና ካዉሺታ። 50ታኒ ታ ሁጲያሲ ቦንቹዋ ኮዪኬ፤ ሄዋ ታው ኮዪያዌኔ ፒርዲያዌ ዴዔ። 51ታኒ ሂንቴንቱሲ ቱሙዋ ኦዳይ፤ ታኒ ታማሪሲያዋ ናጊያ ኦኒኔ ኡባካ ሃይቄና» ያጌዳ።
52ኣዪሁዳቱ ዛሪዴ፥ «ኔ ቦላ ኢታ ኣያናይ ዴዒያዋ ኑኒ ሃዒ ኤሬዶ። ኣብራሃሜ ሃይቄዳ፤ ናባቱ ሃይቄዲኖ፤ ሺን ኔኒ፥ ‹ታ ቃላ ናጊያ ኦኒኔ ኡባካ ሃይቄና› ያጋ። 53ኔኒ ሃይቄዳ ኑ ኣዉዋ ኣብራሃሞፔ ዳራይ? ናባቱ ቃሲ ሃይቄዲኖ። ኔኒ ኔና ኦና ጋዴ ቆፓይ?» ያጌዲኖ።
54ዬሱሲ፥ «ታኒ ታና ቦንቾፔ፥ ታ ቦንቹ ሜላ፤ ሂንቴንቱ ኑ ፆሳ ጊያ ታ ኣቡ ታና ቦንቼ። 55ሂንቴንቱ ኣ ኤራና ዮፔካ፥ ታኒ ኣ ኤራይ። ታኒ ኣ ኤሪኬ ጎፔ፥ ሂንቴንቱዋዳን ዎርዶ ጊዳይ፤ ሺን ታኒ ኣ ኤራይ፤ ቃሲ ኣ ቃላካ ናጋይ። 56ሂንቴንቱ ኣዉ ኣብራሃሜ፥ ታ ዩሳ ዎዲያ ቤዓናው ላሞቴዳ፤ ቤዒዴካ ናሼቴዳ» ያጌዳ።
57ኣዪሁዳቱ ዛሪዴ ኣ፥ «ኔው ሃራይ ኣቶ ኢሻታሙ ላይ ኩሚቤናዌ ኣብራሃማ ቤዓዲ?» ያጌዲኖ።
58ዬሱሲ ኡንቱንታ፥ «ታኒ ሂንቴንቱሲ ቱሙዋ ኦዳይ፤ ኣብራሃሞ ዬሌታናፔካ ካሴ ታኒ ታና» ያጌዳ።
59ሄዋ ዲራው፥ ኡንቱንቱ ዬሱሳ ጫዳናው ሹቻ ኣኬዲኖ፤ ሺን ዬሱሲ ኡንቱንቱፔ ጌሜቲዴ፥ ጌሻ ጎሊያፔ ቤዳ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa