ማርቆሳ 10
10
ማቻቶ ዬዳናው ቤሴና
(ማት 19፡1-2፤ ሉቅ 16፡18)
1ዬሱሲ ሄዋፔ ዴንዲዴ፥ ዮርዳኖሳ ሻፋፔ ሄፊን ባጋና ዪሁዳ ጋዲያ ቤዳ። ጮራ ኣሳይ ሺሬቲዴ ኣኮ ሺቂና፥ ካሴ ኢ ኦያዋዳንካ ሄ ኣሳ ታማሪሱዋ ዶሜዳ።
2ኢቲ ኢቲ ፓሪሳዋቱ ፓጫናው ዬሱሳኮ ዪዴ፥ «ኢቲ ኣሳይ ባሬ ማቻቶ ዬዳናው ኑሲ ሂጊ ኣዛዚ?» ያጊዴ ኣ ኦቼዲኖ።
3ኢ ዛሪዴ፥ «ሙሴ ሂንቴንታ ዋጊ ኣዛዜዴ?» ያጌዳ።
4ኡንቱንቱ፥ «ሙሴ፥ ‹ኢቲ ኣሳይ ባሬ ማቻቶ ፓራማ ኢሚዴ ዬዶ› ጌዳ» ያጌዲኖ። #ዛር 24፡1-4፤ ማት 5፡13
5ዬሱሲ ዛሪዴ ኡንቱንታ፥ «ሂንቴንቱ ኦዲና ሲሴናዋንታ ጊዲያ ዲራው፥ ሙሴ ሃ ኣዛዙዋ ሂንቴንቶ ፃፌዳ። 6ሺን ፆሳይ ኮይሮ ሜያ ዎዴ፥ ኣቱማ ኣሳኔ ማጫ ኣሳ ኦዴ፥ ኡንቱንታ ሜዳ። #ዶም 1፡27፤ 5፡2 7ሄዋ ዲራው፥ ኢቲ ኣሳይ ባሬ ኣባኔ ባሬ ዳዮ ኣጊዴ፥ ባሬ ማቻቲና ኢቱዋ ጊዴ፤ 8ኡንቱንቱ ላዓቱ ኢቲ ኣሾ ጊዲኖ፤ ሄዋ ዲራው፥ ኡንቱንቱ ኢቲ ኣሳ ጊዲያዋፔ ኣቲን፥ ላዑ ኣሳ ጊዲኪኖ። #ዶም 2፡24 9ሄዋ ዲራው፥ ፆሳይ ኢቲፔ ጋዳዋ ኣሳይ ሻኮፖ» ያጌዳ።
10ኡንቱንቱ ሶይ ሲሜዳ ዎዴ፥ ዬሱሳ ካሊያዋንቱ ሃ ዬዉዋባ ዬሱሳ ዛሪ ኦቼዲኖ። 11ዬሱሲ ኡንቱንታ፥ «ባሬ ማቻቶ ዬዲዴ፥ ሃራሮ ኣኪያ ኡራይ ኦኒኔ ኢዚና ዎሹሜ። 12ቃሲ ማጫዉናካ ባሬ ኣሲናፔ ኬሳዴ ሃራ ኣሲና ጌሎፔ ዎሹማው» ያጌዳ።
ዬሱሲ ጉ ናና ኣንጄዳ
(ማት 19፡13-15፤ ሉቅ 18፡15-17)
13ዬሱሲ ጉ ናና ቦቻና ማላ፥ ኢቲ ኢቲ ኣሳይ ናና ኣኮ ኣሄዳ፤ ሺን ዬሱሳ ካሊያዋንቱ ሄ ኣሳ ሴሬዲኖ። 14ዬሱሲ ሄዋ ቤዒዴ፥ ባሬና ካሊያዋንታ ሃንቄቴዳ፤ ኡንቱንታ፥ «ጉ ናናይ ታኮ ዪያዋንታ ዲጎፒቴ፤ ኣዪሲ ጎፔ፥ ፆሳ ካዉቴይ ሃዋንቱ ማላሳ። 15ታኒ ሂንቴንቶ ቱሙዋ ጋይ፤ ፆሳ ካዉቴ ጉ ናዓዳን ኣኬና ኡራይ ኦኒኔ ሄ ካዉቴ ኡባካ ጌሌና» ያጌዳ። 16ጉ ናና ኢዲሚዴ፥ ባሬ ኩሺያ ኡንቱንቱ ቦላ ሁጲያን ሁጲያን ዎዴ፥ ኡንቱንታ ኣንጄዳ።
ሚሻ ሲቁሳይ ኣሂያ ሜቱዋ
(ማት 19፡16-30፤ ሉቅ 18፡18-30)
17ዬሱሲ ባናው ኬሴዳ ዎዴ፥ ኢቲ ቢታኒ ዎፂዴ ዪ ኣ ሲንን ጉልባቲዴ፥ «ሎዖ ታማርሲያዎ፥ ሜና ዴዑዋ ላታናው ታኒ ኣያ ኦ?» ያጊዴ ኣ ኦቼዳ።
18ዬሱሲ፥ «ኣዪሲ ታና ሎዖ ጋይ? ፆሳ ፃላላፔ ኣቲን፥ ሃራ ሎዑ ኦኒኔ ባዋ። 19ፆሳ ኣዛዙዋ፥ ‹ዎፓ፤ ዎሹሞፓ፤ ዉዖፓ፤ ዎርዱዋ ማርካቶፓ፤ ጪሞፓ፤ ኔ ኣባኔ ኔ ዳዮ ቦንቻ› ያጊያዋ ኤራሳ» ያጌዳ። #ኬስ 20፡12-16፤ ዛር 5፡16-20
20ቢታኒ ዬሱሳ፥ «ታማሪሲያዎ፥ ታኒ ሄዋ ኡባ ናዓቴፔ ዶማዴ ሃዒ ጋካናዉካ ናጋይ» ያጌዳ።
21ዬሱሲ ቢታኒያ ዶሴዳ፤ ኣ ጫዲ ፄሊዴ፥ «ኔው ኢቲባይ ፓጬዳ፤ ባዴ ኔው ዴዒያባ ኡባ ዛልዓዴ፥ ሄ ሚሻ ሂዬሳው ኢማ፤ ኔን ሳሉዋን ዱሬታና። ያቶዋፔ ጉዪያን ያዴ ታና ካላ» ያጌዳ። 22ሺን ቢታኒ ሄዋ ሲሲዴ፥ ኢ ዳሮ ዱሬ ጊዲያ ዲራው፥ ባሬ ሶምዒያ ሚሲዴ፥ ናሼቴናን ኣጊዴ ቤዳ።
23ዬሱሲ ባሬና ካሊያዋንታ ዩሺ ኣ ፄሊዴ፥ «ዳሮ ዱሬ ኣሳይ ፆሳ ካዉቴ ጌላናው ዋኒ ሜታንዴሻ!» ያጌዳ።
24ኣ ካሊያዋንቱ ኣ ሃሳያ ሲሲዴ ማላሌቴዲኖ፤ ሺን ዬሱሲ ቃሲካ ኡንቱንታ፥ «ናቶ፥ ፆሳ ካዉቴ ጌላናው ዎቲ ሜታንዴሻ! #10፡24 ዎቲ ሜታንዴሻ፡ ሃዋ ኢቲ ኢቲ ቢሌይ ባሬው ዴዒያባን ኣማኔቲያ ኣሳ ያጌ። 25ዱሬ ኣሳይ ፆሳ ካዉቴ ጌላናዋፔ፥ ጋሉ ማርፒያ ፆዒያና ኣናዌ ማታቴ» ያጌዳ።
26ዬሱሳ ካሊያዋንቱ ማላሌቲዴ፥ «ያቲና፥ ኦኔ ኣታናው ዳንዳዪያዌ?» ያጊዴ ኢቱ ኢቱዋ ኦቼዲኖ።
27ዬሱሲ ኡንቱንታ ጫዲ ፄሊዴ፥ «ሃዌ ፆሳው ዳንዳዬቲያዋፔ ኣቲን፥ ኣሳው ዳንዳዬቴና፤ ኣዪሲ ጎፔ፥ ፆሳው ኡባባይካ ዳንዳዬቴ» ያጌዳ።
28ጴፂሮሲ ዬሱሳ፥ «ቤዓ፤ ኑኒ ኑባ ኡባ ኣጊዴ፥ ኔና ካሌዶ» ያጌዳ።
29ዬሱሲ፥ «ታኒ ሂንቴንቶ ቱሙዋ ጋይ፤ ታ ዲራዉኔ ዎንጋላ ሚሺራቹዋ ዲራው፥ ጎሊያ ዎይ ኢሻቱዋ ዎይ ሚቻቱዋ፥ ዎይ ኣዉዋ ዎይ ኣቶ ዎይ ማቻቶ፥ ዎይ ናና ዎይ ጋዲያ ኣጌዳ ኣሳይ ኦኒኔ፥ 30ሃዒ ሃ ዎዲያን ፄቱ ዳኩዋፔ ዳሪያ ጎሌቱዋ፥ ኢሻቱዋ፥ ሚቻቱዋ፥ ኣቶ፥ ናና፥ ጋዲያ፥ ቃሲ ሜቱዋካ ኣካናዋ። ሲንፔ ያና ዎዲያንካ ሜና ዴዑዋ ኣካናዋ። 31ሺን ጮራቱ ሃዒ ሲንን ዴዒያዋንቱ ጉዬ ኣና፤ ቃሲ ጮራቱ ሃዒ ጉዬን ዴዒያዋንቱ ሲንው ኣና» ያጌዳ።
ዬሱሲ ባሬና ጋካና ሜቱዋባኔ ሃይቁዋባ ሄዜንዋ ኦዴዳ
(ማት 20፡17-19፤ ሉቅ 18፡31-34)
32ኡንቱንቱ ዬሩሳላሜ ቢዴ፥ ኦጊያን ዴዒኖ፤ ዬሱሲ ባሬና ካሊያዋንቱፔ ሲንና ሃሜቴ። ኡንቱንቱ ማላሌቴዲኖ፤ ኣ ካሊያዋንቱ ያዬዲኖ። ዛሪዴ ታማኔ ላዑ ባሬና ካሊያዋንታ ጋፃ ኬሲዴ፥ ባሬና ጋካናባ ዱማዪዴ ኡንቱንቱሲ ሃዋዳን ያጊዴ ኦዴዳ፤ 33«ቤዒቴ፤ ኑኒ ዬሩሳላሜ ሃዒ ኬሶይቴ፤ ያኒ ታና፥ ኣሳ ናዓ፥ ቄሳቱዋ ካፓቱዋሲኔ ሙሴ ሂጊያ ታማርሲያዋንቱሲ ኣዴ ኢማና። ኡንቱንቱ ታ ቦላን ሃይቁዋ ፒርዳ ፒርዳና፤ ቃሲ ኣዪሁዳ ጊዴና ኣሳሲካ ታና ኣዴ ኢማና። 34ሄ ኣዪሁዳ ጊዴና ኣሳይ ታ ቦላ ቂሊጫናኔ ጩቻና፤ ታና ሊሱዋን ሾጫናኔ ዎና፤ ታኒ ቃሲ ሄዙ ጋላሳፔ ጉዪያን፥ ሃይቁዋፔ ዴንዳና።»
ያዪቆቢኔ ዮሃኒሲ ዎሴዳ ዎሳ
(ማት 20፡20-28)
35ዛቢዲዮሳ ናናይ ያዪቆቢኔ ዮሃኒሲ ዬሱሳኮ ዪዴ፥ «ታማሪሲያዎ፥ ኑኒ ኔና ዎሲያባ ኡባባ ኑሲ ኦሪኪ» ያጌዲኖ።
36ዬሱሲ ኡንቱንታ፥ «ታኒ ሂንቴንቶ ኣያ ኦ?» ያጌዳ።
37ኡንቱንቱ ኣ፥ «ኔ ቦንቾ ካዉቴን ኔኒ ኡቲያ ዎዴ፥ ኑፔ ኢቱዋ ኔፔ ኡሼቻ ባጋና ቃሲ ኢቱዋ ሃዲርሳ ባጋና ኡቲሳሪኪ» ያጌዲኖ።
38ሺን ዬሱሲ ኡንቱንታ፥ «ሂንቴንቱ ኣያ ዎሳናው ቤሲንቶካ ኤሪኪታ፤ ታኒ ኡሻናው ቤሲያ ሜቱዋ ፁዓ ኡሻናው ዳንዳዪቴ? ቃሲ ታኒ ፃማቄታናው ቤሲያ ፂንቃታ #10፡38 ፂንቃታ፡ ሃዋ ጉሳይ ዬሱሳ ጋኬዳ ሜቱዋ ፁዓ ጉሳ። ፃማቄታናው ዳንዳዪቴ?» ያጌዳ።
39ሄዋፔ ጉዬ ኡንቱንቱ ዛሪዴ፥ «ኤ ዳንዳዬቶ» ያጌዲኖ።
ዬሱሲ ቃሲ፥ «ታኒ ኡሻናው ቤሲያ ሜቱዋ ፁዓ ሂንቴ ኡሻና፤ ታኒ ፃማቄታናው ቤሲያ ፂንቃታካ ሂንቴ ፃማቄታና። 40ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶሪያዌ ታና ጊዲኬ፤ ሺን ሄ ሳዓይ ፆሳይ ኢማናው ጊጊሲ ዎዳዋንቱሳ» ያጌዳ።
41ዮኮ ታሙ ዬሱሳ ካሊያዋንቱ ሄዋ ሲሴዳ ዎዴ፥ ያዪቆባኔ ዮሃኒሳ ሃንቄቴዲኖ። 42ዬሱሲ ኡንቱንታ ኡባ ባሬኮ ፄሲዴ፥ ሃዋዳን ያጌዳ፤ « ‹ኣዪሁዳ ጊዴናዋንታ ሞዲያዋንታ› ጊዴ ቆፒያዋንቱኔ ሄዋንታ ካሌያ ኣሳቱ ባሬንቱ ኣሳ ሞዲያዋ ኤሪታ። 43ሺን ሂንቴ ጊዶን ሄዋ ማላ ጊዴና፤ ሂንቴ ጊዶን ዎጋታና ኮዪያ ኦኒኔ ሂንቴንቶ ቆማ ጊዳናው ቤሴ። 44ቃሲ ሂንቴ ጊዶን ኡባፔ ቦላ ጊዳና ኮዪያ ኦኒኔ ሂንቴ ኡባው ኣዪሌ ጊዳናው ቤሴ። 45ኣዪሲ ጎፔ፥ ሃራይ ኣቶ ታኒ፥ ኣሳ ናዓይካ፥ ኣሳው ኦናዉኔ ጮራቱዋ ዎዛናው ዬዳዋፔ ኣቲን፥ ኣሳይ ታው ኦና ማላ ያቤይኬ» ያጌዳ።
ዬሱሲ ቆቃ ባርፃሞሳ ኣይፊያ ፓዳ
(ማት 20፡29-34፤ ሉቅ 18፡35-43)
46ኡንቱንቱ ኢያርኮ ጊያ ካታማ ቤዲኖ፤ ዬሱሲ ባሬና ካሊያዋንቱናኔ ጮራ ኣሳና ኢያርኮፔ ኬሲሺን፥ ፂሞሳ ናዓይ ቆቃይ፥ ባርፃሞሳ ጊያዌ፥ ኦጊያ ዶናን ዎሲዴ ኡቴዳ። 47ባርፃሞስ ናዚሬቲያ ዬሱሳ ጊዴዳዋ ሲሲዴ፥ ባሬ ኮሻ ቁ ኦዴ፥ «ዳዊቴ ናዓ #10፡47 ዳዊቴ ናዓ፡ ኣዪሁዴ ኣሳቱ ፆሳን ኦኬቶዌ ዳዊቴ ዜሬፔ ዬሌታናዋ ያጊዴ ቆፒያ ዲራው፥ ፆሳን ኦኬቶዌ «ዳዊቴ ናዓ» ያጌቲ ፄሴቴ። ዬሱሳ፥ ታና ማራሪኪ!» ያጉሳ ዶሜዳ።
48ጮራ ኣሳይ ኣ፥ «ሃይዛ!» ጊዴ ሃንቄቴዳ።
ሺን፥ ኢ ባሬ ኮሻ ካሴዋፔካ ዳሪሲ ቁ ኦዴ፥ «ዳዊቴ ናዓው፥ ታና ማራሪኪ!» ያጌዳ።
49ዬሱሲ ኦጊያን ኤቂዴ፥ «ኣ ሃ ፄሲቴ» ያጌዳ።
ኡንቱንቱ ቆቃ፥ «ኣይኔ ባዋ፤ ዴንዳ ኤቃ፤ ኔና ፄሴ» ያጊዴ ፄሴዲኖ። 50ቆቃይ ባሬ ማዩዋ ኦሊ ኣጊዴ፥ ጉፒ ዴንዲ ኤቂዴ፥ ዬሱሳኮ ቤዳ።
51ዬሱሲ ኣ፥ «ታኒ ኔው ኣያ ኦናው ኮያይ?» ያጌዳ።
ቆቃይ፥ «ታማሪሲያዎ፥ ታኒ ፄላናዋ ኮያይ» ያጌዳ።
52ዬሱሲ ኣ፥ «ባ፤ ኔ ኣማኑ ኔና ፓዳ» ያጌዳ። ኤሌካ ኣ ኣይፊ ፄሊ ኣጊና፥ ኦጊያን ዬሱሳ ካሊ ኣጌዳ።
Currently Selected:
ማርቆሳ 10: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaማርቆሳ 10
10
ማቻቶ ዬዳናው ቤሴና
(ማት 19፡1-2፤ ሉቅ 16፡18)
1ዬሱሲ ሄዋፔ ዴንዲዴ፥ ዮርዳኖሳ ሻፋፔ ሄፊን ባጋና ዪሁዳ ጋዲያ ቤዳ። ጮራ ኣሳይ ሺሬቲዴ ኣኮ ሺቂና፥ ካሴ ኢ ኦያዋዳንካ ሄ ኣሳ ታማሪሱዋ ዶሜዳ።
2ኢቲ ኢቲ ፓሪሳዋቱ ፓጫናው ዬሱሳኮ ዪዴ፥ «ኢቲ ኣሳይ ባሬ ማቻቶ ዬዳናው ኑሲ ሂጊ ኣዛዚ?» ያጊዴ ኣ ኦቼዲኖ።
3ኢ ዛሪዴ፥ «ሙሴ ሂንቴንታ ዋጊ ኣዛዜዴ?» ያጌዳ።
4ኡንቱንቱ፥ «ሙሴ፥ ‹ኢቲ ኣሳይ ባሬ ማቻቶ ፓራማ ኢሚዴ ዬዶ› ጌዳ» ያጌዲኖ። #ዛር 24፡1-4፤ ማት 5፡13
5ዬሱሲ ዛሪዴ ኡንቱንታ፥ «ሂንቴንቱ ኦዲና ሲሴናዋንታ ጊዲያ ዲራው፥ ሙሴ ሃ ኣዛዙዋ ሂንቴንቶ ፃፌዳ። 6ሺን ፆሳይ ኮይሮ ሜያ ዎዴ፥ ኣቱማ ኣሳኔ ማጫ ኣሳ ኦዴ፥ ኡንቱንታ ሜዳ። #ዶም 1፡27፤ 5፡2 7ሄዋ ዲራው፥ ኢቲ ኣሳይ ባሬ ኣባኔ ባሬ ዳዮ ኣጊዴ፥ ባሬ ማቻቲና ኢቱዋ ጊዴ፤ 8ኡንቱንቱ ላዓቱ ኢቲ ኣሾ ጊዲኖ፤ ሄዋ ዲራው፥ ኡንቱንቱ ኢቲ ኣሳ ጊዲያዋፔ ኣቲን፥ ላዑ ኣሳ ጊዲኪኖ። #ዶም 2፡24 9ሄዋ ዲራው፥ ፆሳይ ኢቲፔ ጋዳዋ ኣሳይ ሻኮፖ» ያጌዳ።
10ኡንቱንቱ ሶይ ሲሜዳ ዎዴ፥ ዬሱሳ ካሊያዋንቱ ሃ ዬዉዋባ ዬሱሳ ዛሪ ኦቼዲኖ። 11ዬሱሲ ኡንቱንታ፥ «ባሬ ማቻቶ ዬዲዴ፥ ሃራሮ ኣኪያ ኡራይ ኦኒኔ ኢዚና ዎሹሜ። 12ቃሲ ማጫዉናካ ባሬ ኣሲናፔ ኬሳዴ ሃራ ኣሲና ጌሎፔ ዎሹማው» ያጌዳ።
ዬሱሲ ጉ ናና ኣንጄዳ
(ማት 19፡13-15፤ ሉቅ 18፡15-17)
13ዬሱሲ ጉ ናና ቦቻና ማላ፥ ኢቲ ኢቲ ኣሳይ ናና ኣኮ ኣሄዳ፤ ሺን ዬሱሳ ካሊያዋንቱ ሄ ኣሳ ሴሬዲኖ። 14ዬሱሲ ሄዋ ቤዒዴ፥ ባሬና ካሊያዋንታ ሃንቄቴዳ፤ ኡንቱንታ፥ «ጉ ናናይ ታኮ ዪያዋንታ ዲጎፒቴ፤ ኣዪሲ ጎፔ፥ ፆሳ ካዉቴይ ሃዋንቱ ማላሳ። 15ታኒ ሂንቴንቶ ቱሙዋ ጋይ፤ ፆሳ ካዉቴ ጉ ናዓዳን ኣኬና ኡራይ ኦኒኔ ሄ ካዉቴ ኡባካ ጌሌና» ያጌዳ። 16ጉ ናና ኢዲሚዴ፥ ባሬ ኩሺያ ኡንቱንቱ ቦላ ሁጲያን ሁጲያን ዎዴ፥ ኡንቱንታ ኣንጄዳ።
ሚሻ ሲቁሳይ ኣሂያ ሜቱዋ
(ማት 19፡16-30፤ ሉቅ 18፡18-30)
17ዬሱሲ ባናው ኬሴዳ ዎዴ፥ ኢቲ ቢታኒ ዎፂዴ ዪ ኣ ሲንን ጉልባቲዴ፥ «ሎዖ ታማርሲያዎ፥ ሜና ዴዑዋ ላታናው ታኒ ኣያ ኦ?» ያጊዴ ኣ ኦቼዳ።
18ዬሱሲ፥ «ኣዪሲ ታና ሎዖ ጋይ? ፆሳ ፃላላፔ ኣቲን፥ ሃራ ሎዑ ኦኒኔ ባዋ። 19ፆሳ ኣዛዙዋ፥ ‹ዎፓ፤ ዎሹሞፓ፤ ዉዖፓ፤ ዎርዱዋ ማርካቶፓ፤ ጪሞፓ፤ ኔ ኣባኔ ኔ ዳዮ ቦንቻ› ያጊያዋ ኤራሳ» ያጌዳ። #ኬስ 20፡12-16፤ ዛር 5፡16-20
20ቢታኒ ዬሱሳ፥ «ታማሪሲያዎ፥ ታኒ ሄዋ ኡባ ናዓቴፔ ዶማዴ ሃዒ ጋካናዉካ ናጋይ» ያጌዳ።
21ዬሱሲ ቢታኒያ ዶሴዳ፤ ኣ ጫዲ ፄሊዴ፥ «ኔው ኢቲባይ ፓጬዳ፤ ባዴ ኔው ዴዒያባ ኡባ ዛልዓዴ፥ ሄ ሚሻ ሂዬሳው ኢማ፤ ኔን ሳሉዋን ዱሬታና። ያቶዋፔ ጉዪያን ያዴ ታና ካላ» ያጌዳ። 22ሺን ቢታኒ ሄዋ ሲሲዴ፥ ኢ ዳሮ ዱሬ ጊዲያ ዲራው፥ ባሬ ሶምዒያ ሚሲዴ፥ ናሼቴናን ኣጊዴ ቤዳ።
23ዬሱሲ ባሬና ካሊያዋንታ ዩሺ ኣ ፄሊዴ፥ «ዳሮ ዱሬ ኣሳይ ፆሳ ካዉቴ ጌላናው ዋኒ ሜታንዴሻ!» ያጌዳ።
24ኣ ካሊያዋንቱ ኣ ሃሳያ ሲሲዴ ማላሌቴዲኖ፤ ሺን ዬሱሲ ቃሲካ ኡንቱንታ፥ «ናቶ፥ ፆሳ ካዉቴ ጌላናው ዎቲ ሜታንዴሻ! #10፡24 ዎቲ ሜታንዴሻ፡ ሃዋ ኢቲ ኢቲ ቢሌይ ባሬው ዴዒያባን ኣማኔቲያ ኣሳ ያጌ። 25ዱሬ ኣሳይ ፆሳ ካዉቴ ጌላናዋፔ፥ ጋሉ ማርፒያ ፆዒያና ኣናዌ ማታቴ» ያጌዳ።
26ዬሱሳ ካሊያዋንቱ ማላሌቲዴ፥ «ያቲና፥ ኦኔ ኣታናው ዳንዳዪያዌ?» ያጊዴ ኢቱ ኢቱዋ ኦቼዲኖ።
27ዬሱሲ ኡንቱንታ ጫዲ ፄሊዴ፥ «ሃዌ ፆሳው ዳንዳዬቲያዋፔ ኣቲን፥ ኣሳው ዳንዳዬቴና፤ ኣዪሲ ጎፔ፥ ፆሳው ኡባባይካ ዳንዳዬቴ» ያጌዳ።
28ጴፂሮሲ ዬሱሳ፥ «ቤዓ፤ ኑኒ ኑባ ኡባ ኣጊዴ፥ ኔና ካሌዶ» ያጌዳ።
29ዬሱሲ፥ «ታኒ ሂንቴንቶ ቱሙዋ ጋይ፤ ታ ዲራዉኔ ዎንጋላ ሚሺራቹዋ ዲራው፥ ጎሊያ ዎይ ኢሻቱዋ ዎይ ሚቻቱዋ፥ ዎይ ኣዉዋ ዎይ ኣቶ ዎይ ማቻቶ፥ ዎይ ናና ዎይ ጋዲያ ኣጌዳ ኣሳይ ኦኒኔ፥ 30ሃዒ ሃ ዎዲያን ፄቱ ዳኩዋፔ ዳሪያ ጎሌቱዋ፥ ኢሻቱዋ፥ ሚቻቱዋ፥ ኣቶ፥ ናና፥ ጋዲያ፥ ቃሲ ሜቱዋካ ኣካናዋ። ሲንፔ ያና ዎዲያንካ ሜና ዴዑዋ ኣካናዋ። 31ሺን ጮራቱ ሃዒ ሲንን ዴዒያዋንቱ ጉዬ ኣና፤ ቃሲ ጮራቱ ሃዒ ጉዬን ዴዒያዋንቱ ሲንው ኣና» ያጌዳ።
ዬሱሲ ባሬና ጋካና ሜቱዋባኔ ሃይቁዋባ ሄዜንዋ ኦዴዳ
(ማት 20፡17-19፤ ሉቅ 18፡31-34)
32ኡንቱንቱ ዬሩሳላሜ ቢዴ፥ ኦጊያን ዴዒኖ፤ ዬሱሲ ባሬና ካሊያዋንቱፔ ሲንና ሃሜቴ። ኡንቱንቱ ማላሌቴዲኖ፤ ኣ ካሊያዋንቱ ያዬዲኖ። ዛሪዴ ታማኔ ላዑ ባሬና ካሊያዋንታ ጋፃ ኬሲዴ፥ ባሬና ጋካናባ ዱማዪዴ ኡንቱንቱሲ ሃዋዳን ያጊዴ ኦዴዳ፤ 33«ቤዒቴ፤ ኑኒ ዬሩሳላሜ ሃዒ ኬሶይቴ፤ ያኒ ታና፥ ኣሳ ናዓ፥ ቄሳቱዋ ካፓቱዋሲኔ ሙሴ ሂጊያ ታማርሲያዋንቱሲ ኣዴ ኢማና። ኡንቱንቱ ታ ቦላን ሃይቁዋ ፒርዳ ፒርዳና፤ ቃሲ ኣዪሁዳ ጊዴና ኣሳሲካ ታና ኣዴ ኢማና። 34ሄ ኣዪሁዳ ጊዴና ኣሳይ ታ ቦላ ቂሊጫናኔ ጩቻና፤ ታና ሊሱዋን ሾጫናኔ ዎና፤ ታኒ ቃሲ ሄዙ ጋላሳፔ ጉዪያን፥ ሃይቁዋፔ ዴንዳና።»
ያዪቆቢኔ ዮሃኒሲ ዎሴዳ ዎሳ
(ማት 20፡20-28)
35ዛቢዲዮሳ ናናይ ያዪቆቢኔ ዮሃኒሲ ዬሱሳኮ ዪዴ፥ «ታማሪሲያዎ፥ ኑኒ ኔና ዎሲያባ ኡባባ ኑሲ ኦሪኪ» ያጌዲኖ።
36ዬሱሲ ኡንቱንታ፥ «ታኒ ሂንቴንቶ ኣያ ኦ?» ያጌዳ።
37ኡንቱንቱ ኣ፥ «ኔ ቦንቾ ካዉቴን ኔኒ ኡቲያ ዎዴ፥ ኑፔ ኢቱዋ ኔፔ ኡሼቻ ባጋና ቃሲ ኢቱዋ ሃዲርሳ ባጋና ኡቲሳሪኪ» ያጌዲኖ።
38ሺን ዬሱሲ ኡንቱንታ፥ «ሂንቴንቱ ኣያ ዎሳናው ቤሲንቶካ ኤሪኪታ፤ ታኒ ኡሻናው ቤሲያ ሜቱዋ ፁዓ ኡሻናው ዳንዳዪቴ? ቃሲ ታኒ ፃማቄታናው ቤሲያ ፂንቃታ #10፡38 ፂንቃታ፡ ሃዋ ጉሳይ ዬሱሳ ጋኬዳ ሜቱዋ ፁዓ ጉሳ። ፃማቄታናው ዳንዳዪቴ?» ያጌዳ።
39ሄዋፔ ጉዬ ኡንቱንቱ ዛሪዴ፥ «ኤ ዳንዳዬቶ» ያጌዲኖ።
ዬሱሲ ቃሲ፥ «ታኒ ኡሻናው ቤሲያ ሜቱዋ ፁዓ ሂንቴ ኡሻና፤ ታኒ ፃማቄታናው ቤሲያ ፂንቃታካ ሂንቴ ፃማቄታና። 40ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶሪያዌ ታና ጊዲኬ፤ ሺን ሄ ሳዓይ ፆሳይ ኢማናው ጊጊሲ ዎዳዋንቱሳ» ያጌዳ።
41ዮኮ ታሙ ዬሱሳ ካሊያዋንቱ ሄዋ ሲሴዳ ዎዴ፥ ያዪቆባኔ ዮሃኒሳ ሃንቄቴዲኖ። 42ዬሱሲ ኡንቱንታ ኡባ ባሬኮ ፄሲዴ፥ ሃዋዳን ያጌዳ፤ « ‹ኣዪሁዳ ጊዴናዋንታ ሞዲያዋንታ› ጊዴ ቆፒያዋንቱኔ ሄዋንታ ካሌያ ኣሳቱ ባሬንቱ ኣሳ ሞዲያዋ ኤሪታ። 43ሺን ሂንቴ ጊዶን ሄዋ ማላ ጊዴና፤ ሂንቴ ጊዶን ዎጋታና ኮዪያ ኦኒኔ ሂንቴንቶ ቆማ ጊዳናው ቤሴ። 44ቃሲ ሂንቴ ጊዶን ኡባፔ ቦላ ጊዳና ኮዪያ ኦኒኔ ሂንቴ ኡባው ኣዪሌ ጊዳናው ቤሴ። 45ኣዪሲ ጎፔ፥ ሃራይ ኣቶ ታኒ፥ ኣሳ ናዓይካ፥ ኣሳው ኦናዉኔ ጮራቱዋ ዎዛናው ዬዳዋፔ ኣቲን፥ ኣሳይ ታው ኦና ማላ ያቤይኬ» ያጌዳ።
ዬሱሲ ቆቃ ባርፃሞሳ ኣይፊያ ፓዳ
(ማት 20፡29-34፤ ሉቅ 18፡35-43)
46ኡንቱንቱ ኢያርኮ ጊያ ካታማ ቤዲኖ፤ ዬሱሲ ባሬና ካሊያዋንቱናኔ ጮራ ኣሳና ኢያርኮፔ ኬሲሺን፥ ፂሞሳ ናዓይ ቆቃይ፥ ባርፃሞሳ ጊያዌ፥ ኦጊያ ዶናን ዎሲዴ ኡቴዳ። 47ባርፃሞስ ናዚሬቲያ ዬሱሳ ጊዴዳዋ ሲሲዴ፥ ባሬ ኮሻ ቁ ኦዴ፥ «ዳዊቴ ናዓ #10፡47 ዳዊቴ ናዓ፡ ኣዪሁዴ ኣሳቱ ፆሳን ኦኬቶዌ ዳዊቴ ዜሬፔ ዬሌታናዋ ያጊዴ ቆፒያ ዲራው፥ ፆሳን ኦኬቶዌ «ዳዊቴ ናዓ» ያጌቲ ፄሴቴ። ዬሱሳ፥ ታና ማራሪኪ!» ያጉሳ ዶሜዳ።
48ጮራ ኣሳይ ኣ፥ «ሃይዛ!» ጊዴ ሃንቄቴዳ።
ሺን፥ ኢ ባሬ ኮሻ ካሴዋፔካ ዳሪሲ ቁ ኦዴ፥ «ዳዊቴ ናዓው፥ ታና ማራሪኪ!» ያጌዳ።
49ዬሱሲ ኦጊያን ኤቂዴ፥ «ኣ ሃ ፄሲቴ» ያጌዳ።
ኡንቱንቱ ቆቃ፥ «ኣይኔ ባዋ፤ ዴንዳ ኤቃ፤ ኔና ፄሴ» ያጊዴ ፄሴዲኖ። 50ቆቃይ ባሬ ማዩዋ ኦሊ ኣጊዴ፥ ጉፒ ዴንዲ ኤቂዴ፥ ዬሱሳኮ ቤዳ።
51ዬሱሲ ኣ፥ «ታኒ ኔው ኣያ ኦናው ኮያይ?» ያጌዳ።
ቆቃይ፥ «ታማሪሲያዎ፥ ታኒ ፄላናዋ ኮያይ» ያጌዳ።
52ዬሱሲ ኣ፥ «ባ፤ ኔ ኣማኑ ኔና ፓዳ» ያጌዳ። ኤሌካ ኣ ኣይፊ ፄሊ ኣጊና፥ ኦጊያን ዬሱሳ ካሊ ኣጌዳ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa