ማርቆሳ 12
12
ዎዪኒያ ቱራ ቶኪያ ኦሳንቻቱዋ ሌሚሱዋ
(ማት 21፡33-46፤ ሉቅ 20፡9-19)
1ዬሱሲ ኡንቱንቶ ኦዱዋ ሌሚሱዋን ያጊዴ ዶሜዳ፤ «ኢቲ ቢታኒ ዎዪኒያ ጊያ ቱራ ቶኪዴ፥ ዲርሳ ዩሺ ኣዴ ዲሬዳ፤ ቃሲ ሄ ዎዪኒያ ጉሚዒያ ኦላካ ቦኬዳ፤ ሄዋ ናጊያ ኣሳው ናጊያሳ ኬፄዳ፤ ሄዋፔ ጉዪያን፥ ኮ ኦያ ኣሳው ኢሚዴ፥ ሃራ ጋዴ ቤዳ። #ኢሳ 5፡1-2 2ዎዪኒያ ኣይፊያ ማፂያ ዎዲ ጋኪና፥ ባሬና ጋኪያዋ ኣኪዴ ያና ማላ፥ ኢቲ ቆማ ባሬ ኮዋቱዋኮ ኪቴዳ። 3ኮ ኦያዋንቱ ኣ ቆማ ኦይቂ ዋዴ፥ ኩሼ ሜላ ዬዴዲኖ። 4ላዔዋ ሃራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂዴ ፖኪሲ ዬዴዲኖ። 5ዎዪኒያ ቱራ ጎዳይ ቃሲካ ሃራ ቆማ ኪቴዳ፤ ሄ ቆማ ዎዲኖ፤ ቃሲ ሃራ ጮራቱዋካ ሄዋዳን ኦዲኖ፤ ኢቱዋ ኢቱዋ ዋዴ፥ ሃራቱዋ ዎዲኖ።
6«ዎዪኒያ ቱራ ጎዳው ኪታናው ኡባፔ ዉርሴን ኢ ዳሪ ሲቂያ ኣ ናዓ ፃላላይ ኣቴዳ፤ ኢ፥ ‹ኡንቱንቱ ታ ናዓ ቦንቼናን ኣጊኪኖ› ጊዴ፥ ባሬ ናዓ ኡንቱንቱኮ ኪቴዳ።
7«ሺን ኮ ኦያዋንቱ ባሬንቱ ጊዶን፥ ‹ላታናዌ ሃዋ፤ ቢዴ ኣ ዎይቴ፤ ኣው ዴዒያዌ ኑዋ ጊዳና!› ያጌዲኖ። 8ናዓ ኦይቂ ዎዴ፥ ኣ ኣኃ ዎዪኒያ ቱራ ጊዶፔ ጋፃ ኬሲ ኦሌዲኖ።
9«ሲሚ ዎዪኒያ ቱራ ጎዳይ ዎታኔ? ዪዴ ሄ ኮዋቱዋ ዎ ዉርሲዴ፥ ዎዪኒያ ቱራ ኮ ኦያ ሃራ ኣሳው ኢማናዋ።
10-11‹ጊምቢያዋንቱ ካ ኢፄዳ ሹቻይ
ጎዳ ፃጱዋ ሚኒሲያ፥
ኡባፔ ኣያ ሹቻ ጊዴዳ።
ሃዌ ጎዳይ ኦዳዋ፤
ቃሲ ኑናካ ማላሊሲያዋ›
ያጊያዋ ፆሳ ማፃፋፔ ናባቢቤይኪቴ?» ያጌዳ። #ማዝ 118፡22-23
12ቄሳቱዋ ካፓቱ፥ ሂጊያ ታማሪሲያዋንቱኔ ጪማቱ ዬሱሲ ሄ ሌሚሱዋ ባሬንቱን ሌሚሴዳዋ ኤሬዳ ዲራው፥ ኣ ኦይቃናው ኮዬዲኖ፤ ሺን ኣሳው ያዪዴ፥ ባሺ ቤዲኖ።
ጊራ ጊራኔ ኣጋኔ ጊያ ኦሻ
(ማት 22፡15-22፤ ሉቅ 20፡20-26)
13ቃሲ ኣ ሃሳያፔ ባላ ዴማና ማላ፥ ፓሪሳዋቱዋፔኔ ሄሮዲሳ ባጋቱዋፔ #12፡13 ሄሮዲሳ ባጋቱዋ፡ ሃዋንታ ጉሳይ ሄዎዴ ዴዒያ ካዉቴ ፖሌቲካ ባጋና ካሴ ዎጋ ሄሮዲሳኔ ኣ ናዓ ሄሮድ ኣንቲጳሳ ባጋቱዋኔ ኡንቱንታ ካሊያ ኣሳቱዋ። ኣማሬዳዋንቱ ኣኮ ኪቲና ዪዴ፥ 14«ታማሪሲያዎ፥ ኔኒ ቱሙዋ ሃሳዪያዋኔ ኣሳፔ ኣሳ ሻኬናዋ ኑኒ ኤሬቶ፤ ኣዪሲ ጎፔ፥ ኔኒ ኣሳ ዱማያካ፤ ቃሲ ፆሳ ኦጊያ ቱማቴን ታማሪሳ። ኑኒ ሮማ ካቲያ ቄሳሬው ጊራ ጊሪያዌ ዎጌዬ ዎጋ ጊዴኔ? ጊራ ጊራኔዬ ዲጋኔ?» ያጌዲኖ።
15ሺን ኡንቱንቱ ሎዓ ማላቲያ ኢታ ኣሳ ጊዴዳዋ ዬሱሲ ኤሪዴ፥ «ታና ኣዪሲ ፓጪቴ? ኢቲ ሳንቲሚያ ሃ ታኮ ኣሂቴ፤ ታኒ ኣኔ ቤዓና» ያጌዳ። 16ኡንቱንቱ ኣው ኣሄዲኖ፤ «ሃ ማላይኔ ሱንይ ኦዌ?» ያጊዴ ኡንቱንታ ኦቼዳ።
ኡንቱንቱ፥ «ቄሳሬዋ» ያጌዲኖ።
17ዬሱሲ ዛሪዴ ኡንቱንታ፥ «ያቶፔ፥ ቄሳሬዋ ቄሳሬሲ፥ ፆሳዋ ፆሳሲ ኢሚቴ» ያጊና ኡንቱንቱ ኣባ ማላሌቴዲኖ።
ሃይቁዋፔ ዴንዱዋ ኦሻ
(ማት 22፡23-33፤ ሉቅ 20፡27-40)
18ሃይቄዳ ኣሳይ ዴንዴና ጊያ ሳዱቃዋናቱዋፔ ኢቲ ኢቲ ኣሳቱ ዬሱሳኮ ዪዴ፥ ሃዋዳን ያጊዴ፥ ኣ ኦቼዲኖ፤ 19«ታማሪሲያዎ፥ ሙሴ ኑሲ ሂጊያ ፃፊዴ፥ ‹ማቻቶ ኣኬዳ ኣሳይ ናዓ ዬሌናን ሃይቆፔ፥ ሄ ሃይቄዳዋ ኢሻይ ኣ ማቻቶ ላቲዴ፥ ባሬ ኢሻው ናዓ ዬላናው ቤሴ› ያጊያዋ ፃፌዳ። #ዛር 25፡5 20ኢቲ ዎዴ ላፑ ኢሻቱ ዴዒያዋንቱፔ ባይራይ ማቻቶ ኣኪዴ፥ ናዓ ዬሌናን ሃይቄዳ። 21ላዔያ ኢሻይ ኢዞ ኣኬዳ፤ ኢካ ናዓ ዬሌናን ሃይቄዳ፤ ሄዜንያዌካ ሄዋዳን ሃኔዳ። 22ላፑናቱካ ኢዞ ኣኪዴ፥ ናዓ ዬሌናን ሃይቄዲኖ፤ ኡባፔ ጉዪያን፥ ቃሲ ሄ ሚሺራታ ሃይቃዱ። 23ያቲና፥ ሃይቄዳ ኣሳይ ሃይቁዋፔ ዴንዲያ ዎዴ፥ ኢዛ ኡንቱንቱፔ ሃቃዎ ማቼ ጊዳኔ? ኣዪሲ ጎፔ፥ ላፑናቱካ ኢዞ ኣኬዲኖ»።
24ዬሱሲ ዛሪዴ ኡንቱንታ፥ «ሂንቴንቱ ባሌቲያዌ፥ ፆሳ ማፃፋቱዋኔ ኣ ዎልቃ ኤሬና ዲራሳ! 25ኣዪሲ ጎፔ፥ ሃይቄዳ ኣሳይ ሃይቁዋፔ ዴንዲያ ዎዴ፥ ሳሉዋን ዴዒያ ኪታንቻቱዋ ማላ ጊዳናፔ ኣቲን፥ ኣቱማ ኣሳይኔ ኣኬና፤ ማጫ ኣሳይኔ ጌሌና። 26ሺን ሃይቄዳዋንቱ ዴንዱዋባ ጊዶፔ፥ ሙሴ ማፃፋን ፃፌቴዳ ፃራጋይ ሚያ ቡራባ ኦዲያ ሳዓን፥ ፆሳይ ሙሳ፥ ‹ታኒ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ጊዲያዋ ኡባካ ናባቢቤይኪቴ? #ኬስ 3፡6 27ኢ ፓፃ ዴዒያዋንቱ ፆሳ ጊዲያዋፔ ኣቲን፥ ሃይቄዳዋንቱ ፆሳ ጊዴና፤ ሂንቴ ዳሪሲ ባሌዲታ» ያጌዳ።
ኡባፔ ኣያ ኣዛዙዋ
(ማት 22፡34-40፤ ሉቅ 10፡25-28)
28ሂጊያ ታማሪሲያዋንቱፔ ኢቱ ኡንቱንቱ ፓሉሜቲያዋ ሺቂዴ ሲሴዳ፤ ቃሲ ዬሱሲ ኡንቱንቶ ሎዖ ዛሬዳዋ ሲሲዴ፥ «ኣዛዙዋ ኡባፔ ኣያ ኣዛዙ ሃቃዌ?» ያጊዴ ዬሱሳ ኦቼዳ።
29ዬሱሲ ዛሪዴ፥ ኣ «ኣዛዙዋ ኡባፔ ኣያ ኣዛዙዋ፥ ‹ኢስራዔሊያ ኣሳይ ሲሲቴ፥ ጎዳይ ኑ ፆሳይ ኢቲ ጎዳ። #ዛር 6፡4-5 30ሂንቴንቱ ጎዳ ሂንቴ ፆሳ ሂንቴ ኩሜን ዎዛናፔ፥ ሂንቴ ኩሜን ሼምፑዋፔ፥ ሂንቴ ኩሜን ቆፋፔ፥ ሂንቴ ኩሜን ዎልቃፔ ሲቂቴ› ያጌ። 31ቃሲ ኣዛዙዋ ኡባፔ ኣያ ላዔን ኣዛዙ ሃዋ፤ ‹ኔኒ ኔ ሾሩዋ ኔ ሁጲያዳን ሲቃ› ጊያዋ፤ ሃዋንቱፔ ኣያ ሃራ ኣዛዙ ባዋ» ያጌዳ። #ዎግ 19፡18
32ሂጊያ ታማሪሲያዌ ዬሱሳ ያጌዳ፤ «ታማሪሲያዎ፥ ቱሙዋ ጋዳ፤ ኔኒ ‹ፆሳይ ኢቲ ፆሳ ፃላላ። ኣፔ ኣቲን፥ ሃራይ ባዋ› ጌዳዌ ቱማ። #ዛር 4፡35 33ፆሳ ኩሜን ዎዛናፔ፥ ኩሜን ቆፋፔኔ ኩሜን ዎልቃፔ ዶሲያዌኔ ቃሲ ባሬ ሾሩዋካ ባሬ ሁጲያዳን ሲቂያዌ፥ ጉዲያ ያርሹዋፔኔ ሃራ ያርሹዋ ኡባፔ ኣ» ያጌዳ። #ሆስ 6፡6
34ዬሱሲ ሂጊያ ታማርሲያዋ ዛሩ ኣ ኤራንቻ ኣሳ ዛሩዋ ጊዴዳዋ ቤዒዴ፥ «ኔኒ ፆሳ ካዉቴፔ ሃካቤይካ» ያጌዳ፤ ሄዋፔ ጉዪያን፥ ዬሱሳ ሃራባ ኦቻናው ኦኒኔ ፃሊቤና።
«ዬሱሲ ኦ ናዔ» ያጊያ ኦሻ
(ማት 22፡41-46፤ ሉቅ 20፡41-46)
35ዬሱሲ ጌሻ ጎሊያን ታማሪሲዴ፥ «ሂጊያ ታማርሲያዋንቱ ኪሪስቶሳ ዎቲ ዳዊቴ ናዓ ጊኖ? 36ዳዊቴ ባሬና ጌሻ ኣያናይ ሃሳዪሲና፥
‹ጎዳይ ታ ጎዳ፥ «ታኒ ኔ ሞርኬቱዋ
ኔኒ ዬ ኤቂያባ ኦና ጋካናው፥
ሃዋን ታፔ ቦንቼታዴ ኡሼቻ ባጋና ኡታ» ጌዳ›
ያጌዳ። #ማዝ 110፡1 37ዳዊቴ ባሬ ሁጴው ኪሪስቶሳ፥ ‹ጎዳ› ጊዴ ፄሶፔ፥ ያቲና፥ ኪሪስቶሲ ዋኒዴ፥ ዳዊቴ ናዓ ጊዲ?» ያጌዳ።
ጮራ ኣሳይ ዬሱሲ ጊያዋ ናሼቻን ሲሴዳ።
ዬሱሲ፥ «ሙሴ ሂጊያ ታማሪሲያዋንቱፔ ናጌቲቴ» ያጌዳ
(ማት 23፡1-36፤ ሉቅ 20፡45-47)
38ዬሱሲ ታማሪሲዴ፥ «ሂጊያ ታማሪሲያዋንቱፔ ናጌቲቴ፤ ኡንቱንቱ ኣዱሳ ማዩዋ ማዪዴ ዩዪያዋኔ ጌያ ሄራንካ ኣሳይ ኡንቱንታ ቦንቺዴ ሳሮቲያዋ ዶሲኖ። 39ኡንቱንቱ ኣዪሁዳ ዎሳ ጎሌቱዋን ዳሪ ሎዒያ ኦይዲያ ዶሲኖ፤ ቃሲ ኣሳይ ባሬንታ ኢማቴን ሞኪያሳንካ ቦንቾ ሳዓ ዶሲኖ። 40ኡንቱንቱ ኣምዔቱ ጎሊያ ቦንቂዴ፥ ባሬንቶ ሎዓ ማላታናው ፆሳ ዎሳ ኣዱሲኖ፤ ኡንቱንቱ ኡባፔ ኣያ ሙራ ኣካናዋንታ» ያጌዳ።
ኣምዓቲ ሚፁዋታ
(ሉቅ 21፡1-4)
41ዬሱሲ ጌሻ ጎሊያን ኢሞታ ዬጊያ ሳፅኒያ ማታን ኡቲዴ፥ ኣሳይ ባሬ ሚሻ ሄ ሳፅኒያን ዬጊያዋ ቤዔዳ፤ ጮራ ዱሬ ኣሳይ ዳሮ ሚሻ ሄ ሳፅኒያን ዬጌዲኖ። 42ኢቲ ሂዬሳ ኣምዓታ ያዴ፥ ኢቲ ሳንቲሚያን ላሜቲያ ላዑ ሴምቤራቱዋ ሄ ሳፅኒያን ዬጋዱ። 43ዬሱሲ ባሬና ካሊያዋንታ ፄሲዴ፥ «ታኒ ሂንቴንቶ ቱሙዋ ጋይ፤ ኢሞታ ሳፅኒያን ዬጌዳ ኣሳ ኡባፔ ሃ ሂዬሳ ኣምዓታ ዳሪሳዴ ዬጋዱ። 44ኣዪሲ ጎፔ፥ ሃራቱ ኡባይ ባሬንቶ ፓላሄዳ ሚሻፔ ዬጌዲኖ፤ ሺን ኢዛ ባሬ ፓጫፔ፥ ባሬው ዴዒያ ዴዑዋ ሙሌካ ኢማ ኣጋዱ» ያጌዳ።
Currently Selected:
ማርቆሳ 12: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaማርቆሳ 12
12
ዎዪኒያ ቱራ ቶኪያ ኦሳንቻቱዋ ሌሚሱዋ
(ማት 21፡33-46፤ ሉቅ 20፡9-19)
1ዬሱሲ ኡንቱንቶ ኦዱዋ ሌሚሱዋን ያጊዴ ዶሜዳ፤ «ኢቲ ቢታኒ ዎዪኒያ ጊያ ቱራ ቶኪዴ፥ ዲርሳ ዩሺ ኣዴ ዲሬዳ፤ ቃሲ ሄ ዎዪኒያ ጉሚዒያ ኦላካ ቦኬዳ፤ ሄዋ ናጊያ ኣሳው ናጊያሳ ኬፄዳ፤ ሄዋፔ ጉዪያን፥ ኮ ኦያ ኣሳው ኢሚዴ፥ ሃራ ጋዴ ቤዳ። #ኢሳ 5፡1-2 2ዎዪኒያ ኣይፊያ ማፂያ ዎዲ ጋኪና፥ ባሬና ጋኪያዋ ኣኪዴ ያና ማላ፥ ኢቲ ቆማ ባሬ ኮዋቱዋኮ ኪቴዳ። 3ኮ ኦያዋንቱ ኣ ቆማ ኦይቂ ዋዴ፥ ኩሼ ሜላ ዬዴዲኖ። 4ላዔዋ ሃራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂዴ ፖኪሲ ዬዴዲኖ። 5ዎዪኒያ ቱራ ጎዳይ ቃሲካ ሃራ ቆማ ኪቴዳ፤ ሄ ቆማ ዎዲኖ፤ ቃሲ ሃራ ጮራቱዋካ ሄዋዳን ኦዲኖ፤ ኢቱዋ ኢቱዋ ዋዴ፥ ሃራቱዋ ዎዲኖ።
6«ዎዪኒያ ቱራ ጎዳው ኪታናው ኡባፔ ዉርሴን ኢ ዳሪ ሲቂያ ኣ ናዓ ፃላላይ ኣቴዳ፤ ኢ፥ ‹ኡንቱንቱ ታ ናዓ ቦንቼናን ኣጊኪኖ› ጊዴ፥ ባሬ ናዓ ኡንቱንቱኮ ኪቴዳ።
7«ሺን ኮ ኦያዋንቱ ባሬንቱ ጊዶን፥ ‹ላታናዌ ሃዋ፤ ቢዴ ኣ ዎይቴ፤ ኣው ዴዒያዌ ኑዋ ጊዳና!› ያጌዲኖ። 8ናዓ ኦይቂ ዎዴ፥ ኣ ኣኃ ዎዪኒያ ቱራ ጊዶፔ ጋፃ ኬሲ ኦሌዲኖ።
9«ሲሚ ዎዪኒያ ቱራ ጎዳይ ዎታኔ? ዪዴ ሄ ኮዋቱዋ ዎ ዉርሲዴ፥ ዎዪኒያ ቱራ ኮ ኦያ ሃራ ኣሳው ኢማናዋ።
10-11‹ጊምቢያዋንቱ ካ ኢፄዳ ሹቻይ
ጎዳ ፃጱዋ ሚኒሲያ፥
ኡባፔ ኣያ ሹቻ ጊዴዳ።
ሃዌ ጎዳይ ኦዳዋ፤
ቃሲ ኑናካ ማላሊሲያዋ›
ያጊያዋ ፆሳ ማፃፋፔ ናባቢቤይኪቴ?» ያጌዳ። #ማዝ 118፡22-23
12ቄሳቱዋ ካፓቱ፥ ሂጊያ ታማሪሲያዋንቱኔ ጪማቱ ዬሱሲ ሄ ሌሚሱዋ ባሬንቱን ሌሚሴዳዋ ኤሬዳ ዲራው፥ ኣ ኦይቃናው ኮዬዲኖ፤ ሺን ኣሳው ያዪዴ፥ ባሺ ቤዲኖ።
ጊራ ጊራኔ ኣጋኔ ጊያ ኦሻ
(ማት 22፡15-22፤ ሉቅ 20፡20-26)
13ቃሲ ኣ ሃሳያፔ ባላ ዴማና ማላ፥ ፓሪሳዋቱዋፔኔ ሄሮዲሳ ባጋቱዋፔ #12፡13 ሄሮዲሳ ባጋቱዋ፡ ሃዋንታ ጉሳይ ሄዎዴ ዴዒያ ካዉቴ ፖሌቲካ ባጋና ካሴ ዎጋ ሄሮዲሳኔ ኣ ናዓ ሄሮድ ኣንቲጳሳ ባጋቱዋኔ ኡንቱንታ ካሊያ ኣሳቱዋ። ኣማሬዳዋንቱ ኣኮ ኪቲና ዪዴ፥ 14«ታማሪሲያዎ፥ ኔኒ ቱሙዋ ሃሳዪያዋኔ ኣሳፔ ኣሳ ሻኬናዋ ኑኒ ኤሬቶ፤ ኣዪሲ ጎፔ፥ ኔኒ ኣሳ ዱማያካ፤ ቃሲ ፆሳ ኦጊያ ቱማቴን ታማሪሳ። ኑኒ ሮማ ካቲያ ቄሳሬው ጊራ ጊሪያዌ ዎጌዬ ዎጋ ጊዴኔ? ጊራ ጊራኔዬ ዲጋኔ?» ያጌዲኖ።
15ሺን ኡንቱንቱ ሎዓ ማላቲያ ኢታ ኣሳ ጊዴዳዋ ዬሱሲ ኤሪዴ፥ «ታና ኣዪሲ ፓጪቴ? ኢቲ ሳንቲሚያ ሃ ታኮ ኣሂቴ፤ ታኒ ኣኔ ቤዓና» ያጌዳ። 16ኡንቱንቱ ኣው ኣሄዲኖ፤ «ሃ ማላይኔ ሱንይ ኦዌ?» ያጊዴ ኡንቱንታ ኦቼዳ።
ኡንቱንቱ፥ «ቄሳሬዋ» ያጌዲኖ።
17ዬሱሲ ዛሪዴ ኡንቱንታ፥ «ያቶፔ፥ ቄሳሬዋ ቄሳሬሲ፥ ፆሳዋ ፆሳሲ ኢሚቴ» ያጊና ኡንቱንቱ ኣባ ማላሌቴዲኖ።
ሃይቁዋፔ ዴንዱዋ ኦሻ
(ማት 22፡23-33፤ ሉቅ 20፡27-40)
18ሃይቄዳ ኣሳይ ዴንዴና ጊያ ሳዱቃዋናቱዋፔ ኢቲ ኢቲ ኣሳቱ ዬሱሳኮ ዪዴ፥ ሃዋዳን ያጊዴ፥ ኣ ኦቼዲኖ፤ 19«ታማሪሲያዎ፥ ሙሴ ኑሲ ሂጊያ ፃፊዴ፥ ‹ማቻቶ ኣኬዳ ኣሳይ ናዓ ዬሌናን ሃይቆፔ፥ ሄ ሃይቄዳዋ ኢሻይ ኣ ማቻቶ ላቲዴ፥ ባሬ ኢሻው ናዓ ዬላናው ቤሴ› ያጊያዋ ፃፌዳ። #ዛር 25፡5 20ኢቲ ዎዴ ላፑ ኢሻቱ ዴዒያዋንቱፔ ባይራይ ማቻቶ ኣኪዴ፥ ናዓ ዬሌናን ሃይቄዳ። 21ላዔያ ኢሻይ ኢዞ ኣኬዳ፤ ኢካ ናዓ ዬሌናን ሃይቄዳ፤ ሄዜንያዌካ ሄዋዳን ሃኔዳ። 22ላፑናቱካ ኢዞ ኣኪዴ፥ ናዓ ዬሌናን ሃይቄዲኖ፤ ኡባፔ ጉዪያን፥ ቃሲ ሄ ሚሺራታ ሃይቃዱ። 23ያቲና፥ ሃይቄዳ ኣሳይ ሃይቁዋፔ ዴንዲያ ዎዴ፥ ኢዛ ኡንቱንቱፔ ሃቃዎ ማቼ ጊዳኔ? ኣዪሲ ጎፔ፥ ላፑናቱካ ኢዞ ኣኬዲኖ»።
24ዬሱሲ ዛሪዴ ኡንቱንታ፥ «ሂንቴንቱ ባሌቲያዌ፥ ፆሳ ማፃፋቱዋኔ ኣ ዎልቃ ኤሬና ዲራሳ! 25ኣዪሲ ጎፔ፥ ሃይቄዳ ኣሳይ ሃይቁዋፔ ዴንዲያ ዎዴ፥ ሳሉዋን ዴዒያ ኪታንቻቱዋ ማላ ጊዳናፔ ኣቲን፥ ኣቱማ ኣሳይኔ ኣኬና፤ ማጫ ኣሳይኔ ጌሌና። 26ሺን ሃይቄዳዋንቱ ዴንዱዋባ ጊዶፔ፥ ሙሴ ማፃፋን ፃፌቴዳ ፃራጋይ ሚያ ቡራባ ኦዲያ ሳዓን፥ ፆሳይ ሙሳ፥ ‹ታኒ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ጊዲያዋ ኡባካ ናባቢቤይኪቴ? #ኬስ 3፡6 27ኢ ፓፃ ዴዒያዋንቱ ፆሳ ጊዲያዋፔ ኣቲን፥ ሃይቄዳዋንቱ ፆሳ ጊዴና፤ ሂንቴ ዳሪሲ ባሌዲታ» ያጌዳ።
ኡባፔ ኣያ ኣዛዙዋ
(ማት 22፡34-40፤ ሉቅ 10፡25-28)
28ሂጊያ ታማሪሲያዋንቱፔ ኢቱ ኡንቱንቱ ፓሉሜቲያዋ ሺቂዴ ሲሴዳ፤ ቃሲ ዬሱሲ ኡንቱንቶ ሎዖ ዛሬዳዋ ሲሲዴ፥ «ኣዛዙዋ ኡባፔ ኣያ ኣዛዙ ሃቃዌ?» ያጊዴ ዬሱሳ ኦቼዳ።
29ዬሱሲ ዛሪዴ፥ ኣ «ኣዛዙዋ ኡባፔ ኣያ ኣዛዙዋ፥ ‹ኢስራዔሊያ ኣሳይ ሲሲቴ፥ ጎዳይ ኑ ፆሳይ ኢቲ ጎዳ። #ዛር 6፡4-5 30ሂንቴንቱ ጎዳ ሂንቴ ፆሳ ሂንቴ ኩሜን ዎዛናፔ፥ ሂንቴ ኩሜን ሼምፑዋፔ፥ ሂንቴ ኩሜን ቆፋፔ፥ ሂንቴ ኩሜን ዎልቃፔ ሲቂቴ› ያጌ። 31ቃሲ ኣዛዙዋ ኡባፔ ኣያ ላዔን ኣዛዙ ሃዋ፤ ‹ኔኒ ኔ ሾሩዋ ኔ ሁጲያዳን ሲቃ› ጊያዋ፤ ሃዋንቱፔ ኣያ ሃራ ኣዛዙ ባዋ» ያጌዳ። #ዎግ 19፡18
32ሂጊያ ታማሪሲያዌ ዬሱሳ ያጌዳ፤ «ታማሪሲያዎ፥ ቱሙዋ ጋዳ፤ ኔኒ ‹ፆሳይ ኢቲ ፆሳ ፃላላ። ኣፔ ኣቲን፥ ሃራይ ባዋ› ጌዳዌ ቱማ። #ዛር 4፡35 33ፆሳ ኩሜን ዎዛናፔ፥ ኩሜን ቆፋፔኔ ኩሜን ዎልቃፔ ዶሲያዌኔ ቃሲ ባሬ ሾሩዋካ ባሬ ሁጲያዳን ሲቂያዌ፥ ጉዲያ ያርሹዋፔኔ ሃራ ያርሹዋ ኡባፔ ኣ» ያጌዳ። #ሆስ 6፡6
34ዬሱሲ ሂጊያ ታማርሲያዋ ዛሩ ኣ ኤራንቻ ኣሳ ዛሩዋ ጊዴዳዋ ቤዒዴ፥ «ኔኒ ፆሳ ካዉቴፔ ሃካቤይካ» ያጌዳ፤ ሄዋፔ ጉዪያን፥ ዬሱሳ ሃራባ ኦቻናው ኦኒኔ ፃሊቤና።
«ዬሱሲ ኦ ናዔ» ያጊያ ኦሻ
(ማት 22፡41-46፤ ሉቅ 20፡41-46)
35ዬሱሲ ጌሻ ጎሊያን ታማሪሲዴ፥ «ሂጊያ ታማርሲያዋንቱ ኪሪስቶሳ ዎቲ ዳዊቴ ናዓ ጊኖ? 36ዳዊቴ ባሬና ጌሻ ኣያናይ ሃሳዪሲና፥
‹ጎዳይ ታ ጎዳ፥ «ታኒ ኔ ሞርኬቱዋ
ኔኒ ዬ ኤቂያባ ኦና ጋካናው፥
ሃዋን ታፔ ቦንቼታዴ ኡሼቻ ባጋና ኡታ» ጌዳ›
ያጌዳ። #ማዝ 110፡1 37ዳዊቴ ባሬ ሁጴው ኪሪስቶሳ፥ ‹ጎዳ› ጊዴ ፄሶፔ፥ ያቲና፥ ኪሪስቶሲ ዋኒዴ፥ ዳዊቴ ናዓ ጊዲ?» ያጌዳ።
ጮራ ኣሳይ ዬሱሲ ጊያዋ ናሼቻን ሲሴዳ።
ዬሱሲ፥ «ሙሴ ሂጊያ ታማሪሲያዋንቱፔ ናጌቲቴ» ያጌዳ
(ማት 23፡1-36፤ ሉቅ 20፡45-47)
38ዬሱሲ ታማሪሲዴ፥ «ሂጊያ ታማሪሲያዋንቱፔ ናጌቲቴ፤ ኡንቱንቱ ኣዱሳ ማዩዋ ማዪዴ ዩዪያዋኔ ጌያ ሄራንካ ኣሳይ ኡንቱንታ ቦንቺዴ ሳሮቲያዋ ዶሲኖ። 39ኡንቱንቱ ኣዪሁዳ ዎሳ ጎሌቱዋን ዳሪ ሎዒያ ኦይዲያ ዶሲኖ፤ ቃሲ ኣሳይ ባሬንታ ኢማቴን ሞኪያሳንካ ቦንቾ ሳዓ ዶሲኖ። 40ኡንቱንቱ ኣምዔቱ ጎሊያ ቦንቂዴ፥ ባሬንቶ ሎዓ ማላታናው ፆሳ ዎሳ ኣዱሲኖ፤ ኡንቱንቱ ኡባፔ ኣያ ሙራ ኣካናዋንታ» ያጌዳ።
ኣምዓቲ ሚፁዋታ
(ሉቅ 21፡1-4)
41ዬሱሲ ጌሻ ጎሊያን ኢሞታ ዬጊያ ሳፅኒያ ማታን ኡቲዴ፥ ኣሳይ ባሬ ሚሻ ሄ ሳፅኒያን ዬጊያዋ ቤዔዳ፤ ጮራ ዱሬ ኣሳይ ዳሮ ሚሻ ሄ ሳፅኒያን ዬጌዲኖ። 42ኢቲ ሂዬሳ ኣምዓታ ያዴ፥ ኢቲ ሳንቲሚያን ላሜቲያ ላዑ ሴምቤራቱዋ ሄ ሳፅኒያን ዬጋዱ። 43ዬሱሲ ባሬና ካሊያዋንታ ፄሲዴ፥ «ታኒ ሂንቴንቶ ቱሙዋ ጋይ፤ ኢሞታ ሳፅኒያን ዬጌዳ ኣሳ ኡባፔ ሃ ሂዬሳ ኣምዓታ ዳሪሳዴ ዬጋዱ። 44ኣዪሲ ጎፔ፥ ሃራቱ ኡባይ ባሬንቶ ፓላሄዳ ሚሻፔ ዬጌዲኖ፤ ሺን ኢዛ ባሬ ፓጫፔ፥ ባሬው ዴዒያ ዴዑዋ ሙሌካ ኢማ ኣጋዱ» ያጌዳ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa