Los Hechos 6
6
Arrpaꞌ allempo net kanxherrsheña ñeñthchaꞌ epatyesawet rreñets
1Allempotheññapaꞌ alloꞌna sen atonetnomtsa ñeñth ameꞌñetsa. Tharraña eꞌñe allempopaꞌ oꞌ sopeꞌchannaꞌtet. Ñewa, tharroꞌmar allempopaꞌ ateth peteꞌth. Patheꞌtets yeth Jesús poeyochreshaꞌpaꞌ oꞌch apaꞌyesan allowen rrethorrnaneshaꞌ rreñets ñeñth palltaꞌyesatseꞌth rreñets. Ñeñth eꞌmoeneꞌ griegaxhpaꞌ ñetpaꞌ ateth otyeset:
—Ñeñth yamoꞌts rrethorrnaneshaꞌpaꞌ ñetpaꞌ ama allponeshakmayeꞌ rreñets agapoeto allpon agapyes ñeñth eꞌmoeneꞌ hebreyaxh. Yamoꞌts rrethorrnaneshaꞌpaꞌ koñeꞌtha agapyeset. Ñeñthña rrethorrnaneshaꞌ ñeñth eꞌmoeneꞌ hebreyaxhpaꞌ shonteꞌ rreñets agapyeset. Atthothña sopeꞌchannaꞌtet. 2Allempoñapaꞌ ñeñth xharrasheña poechena epa ñeñthara Jesús poellsensarpaꞌ ñetñapaꞌ agotatwet allowen ñeñth ameꞌñetsa. Oꞌña apxhaꞌwetpaꞌ ateth otarethtapoet:
—Yapaꞌ ama tama pokteyeꞌ yenteñe amaꞌt mameshapaꞌ oꞌch yaꞌrroya serrpareꞌteꞌ Yompor poꞌñoñ. Shonteꞌ yeth yaꞌpertaten atthoch yapaꞌyes allowen rrethorrnaneshaꞌ rreñets. 3Añña pokteꞌ masheñneshachaꞌ, oꞌch seꞌñ kanxherrsheña ñeñthara ñeñthey ameꞌñetsa arr parro —erraꞌtsentheꞌ kowen acheñ senten ñamha ñeñth chorrena Parets Poekamkëñ ñamha ñeñth atarr eñoteneꞌ ñeñth kowentetsa Yomporekop. Añ ñeñthara kanxherrsheña ñeñthchaꞌ poꞌtarwas pet atthoch epatyeset ñeñth palltaꞌyetsa rreñets. 4Allochñapaꞌ yapaꞌ añach yemaꞌyoxhra maꞌyochatsa ñamha oꞌch yaꞌpothoñ Yompor poꞌñoñ. Ñeñthach patherr yethorrena. Ateth otanet Jesús poeyochreshaꞌ.
5Allempoña acheñeneshaꞌpaꞌ eꞌñe pokteꞌ eñchet allowenet. Allempoñapaꞌ oꞌ neñet Esteban ñeñth nanak ameꞌñetsa ñeñth eꞌñe chorrena Parets Poekamkëñ. Allothpaꞌ neñet ñamha Felipe, ñamha Prócoro ñamha Nicanor ñamha Timón ñamha Parmenas ñamha Nicolás ñeñth antioquioꞌmarneshaꞌ ñeñth awathotheñ ameꞌñateꞌth judioneshaꞌ. 6Añña ñeñth kanxherrsheña acheñpaꞌ oꞌ awapatarethtet alloꞌtsen Jesús poellsensarneshaꞌ. Añña allsensarethneshaꞌpaꞌ allentha maꞌyochampesyet, oꞌ net pot ñesheto, ateth otarethtet ñeñthchaꞌ poꞌtarwas pet.
7Allempoñapaꞌ oꞌ eꞌñe epaꞌwa Yompor poꞌñoñ ora. Allempoñapaꞌ alloꞌna sen shontaꞌnmatsa ñeñth ameꞌñetsa all Jerusaléño. Allempopaꞌ shonteꞌ judioneshaꞌ poꞌkornaneshar ameꞌñatsa.
Allempo rromoet Esteban
8Añña Estebanpaꞌ Yompor pomoereñothpaꞌ nanak amoerañta. Eꞌñe Parets poꞌwamenkothpaꞌ orrtatanet ñeñth ama poentareto attho eñochet añmapaꞌ poꞌñoxh Parets poꞌwamenkoth orrtena. 9Allempoñapaꞌ poesheñaꞌtets judioneshaꞌ oꞌ achmeñet Esteban poꞌñoñ. Añña judioneshaꞌ ñeñthara oteñet libertinaneshaꞌ. Ñetñapaꞌ alla apxhenet poꞌprawo. Ñamha poꞌpotantañ judioneshaꞌ ñeñth wetsa Cireneoth ñamha Alejandríoth ñamha Cilicioth ñamha Asiothpaꞌ —ora allowenetpaꞌ eꞌñe parrokma achmhareꞌtoñet Esteban poꞌñoñ. 10Tharraña Estebanpaꞌ nanak es eñot attho serrpareꞌten. Ñetpaꞌ ama errothenoth anapeto. Estebanpaꞌ añ chorrayeꞌth Parets Poekamkëñ, ñeñthoꞌmarña ama errothenoth anapeteꞌthe. 11Allempoñapaꞌ tsaꞌchet poꞌpotantañ acheñ añekop atthoch tomaꞌtatoñet Esteban poꞌñoñ. Ñeñth atsaꞌtarethpaꞌ ateth otet:
—Yapaꞌ oꞌ yeꞌmh Esteban añ achmhareꞌten Moisés poꞌñoñ amaꞌt ñamha Yomporpaꞌ achmeñ. Ateth tomaꞌtatoñet Esteban poꞌñoñ.
12Allempoña acheñeneshaꞌ ateth eꞌmoetpaꞌ oꞌ eꞌmoñeꞌchet Esteban. Oꞌ wapa ñeñth pomporneshaꞌ pen judioneshaꞌ, wapa ñamha ñeñth etsoteneꞌ Moisés poꞌñoñ. Wapapaꞌ oꞌ rromoeñetaꞌ Esteban oꞌ anmet amhchaꞌtarethneshesho allekma aꞌpoktatenet ñoñets. 13Xhapoet allpaꞌ alla tomaꞌtatwerrñañeterr Esteban poꞌñoñ, ateth otoset:
—Añ Estebanpaꞌ xhokma achmhareꞌtenan Parets paꞌpakëll ñamha xhokma achmhareꞌtenan Moisés poꞌñoñ.
14Alla oterreterr ñeñth atsaꞌtareth:
—Yapaꞌ oꞌ yeꞌmh Esteban ateth oten añ Jesús ñeñth nazaretoꞌmarneshaꞌpaꞌ oꞌch aꞌmatamphsey Parets paꞌpakëllpaꞌ oꞌch waporeꞌtatonay ateth yexhatyeꞌth Moisés.
15Allempoñapaꞌ allowenet ñeñth alloꞌtsaꞌyen oꞌ kowanrrorchet Esteban. Tharraña oꞌ eñchet eꞌñe kowen orrtena paꞌklloyoth ateth orrtena ñerraꞌmrratheꞌ Yompor poꞌmhllañotheñer ñeñth wetsa entoth.
Currently Selected:
Los Hechos 6: ame
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Los Hechos 6
6
Arrpaꞌ allempo net kanxherrsheña ñeñthchaꞌ epatyesawet rreñets
1Allempotheññapaꞌ alloꞌna sen atonetnomtsa ñeñth ameꞌñetsa. Tharraña eꞌñe allempopaꞌ oꞌ sopeꞌchannaꞌtet. Ñewa, tharroꞌmar allempopaꞌ ateth peteꞌth. Patheꞌtets yeth Jesús poeyochreshaꞌpaꞌ oꞌch apaꞌyesan allowen rrethorrnaneshaꞌ rreñets ñeñth palltaꞌyesatseꞌth rreñets. Ñeñth eꞌmoeneꞌ griegaxhpaꞌ ñetpaꞌ ateth otyeset:
—Ñeñth yamoꞌts rrethorrnaneshaꞌpaꞌ ñetpaꞌ ama allponeshakmayeꞌ rreñets agapoeto allpon agapyes ñeñth eꞌmoeneꞌ hebreyaxh. Yamoꞌts rrethorrnaneshaꞌpaꞌ koñeꞌtha agapyeset. Ñeñthña rrethorrnaneshaꞌ ñeñth eꞌmoeneꞌ hebreyaxhpaꞌ shonteꞌ rreñets agapyeset. Atthothña sopeꞌchannaꞌtet. 2Allempoñapaꞌ ñeñth xharrasheña poechena epa ñeñthara Jesús poellsensarpaꞌ ñetñapaꞌ agotatwet allowen ñeñth ameꞌñetsa. Oꞌña apxhaꞌwetpaꞌ ateth otarethtapoet:
—Yapaꞌ ama tama pokteyeꞌ yenteñe amaꞌt mameshapaꞌ oꞌch yaꞌrroya serrpareꞌteꞌ Yompor poꞌñoñ. Shonteꞌ yeth yaꞌpertaten atthoch yapaꞌyes allowen rrethorrnaneshaꞌ rreñets. 3Añña pokteꞌ masheñneshachaꞌ, oꞌch seꞌñ kanxherrsheña ñeñthara ñeñthey ameꞌñetsa arr parro —erraꞌtsentheꞌ kowen acheñ senten ñamha ñeñth chorrena Parets Poekamkëñ ñamha ñeñth atarr eñoteneꞌ ñeñth kowentetsa Yomporekop. Añ ñeñthara kanxherrsheña ñeñthchaꞌ poꞌtarwas pet atthoch epatyeset ñeñth palltaꞌyetsa rreñets. 4Allochñapaꞌ yapaꞌ añach yemaꞌyoxhra maꞌyochatsa ñamha oꞌch yaꞌpothoñ Yompor poꞌñoñ. Ñeñthach patherr yethorrena. Ateth otanet Jesús poeyochreshaꞌ.
5Allempoña acheñeneshaꞌpaꞌ eꞌñe pokteꞌ eñchet allowenet. Allempoñapaꞌ oꞌ neñet Esteban ñeñth nanak ameꞌñetsa ñeñth eꞌñe chorrena Parets Poekamkëñ. Allothpaꞌ neñet ñamha Felipe, ñamha Prócoro ñamha Nicanor ñamha Timón ñamha Parmenas ñamha Nicolás ñeñth antioquioꞌmarneshaꞌ ñeñth awathotheñ ameꞌñateꞌth judioneshaꞌ. 6Añña ñeñth kanxherrsheña acheñpaꞌ oꞌ awapatarethtet alloꞌtsen Jesús poellsensarneshaꞌ. Añña allsensarethneshaꞌpaꞌ allentha maꞌyochampesyet, oꞌ net pot ñesheto, ateth otarethtet ñeñthchaꞌ poꞌtarwas pet.
7Allempoñapaꞌ oꞌ eꞌñe epaꞌwa Yompor poꞌñoñ ora. Allempoñapaꞌ alloꞌna sen shontaꞌnmatsa ñeñth ameꞌñetsa all Jerusaléño. Allempopaꞌ shonteꞌ judioneshaꞌ poꞌkornaneshar ameꞌñatsa.
Allempo rromoet Esteban
8Añña Estebanpaꞌ Yompor pomoereñothpaꞌ nanak amoerañta. Eꞌñe Parets poꞌwamenkothpaꞌ orrtatanet ñeñth ama poentareto attho eñochet añmapaꞌ poꞌñoxh Parets poꞌwamenkoth orrtena. 9Allempoñapaꞌ poesheñaꞌtets judioneshaꞌ oꞌ achmeñet Esteban poꞌñoñ. Añña judioneshaꞌ ñeñthara oteñet libertinaneshaꞌ. Ñetñapaꞌ alla apxhenet poꞌprawo. Ñamha poꞌpotantañ judioneshaꞌ ñeñth wetsa Cireneoth ñamha Alejandríoth ñamha Cilicioth ñamha Asiothpaꞌ —ora allowenetpaꞌ eꞌñe parrokma achmhareꞌtoñet Esteban poꞌñoñ. 10Tharraña Estebanpaꞌ nanak es eñot attho serrpareꞌten. Ñetpaꞌ ama errothenoth anapeto. Estebanpaꞌ añ chorrayeꞌth Parets Poekamkëñ, ñeñthoꞌmarña ama errothenoth anapeteꞌthe. 11Allempoñapaꞌ tsaꞌchet poꞌpotantañ acheñ añekop atthoch tomaꞌtatoñet Esteban poꞌñoñ. Ñeñth atsaꞌtarethpaꞌ ateth otet:
—Yapaꞌ oꞌ yeꞌmh Esteban añ achmhareꞌten Moisés poꞌñoñ amaꞌt ñamha Yomporpaꞌ achmeñ. Ateth tomaꞌtatoñet Esteban poꞌñoñ.
12Allempoña acheñeneshaꞌ ateth eꞌmoetpaꞌ oꞌ eꞌmoñeꞌchet Esteban. Oꞌ wapa ñeñth pomporneshaꞌ pen judioneshaꞌ, wapa ñamha ñeñth etsoteneꞌ Moisés poꞌñoñ. Wapapaꞌ oꞌ rromoeñetaꞌ Esteban oꞌ anmet amhchaꞌtarethneshesho allekma aꞌpoktatenet ñoñets. 13Xhapoet allpaꞌ alla tomaꞌtatwerrñañeterr Esteban poꞌñoñ, ateth otoset:
—Añ Estebanpaꞌ xhokma achmhareꞌtenan Parets paꞌpakëll ñamha xhokma achmhareꞌtenan Moisés poꞌñoñ.
14Alla oterreterr ñeñth atsaꞌtareth:
—Yapaꞌ oꞌ yeꞌmh Esteban ateth oten añ Jesús ñeñth nazaretoꞌmarneshaꞌpaꞌ oꞌch aꞌmatamphsey Parets paꞌpakëllpaꞌ oꞌch waporeꞌtatonay ateth yexhatyeꞌth Moisés.
15Allempoñapaꞌ allowenet ñeñth alloꞌtsaꞌyen oꞌ kowanrrorchet Esteban. Tharraña oꞌ eñchet eꞌñe kowen orrtena paꞌklloyoth ateth orrtena ñerraꞌmrratheꞌ Yompor poꞌmhllañotheñer ñeñth wetsa entoth.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.