Lugu 15
15
Gosɔta gə́ wɔji dɔ badə gə́ ndəm igi nɛ dee tel d’iŋgá lé
Mat 18.12-14
1Njétaa lar-gədɓeeje lai ləm gə kaiya-dəwje ləm tɔ kiri na̰ dɔ Jeju’g mba koo ta ləa. 2Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né#Lug 5.29-30.
3Nɛ yeḛ un gosota nee ula dee ne pana: 4See dəw gə́ ra ɓa mbuna sí’g ɓa ɓó lé badje ləa tɔl ɓa yee gə́ kára ndəm igi ndá see yeḛ a kuba njé gə́ rɔ-jinaikara-gir-dee-jinaikara kya̰ dee dɔdilaloo’g mba kɔd kaw saŋg yee gə́ kára gə́ ndəm igi neelé saar kiŋgá ɓa el wa. 5Loo gə́ yeḛ iŋgá mba̰ ndá yeḛ a kunee kɔdee dɔ tamee’g gə meendakaḭ ya. 6Loo gə́ yeḛ tel ree kəi mba̰ ndá yeḛ a ɓar baokuraje ləa gə njéboatakəije ləa ndá a kula dee pana: Raje səm rɔlel mbata badə ləm gə́ ndəm igi lé ma m’iŋgá mba̰ ya. 7Togə́bè ɓa ma m’ula sí təsərə, dəw gə́ njekaiya kára ba kiao gə́ wa ndòo rəa dɔ kaiya’g ləa lé ndá d’a ra rɔlel dəa’g dara yaa̰ unda rɔlel gə́ d’a ra dɔ njémeekarabasurje gə́ rɔ-jinaikara-gir-dee-jinaikara gə́ d’oo néra dee gə́ kəm kwa ndòo rɔ dee dɔ’g godo lé tɔ.
Ŋgon lar gə́ igi lé njea iŋga
8Ǝsé dené gə́ ra ɓa ɓó lé ŋgan lar gə́ ndá to jia’g dɔg nɛ yee gə́ kára oso igi ndá see yeḛ a kɔs néndogó’g kwa ne loo mee kəi’g, ndolee kwa loo wɔr-wɔr saar kiŋga el wa. 9Loo gə́ yeḛ iŋga mba̰ ndá yeḛ a ɓar baokuraje ləa gə njéboatakəije ləa ndá a kula dee pana: Raje səm rɔlel mbata lar ləm gə́ ndá gə́ kára gə́ igi lé ma m’iŋga mba̰ ya. 10Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.
Ŋgon gə́ ndəm igi lé d’iŋgá mba̰
11Yeḛ ula dee ta gə́ raŋg tɔɓəi pana: Dəw kára bèe ŋganee gə́ diŋgam deḛ joo. 12Yeḛ gə́ ndɔḭ lé ula bɔbeeje pana: Bɔm, unda kəm né gə́ wɔji dɔm gə́ kama lé am. Ndá bɔbeeje lé unda kəmee kai dee ya tɔ. 13Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g. 14Loo gə́ yeḛ tuji lar ləa lai ndá ɓoo-boo oso bib mee ɓee’g neelé aree ndòo yaa̰ tɔ. 15Yen ŋga yeḛ aw təd magə kəi lə dəw kára gə́ njeɓee ndá dəw nee aree aw ndɔ ləa gə́ mba ŋgəm bər-kosoje ləa keneŋ. 16Kandə moŋg gə́ bərje d’usɔ lé yeḛ ndiŋga rəa yaa̰ gə mba kula mée’g mér-mér sə dee tɔ, nɛ dəw un kára kara gə mba karee to̰ mbag el. 17Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa. 18M’a kuba naŋg kḭ kaw rɔ bɔm’g ndá m’a kulá pana: Bɔm, ma m’ra kaiya m’ula ne sul dɔ dara’g ləm, gə dɔi-i’g ləm tɔ. 19Ma m’askəm kari ɓarm ŋgoni gogo el ŋga, nɛ maji kari ra səm to gə́ i ra gə njékulaje ləi bèe ya ŋga. 20Yeḛ uba naŋg ḭ mba kaw ɓee lə bɔbeeje lé.
Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud. 21Ŋgon lé ula bɔbeeje pana: Bɔm, m’ra kaiya, m’ula ne sul dɔ dara’g ləm, gə dɔi-i’g ləm tɔ ɓó m’askəm kari ɓarm ŋgoni gogo el ŋga 22Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ. 23Maji kar sí ɔd aw reeje gə ŋgon maŋg gə́ ər ndɔl-ndɔl ree tɔleeje. Ar sí j’usɔje j’alje ne rɔ sí. 24Mbata ŋgonəm nee gə́ wəi lé yeḛ tel si kəmba ləm, yeḛ ndəm igi né jeḛ j’iŋgá mba̰ ləm tɔ. Yen ŋga deḛ d’un kudu kal rɔ dee ŋga.
25Nɛ ŋgondər lé nai loo-ndɔ’g walá ɓəi. Loo gə́ yeḛ ḭ ndɔ’g lé unda dɔ kəi dəb ndá yeḛ oo ndu nékimje ləm, gə ndu dəwje gə́ njéndamje ləm tɔ. 26Yeḛ ɓar kura kára dəjee ginee. 27Kura lé ulá pana: Ŋgokɔḭ lé ɓa ree ndá bɔbije tɔl ŋgon maŋg gə́ ər ndɔl-ndɔl mbata yeḛ iŋgá gə́ majee ya. 28Ŋgondər neelé oso gə oŋg biriŋ, ndigi kaw kəi el. Ndá bɔbeeje unda loo teḛ, ree ra ndòo rəa’g gə mba karee andə aw kəi. 29Nɛ yeḛ ila bɔbeeje’g pana: Aa oo, ma lé m’isi səi ləbm bula-bula m’ra kula m’ari ləm, ndɔ kára kara m’al ta tai’g bèe el ləm tɔ. Nɛ ŋgon bya̰ kára kara i am gə mba kar baokuraje ləm ra ne səm rɔlel bèe el. 30Nɛ loo gə́ ŋgoni gə́ njetuji néje ləi kɔ dɔ kaiya-denéje’g ree mba̰ ndá i wa ŋgon maŋg gə́ ər ndɔl-ndɔl tɔl aree. 31Bɔbeeje tel ulá pana: Ŋgonəm, i si səm saar ɓasinè ya ar néje ləm lai to gə́ kaḭ ya, 32nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.
Currently Selected:
Lugu 15: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Lugu 15
15
Gosɔta gə́ wɔji dɔ badə gə́ ndəm igi nɛ dee tel d’iŋgá lé
Mat 18.12-14
1Njétaa lar-gədɓeeje lai ləm gə kaiya-dəwje ləm tɔ kiri na̰ dɔ Jeju’g mba koo ta ləa. 2Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né#Lug 5.29-30.
3Nɛ yeḛ un gosota nee ula dee ne pana: 4See dəw gə́ ra ɓa mbuna sí’g ɓa ɓó lé badje ləa tɔl ɓa yee gə́ kára ndəm igi ndá see yeḛ a kuba njé gə́ rɔ-jinaikara-gir-dee-jinaikara kya̰ dee dɔdilaloo’g mba kɔd kaw saŋg yee gə́ kára gə́ ndəm igi neelé saar kiŋgá ɓa el wa. 5Loo gə́ yeḛ iŋgá mba̰ ndá yeḛ a kunee kɔdee dɔ tamee’g gə meendakaḭ ya. 6Loo gə́ yeḛ tel ree kəi mba̰ ndá yeḛ a ɓar baokuraje ləa gə njéboatakəije ləa ndá a kula dee pana: Raje səm rɔlel mbata badə ləm gə́ ndəm igi lé ma m’iŋgá mba̰ ya. 7Togə́bè ɓa ma m’ula sí təsərə, dəw gə́ njekaiya kára ba kiao gə́ wa ndòo rəa dɔ kaiya’g ləa lé ndá d’a ra rɔlel dəa’g dara yaa̰ unda rɔlel gə́ d’a ra dɔ njémeekarabasurje gə́ rɔ-jinaikara-gir-dee-jinaikara gə́ d’oo néra dee gə́ kəm kwa ndòo rɔ dee dɔ’g godo lé tɔ.
Ŋgon lar gə́ igi lé njea iŋga
8Ǝsé dené gə́ ra ɓa ɓó lé ŋgan lar gə́ ndá to jia’g dɔg nɛ yee gə́ kára oso igi ndá see yeḛ a kɔs néndogó’g kwa ne loo mee kəi’g, ndolee kwa loo wɔr-wɔr saar kiŋga el wa. 9Loo gə́ yeḛ iŋga mba̰ ndá yeḛ a ɓar baokuraje ləa gə njéboatakəije ləa ndá a kula dee pana: Raje səm rɔlel mbata lar ləm gə́ ndá gə́ kára gə́ igi lé ma m’iŋga mba̰ ya. 10Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.
Ŋgon gə́ ndəm igi lé d’iŋgá mba̰
11Yeḛ ula dee ta gə́ raŋg tɔɓəi pana: Dəw kára bèe ŋganee gə́ diŋgam deḛ joo. 12Yeḛ gə́ ndɔḭ lé ula bɔbeeje pana: Bɔm, unda kəm né gə́ wɔji dɔm gə́ kama lé am. Ndá bɔbeeje lé unda kəmee kai dee ya tɔ. 13Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g. 14Loo gə́ yeḛ tuji lar ləa lai ndá ɓoo-boo oso bib mee ɓee’g neelé aree ndòo yaa̰ tɔ. 15Yen ŋga yeḛ aw təd magə kəi lə dəw kára gə́ njeɓee ndá dəw nee aree aw ndɔ ləa gə́ mba ŋgəm bər-kosoje ləa keneŋ. 16Kandə moŋg gə́ bərje d’usɔ lé yeḛ ndiŋga rəa yaa̰ gə mba kula mée’g mér-mér sə dee tɔ, nɛ dəw un kára kara gə mba karee to̰ mbag el. 17Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa. 18M’a kuba naŋg kḭ kaw rɔ bɔm’g ndá m’a kulá pana: Bɔm, ma m’ra kaiya m’ula ne sul dɔ dara’g ləm, gə dɔi-i’g ləm tɔ. 19Ma m’askəm kari ɓarm ŋgoni gogo el ŋga, nɛ maji kari ra səm to gə́ i ra gə njékulaje ləi bèe ya ŋga. 20Yeḛ uba naŋg ḭ mba kaw ɓee lə bɔbeeje lé.
Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud. 21Ŋgon lé ula bɔbeeje pana: Bɔm, m’ra kaiya, m’ula ne sul dɔ dara’g ləm, gə dɔi-i’g ləm tɔ ɓó m’askəm kari ɓarm ŋgoni gogo el ŋga 22Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ. 23Maji kar sí ɔd aw reeje gə ŋgon maŋg gə́ ər ndɔl-ndɔl ree tɔleeje. Ar sí j’usɔje j’alje ne rɔ sí. 24Mbata ŋgonəm nee gə́ wəi lé yeḛ tel si kəmba ləm, yeḛ ndəm igi né jeḛ j’iŋgá mba̰ ləm tɔ. Yen ŋga deḛ d’un kudu kal rɔ dee ŋga.
25Nɛ ŋgondər lé nai loo-ndɔ’g walá ɓəi. Loo gə́ yeḛ ḭ ndɔ’g lé unda dɔ kəi dəb ndá yeḛ oo ndu nékimje ləm, gə ndu dəwje gə́ njéndamje ləm tɔ. 26Yeḛ ɓar kura kára dəjee ginee. 27Kura lé ulá pana: Ŋgokɔḭ lé ɓa ree ndá bɔbije tɔl ŋgon maŋg gə́ ər ndɔl-ndɔl mbata yeḛ iŋgá gə́ majee ya. 28Ŋgondər neelé oso gə oŋg biriŋ, ndigi kaw kəi el. Ndá bɔbeeje unda loo teḛ, ree ra ndòo rəa’g gə mba karee andə aw kəi. 29Nɛ yeḛ ila bɔbeeje’g pana: Aa oo, ma lé m’isi səi ləbm bula-bula m’ra kula m’ari ləm, ndɔ kára kara m’al ta tai’g bèe el ləm tɔ. Nɛ ŋgon bya̰ kára kara i am gə mba kar baokuraje ləm ra ne səm rɔlel bèe el. 30Nɛ loo gə́ ŋgoni gə́ njetuji néje ləi kɔ dɔ kaiya-denéje’g ree mba̰ ndá i wa ŋgon maŋg gə́ ər ndɔl-ndɔl tɔl aree. 31Bɔbeeje tel ulá pana: Ŋgonəm, i si səm saar ɓasinè ya ar néje ləm lai to gə́ kaḭ ya, 32nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.