Bula lə Israɛlje 36
36
Godndu gə́ wɔji dɔ taa denéje gə́ d’wa gə́ nénduba
1Mbaije lə gel-bɔje lə Galaad, gə́ to ŋgolə Makir, gə́ to ŋgolə Manasə, gə́ to gə́ mbuna gel-bɔje’g lə ŋgalə Jisəb lé ree rɔ Moyis’g gə no̰ mbaije gə́ to mbai dɔ gel-bɔje lə ŋgan Israɛlje lé 2d’ula pana: Njesigənea̰ un ndia ar mbai lə sí mba karee kai ɓee gə goo nékwɔji lée lé kar Israɛlje. Mbai lə sí lé Njesigənea̰ aree ndukun mba kar nénduba lə Selopad gə́ to ŋgoko̰ sí lé tel to ka̰ ŋganeeje gə́ dené tɔ#BI 27.7 . 3Ɓó lé denéje d’a taa ŋgaw mbuna ginkoji Israɛlje gə́ raŋg’d ndá d’a kɔr nénduba lə dee mbuna nénduba ka̰ bɔ síje’g kaw kɔm dɔ yeḛ gə́ ginkoji ləa raŋg gə́ deḛ təa lé, bèe ɓa nénduba gə́ j’iŋga gə goo nékwɔji lée lé a keḭ el. 4Loo gə́ ləb kalrɔ lə ŋgan Israɛlje gə́ baree naḭ jubile lé a teḛ ndá d’a kila nénduba lə dee dɔ ka̰ yeḛ gə́ ginkoji ləa raŋg gə́ deḛ təa lé ndá d’a kɔr nénduba neelé ji yeḛ gə́ ginkojee to gə́ ginkoji’g lə bɔ síje lé.
5Moyis ndaji ndukunje gə́ Njesigənea̰ ulá lé ar Israɛlje pana: Ta lə ginkoji ŋgalə Jisəb lé to lée’g ya. 6Né gə́ Njesigənea̰ un ndia dɔ’g wɔji ne dɔ ŋgalə Selopad gə́ dené lé ɓa nee: D’a kaskəm taa nana kara to gə́ meḛ dee ndigi nɛ d’a taa deḛ gə́ ginkoji’g lə bɔ deeje-je ɓa. 7Togə́bè ɓa nénduba kára kara gə́ mbuna Israɛlje’g a kḭ ginkoji gə́ kára’g kaw ginkoji gə́ raŋg’d el, nɛ Israɛlje lé nana kara a kɔm mée dɔ nénduba’d gə́ to ka̰ ginkoji lə bɔbeeje ya. 8Ŋgoma̰də gə́ rara kara gə́ iŋga nénduba mbuna ginkoji Israɛlje’g ndá a taa ŋgaw mbuna njénojije gə́ ginkoji’g lə bɔbeeje mba kar Israɛlje kára-kára lai d’iŋga nénduba gə́ wɔji dɔ bɔ deeje. 9Togə́bè ɓa nénduba kára kara gə́ mbuna Israɛlje’g a kḭ ginkoji gə́ kára’g kaw ginkoji gə́ raŋg’d el, nɛ ginkoji Israɛlje lai lé nana kara a kɔm mée dɔ nénduba gə́ to kea̰-yeḛ’g ya.
10Ŋgalə Selopad gə́ dené lé ra né gə́ Njesigənea̰ un ne ndia ar Moyis lé ya. 11Mahla, Tirsa, Hogla, Milka, gə Noa, ŋgalə Selopad gə́ dené lé deḛ taa ŋgabɔ deeje ya, 12deḛ taa ŋgaw mbuna gel bɔ’g lə ŋgalə Manasə gə́ to ŋgolə Jisəb, d’ar nénduba lə dee to mbuna ginkoji’g lə gel-bɔje’g lə dee ya tɔ.
13Yee ɓa to godnduje gə ndukunje gə́ Njesigənea̰ un ar ŋgan Israɛlje gə ndu Moyis mee ndag-loo gə́ Moab gə́ to mbɔr baa gə́ Jurdɛ̰, gə́ wɔji dɔ Jeriko njoroŋ lé tɔ.
Currently Selected:
Bula lə Israɛlje 36: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Bula lə Israɛlje 36
36
Godndu gə́ wɔji dɔ taa denéje gə́ d’wa gə́ nénduba
1Mbaije lə gel-bɔje lə Galaad, gə́ to ŋgolə Makir, gə́ to ŋgolə Manasə, gə́ to gə́ mbuna gel-bɔje’g lə ŋgalə Jisəb lé ree rɔ Moyis’g gə no̰ mbaije gə́ to mbai dɔ gel-bɔje lə ŋgan Israɛlje lé 2d’ula pana: Njesigənea̰ un ndia ar mbai lə sí mba karee kai ɓee gə goo nékwɔji lée lé kar Israɛlje. Mbai lə sí lé Njesigənea̰ aree ndukun mba kar nénduba lə Selopad gə́ to ŋgoko̰ sí lé tel to ka̰ ŋganeeje gə́ dené tɔ#BI 27.7 . 3Ɓó lé denéje d’a taa ŋgaw mbuna ginkoji Israɛlje gə́ raŋg’d ndá d’a kɔr nénduba lə dee mbuna nénduba ka̰ bɔ síje’g kaw kɔm dɔ yeḛ gə́ ginkoji ləa raŋg gə́ deḛ təa lé, bèe ɓa nénduba gə́ j’iŋga gə goo nékwɔji lée lé a keḭ el. 4Loo gə́ ləb kalrɔ lə ŋgan Israɛlje gə́ baree naḭ jubile lé a teḛ ndá d’a kila nénduba lə dee dɔ ka̰ yeḛ gə́ ginkoji ləa raŋg gə́ deḛ təa lé ndá d’a kɔr nénduba neelé ji yeḛ gə́ ginkojee to gə́ ginkoji’g lə bɔ síje lé.
5Moyis ndaji ndukunje gə́ Njesigənea̰ ulá lé ar Israɛlje pana: Ta lə ginkoji ŋgalə Jisəb lé to lée’g ya. 6Né gə́ Njesigənea̰ un ndia dɔ’g wɔji ne dɔ ŋgalə Selopad gə́ dené lé ɓa nee: D’a kaskəm taa nana kara to gə́ meḛ dee ndigi nɛ d’a taa deḛ gə́ ginkoji’g lə bɔ deeje-je ɓa. 7Togə́bè ɓa nénduba kára kara gə́ mbuna Israɛlje’g a kḭ ginkoji gə́ kára’g kaw ginkoji gə́ raŋg’d el, nɛ Israɛlje lé nana kara a kɔm mée dɔ nénduba’d gə́ to ka̰ ginkoji lə bɔbeeje ya. 8Ŋgoma̰də gə́ rara kara gə́ iŋga nénduba mbuna ginkoji Israɛlje’g ndá a taa ŋgaw mbuna njénojije gə́ ginkoji’g lə bɔbeeje mba kar Israɛlje kára-kára lai d’iŋga nénduba gə́ wɔji dɔ bɔ deeje. 9Togə́bè ɓa nénduba kára kara gə́ mbuna Israɛlje’g a kḭ ginkoji gə́ kára’g kaw ginkoji gə́ raŋg’d el, nɛ ginkoji Israɛlje lai lé nana kara a kɔm mée dɔ nénduba gə́ to kea̰-yeḛ’g ya.
10Ŋgalə Selopad gə́ dené lé ra né gə́ Njesigənea̰ un ne ndia ar Moyis lé ya. 11Mahla, Tirsa, Hogla, Milka, gə Noa, ŋgalə Selopad gə́ dené lé deḛ taa ŋgabɔ deeje ya, 12deḛ taa ŋgaw mbuna gel bɔ’g lə ŋgalə Manasə gə́ to ŋgolə Jisəb, d’ar nénduba lə dee to mbuna ginkoji’g lə gel-bɔje’g lə dee ya tɔ.
13Yee ɓa to godnduje gə ndukunje gə́ Njesigənea̰ un ar ŋgan Israɛlje gə ndu Moyis mee ndag-loo gə́ Moab gə́ to mbɔr baa gə́ Jurdɛ̰, gə́ wɔji dɔ Jeriko njoroŋ lé tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.