Gén 8
8
Ileyej tä iwomchä
1-2Wet Dios yen tichunhayaja Noé lhäy'e nilhokej itshätäy tä iyej tä ihi lehi. Wet hip'ohiche lewomekitas tä wasomche, wet äp hip'ohiche lepelis tä ipuleye, wet ileyej tä iwomchä. Wet Dios ne'tek iche yafwthi tä yafwutpe inät, 3wet tä nichäte ciento cincuenta ifwalas iwo tesa tä yiklhahchä tä y'im. 4Wet iwel'a siete p'ante, häp ifwala tä diecisiete, lehi nichätpe p'ante chenhas tä lhey Ararat. 5Wet inät yik t'at tä t'aylhahchä, wet häp iwel'a diez, häp ifwala tä ichun, nech'e n'änhiche chenhas tä atoschephä.
6Tä tajyäme p'ante cuarenta ifwalas, Noé ifwoyenche ventana tä ihi lehi 7wet iwahintshi tsetwo. Wet yik t'at tä w'eyälhi pajtha y'im inät tä i'pe honhat. 8Tä paj Noé ichen hokwinaj, t'uhläk ihanej chik tamchäy p'iya honhat. 9Mat tä hokwinaj niw'ena lhip chik tamchäy yämthilek t'äspe, wet yäple häp lehi tsi kamaj inät hip'o'pe honhat. Wet Noé itihlä takwey hokwinaj wet iti lech'oye.
10Wet Noé tataye siete ifwalas wet äp yachajo tä ichen hokwinaj. 11Wet tapil tä honaj, wet hal'ä tä olivo lew'ole tä ihi lepäset. Tä mälhyejtso, Noé ihanej tä yik t'at tä y'im inät. 12Wet äp tataye siete ifwalas iyhäj, wet äp yachajo tä ichen hokwinaj, wet nemhit tapil.
13Wet nech'e Noé hiw'en p'ante seiscientos uno nekchämis tä y'im t'at inät. Wet iwel'a tä ichun, häp ifwala tä ichun, Noé ilanhi lehi lep'ot wet hiw'en tä iwo tesa tä tamchäy honhat. 14Wet iwel'a dos, häp ifwala veintisiete, honhat nech'e matche tä tamchäy.
Noé lhäy'e iyhäj tä iyej yikch'oye lehi
15Wet Dios tahuyej Noé wet yok:
16–Mäch'oye ahi, am lhäy'e hach'efwa, ales lhäy'e ales lech'efwas. 17Wet nuhatchephä nilhokej itshätäy tä i'amej, lhäy'e afwenchey, lhäy'e m'ayhay tä lhaitonchehen honhat. Wet is chik yikhen wet yen w'eta honhat, wet is chik iwo lelesa yämthilek tapoyej honhat.
18Tä mälhyejtso, Noé lhäy'e lech'efwa, lhäy'e leles, lhäy'e leles lech'efwas, lhamel yikch'oye lehi. 19Häte inukwephä nilhokej itshätäy, afwenchey lhäy'e m'ayhay tä lhaitonchehen honhat.
20Wet nech'e Noé yenlhi altar yämthilek iwujyen häp Lhawuk. Wet tachuma itshätäy lhäy'e afwenchey tä lakokhayaj newache, wet iwunhomche wet iti'pe altar, wet yen t'awayhata häp Lhawuk. 21Tä Lhawuk ilätche lenij tä akäjche häp m'ayhay tä õ'wunho, wet yok:
–Nemla oyachajok omenyenej honhat häp m'ak tä ni'isa tä hin'o iwoye wet owit'äyen honhat. Tsi tälhe tä mamse, hin'o yen at tichunhayaja m'ak tä ni'isa. Häte nemla otäyhat m'ayhay tä leyalh ihi, mälhyej tä owoyena. 22Mat tä honhat iche, wichi tutcheyhihena wet ihichela yachuyaj lhay, ihichela nahayoj lhäy'e fwiy'et, wet ifwalas lhäy'e honatsis.
Currently Selected:
Gén 8: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
Gén 8
8
Ileyej tä iwomchä
1-2Wet Dios yen tichunhayaja Noé lhäy'e nilhokej itshätäy tä iyej tä ihi lehi. Wet hip'ohiche lewomekitas tä wasomche, wet äp hip'ohiche lepelis tä ipuleye, wet ileyej tä iwomchä. Wet Dios ne'tek iche yafwthi tä yafwutpe inät, 3wet tä nichäte ciento cincuenta ifwalas iwo tesa tä yiklhahchä tä y'im. 4Wet iwel'a siete p'ante, häp ifwala tä diecisiete, lehi nichätpe p'ante chenhas tä lhey Ararat. 5Wet inät yik t'at tä t'aylhahchä, wet häp iwel'a diez, häp ifwala tä ichun, nech'e n'änhiche chenhas tä atoschephä.
6Tä tajyäme p'ante cuarenta ifwalas, Noé ifwoyenche ventana tä ihi lehi 7wet iwahintshi tsetwo. Wet yik t'at tä w'eyälhi pajtha y'im inät tä i'pe honhat. 8Tä paj Noé ichen hokwinaj, t'uhläk ihanej chik tamchäy p'iya honhat. 9Mat tä hokwinaj niw'ena lhip chik tamchäy yämthilek t'äspe, wet yäple häp lehi tsi kamaj inät hip'o'pe honhat. Wet Noé itihlä takwey hokwinaj wet iti lech'oye.
10Wet Noé tataye siete ifwalas wet äp yachajo tä ichen hokwinaj. 11Wet tapil tä honaj, wet hal'ä tä olivo lew'ole tä ihi lepäset. Tä mälhyejtso, Noé ihanej tä yik t'at tä y'im inät. 12Wet äp tataye siete ifwalas iyhäj, wet äp yachajo tä ichen hokwinaj, wet nemhit tapil.
13Wet nech'e Noé hiw'en p'ante seiscientos uno nekchämis tä y'im t'at inät. Wet iwel'a tä ichun, häp ifwala tä ichun, Noé ilanhi lehi lep'ot wet hiw'en tä iwo tesa tä tamchäy honhat. 14Wet iwel'a dos, häp ifwala veintisiete, honhat nech'e matche tä tamchäy.
Noé lhäy'e iyhäj tä iyej yikch'oye lehi
15Wet Dios tahuyej Noé wet yok:
16–Mäch'oye ahi, am lhäy'e hach'efwa, ales lhäy'e ales lech'efwas. 17Wet nuhatchephä nilhokej itshätäy tä i'amej, lhäy'e afwenchey, lhäy'e m'ayhay tä lhaitonchehen honhat. Wet is chik yikhen wet yen w'eta honhat, wet is chik iwo lelesa yämthilek tapoyej honhat.
18Tä mälhyejtso, Noé lhäy'e lech'efwa, lhäy'e leles, lhäy'e leles lech'efwas, lhamel yikch'oye lehi. 19Häte inukwephä nilhokej itshätäy, afwenchey lhäy'e m'ayhay tä lhaitonchehen honhat.
20Wet nech'e Noé yenlhi altar yämthilek iwujyen häp Lhawuk. Wet tachuma itshätäy lhäy'e afwenchey tä lakokhayaj newache, wet iwunhomche wet iti'pe altar, wet yen t'awayhata häp Lhawuk. 21Tä Lhawuk ilätche lenij tä akäjche häp m'ayhay tä õ'wunho, wet yok:
–Nemla oyachajok omenyenej honhat häp m'ak tä ni'isa tä hin'o iwoye wet owit'äyen honhat. Tsi tälhe tä mamse, hin'o yen at tichunhayaja m'ak tä ni'isa. Häte nemla otäyhat m'ayhay tä leyalh ihi, mälhyej tä owoyena. 22Mat tä honhat iche, wichi tutcheyhihena wet ihichela yachuyaj lhay, ihichela nahayoj lhäy'e fwiy'et, wet ifwalas lhäy'e honatsis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.