Hch 5
5
Laj Ananías ut lix Safira
1Jun li winq, aj Ananías xk'ab'a', rochb'een lix Safira li rixaqil, kixk'ayi jun xch'och', 2ab'anan, rochb'een ajwi' li rixaqil, kixjeb' li xtz'aq li ch'och' ut li xkomon kolxk'e chi roqeb' li apóstol. 3Kiyehe'k re xb'aan laj Pedro:
—At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'? 4Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe?#5,4 Naq li Hechos naxye naq komon e chixjunil li k'aru wank reheb' laj paab'anel (2,44), moko naraj ta naxye naq a'an tento sa' xb'eeneb' laj paab'anel. Kiruuk raj naq laj Ananías rochb'een lix Safira ke'kanaak rik'in li xch'och'eb' malaj rik'in li xtumineb'. Ab'anan, rik'in xjeb'b'al xtz'aq li ch'och', ke'xtik'ti'i eb' li apóstol ut li Santil Musiq'ej: a'an tz'aqal li xmaakeb'. K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.
5Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re. 6Toja' naq ke'xaqliik eb' li saaj al, ke'xlan sa' t'ikr ut koxe'xmuq chaq.
7Oxib' honalaq tana chik, kol'elq li rixaqil chi ink'a' naxnaw li xk'ulmank. 8Ut laj Pedro kixpatz' re:
—Ye we, ma jo' a'in xtz'aq li ch'och' xek'ayi wi'?
Kichaq'ok a'an:
—Hehe', jo'kan, chan.
9Ut laj Pedro kixye re:
—K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.
10Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom. 11Ut jun xnimal xxiweb' ki'ok sa' xch'ooleb' chixjunil li Iklees jo'wi' sa' xch'ooleb' chixjunileb' li ke'ab'ink re a'an.
Eb' li apóstol neke'xb'aanu sachb'ach'oolej
(Hch 2,42-47; 4,32-35)
12Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón, 13ab'an maa'ani chik nachalk xch'ool chi ok sa' xyanqeb', us ta chaab'il neke'xye li tenamit chirixeb'. 14Rajlal yo chi tamk li xk'ihaleb' li neke'paab'ank re li Qaawa', jo' winq jo' ixq: 15neke'xk'ameb' li yaj sa'atqeb' li xaalib'e ut neke'xk'eheb' sa' ch'aat jo'wi' sa' kok' warib'aal re naq, jo'q'e taanume'q laj Pedro, ka'aj taxaq li xmu chimuheelanq re junjunqaq. 16Neke'wulak ajwi' naab'aleb' wankeb' sa'atqeb' li tenamit nach' rik'in Jerusalén: neke'xk'amatq chaq eb' li xyaj ut li tawasinb'ileb' xb'aaneb' li tz'ajn aj musiq'ej, ut chixjunileb' nalaje'k'iraak.
Eb' li apóstol ra ke'xk'ul sa' xk'ab'a' li Jesus
17Toja' naq kixaqliik li xyuwa'il aj tij rochb'een chixjunileb' li xkomon, a'aneb' laj Saduseey, 18ke'xchap eb' li apóstol xb'aan xkaqaleb' xch'ool ut ke'xk'eheb' sa' xtz'alam li tenamit. 19Ab'an li x'angel li Qaawa' kixte re li tz'alam chiru q'oqyink, kirisiheb' ut kixye: 20“Ayuqex, ut naq wanqex sa' rochoch li Yos, seeraq'inqex chi us rik'ineb' li tenamit chirix li Yu'am a'in”.#5,20 Eb' li xtzolom li Jesus neke'xpuktesi resil li Yu'am nachalk rik'in li Qaawa' (cf. Hch 3,15; 11,18; 13,46.48). 21Eb' li apóstol ke'xpaab' a'an: toj hik'ho koxe'okaq sa' rochoch li Yos ut ke'xtikib' xtzolb'aleb' li tenamit.
Naq kiwulak li xyuwa'il aj tij ut eb' li rochb'een, ke'xch'utub' li xninqaleb' ru aj raqol aatin ut chixjunil li xcheekel winqilaleb' laj Israel, ut ke'xtaqla xsik'b'aleb' sa' tz'alam re naq te'k'ame'q chaq. 22Ab'anan, naq eb' li xtaql ke'wulak sa' tz'alam, ink'a' ke'xtaweb' aran; jo'kan naq ke'sutq'iik chi xyeeb'al resil:
23—Xqataw li tz'alam tz'aptz'o chi kaw ut eb' laj k'aak'alenel xaqxookeb' chire rokeb'aal; ab'an, naq xqate li tz'alam, maa'ani chik xqataw chisa', chankeb'.
24Naq ke'rab'i a'in, laj jolominel reheb' laj k'aak'alenel sa' rochoch li Yos ut eb' li xb'eenil aj tij ke'sachk xch'ool chi xk'oxlankil k'aru xyaalal chixjunil a'an. 25Toja' naq kichalk jun li winq chi xyeeb'al reheb':
—Ab'ihomaq: eb' li winq xek'eheb' sa' tz'alam wankeb' anaqwan sa' rochoch li Yos, yookeb' chi xtzolb'aleb' li tenamit.
26Tikto koho laj jolominel reheb' laj k'aak'alenel rochb'eeneb' laj tenq' re, ut sa' usilal kixk'ameb' chaq li apóstol xb'aan xxiweb' chiruheb' li tenamit, re naq ink'a' te'teniiq chaq chi pek. 27Ke'oksiik ut ke'xaqab'aak chiruheb' li xninqaleb' ru aj raqol aatin. Ut li xyuwa'il aj tij kixpatz' reheb':
28—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.
29Kichaq'ok laj Pedro jo'wi' eb' li apóstol, ut ke'xye:
—Xb'een xb'een tento xpaab'ankil li Yos, ut ink'a' eb' li winq. 30Li xYos eb' li qana' qayuwa' kixwaklesi chi yo'yo li Jesus li kekamsi laa'ex naq kechirib' chiru jun che'. 31A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak. 32Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re. 33Naq ke'rab'i a'in, k'ajo' naq ke'josq'o'k, te'raj raj xkamsinkileb'.
Laj Gamaliel
34Toja' naq jun aj pariseey, aj Gamaliel xk'ab'a',#5,34 Laj Gamaliel a'an laj tzolol re laj Pablo (Hch 22,3). A'an kixch'olob' chi chaab'il li xChaq'rab' laj Moisés. aj nahol Chaq'rab' ut oxloq'inb'il xb'aaneb' chixjunil li tenamit, kixaqliik sa' li raqleb'aal aatin ut kixtaqla naq che'isiiq jun k'amokaq eb' li apóstol chirix kab'l, 35kixye reheb':
—Ex aj Israel, ilomaq chi us k'aru teeb'aanu reheb' li winq a'in. 36Xb'aan naq rub'elaj eb' li kutan a'in kixaqliik laj Tewdas li nim xwankil naq naxye rib', ut ke'okenk chirix jun o'q'ob' tana chi winq. Ab'an kikamsiik, ut chixjunileb' li ke'taaqenk re ke'xcha'cha'i rib'eb' ut ke'oso'k yal chi jo'kan. 37Moqon chik, naq ki'uxk rajlankileb' li tenamit, kixaqliik laj Judas aj Galilea ut naab'al li tenamit kixk'ameb' chirix. Ki'oso'k ajwi' a'an, ut chixjunileb' li ke'taaqenk re ke'xcha'cha'i rib'eb'. 38Tinye ut eere anaqwan: Meech'ik eerib' rik'ineb' li winq a'in ut kanab'omaqeb'. Xb'aan naq, wi li na'leb' malaj li k'anjel a'in reheb' li winq, taasachq; 39ab'an wi re li Yos, ink'a' texruuq chi xsachb'aleb'. Mare anchal yookex chi xch'a'ajkinkil li Yos.
Ut ke'xk'ulub'an xch'ooleb' li raatin. 40Toja' naq ke'xb'oq wi' chik eb' li apóstol ut naq ak xe'xrapeb' chi tz'uum, ke'xchaq'rab'iheb' naq me'aatinak sa' xk'ab'a' li Jesus. Ut ke'rach'ab'eb'. 41Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus. 42Ut maajun kutan neke'xkanab' xtzolb'aleb' li tenamit jo'wi' xyeeb'al li xChaab'il Esil li Kristo Jesus sa' rochoch li Yos ut sa'atqeb' li kab'l.
Currently Selected:
Hch 5: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Hch 5
5
Laj Ananías ut lix Safira
1Jun li winq, aj Ananías xk'ab'a', rochb'een lix Safira li rixaqil, kixk'ayi jun xch'och', 2ab'anan, rochb'een ajwi' li rixaqil, kixjeb' li xtz'aq li ch'och' ut li xkomon kolxk'e chi roqeb' li apóstol. 3Kiyehe'k re xb'aan laj Pedro:
—At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'? 4Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe?#5,4 Naq li Hechos naxye naq komon e chixjunil li k'aru wank reheb' laj paab'anel (2,44), moko naraj ta naxye naq a'an tento sa' xb'eeneb' laj paab'anel. Kiruuk raj naq laj Ananías rochb'een lix Safira ke'kanaak rik'in li xch'och'eb' malaj rik'in li xtumineb'. Ab'anan, rik'in xjeb'b'al xtz'aq li ch'och', ke'xtik'ti'i eb' li apóstol ut li Santil Musiq'ej: a'an tz'aqal li xmaakeb'. K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.
5Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re. 6Toja' naq ke'xaqliik eb' li saaj al, ke'xlan sa' t'ikr ut koxe'xmuq chaq.
7Oxib' honalaq tana chik, kol'elq li rixaqil chi ink'a' naxnaw li xk'ulmank. 8Ut laj Pedro kixpatz' re:
—Ye we, ma jo' a'in xtz'aq li ch'och' xek'ayi wi'?
Kichaq'ok a'an:
—Hehe', jo'kan, chan.
9Ut laj Pedro kixye re:
—K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.
10Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom. 11Ut jun xnimal xxiweb' ki'ok sa' xch'ooleb' chixjunil li Iklees jo'wi' sa' xch'ooleb' chixjunileb' li ke'ab'ink re a'an.
Eb' li apóstol neke'xb'aanu sachb'ach'oolej
(Hch 2,42-47; 4,32-35)
12Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón, 13ab'an maa'ani chik nachalk xch'ool chi ok sa' xyanqeb', us ta chaab'il neke'xye li tenamit chirixeb'. 14Rajlal yo chi tamk li xk'ihaleb' li neke'paab'ank re li Qaawa', jo' winq jo' ixq: 15neke'xk'ameb' li yaj sa'atqeb' li xaalib'e ut neke'xk'eheb' sa' ch'aat jo'wi' sa' kok' warib'aal re naq, jo'q'e taanume'q laj Pedro, ka'aj taxaq li xmu chimuheelanq re junjunqaq. 16Neke'wulak ajwi' naab'aleb' wankeb' sa'atqeb' li tenamit nach' rik'in Jerusalén: neke'xk'amatq chaq eb' li xyaj ut li tawasinb'ileb' xb'aaneb' li tz'ajn aj musiq'ej, ut chixjunileb' nalaje'k'iraak.
Eb' li apóstol ra ke'xk'ul sa' xk'ab'a' li Jesus
17Toja' naq kixaqliik li xyuwa'il aj tij rochb'een chixjunileb' li xkomon, a'aneb' laj Saduseey, 18ke'xchap eb' li apóstol xb'aan xkaqaleb' xch'ool ut ke'xk'eheb' sa' xtz'alam li tenamit. 19Ab'an li x'angel li Qaawa' kixte re li tz'alam chiru q'oqyink, kirisiheb' ut kixye: 20“Ayuqex, ut naq wanqex sa' rochoch li Yos, seeraq'inqex chi us rik'ineb' li tenamit chirix li Yu'am a'in”.#5,20 Eb' li xtzolom li Jesus neke'xpuktesi resil li Yu'am nachalk rik'in li Qaawa' (cf. Hch 3,15; 11,18; 13,46.48). 21Eb' li apóstol ke'xpaab' a'an: toj hik'ho koxe'okaq sa' rochoch li Yos ut ke'xtikib' xtzolb'aleb' li tenamit.
Naq kiwulak li xyuwa'il aj tij ut eb' li rochb'een, ke'xch'utub' li xninqaleb' ru aj raqol aatin ut chixjunil li xcheekel winqilaleb' laj Israel, ut ke'xtaqla xsik'b'aleb' sa' tz'alam re naq te'k'ame'q chaq. 22Ab'anan, naq eb' li xtaql ke'wulak sa' tz'alam, ink'a' ke'xtaweb' aran; jo'kan naq ke'sutq'iik chi xyeeb'al resil:
23—Xqataw li tz'alam tz'aptz'o chi kaw ut eb' laj k'aak'alenel xaqxookeb' chire rokeb'aal; ab'an, naq xqate li tz'alam, maa'ani chik xqataw chisa', chankeb'.
24Naq ke'rab'i a'in, laj jolominel reheb' laj k'aak'alenel sa' rochoch li Yos ut eb' li xb'eenil aj tij ke'sachk xch'ool chi xk'oxlankil k'aru xyaalal chixjunil a'an. 25Toja' naq kichalk jun li winq chi xyeeb'al reheb':
—Ab'ihomaq: eb' li winq xek'eheb' sa' tz'alam wankeb' anaqwan sa' rochoch li Yos, yookeb' chi xtzolb'aleb' li tenamit.
26Tikto koho laj jolominel reheb' laj k'aak'alenel rochb'eeneb' laj tenq' re, ut sa' usilal kixk'ameb' chaq li apóstol xb'aan xxiweb' chiruheb' li tenamit, re naq ink'a' te'teniiq chaq chi pek. 27Ke'oksiik ut ke'xaqab'aak chiruheb' li xninqaleb' ru aj raqol aatin. Ut li xyuwa'il aj tij kixpatz' reheb':
28—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.
29Kichaq'ok laj Pedro jo'wi' eb' li apóstol, ut ke'xye:
—Xb'een xb'een tento xpaab'ankil li Yos, ut ink'a' eb' li winq. 30Li xYos eb' li qana' qayuwa' kixwaklesi chi yo'yo li Jesus li kekamsi laa'ex naq kechirib' chiru jun che'. 31A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak. 32Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re. 33Naq ke'rab'i a'in, k'ajo' naq ke'josq'o'k, te'raj raj xkamsinkileb'.
Laj Gamaliel
34Toja' naq jun aj pariseey, aj Gamaliel xk'ab'a',#5,34 Laj Gamaliel a'an laj tzolol re laj Pablo (Hch 22,3). A'an kixch'olob' chi chaab'il li xChaq'rab' laj Moisés. aj nahol Chaq'rab' ut oxloq'inb'il xb'aaneb' chixjunil li tenamit, kixaqliik sa' li raqleb'aal aatin ut kixtaqla naq che'isiiq jun k'amokaq eb' li apóstol chirix kab'l, 35kixye reheb':
—Ex aj Israel, ilomaq chi us k'aru teeb'aanu reheb' li winq a'in. 36Xb'aan naq rub'elaj eb' li kutan a'in kixaqliik laj Tewdas li nim xwankil naq naxye rib', ut ke'okenk chirix jun o'q'ob' tana chi winq. Ab'an kikamsiik, ut chixjunileb' li ke'taaqenk re ke'xcha'cha'i rib'eb' ut ke'oso'k yal chi jo'kan. 37Moqon chik, naq ki'uxk rajlankileb' li tenamit, kixaqliik laj Judas aj Galilea ut naab'al li tenamit kixk'ameb' chirix. Ki'oso'k ajwi' a'an, ut chixjunileb' li ke'taaqenk re ke'xcha'cha'i rib'eb'. 38Tinye ut eere anaqwan: Meech'ik eerib' rik'ineb' li winq a'in ut kanab'omaqeb'. Xb'aan naq, wi li na'leb' malaj li k'anjel a'in reheb' li winq, taasachq; 39ab'an wi re li Yos, ink'a' texruuq chi xsachb'aleb'. Mare anchal yookex chi xch'a'ajkinkil li Yos.
Ut ke'xk'ulub'an xch'ooleb' li raatin. 40Toja' naq ke'xb'oq wi' chik eb' li apóstol ut naq ak xe'xrapeb' chi tz'uum, ke'xchaq'rab'iheb' naq me'aatinak sa' xk'ab'a' li Jesus. Ut ke'rach'ab'eb'. 41Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus. 42Ut maajun kutan neke'xkanab' xtzolb'aleb' li tenamit jo'wi' xyeeb'al li xChaab'il Esil li Kristo Jesus sa' rochoch li Yos ut sa'atqeb' li kab'l.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.