Lukab 17
17
ǁOreb
(Mateub 18:6-7, 21; Markub 9:42)
1Jesub ge ǁkhāǁkhāsabegu* âb ǃoa ge mî: “ǃHūbaib ǃnân ge ǀnai ǂgui xūn, khoe-e ǂgaeǂhapu tsî ǁoreb ǃnâ ra ǁnā kaina hâ, xawe tsūba ǁnā khoe-i ǁî-i ǃaroma i nau-e ǁoreb ǃnâ ra ǁnā-e. 2Xawe nē ǂkhariron hîa tita ǂgomǃgâ hân di ǀgui-e ga ǁoreb ǃnâ ǂgaeǂhapu-i ge ǃgom ǁkhamiǀuisa ǁî-i di ǃaos ai ǃgaehe hâse hurib di ǃgamsib ǃnâ aoǂgāhesa anu hâ. 3#Mat. 18:15ǁNā-amaga ǂanbasen!
“Sa ǃgâsab ga tsūse dīo ǃgabe bi tsîb ga ǃhobasen, o ǀûba bi. 4Hû ǃnādeb ga tsēs ǃnâ sa ǃoagu a tsūdī tsî hû ǃnāde sa ǁga oaǀkhī tsî a mîo ‘ǃHausen ta ge ra’ ti, o ǀûba bi.”
ǂGoms
5O gu ge apostelga* ǃKhūb ǃoa ge mî: “Sige ǂgomsa ǀaroǃnâ re.”
6Ob ge ǃKhūba ge ǃeream: “Sago ga mostardǃkhomro-i* khami kō ǂgomsa ūhâ io, o go ge nē mâ ǀnomahais ǃoa ga mî ǁkhā hâ ‘ǃNoman hoan ǀkha ǃhūba xu ǃhomǂuisen, îs hurib ǃnâ ǃhanasen’ tsîs ge ga ǁnâuǀnam go hâ.
ǃGā-i ǁgui-ais
7“ǂÂis ǀguisa hî re, sago ǀguib ga ǃgāba ūhâo, ǃhoroǃhanaba ǃgao tamas ka io gūna ra ǃûiba. ǃGaroba xub ra hāo, o mîb nî ǁîb ǃoa, ‘Hā re tāb ǃoa, îts ǂû hā’ ti? 8Tātsē! Xawe ǁîb ge ǃgāb ǃoa nî mî, ‘ǃUis di ǂûsa ǂhomiba te, îts ǂhomisen tsî ǂû tsî ta ra ā hîa ǃoaba te hā. ǁNās khaoǃgâts ge sats tsîna ǂû tsî ā ǁkhā.’ 9ǃGāb ga mîmāheb ka xūna dī, o ganganheb nîsa ǂhâbasas a? 10Sago tsîn ǀkha i ge ǁnāti ī. Mîmāhe go kan hoana go ga dītoa, o nēti mî: ‘Sige ge xū-e ǃoaǂui tama ǃgāge; mîmāhe ge gon ǀguina ge ge go dī.’ ”
Jesub ge disi ǃomamaxaga ra ǂuruǂuru
11Jerusalems ǁgab ge garu i daob aib ge Jesuba Samariab* tsî Galileab di ǃhūǀgoras ǃnâ-u ge ǃkharu. 12ǁÎb ge ǃāro-i ǃnâb ra ǂgâ hîa disi khoegu ǃomamasiba ūhâgu xa ge ǃgûǃoahe, xawe gu ge ǁîba xu ǃnūse mâ 13tsî ǃgarise ge ǂgai: “Jesu! ǁKhāǁkhā-aotse! ǀKhomxa ge re!”
14 #
Lev. 14:1-32
Jesub ge ǁîga mû tsî ǁîgu ǃoa “ǃGû, î pristergu tawa sī ǁgausen” ti ge mî.
Tsî gu ge ǁnāǀî gu garu hîa ge ǃanu.#17:14 ǃAnu: 5:12 Tawa sī kō re. 15Tsî ǁîgu ǀguib ge mû ǂgaub go ǃkhaisa, ob ge ǁkhawa oa tsî Eloba ǃgari dommi ǀkha ge koa. 16ǁÎb ge Jesub ǂaira aiǃâ ǃhūb ai ǁnāǁgoe tsî ǁîba ge gangan. Nē khoeb ge ge Samariaǁî i. 17Ob ge Jesuba ge mî: “Disi khoe tamaga ǃanuǃanuhe go ga? Nau khoesega mâpa hâ? 18Tare-i ǃaromab nē ǃhaokhoeb ǀguiba dabasen tsî Eloba ǃgôasiba hā ra mā?” 19Tsîb ge Jesuba ge mîǀî bi: “Khâi îts ǃgû, sa ǂgoms go ǂgauǂgau tsi xuige.”
Elob Gaosib di hās
(Mateub 24:23-28, 37-41)
20Tsî ǀnî Farisegu* ge mâǁaeb Elob Gaosiba nî hā ǃkhaisa Jesuba ge dî, ob ge Jesuba ǁîga nēti ge ǃeream: “Elob Gaosib di hās ge mûmûsa saodi ǀkha ǂanǂuihe ǁoa. 21ǀGui khoe-i tsîn ge ‘Mû, nēb ge a!’ tamas ka io ‘Mû, ǁnāb ge a!’ ti mî tide. Gaosib Elob dib sadu ǃnâ ǂgana#17:21 Sadu ǃnâ ǂgana: Tamas ka io sadu ǁaegu tamas ka io ge ǀases timîsi sadu ǁaegu nî ǂhai. hâ amaga.”
22ǁNās khaoǃgâb ge Jesuba ǁkhāǁkhāsabegu ǃoa ge mî: “ǁAeb ge nî hā, ǀguitsē du Khoen Ôaba nî mû ǃkhaisa du nî ǁkhoreba, xawe du ge mû bi tide. 23Khoena ge nî hâ sado ǃoa nî mîna ‘Kō ǁnāb ge a!’ tamas ka io ‘Kō nēb ge a!’ Xawe tā ǂoa tsî ǁîna sao. 24Napab ra nē ǀkhāba xu nau ǀkhāb ǁga hoaraga ǀhomma ǃnâǃnâ khamib ge Khoen Ôaba ǁîb di tsēs ai nî ī. 25Xaweb ge aibe kaise nî tsâ tsî nē ǁaeǃgâs di khoen xa nî ǂharahe. 26#Gen. 6:5-8Noaxi tsēdi ǃnâs ǁkhās khami i ge Khoen Ôab di tsēdi ǃnâs tsîna nî ī. 27#Gen. 7:6-24Mâ khoe-i hoa-i ge ǂû tsî ā tsî gere ǃgame, Noaxi nî arki ǃnâ ǂgâ tsēs kōse tsîb ge kai ǁgamma hā tsî hoana ge hîkākā. 28#Gen. 18:20—19:25Loti ǁaeb ǃnâ i ge ī i khami ǀgui-i ge nî ī. Mâ-i hoa-i ge ǀnain gere dī khami ǂû tsî ā, ǁama tsî ǁamaxū, ǃhana tsî om ti gere hî. 29Loti ge Sodomsa xu a ǂoa tsēs ain ge ǀaeb tsî ǀaexa ǀuidi tsîna ǀhomma xu ǀapi tsî hoana ge hîkākā. 30ǁNāti i ge Khoen Ôab ga ǂhaiǂhaihe tsēs ai nî ī.
31 #
Mat. 24:17-18; Mrk. 13:15-16 “ǁNā tsēs ai-i ge khoe-i hîa oms ǂamǃnâ hâ-e tā oms ǃnâ nî ǂgâ, xūn â-e nî sī ūbasense; ǁnās ǁkhās xase i ge khoe-i ǃhanab ǃnâ hâ-e oms tawa oasī tide. 32#Gen. 19:26ǂÂis ǃnâ ūhâ re, Loti taras ǀkha ge īsa. 33#Mat. 10:39; 16:25; Mrk. 8:35; Luk. 9:24; Jhn. 12:25ǁÎ-i di ûiba ra sâubasen ǂgao-i ge ǁîba nî ǂoaǃnâ, xawe ǁîba ga ǂoaǃnâ-i ge ǁîba nî ūhâ. 34Mîba du ta ra. ǁNā tsuxub ǃnân ge ǀgam khoena ǀgui kharob ai nî ǁom; ǀgui-i ge nî ūbēhe tsî nau-i ge nî ǁnāxūhe. 35ǀGam khoera ge ǀguipa ǃhoroba nî ǁkhami; ǀguisa ūbēhe tsîs ge nausa nî ǁnāxūhe.” [36ǀGam khoekha ge ǃhanab ǃnâ nî sîsen; ǀguib ge nî ūhe tsî naub ge nî ǁnāxūhe.]#17:36 Nē ǁaraǃās ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. Mat. 24:40 tawa sī kō re.
37O gu ge ǁkhāǁkhāsabega ge dî bi: “Mâpa ǃKhūtse?”
Ob ge Jesuba ge ǃeream: “ǁŌ hâ soro-i hâpa, ǁnāpa di ge kai-anide ra ǀhao.”
Currently Selected:
Lukab 17: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
Lukab 17
17
ǁOreb
(Mateub 18:6-7, 21; Markub 9:42)
1Jesub ge ǁkhāǁkhāsabegu* âb ǃoa ge mî: “ǃHūbaib ǃnân ge ǀnai ǂgui xūn, khoe-e ǂgaeǂhapu tsî ǁoreb ǃnâ ra ǁnā kaina hâ, xawe tsūba ǁnā khoe-i ǁî-i ǃaroma i nau-e ǁoreb ǃnâ ra ǁnā-e. 2Xawe nē ǂkhariron hîa tita ǂgomǃgâ hân di ǀgui-e ga ǁoreb ǃnâ ǂgaeǂhapu-i ge ǃgom ǁkhamiǀuisa ǁî-i di ǃaos ai ǃgaehe hâse hurib di ǃgamsib ǃnâ aoǂgāhesa anu hâ. 3#Mat. 18:15ǁNā-amaga ǂanbasen!
“Sa ǃgâsab ga tsūse dīo ǃgabe bi tsîb ga ǃhobasen, o ǀûba bi. 4Hû ǃnādeb ga tsēs ǃnâ sa ǃoagu a tsūdī tsî hû ǃnāde sa ǁga oaǀkhī tsî a mîo ‘ǃHausen ta ge ra’ ti, o ǀûba bi.”
ǂGoms
5O gu ge apostelga* ǃKhūb ǃoa ge mî: “Sige ǂgomsa ǀaroǃnâ re.”
6Ob ge ǃKhūba ge ǃeream: “Sago ga mostardǃkhomro-i* khami kō ǂgomsa ūhâ io, o go ge nē mâ ǀnomahais ǃoa ga mî ǁkhā hâ ‘ǃNoman hoan ǀkha ǃhūba xu ǃhomǂuisen, îs hurib ǃnâ ǃhanasen’ tsîs ge ga ǁnâuǀnam go hâ.
ǃGā-i ǁgui-ais
7“ǂÂis ǀguisa hî re, sago ǀguib ga ǃgāba ūhâo, ǃhoroǃhanaba ǃgao tamas ka io gūna ra ǃûiba. ǃGaroba xub ra hāo, o mîb nî ǁîb ǃoa, ‘Hā re tāb ǃoa, îts ǂû hā’ ti? 8Tātsē! Xawe ǁîb ge ǃgāb ǃoa nî mî, ‘ǃUis di ǂûsa ǂhomiba te, îts ǂhomisen tsî ǂû tsî ta ra ā hîa ǃoaba te hā. ǁNās khaoǃgâts ge sats tsîna ǂû tsî ā ǁkhā.’ 9ǃGāb ga mîmāheb ka xūna dī, o ganganheb nîsa ǂhâbasas a? 10Sago tsîn ǀkha i ge ǁnāti ī. Mîmāhe go kan hoana go ga dītoa, o nēti mî: ‘Sige ge xū-e ǃoaǂui tama ǃgāge; mîmāhe ge gon ǀguina ge ge go dī.’ ”
Jesub ge disi ǃomamaxaga ra ǂuruǂuru
11Jerusalems ǁgab ge garu i daob aib ge Jesuba Samariab* tsî Galileab di ǃhūǀgoras ǃnâ-u ge ǃkharu. 12ǁÎb ge ǃāro-i ǃnâb ra ǂgâ hîa disi khoegu ǃomamasiba ūhâgu xa ge ǃgûǃoahe, xawe gu ge ǁîba xu ǃnūse mâ 13tsî ǃgarise ge ǂgai: “Jesu! ǁKhāǁkhā-aotse! ǀKhomxa ge re!”
14 #
Lev. 14:1-32
Jesub ge ǁîga mû tsî ǁîgu ǃoa “ǃGû, î pristergu tawa sī ǁgausen” ti ge mî.
Tsî gu ge ǁnāǀî gu garu hîa ge ǃanu.#17:14 ǃAnu: 5:12 Tawa sī kō re. 15Tsî ǁîgu ǀguib ge mû ǂgaub go ǃkhaisa, ob ge ǁkhawa oa tsî Eloba ǃgari dommi ǀkha ge koa. 16ǁÎb ge Jesub ǂaira aiǃâ ǃhūb ai ǁnāǁgoe tsî ǁîba ge gangan. Nē khoeb ge ge Samariaǁî i. 17Ob ge Jesuba ge mî: “Disi khoe tamaga ǃanuǃanuhe go ga? Nau khoesega mâpa hâ? 18Tare-i ǃaromab nē ǃhaokhoeb ǀguiba dabasen tsî Eloba ǃgôasiba hā ra mā?” 19Tsîb ge Jesuba ge mîǀî bi: “Khâi îts ǃgû, sa ǂgoms go ǂgauǂgau tsi xuige.”
Elob Gaosib di hās
(Mateub 24:23-28, 37-41)
20Tsî ǀnî Farisegu* ge mâǁaeb Elob Gaosiba nî hā ǃkhaisa Jesuba ge dî, ob ge Jesuba ǁîga nēti ge ǃeream: “Elob Gaosib di hās ge mûmûsa saodi ǀkha ǂanǂuihe ǁoa. 21ǀGui khoe-i tsîn ge ‘Mû, nēb ge a!’ tamas ka io ‘Mû, ǁnāb ge a!’ ti mî tide. Gaosib Elob dib sadu ǃnâ ǂgana#17:21 Sadu ǃnâ ǂgana: Tamas ka io sadu ǁaegu tamas ka io ge ǀases timîsi sadu ǁaegu nî ǂhai. hâ amaga.”
22ǁNās khaoǃgâb ge Jesuba ǁkhāǁkhāsabegu ǃoa ge mî: “ǁAeb ge nî hā, ǀguitsē du Khoen Ôaba nî mû ǃkhaisa du nî ǁkhoreba, xawe du ge mû bi tide. 23Khoena ge nî hâ sado ǃoa nî mîna ‘Kō ǁnāb ge a!’ tamas ka io ‘Kō nēb ge a!’ Xawe tā ǂoa tsî ǁîna sao. 24Napab ra nē ǀkhāba xu nau ǀkhāb ǁga hoaraga ǀhomma ǃnâǃnâ khamib ge Khoen Ôaba ǁîb di tsēs ai nî ī. 25Xaweb ge aibe kaise nî tsâ tsî nē ǁaeǃgâs di khoen xa nî ǂharahe. 26#Gen. 6:5-8Noaxi tsēdi ǃnâs ǁkhās khami i ge Khoen Ôab di tsēdi ǃnâs tsîna nî ī. 27#Gen. 7:6-24Mâ khoe-i hoa-i ge ǂû tsî ā tsî gere ǃgame, Noaxi nî arki ǃnâ ǂgâ tsēs kōse tsîb ge kai ǁgamma hā tsî hoana ge hîkākā. 28#Gen. 18:20—19:25Loti ǁaeb ǃnâ i ge ī i khami ǀgui-i ge nî ī. Mâ-i hoa-i ge ǀnain gere dī khami ǂû tsî ā, ǁama tsî ǁamaxū, ǃhana tsî om ti gere hî. 29Loti ge Sodomsa xu a ǂoa tsēs ain ge ǀaeb tsî ǀaexa ǀuidi tsîna ǀhomma xu ǀapi tsî hoana ge hîkākā. 30ǁNāti i ge Khoen Ôab ga ǂhaiǂhaihe tsēs ai nî ī.
31 #
Mat. 24:17-18; Mrk. 13:15-16 “ǁNā tsēs ai-i ge khoe-i hîa oms ǂamǃnâ hâ-e tā oms ǃnâ nî ǂgâ, xūn â-e nî sī ūbasense; ǁnās ǁkhās xase i ge khoe-i ǃhanab ǃnâ hâ-e oms tawa oasī tide. 32#Gen. 19:26ǂÂis ǃnâ ūhâ re, Loti taras ǀkha ge īsa. 33#Mat. 10:39; 16:25; Mrk. 8:35; Luk. 9:24; Jhn. 12:25ǁÎ-i di ûiba ra sâubasen ǂgao-i ge ǁîba nî ǂoaǃnâ, xawe ǁîba ga ǂoaǃnâ-i ge ǁîba nî ūhâ. 34Mîba du ta ra. ǁNā tsuxub ǃnân ge ǀgam khoena ǀgui kharob ai nî ǁom; ǀgui-i ge nî ūbēhe tsî nau-i ge nî ǁnāxūhe. 35ǀGam khoera ge ǀguipa ǃhoroba nî ǁkhami; ǀguisa ūbēhe tsîs ge nausa nî ǁnāxūhe.” [36ǀGam khoekha ge ǃhanab ǃnâ nî sîsen; ǀguib ge nî ūhe tsî naub ge nî ǁnāxūhe.]#17:36 Nē ǁaraǃās ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. Mat. 24:40 tawa sī kō re.
37O gu ge ǁkhāǁkhāsabega ge dî bi: “Mâpa ǃKhūtse?”
Ob ge Jesuba ge ǃeream: “ǁŌ hâ soro-i hâpa, ǁnāpa di ge kai-anide ra ǀhao.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.