Zaŋ 13
13
Yesu mubuna sar ngi mizli ngi seˀehey
1Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ. 2Yesu ati mizli ngi seˀeheye, ara zumam ɗafa. Dambalaka, Yudas Iskariyot mangal ngi Simoŋ, Satan a caŋ wuluk le a mevele si, ɓa a vula Yesu a jakaŋ. 3Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ. 4Yesu a slikiɗ tir li zuma ɗafa, a cuko zana naŋ madiɗa avra, a zuɓ zana ngi is, a juwa wak a virzi. 5Waɗ a pi yam ar taasa, a zla a buna sar ngi mizli ngi seˀeheye, a tukuɗa taŋ di ti zana ngi is, naŋ mujuwa a virzi tuwaŋ. 6A ndilo avu Simoŋ Piyere, Piyer a ɓaŋ: «Ka, ɓa ki buniy sar ɗu sukwa Buy?» 7Yesu a mbiɗaŋ di: «Gwat ya maga hana, k'anta si na wurenna t'aruŋ, amma a dirba nah na, kisa sla wala naŋ ɓula.» 8Piyer a ɓaŋ: «Ĩˀĩ, k'anta buniy sar ɗu ta ndiɗaˀ si!» Yesu a mbiɗaŋ di: «Da i bunuw di ta na, naɓa lum ɗik anta avu ya ta.» 9Joˀ Simoŋ Piyer a ɓaŋ: «Da kine na Buy, ki buniy di i sar pal naŋ mata, amma haŋ ati hirnga ma!» 10Yesu a ɓaŋ: «Mbur mubun le si na, naŋ anta ti may ngi bun mata, sey saray, asi naŋ celelle wãˀ si. Kumo, kum celel celel si, amma kum gar ta ɓula.» 11Asi mike na, Yesu a si na mbur masa vulaŋ ɓa a jakaŋ na le si, naŋ miɓi: «Kum celel celel gar ta ɓula» na, vurˀeŋ.
12A dirba Yesu mikiɗa mi ngi buna taŋ saraya na, a ka zana naŋ madiɗa tuwa a muŋ, a cifi ng'ar li zuma ɗafa, a ɓa taŋ: «Gwat ya mugukum di hana, ki slaka wala naŋ le kwa? 13Kira zilikiy ‹Kumani›, yo ‹Buy›. Naŋ kaslsla, i kanah gwaɗ naŋ. 14Ani wurenna, da ya Kumani, yo ya Buy tuwa, yi bunukum saraya le na, anja kumo kwana, sey ki bunam sar ngi cil kumoy aya. 15Asi gwat ya miga na, yi bugukum di i jiviɗ naŋ. Kumo kwana, gaka kanah ya. 16Gisiŋ gisiŋ, yi ɓukum na: gawla ngi mbur anta funa buy naŋ ta. Misline kwana, anta funa mbur mislinaŋ ta ya. 17Da ki sinaka hana le, yo da ki ra gaka so na, kisa mumulom! 18Ya maɓi na, vur kum gar ta ɓula, yi si na mizli ya muwuna taŋ na le. Amma anja gwat Ɓimutoho miɓa na, a gi muduba: ‹Mbur ndra mazumam ɗaf cuwa na, a mbiɗi hirnga le avu ya.› 19I ɓukum di wurenna muduba, dumbuŋ angi gwat masa gi, yo da naŋ misa gi le na, kisa tiɓaka, i ya misi Ya yahha tuwa. 20Gisiŋ gisiŋ, yi ɓukum na: mbur matiɓa mbur ya masa slinaŋ na, a tiɓi di i ya vuna si. Yo mbur matiɓiy ya kwana, a tiɓi di i mbur mislino ya na ya.»
Yesu a ɓi: i Yudas masa vulaŋ ɓa a jakaŋ
(Yo pura Mat 26.20-25; Mark 14.17-21; Luk 22.21-23)
21A dirba Yesu miɓa ɓi hana na, a gaŋ lesl welele, a ɓa njah: «Gisiŋ gisiŋ, yi ɓukum na: masa vuliy ɓa a jikiy na, i mbur purla a wuzla kumo.» 22Mizli ngi seˀehey a puram vu avu hiri avu hiri. Da a ɓi vur waka na, a si na ka ta 23Mbur purla a wuzla mizli ngi seˀehey tuwa, mbur naŋ mawuɗaŋ haɗa na, naŋ joˀ gweˀ acikeˀeŋ. 24Joˀ Simoŋ Piyer a vurkaŋ, a ɓaŋ: «Inga cufuɗa Yesu na, a ɓi vuna vur waka?» 25Dar mbur mawuɗaŋ tuwa a gumbuˀ ng'avi Yesu, a ɓaŋ: «I waka Buy?» 26Yesu a mbiɗaŋ di: «I mbur ya masa caŋ milef cukoɗ, waɗ geˀ lar ava na.» Dar Yesu a vula milef naŋ muca cukoɗ waɗ geˀ lar ava tuwa da Yudas Iskariyot, mangal ngi Simoŋ. 27Satan a ci a hur Yudasa hirak ti Yesu muvulaŋ milef cukoɗ tuwa. Joˀ Yesu a ɓaŋ: «Gwat ka masa ga na, ga kutum so.» 28Naŋ miɓaŋ kahana vur mike na, ko mbur pal a wuzla mizli misi akẽh misla wala naŋ, anta. 29Mekelemey a waka na, Yesu a ɓaŋ, ɓa ara hiɗiko gwat ngi muguzlumoy, malla ɓa a vula gwat neˀ da misi murgahay kwana, asi maja taŋ dala i Yudas vuna. 30A dirba Yudas mitiɓa milef tuwa tiɓeˀ si na, a bi kutum, naɓa hiikuɗ a ji le si.
Ɓi muɗuva manawayaŋ
31Ti Yudas mibi put si na, Yesu a ɓi: «Wurenna Mangal ngi mbur a lum dudok le, yo Buymisemuŋ kwana, a lum dudok le aseˀe ya. 32I Buymisemuŋ vuna masa biga dudok ngi Mangala, yo a sa gaŋ di wurenna vuna si. 33Ziri ɗuwoy, y'anta zik ati kumo haɗa mata. Ki sa ram ti sipikiy, amma ɓi ya miɓa da Yudehey na, wurenna yi ɓukum di da kum aya muduba: ‹Li ya maru ng'ara na, kum anta ram gu ta.› 34«I ɗuvukum ɓi manawayaŋ ani: wuɗam vu ar wala kumo. Anja sey ki wuɗam vu ar wala kumo, kaɓa ya muwuɗukum na ya. 35Da kum ada ki wuɗam vu ar wala kumo na, naɓa mizli gar a sa sinaka, kum i mizli ngi si yahay.»
Yesu a ɓi: Piyer a sa ji mi ti naŋ
(Yo pura Mat 26.31-35; Mark 14.27-31; Luk 22.31-34)
36Simoŋ Piyer a ɓa Yesu: «Ki ru nga maka Buy?»
Yesu mbiɗaŋ di: «Li ya maru ng'ara na, k'anta sipiy gu wurenna ta, amma nga mbuŋ na, kisa sipiy ɓula.» 37Piyer a mbiɗaŋ di: «Buy, yi supuw wurenna gu ta vur mike? I sa vula hirnga ɗu asi ka.» 38Yesu a mbiɗaŋ di: «Ki sa vula hirnga ɗik asi ya kini kwa? Gisiŋ gisiŋ, yi ɓuw na: ɓa hã kucukur a sa ji ˀay na, naɓa ki ji mi le vur ya, ki siniy ta ki siniy ta, is makir si.»
Currently Selected:
Zaŋ 13: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
Zaŋ 13
13
Yesu mubuna sar ngi mizli ngi seˀehey
1Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ. 2Yesu ati mizli ngi seˀeheye, ara zumam ɗafa. Dambalaka, Yudas Iskariyot mangal ngi Simoŋ, Satan a caŋ wuluk le a mevele si, ɓa a vula Yesu a jakaŋ. 3Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ. 4Yesu a slikiɗ tir li zuma ɗafa, a cuko zana naŋ madiɗa avra, a zuɓ zana ngi is, a juwa wak a virzi. 5Waɗ a pi yam ar taasa, a zla a buna sar ngi mizli ngi seˀeheye, a tukuɗa taŋ di ti zana ngi is, naŋ mujuwa a virzi tuwaŋ. 6A ndilo avu Simoŋ Piyere, Piyer a ɓaŋ: «Ka, ɓa ki buniy sar ɗu sukwa Buy?» 7Yesu a mbiɗaŋ di: «Gwat ya maga hana, k'anta si na wurenna t'aruŋ, amma a dirba nah na, kisa sla wala naŋ ɓula.» 8Piyer a ɓaŋ: «Ĩˀĩ, k'anta buniy sar ɗu ta ndiɗaˀ si!» Yesu a mbiɗaŋ di: «Da i bunuw di ta na, naɓa lum ɗik anta avu ya ta.» 9Joˀ Simoŋ Piyer a ɓaŋ: «Da kine na Buy, ki buniy di i sar pal naŋ mata, amma haŋ ati hirnga ma!» 10Yesu a ɓaŋ: «Mbur mubun le si na, naŋ anta ti may ngi bun mata, sey saray, asi naŋ celelle wãˀ si. Kumo, kum celel celel si, amma kum gar ta ɓula.» 11Asi mike na, Yesu a si na mbur masa vulaŋ ɓa a jakaŋ na le si, naŋ miɓi: «Kum celel celel gar ta ɓula» na, vurˀeŋ.
12A dirba Yesu mikiɗa mi ngi buna taŋ saraya na, a ka zana naŋ madiɗa tuwa a muŋ, a cifi ng'ar li zuma ɗafa, a ɓa taŋ: «Gwat ya mugukum di hana, ki slaka wala naŋ le kwa? 13Kira zilikiy ‹Kumani›, yo ‹Buy›. Naŋ kaslsla, i kanah gwaɗ naŋ. 14Ani wurenna, da ya Kumani, yo ya Buy tuwa, yi bunukum saraya le na, anja kumo kwana, sey ki bunam sar ngi cil kumoy aya. 15Asi gwat ya miga na, yi bugukum di i jiviɗ naŋ. Kumo kwana, gaka kanah ya. 16Gisiŋ gisiŋ, yi ɓukum na: gawla ngi mbur anta funa buy naŋ ta. Misline kwana, anta funa mbur mislinaŋ ta ya. 17Da ki sinaka hana le, yo da ki ra gaka so na, kisa mumulom! 18Ya maɓi na, vur kum gar ta ɓula, yi si na mizli ya muwuna taŋ na le. Amma anja gwat Ɓimutoho miɓa na, a gi muduba: ‹Mbur ndra mazumam ɗaf cuwa na, a mbiɗi hirnga le avu ya.› 19I ɓukum di wurenna muduba, dumbuŋ angi gwat masa gi, yo da naŋ misa gi le na, kisa tiɓaka, i ya misi Ya yahha tuwa. 20Gisiŋ gisiŋ, yi ɓukum na: mbur matiɓa mbur ya masa slinaŋ na, a tiɓi di i ya vuna si. Yo mbur matiɓiy ya kwana, a tiɓi di i mbur mislino ya na ya.»
Yesu a ɓi: i Yudas masa vulaŋ ɓa a jakaŋ
(Yo pura Mat 26.20-25; Mark 14.17-21; Luk 22.21-23)
21A dirba Yesu miɓa ɓi hana na, a gaŋ lesl welele, a ɓa njah: «Gisiŋ gisiŋ, yi ɓukum na: masa vuliy ɓa a jikiy na, i mbur purla a wuzla kumo.» 22Mizli ngi seˀehey a puram vu avu hiri avu hiri. Da a ɓi vur waka na, a si na ka ta 23Mbur purla a wuzla mizli ngi seˀehey tuwa, mbur naŋ mawuɗaŋ haɗa na, naŋ joˀ gweˀ acikeˀeŋ. 24Joˀ Simoŋ Piyer a vurkaŋ, a ɓaŋ: «Inga cufuɗa Yesu na, a ɓi vuna vur waka?» 25Dar mbur mawuɗaŋ tuwa a gumbuˀ ng'avi Yesu, a ɓaŋ: «I waka Buy?» 26Yesu a mbiɗaŋ di: «I mbur ya masa caŋ milef cukoɗ, waɗ geˀ lar ava na.» Dar Yesu a vula milef naŋ muca cukoɗ waɗ geˀ lar ava tuwa da Yudas Iskariyot, mangal ngi Simoŋ. 27Satan a ci a hur Yudasa hirak ti Yesu muvulaŋ milef cukoɗ tuwa. Joˀ Yesu a ɓaŋ: «Gwat ka masa ga na, ga kutum so.» 28Naŋ miɓaŋ kahana vur mike na, ko mbur pal a wuzla mizli misi akẽh misla wala naŋ, anta. 29Mekelemey a waka na, Yesu a ɓaŋ, ɓa ara hiɗiko gwat ngi muguzlumoy, malla ɓa a vula gwat neˀ da misi murgahay kwana, asi maja taŋ dala i Yudas vuna. 30A dirba Yudas mitiɓa milef tuwa tiɓeˀ si na, a bi kutum, naɓa hiikuɗ a ji le si.
Ɓi muɗuva manawayaŋ
31Ti Yudas mibi put si na, Yesu a ɓi: «Wurenna Mangal ngi mbur a lum dudok le, yo Buymisemuŋ kwana, a lum dudok le aseˀe ya. 32I Buymisemuŋ vuna masa biga dudok ngi Mangala, yo a sa gaŋ di wurenna vuna si. 33Ziri ɗuwoy, y'anta zik ati kumo haɗa mata. Ki sa ram ti sipikiy, amma ɓi ya miɓa da Yudehey na, wurenna yi ɓukum di da kum aya muduba: ‹Li ya maru ng'ara na, kum anta ram gu ta.› 34«I ɗuvukum ɓi manawayaŋ ani: wuɗam vu ar wala kumo. Anja sey ki wuɗam vu ar wala kumo, kaɓa ya muwuɗukum na ya. 35Da kum ada ki wuɗam vu ar wala kumo na, naɓa mizli gar a sa sinaka, kum i mizli ngi si yahay.»
Yesu a ɓi: Piyer a sa ji mi ti naŋ
(Yo pura Mat 26.31-35; Mark 14.27-31; Luk 22.31-34)
36Simoŋ Piyer a ɓa Yesu: «Ki ru nga maka Buy?»
Yesu mbiɗaŋ di: «Li ya maru ng'ara na, k'anta sipiy gu wurenna ta, amma nga mbuŋ na, kisa sipiy ɓula.» 37Piyer a mbiɗaŋ di: «Buy, yi supuw wurenna gu ta vur mike? I sa vula hirnga ɗu asi ka.» 38Yesu a mbiɗaŋ di: «Ki sa vula hirnga ɗik asi ya kini kwa? Gisiŋ gisiŋ, yi ɓuw na: ɓa hã kucukur a sa ji ˀay na, naɓa ki ji mi le vur ya, ki siniy ta ki siniy ta, is makir si.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.