Zaŋ 16
16
1«Yi ɓukum ɓi hana gar na, ɓa ki cam ar mungra ta. 2A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ. 3A sa gam kahana, asi a sinaka Baha ta, ko a sinikiy ya ta ma. 4Amma ya muɓukum ɓi hana na, da pas naŋ misa gi le na, ɓa kisa wulkaka keŋ, yi ɓukum di le zleˀe.
Slra ngi ˀUf Mipal
«Yi ɓukum ɓi nah zle angi zlivirzi naŋ ta na, vur y'ada zleˀe ati kumo. 5Amma wurenna, i ra cuh le ng'avu mbur mislino ya, ko mbur pal a wuzla kum macufuɗiy: ‹Ki ru nga maka› na, anta. 6Ya muɓukum di na, ki ra likam haɗa haɗa a mevel kumo. 7Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di. 8Yo ti naŋ misa so le na, a sa biga da mizli ngi duniyahaya, a zluɓam le avu ɓi ngi mungra, ɓi mijeŋŋe, waɗ avu ɓi ngi kiita ngi Buymisemuŋ. 9Mizli ngi duniyahay a zluɓaka le avu ɓi ngi mungra na, asi t'anta tiɓikiy ta. 10A zluɓaka le avu gi gwat mijeŋŋe, asi i ra cuh ng'avi Baha, kum anta kisa purikiy mata. 11A zluɓaka le avu kiita ngi Buymisemuŋ, asi a gaka kiita le da buy malambaˀ ngi duniya misenna. 12Y'ada ti ɓi haɗa ngi ɓukum di aruŋ, amma ki ɓusaka cin naŋ gu wurenna t'aruŋ. 13Da ˀUf mijeŋŋe misa so le na, a sa ru ti kum ar ɓi mikaslsla gar wãˀ. Asi a sa ɓi di i ɓi ngi mongoy naŋ ta, amma a sa ɓi di i ɓi naŋ masa cina, yo a sa bugukum ɓi ngi gwat masa gi gar. 14A sa giy dudok da ya, vur a sa bugukum di i ɓi naŋ masa lumo di avu ya. 15Gwat Baha misi ti naŋ gar na, inga yahay. Ya muɓukum a sa ɓukum di i ɓi naŋ mulumo di avu ya na vurˀeŋ.
Ndurɓo hiri a sa tiri mumul
16«Nga mbuŋ neˀ aka na, kum anta sa purikiy mata. Yo a dirba nah neˀ ma na, kisa purikiy ma.» 17Dar mizli ngi seˀe mekelemey a ɓam ar wala taŋ: «A wuɗ a ɓa ndra vuna mbrike? A ɓa ndra: ‹Nga mbuŋ neˀ na, kum anta sa purikiy mata. A dirba nah neˀ ma na, kisa purikiy ma.› Yo ma na: ‹I ra ru ng'avi Baha.› 18‹Neˀ nah vuna›, a mbiɗeˀvra mbrike? Ndr'anta slaka wala ngi ɓi naŋ mawuɗa ɓa vuna ta.» 19Yesu a si na le, taŋ ti may ɓa a cufuɗakaŋ, a ɓa taŋ: «Ya muɓukum: ‹Nga mbuŋ neˀ na, kum anta sa purikiy mata, a dirba nah neˀ ma na, kisa purikiy ma› na, kum macufuɗam vu ar wala kum na aseˀe kwa? 20Gisiŋ gisiŋ, yi ɓukum na: kisa tuwam kaɗam kaɗam, kisa niˀicam, amma duniya a sa mumul. Ki sa likam, amma lik kum a sa tiri mumul. 21Da ngwas ara yi na, a hiɗ hiri, asi pas naŋ a ndila le. Amma da a ya zuŋ le na, anta si na bonoy naŋ miga na mata, a mumul haɗa, vur a yi mbur le a ruwuyo. 22Kum wurenna, ki ra ndurɓom hiri kanah ya, amma yi sa purukum a muŋ ma, joˀ mevel kum a sa mumul, ko mbur masa tukukum mumul nah, anta. 23Naŋ kine, tapasa, kum anta sa cufuɗam ɓi neˀ avu ya mata. Gisiŋ gisiŋ, yi ɓukum na: da ki ra cufuɗam gwat avu Baha ti slimiɗ ɗu na, a sa vulukum di. 24Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.
Yesu a pa hirnga le da duniya
25«Yi ɓukum ɓi hana gar na, yi wukum di weˀ ti wi, amma pas naŋ ara ndilawa, tapasa, y'anta sa ɓukum kanah mata. Amma yi sa ɓukum ɓi vur Baha njah muduba. 26Tapasa, ɓa yi ɓukum: i sa tumbulo Baha vur kum na, i ɓukum ta. Ki sa cufuɗaka Baha ti slimiɗ ɗu. 27Asi Baha ti hirnga naŋ ara wuɗukum, asi ki wuɗikiy le, yo ki tiɓaka le, yi bo ti vu Buymisemuŋ. 28Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.» 29Dar mizli ngi seˀehey a ɓakaŋ: «Ani wurenna, ki ra ɓi njah njah, ki ra pula ɓi ɓi miweˀ ti wi muduba. 30Wurenna i sinaka le, ki si na gwataya le gar, k'anta wuɗ mbur a cufuɗuw ti cufuɗ ko neˀ ta. Ndra matiɓaka ki so ti vu Buymisemuŋ gisiŋ na, vurˀeŋ.» 31Yesu a mbiɗa taŋ di: «Ki tiɓaka le muduba sukwa? 32Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya. 33Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»
Currently Selected:
Zaŋ 16: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
Zaŋ 16
16
1«Yi ɓukum ɓi hana gar na, ɓa ki cam ar mungra ta. 2A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ. 3A sa gam kahana, asi a sinaka Baha ta, ko a sinikiy ya ta ma. 4Amma ya muɓukum ɓi hana na, da pas naŋ misa gi le na, ɓa kisa wulkaka keŋ, yi ɓukum di le zleˀe.
Slra ngi ˀUf Mipal
«Yi ɓukum ɓi nah zle angi zlivirzi naŋ ta na, vur y'ada zleˀe ati kumo. 5Amma wurenna, i ra cuh le ng'avu mbur mislino ya, ko mbur pal a wuzla kum macufuɗiy: ‹Ki ru nga maka› na, anta. 6Ya muɓukum di na, ki ra likam haɗa haɗa a mevel kumo. 7Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di. 8Yo ti naŋ misa so le na, a sa biga da mizli ngi duniyahaya, a zluɓam le avu ɓi ngi mungra, ɓi mijeŋŋe, waɗ avu ɓi ngi kiita ngi Buymisemuŋ. 9Mizli ngi duniyahay a zluɓaka le avu ɓi ngi mungra na, asi t'anta tiɓikiy ta. 10A zluɓaka le avu gi gwat mijeŋŋe, asi i ra cuh ng'avi Baha, kum anta kisa purikiy mata. 11A zluɓaka le avu kiita ngi Buymisemuŋ, asi a gaka kiita le da buy malambaˀ ngi duniya misenna. 12Y'ada ti ɓi haɗa ngi ɓukum di aruŋ, amma ki ɓusaka cin naŋ gu wurenna t'aruŋ. 13Da ˀUf mijeŋŋe misa so le na, a sa ru ti kum ar ɓi mikaslsla gar wãˀ. Asi a sa ɓi di i ɓi ngi mongoy naŋ ta, amma a sa ɓi di i ɓi naŋ masa cina, yo a sa bugukum ɓi ngi gwat masa gi gar. 14A sa giy dudok da ya, vur a sa bugukum di i ɓi naŋ masa lumo di avu ya. 15Gwat Baha misi ti naŋ gar na, inga yahay. Ya muɓukum a sa ɓukum di i ɓi naŋ mulumo di avu ya na vurˀeŋ.
Ndurɓo hiri a sa tiri mumul
16«Nga mbuŋ neˀ aka na, kum anta sa purikiy mata. Yo a dirba nah neˀ ma na, kisa purikiy ma.» 17Dar mizli ngi seˀe mekelemey a ɓam ar wala taŋ: «A wuɗ a ɓa ndra vuna mbrike? A ɓa ndra: ‹Nga mbuŋ neˀ na, kum anta sa purikiy mata. A dirba nah neˀ ma na, kisa purikiy ma.› Yo ma na: ‹I ra ru ng'avi Baha.› 18‹Neˀ nah vuna›, a mbiɗeˀvra mbrike? Ndr'anta slaka wala ngi ɓi naŋ mawuɗa ɓa vuna ta.» 19Yesu a si na le, taŋ ti may ɓa a cufuɗakaŋ, a ɓa taŋ: «Ya muɓukum: ‹Nga mbuŋ neˀ na, kum anta sa purikiy mata, a dirba nah neˀ ma na, kisa purikiy ma› na, kum macufuɗam vu ar wala kum na aseˀe kwa? 20Gisiŋ gisiŋ, yi ɓukum na: kisa tuwam kaɗam kaɗam, kisa niˀicam, amma duniya a sa mumul. Ki sa likam, amma lik kum a sa tiri mumul. 21Da ngwas ara yi na, a hiɗ hiri, asi pas naŋ a ndila le. Amma da a ya zuŋ le na, anta si na bonoy naŋ miga na mata, a mumul haɗa, vur a yi mbur le a ruwuyo. 22Kum wurenna, ki ra ndurɓom hiri kanah ya, amma yi sa purukum a muŋ ma, joˀ mevel kum a sa mumul, ko mbur masa tukukum mumul nah, anta. 23Naŋ kine, tapasa, kum anta sa cufuɗam ɓi neˀ avu ya mata. Gisiŋ gisiŋ, yi ɓukum na: da ki ra cufuɗam gwat avu Baha ti slimiɗ ɗu na, a sa vulukum di. 24Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.
Yesu a pa hirnga le da duniya
25«Yi ɓukum ɓi hana gar na, yi wukum di weˀ ti wi, amma pas naŋ ara ndilawa, tapasa, y'anta sa ɓukum kanah mata. Amma yi sa ɓukum ɓi vur Baha njah muduba. 26Tapasa, ɓa yi ɓukum: i sa tumbulo Baha vur kum na, i ɓukum ta. Ki sa cufuɗaka Baha ti slimiɗ ɗu. 27Asi Baha ti hirnga naŋ ara wuɗukum, asi ki wuɗikiy le, yo ki tiɓaka le, yi bo ti vu Buymisemuŋ. 28Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.» 29Dar mizli ngi seˀehey a ɓakaŋ: «Ani wurenna, ki ra ɓi njah njah, ki ra pula ɓi ɓi miweˀ ti wi muduba. 30Wurenna i sinaka le, ki si na gwataya le gar, k'anta wuɗ mbur a cufuɗuw ti cufuɗ ko neˀ ta. Ndra matiɓaka ki so ti vu Buymisemuŋ gisiŋ na, vurˀeŋ.» 31Yesu a mbiɗa taŋ di: «Ki tiɓaka le muduba sukwa? 32Puraka, pas naŋ ara ndilawa, wurenna a ndilo le vuna si, kisa zliɗam hirnga pal pal, mbur gar aru ngi hay naŋ ngi hay naŋ. Ki sa pulikiy deŋ pal ɗu. Amma ya pal ɗu ta, Baha naŋ da ati ya. 33Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.