Zaŋ 6
6
Yesu mimba mizli durmuk zlum
(Yo pura Mat 14.13-21; Mark 6.30-44; Luk 9.10-17)
1A dirba nah, Yesu a tuwuɗ nga duba yam madiɗa ngi Galile, ada zilaka yam Madiɗa ngi Tiberiya ma. 2Zigiduw haɗa ara sipaŋ, asi taŋ mupuraka cekenehey, naŋ mumbulo misi jijihey tuwa. 3Vurˀe, Yesu a jiɗ nga muwã, a cifi a diga ati mizli ngi seˀeheye. 4Naɓa muguzlum Pak ngi Yudeheye, naŋ gweˀe. 5Yesu a zuɓa hiri paɗɗa, keɗ na, zigiduw haɗa ara so ng'avaŋ, a ɓa Filipe: «I sa hiɗikoko ɗaf ngi zum da mizli hanayna amaka?» 6Naŋ maɓi kahana na, a wuɗ ɓa a ci a kwacay Filipe, asi naŋ vuna a si na gwat naŋ masa ga le si.
7Filip a mbiɗaŋ di: «Ko ɗaf ngi suloy skat cuw#6.7 Suloy skat skat cuw, ar hin Yesu na, suloy pal i wuruk ngi mbur migi slra ngi huf ar hiipasa. Pura Mat 20.2 ɓuluˀ ɓuluˀ kwana, anta tisla taŋ ta.»
8Mbur pal a wuzla mizli ngi seˀeheye, Andre sukum ngi Simoŋ Piyer, a ɓaŋ: 9«Ani, mangal ada aka ti ɗaf zlum waɗ kilif memeɗehey cuw, amma a gi mi geˀ da mizli mihaɗa kahana ka?»
10Dar Yesu a ɓi: «Ɓaka taŋ a cifam a ruwuy.» Giziŋ ada haɗi angi li nah vuna. Joˀ mizli a cifam so. Taŋ zileye, a gam gwat ngi durmuk zlum gu. 11Yesu a hila ɗafahay tuwa, a ga sise da Buymisemuŋ. A dirba nah, a wuɗkaka da mizli mujoˀjoˀhoy tuwa. A gi ti kilife kanah ma, a vula taŋ di ka taŋ mawuɗam. 12A dirba taŋ mimbam na, Yesu a ɓa mizli ngi seˀeheye: «Cikilaka is naŋ mubulngus bulngus mindire, ɓa ko neˀ a hiryi ta.»
13A cikilaka is ngi ɗaf zlum mizli muzumam ava tuwa, a naham di gadagar kuruˀ nga cuw. 14Mizli tuwa mupuraka cekene Yesu miga nah na, a ɓam: «Mbur hana i Mijiviɗ gisiŋ! Mijiviɗ ngi so angi duniya tuwa, i naŋ vuna!»
15Amma Yesu misina a wuɗam a tikakaŋ ˀay ɓa a cakaŋ ar buy na, a sumuɗ silaŋ pal naŋ nga muwã tuwa ma.
Yesu muru ti sar a hirnga yam
(Yo pura Mat 14.22-33; Mark 6.45-52)
16Pastaˀ migi na, mizli ngi seˀehey a pam sar sesẽŋ nga miyam madiɗaŋ. 17A cam palalam, ara ram kini nga Kapernahum ti duba zaw vay mekelem. Duvuɗ a ji le si, amma Yesu a ja taŋ is t'aruŋ. 18Himiɗ a zla gi ti gidaŋ, yam a ki totoŋ ɓaˀ ɓaˀa. 19A kukuroko palalama le, a gi gwat ngi kilometir zlum malla merkeɗ gu si. Dar a puraka Yesu ara ru ti sar a hirnga yama, ara kiroho ng'avi palalama, joˀ zluwun a ga taŋ. 20Amma Yesu a ɓa taŋ: «I ya, ki zluwunam ta!»
21A wuɗam ɓa a zuɓakaŋ ng'ar palalama zleˀe, amma ar nah vuna si na, palalam a luuma hirwuyo le kric ar li taŋ maram ng'ara tuwa.
Zigiduw maru ti sipa Yesu
22Li naŋ muwun na, mizli mindiram a dubazaw vay mekeleme, a wulkam keŋ, palalama zleˀe akẽh purla tewle, yo ma na, Yesu a ci palalam asi mizli ngi seˀeheye zleˀe ta ma, taŋ a ram pal taŋ. 23Amma palalam mekelemey a soko tir walahay Tiberiya, a ndiloko gweˀ avu li taŋ muzumaka ɗaf, Buy Yesu miga sise da Buymisemuŋ vurˀe tuwaŋ. 24Zigiduw mupura Yesu naŋ anta akẽh ta, yo ko mizli ngi seˀeheye, t'anta ma na, a cam palalam tayna tuwa, a ram nga puroko di a Kapernahumo. 25Yo ti taŋ mulumaka a duba yam madiɗa tuwa na, a ɓakaŋ: «Kumani, ki ndilo aka ngi vunaka?»
26Yesu a mbiɗa taŋ di: «Gisiŋ gisiŋ, yi ɓukum na: kum masipikiy na, anta vur kum mupuram cekenehey na ta, amma vur kum muzumam ɗaf, hã ki mbam ndus na. 27Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»
28Joˀ a ɓakaŋ: «Ani, i gam mbri ɓa i gam slra ngi Buymisemuŋ vuna ka?»
29Yesu a mbiɗa taŋ di: «Slra ngi Buymisemuŋ anihĩ: Sey ki tiɓaka mbur naŋ mislino di na far.»
30A ɓakaŋ: «Na, ka ki gi cekene wana, ɓa i purakaŋ, yo ɓa i tuɓukuw vuna ka? Ki sa gi di i slra wanaka? 31Dideˀ ndrahay a zumam man le a wuzlaɓuh mikirɗak kirɗaka, a tohoko ɓi nah anihĩ: A vula taŋ ɗaf ngi zum muso paɗ ti muŋ.»
32Amma Yesu a ɓa taŋ: «Gisiŋ gisiŋ, yi ɓukum na: muvulukum ɗaf ngi muŋ na, i Moyis ta, amma i Baha mavulukum ɗaf migisiŋ gisiŋ maso paɗ ti muŋ. 33Asi ɗaf ngi Buymisemuŋ mavulukum di na, i ɗaf mapo sar paɗ a muŋ, yo mavula siifa da duniya.»
34Dar a ɓakaŋ: «Inga vula ndra ɗaf nah vuna ndrehhe sini, Buy.»
35Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ. 36Amma yi ɓukum di le: ki purikiy le ngbaŋ, ti nah gar kwana, kum anta tiɓaka ta. 37Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ. 38Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo. 39Gwat mbur mislino ya mawuɗo n'anihĩ: mizli naŋ muvuliy taŋ na, anja i zizi mbur pal a wuzla taŋ ta. Amma angi hin ngi dirba wãˀ na, anja i slikiɗa taŋ ti wuzla mumucahay a muŋ. 40Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»
41Zle ti nah na, Yudehey a zlaka a dirɗaka Yesu, vur naŋ miɓi: «Yi ɗaf mupo sar paɗ ti muŋ» tuwa. 42Joˀ a ɓam ma na: «Hana i Yesu mangal ngi Zozef tuwa ta kwa? I sinaka cine ati mumuŋ le ngbaŋ. Wurenna a ɓi a po sar paɗ ti muŋ mbri mbrike?»
43Yesu a mbiɗa taŋ di: «Pulaka dirɗa vu ar wala kum na. 44Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ. 45Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya. 46Mbur mupura Baha ɗaˀ anta, sey mbur muso ti vu Buymisemuŋ na, naŋ a pura Cine le ɓula. 47Gisiŋ gisiŋ, yi ɓukum na: ko wa mitiɓi le na, naŋ da ti siifa ngi sete. 48Yi ɗaf mavul siifa. 49Dideˀ kumoy a zumam man le a wuzlaɓuh mikirɗak kirɗaka, yo a micam le. 50Amma ɗaf maposar paɗ ti muŋ na, ɓi naŋ anihĩ: mbur misa zuma le na, anta sa muc mata wãˀ.
51«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.
52Dar Yudehey a ngilam mi ti gidaŋ ar wala taŋ, a ɓam: «Mbur hana a vula ndra meficek ngi vu naŋ gu ɓa i zumaka mbri mbrike?»
53Joˀ Yesu a ɓa taŋ: «Gisiŋ gisiŋ, yi ɓukum na: da ki zumam meficek ngi Mangal ngi mburo ta, yo da kisam pumbus naŋ ta na, kum anta kisa lumam siifa a hur kumo ta. 54Mbur mazum meficek ngi vu ɗu, yo masi pumbus ɗu na, naŋ da ti siifa ngi sete, yo i sa slikiɗaŋ ti wuzla mumucahay ar hin ngi dirba. 55Asi meficek ngi vu ɗu i ɗaf migisiŋ gisiŋ naŋ, yo pumbus ɗu i gwat ngi si migisiŋ gisiŋ naŋ. 56Mbur mazum meficek ngi vu ɗu, yo masi pumbus ɗu na, naŋ da jom ati ya, yo ya kwana, y'ada jom ati naŋ ya. 57Baha mislino ya, naŋ ti sifa, ya misi ti siifa na mbele naŋ, naŋ kanah ya, mbur misa zumiy le na, a sa ndir ti siifa mbele ya. 58Peŋ mupo sar paɗ ti muŋ n'anihĩ: a bam vu ati ngi dideˀ kumoy muzumaka na ta, asi taŋ a micam le. Amma mbur misa zum ɗaf hana le na, a sa ndir ti siifa hã ngi sete.» 59Hana i dubuna gwat ngi Yesu da mizli ar hay ngi dira dibiɗ a Kapernahum.
Mingiɓi mavul siifa ngi sete
60Mizli haɗa a wuzla mizli ngi seˀeheye, a dirba taŋ micinam ɓi hana na, a ɓam: «Ɓi hana naŋ tuwaˀa. Macina gu i waka?»
61Amma Yesu a si na le a mevele, mizli ngi seˀehey ara sisikamˀay ar ɓi nah, a ɓa taŋ: «Ɓi nah a wuɗ a ngizli ti kum avu jiviɗe kwa? 62Ani da kisa puraka Mangal ngi mburo le, ara jiɗ ng'ar li naŋ misi anga zleˀe na mbrike? 63Mavul siifa i ˀUf ngi Buymisemuŋ. Meficek ngi vu anta gi gwat ko neˀ ta. Mingiɓi ya muɓukum di na, i ˀUf, yo i siifa. 64Amma mekelemey ada a wuzla kumo, anta tiɓam ta.» Vur mizli matiɓam ta ati mbur masa vulaŋ ɓa a jakaŋ na, Yesu a si na taŋ le zle dumbuŋ si.
65A ɓi ma: «Vurˀe, yi ɓukum na: ko mbur maso ng'avi ya gu anta, sey da Baha mupulaŋ jiviɗ nah le far.»
66Zle tapasa, mizli ngi seˀehey haɗa a pulakaŋ, a ram aseˀe mata. 67Dar Yesu a cufuɗa mizli mukuruˀ nga cuwoyo: «Na, kumo, ki wuɗam cuh le ya kwa?»
68Amma Simoŋ Piyer a mbiɗaŋ di: «I sa ram ng'avi waka, Buy? Kˀada ti mingiɓi mavul siifa ngi sete. 69Ani ndra, i tiɓaka le, i sinaka le, ki mbur Mipal ngi Buymisemuŋ.»
70Yesu a mbiɗa taŋ di: «Muwunukum, kum mukuruˀ nga cuwoy na, i ya ta kwa? Amma mbur pal a wuzla kum i Satan!»
71A ɓi na vur Yudas, mangal ngi Simoŋ Iskariyot. Asi mbur ngi wuzla mukuruˀ nga cuwoy, masa vula Yesu ɓa a jakaŋ na, i naŋ.
Currently Selected:
Zaŋ 6: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
Zaŋ 6
6
Yesu mimba mizli durmuk zlum
(Yo pura Mat 14.13-21; Mark 6.30-44; Luk 9.10-17)
1A dirba nah, Yesu a tuwuɗ nga duba yam madiɗa ngi Galile, ada zilaka yam Madiɗa ngi Tiberiya ma. 2Zigiduw haɗa ara sipaŋ, asi taŋ mupuraka cekenehey, naŋ mumbulo misi jijihey tuwa. 3Vurˀe, Yesu a jiɗ nga muwã, a cifi a diga ati mizli ngi seˀeheye. 4Naɓa muguzlum Pak ngi Yudeheye, naŋ gweˀe. 5Yesu a zuɓa hiri paɗɗa, keɗ na, zigiduw haɗa ara so ng'avaŋ, a ɓa Filipe: «I sa hiɗikoko ɗaf ngi zum da mizli hanayna amaka?» 6Naŋ maɓi kahana na, a wuɗ ɓa a ci a kwacay Filipe, asi naŋ vuna a si na gwat naŋ masa ga le si.
7Filip a mbiɗaŋ di: «Ko ɗaf ngi suloy skat cuw#6.7 Suloy skat skat cuw, ar hin Yesu na, suloy pal i wuruk ngi mbur migi slra ngi huf ar hiipasa. Pura Mat 20.2 ɓuluˀ ɓuluˀ kwana, anta tisla taŋ ta.»
8Mbur pal a wuzla mizli ngi seˀeheye, Andre sukum ngi Simoŋ Piyer, a ɓaŋ: 9«Ani, mangal ada aka ti ɗaf zlum waɗ kilif memeɗehey cuw, amma a gi mi geˀ da mizli mihaɗa kahana ka?»
10Dar Yesu a ɓi: «Ɓaka taŋ a cifam a ruwuy.» Giziŋ ada haɗi angi li nah vuna. Joˀ mizli a cifam so. Taŋ zileye, a gam gwat ngi durmuk zlum gu. 11Yesu a hila ɗafahay tuwa, a ga sise da Buymisemuŋ. A dirba nah, a wuɗkaka da mizli mujoˀjoˀhoy tuwa. A gi ti kilife kanah ma, a vula taŋ di ka taŋ mawuɗam. 12A dirba taŋ mimbam na, Yesu a ɓa mizli ngi seˀeheye: «Cikilaka is naŋ mubulngus bulngus mindire, ɓa ko neˀ a hiryi ta.»
13A cikilaka is ngi ɗaf zlum mizli muzumam ava tuwa, a naham di gadagar kuruˀ nga cuw. 14Mizli tuwa mupuraka cekene Yesu miga nah na, a ɓam: «Mbur hana i Mijiviɗ gisiŋ! Mijiviɗ ngi so angi duniya tuwa, i naŋ vuna!»
15Amma Yesu misina a wuɗam a tikakaŋ ˀay ɓa a cakaŋ ar buy na, a sumuɗ silaŋ pal naŋ nga muwã tuwa ma.
Yesu muru ti sar a hirnga yam
(Yo pura Mat 14.22-33; Mark 6.45-52)
16Pastaˀ migi na, mizli ngi seˀehey a pam sar sesẽŋ nga miyam madiɗaŋ. 17A cam palalam, ara ram kini nga Kapernahum ti duba zaw vay mekelem. Duvuɗ a ji le si, amma Yesu a ja taŋ is t'aruŋ. 18Himiɗ a zla gi ti gidaŋ, yam a ki totoŋ ɓaˀ ɓaˀa. 19A kukuroko palalama le, a gi gwat ngi kilometir zlum malla merkeɗ gu si. Dar a puraka Yesu ara ru ti sar a hirnga yama, ara kiroho ng'avi palalama, joˀ zluwun a ga taŋ. 20Amma Yesu a ɓa taŋ: «I ya, ki zluwunam ta!»
21A wuɗam ɓa a zuɓakaŋ ng'ar palalama zleˀe, amma ar nah vuna si na, palalam a luuma hirwuyo le kric ar li taŋ maram ng'ara tuwa.
Zigiduw maru ti sipa Yesu
22Li naŋ muwun na, mizli mindiram a dubazaw vay mekeleme, a wulkam keŋ, palalama zleˀe akẽh purla tewle, yo ma na, Yesu a ci palalam asi mizli ngi seˀeheye zleˀe ta ma, taŋ a ram pal taŋ. 23Amma palalam mekelemey a soko tir walahay Tiberiya, a ndiloko gweˀ avu li taŋ muzumaka ɗaf, Buy Yesu miga sise da Buymisemuŋ vurˀe tuwaŋ. 24Zigiduw mupura Yesu naŋ anta akẽh ta, yo ko mizli ngi seˀeheye, t'anta ma na, a cam palalam tayna tuwa, a ram nga puroko di a Kapernahumo. 25Yo ti taŋ mulumaka a duba yam madiɗa tuwa na, a ɓakaŋ: «Kumani, ki ndilo aka ngi vunaka?»
26Yesu a mbiɗa taŋ di: «Gisiŋ gisiŋ, yi ɓukum na: kum masipikiy na, anta vur kum mupuram cekenehey na ta, amma vur kum muzumam ɗaf, hã ki mbam ndus na. 27Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»
28Joˀ a ɓakaŋ: «Ani, i gam mbri ɓa i gam slra ngi Buymisemuŋ vuna ka?»
29Yesu a mbiɗa taŋ di: «Slra ngi Buymisemuŋ anihĩ: Sey ki tiɓaka mbur naŋ mislino di na far.»
30A ɓakaŋ: «Na, ka ki gi cekene wana, ɓa i purakaŋ, yo ɓa i tuɓukuw vuna ka? Ki sa gi di i slra wanaka? 31Dideˀ ndrahay a zumam man le a wuzlaɓuh mikirɗak kirɗaka, a tohoko ɓi nah anihĩ: A vula taŋ ɗaf ngi zum muso paɗ ti muŋ.»
32Amma Yesu a ɓa taŋ: «Gisiŋ gisiŋ, yi ɓukum na: muvulukum ɗaf ngi muŋ na, i Moyis ta, amma i Baha mavulukum ɗaf migisiŋ gisiŋ maso paɗ ti muŋ. 33Asi ɗaf ngi Buymisemuŋ mavulukum di na, i ɗaf mapo sar paɗ a muŋ, yo mavula siifa da duniya.»
34Dar a ɓakaŋ: «Inga vula ndra ɗaf nah vuna ndrehhe sini, Buy.»
35Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ. 36Amma yi ɓukum di le: ki purikiy le ngbaŋ, ti nah gar kwana, kum anta tiɓaka ta. 37Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ. 38Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo. 39Gwat mbur mislino ya mawuɗo n'anihĩ: mizli naŋ muvuliy taŋ na, anja i zizi mbur pal a wuzla taŋ ta. Amma angi hin ngi dirba wãˀ na, anja i slikiɗa taŋ ti wuzla mumucahay a muŋ. 40Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»
41Zle ti nah na, Yudehey a zlaka a dirɗaka Yesu, vur naŋ miɓi: «Yi ɗaf mupo sar paɗ ti muŋ» tuwa. 42Joˀ a ɓam ma na: «Hana i Yesu mangal ngi Zozef tuwa ta kwa? I sinaka cine ati mumuŋ le ngbaŋ. Wurenna a ɓi a po sar paɗ ti muŋ mbri mbrike?»
43Yesu a mbiɗa taŋ di: «Pulaka dirɗa vu ar wala kum na. 44Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ. 45Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya. 46Mbur mupura Baha ɗaˀ anta, sey mbur muso ti vu Buymisemuŋ na, naŋ a pura Cine le ɓula. 47Gisiŋ gisiŋ, yi ɓukum na: ko wa mitiɓi le na, naŋ da ti siifa ngi sete. 48Yi ɗaf mavul siifa. 49Dideˀ kumoy a zumam man le a wuzlaɓuh mikirɗak kirɗaka, yo a micam le. 50Amma ɗaf maposar paɗ ti muŋ na, ɓi naŋ anihĩ: mbur misa zuma le na, anta sa muc mata wãˀ.
51«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.
52Dar Yudehey a ngilam mi ti gidaŋ ar wala taŋ, a ɓam: «Mbur hana a vula ndra meficek ngi vu naŋ gu ɓa i zumaka mbri mbrike?»
53Joˀ Yesu a ɓa taŋ: «Gisiŋ gisiŋ, yi ɓukum na: da ki zumam meficek ngi Mangal ngi mburo ta, yo da kisam pumbus naŋ ta na, kum anta kisa lumam siifa a hur kumo ta. 54Mbur mazum meficek ngi vu ɗu, yo masi pumbus ɗu na, naŋ da ti siifa ngi sete, yo i sa slikiɗaŋ ti wuzla mumucahay ar hin ngi dirba. 55Asi meficek ngi vu ɗu i ɗaf migisiŋ gisiŋ naŋ, yo pumbus ɗu i gwat ngi si migisiŋ gisiŋ naŋ. 56Mbur mazum meficek ngi vu ɗu, yo masi pumbus ɗu na, naŋ da jom ati ya, yo ya kwana, y'ada jom ati naŋ ya. 57Baha mislino ya, naŋ ti sifa, ya misi ti siifa na mbele naŋ, naŋ kanah ya, mbur misa zumiy le na, a sa ndir ti siifa mbele ya. 58Peŋ mupo sar paɗ ti muŋ n'anihĩ: a bam vu ati ngi dideˀ kumoy muzumaka na ta, asi taŋ a micam le. Amma mbur misa zum ɗaf hana le na, a sa ndir ti siifa hã ngi sete.» 59Hana i dubuna gwat ngi Yesu da mizli ar hay ngi dira dibiɗ a Kapernahum.
Mingiɓi mavul siifa ngi sete
60Mizli haɗa a wuzla mizli ngi seˀeheye, a dirba taŋ micinam ɓi hana na, a ɓam: «Ɓi hana naŋ tuwaˀa. Macina gu i waka?»
61Amma Yesu a si na le a mevele, mizli ngi seˀehey ara sisikamˀay ar ɓi nah, a ɓa taŋ: «Ɓi nah a wuɗ a ngizli ti kum avu jiviɗe kwa? 62Ani da kisa puraka Mangal ngi mburo le, ara jiɗ ng'ar li naŋ misi anga zleˀe na mbrike? 63Mavul siifa i ˀUf ngi Buymisemuŋ. Meficek ngi vu anta gi gwat ko neˀ ta. Mingiɓi ya muɓukum di na, i ˀUf, yo i siifa. 64Amma mekelemey ada a wuzla kumo, anta tiɓam ta.» Vur mizli matiɓam ta ati mbur masa vulaŋ ɓa a jakaŋ na, Yesu a si na taŋ le zle dumbuŋ si.
65A ɓi ma: «Vurˀe, yi ɓukum na: ko mbur maso ng'avi ya gu anta, sey da Baha mupulaŋ jiviɗ nah le far.»
66Zle tapasa, mizli ngi seˀehey haɗa a pulakaŋ, a ram aseˀe mata. 67Dar Yesu a cufuɗa mizli mukuruˀ nga cuwoyo: «Na, kumo, ki wuɗam cuh le ya kwa?»
68Amma Simoŋ Piyer a mbiɗaŋ di: «I sa ram ng'avi waka, Buy? Kˀada ti mingiɓi mavul siifa ngi sete. 69Ani ndra, i tiɓaka le, i sinaka le, ki mbur Mipal ngi Buymisemuŋ.»
70Yesu a mbiɗa taŋ di: «Muwunukum, kum mukuruˀ nga cuwoy na, i ya ta kwa? Amma mbur pal a wuzla kum i Satan!»
71A ɓi na vur Yudas, mangal ngi Simoŋ Iskariyot. Asi mbur ngi wuzla mukuruˀ nga cuwoy, masa vula Yesu ɓa a jakaŋ na, i naŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.