Matiyew 22
22
Ɗaf ma magurlam me zəgey kokwa
(Lk 14.15-24)
1Yezu ma mafa ma tsatar, ma maladatara bəzay ma guma hay ta meley sa: 2«Slala ma 'ərlam na kal kal ta bay ana daha ɗuhwa ha me key magurlam ma bəzey ŋga me zəgey kokwa. 3Ŋga na me slərey gawla ŋga hay, ma da zəlatərawa ndaw ma wuna na hay. Ama taya na, a wuɗam ma səmawa kakay. 4Ŋga me kuyey gawla hay mekele hiya sa, ma ka ləvəmatərawa a ndaw ma wuna na hay: ‹Nəkafama i ka ləmadata tek ma magurlam hay tsoy, gusaŋ a ɗaw, ta gənaw a ɗaw ma gəla na hay, ma sla hiya ba, kassla me zəmey tok, səmawa a magurlam me zəgey kokwa.› 5Ama taya na, ka pamar sləmay a mey ŋga kakay; ma dam tek ata; naŋgar a ley ŋga, naŋgar a slam ma filaw aŋga. 6Sa na hay ma haləmata gawla ma 'ay ŋga na hay, ma kadəmata banay, ma kəɗəmata ba vagay ahiya. 7A ndalar a bay ɗuhwa na bəza kakay. Ŋga me slərey sidzew aŋga hay, ma da kəɗəmatərawa ndaw ana hana seweɗ ana hay, ma ka kakəradəmatərawa wuraw ata na ba. 8Arka ŋga ma ləvatar a gawla ŋga hay: ‹Ekəɗey tek ma magurlam hay ma taya tsoy, ama ndaw i ma wunata na hay na, ma həla vaw ahiya kakay. 9Dawam ka mezlezleŋ tsəveɗ hay, wunəmatərawa mendzey ma ndaw kuray ma zlam 'ar ana hay tabiya ha a magurlam ana.› 10Gawla na hay ma dawam ka tsakay tsəveɗ hay, ma hələmatərawa ndaw taya ma tsam 'ar ana hay: ndaw seweɗ ana hay, ta ndaw kokwoɗ ana hay tabiyaha. Arka 'ay ma magurlam ana me rəhey ɓərets, ta ndaw ma wuna na hay. 11Andza ma bay ɗuhwa na me fuləkwey a 'ay, me nəkey dey ka ndaw ma wuna na hay na, a da ndzefey gawla na daha zana ma magurlam me zəgey kokwa ka vaw dakay. 12Ŋga ma ləvar: ‹Dzam a ɗaw eɗey, ŋgeɗek ka da fuləkwawa a 'ay ana, mandzara zana ma magurlam me zəgey kokwa ka vaw na teŋgey?› Ŋga tete təŋga. 13Arka bay ɗuhwa na ma ləvatar a gawla ŋga hay: ‹Dzuwadəmara har ta sek adzay na, kəladama a bəla a ləvaŋ. Da huɗa tok na, ma tuway ta me pəɗey sler aha›. 14Dərka na ndaw ma wuna na hay na, haɗadzidzay, amana ma gaɗəma na hay na nekəɗey dada.»
Ma vəladara dzaŋgal a Sezar tsukuɗu, ma vəladara kakay ɗaw?
(Mk 12.13-17; Lk 20.20-26)
15Arka Fariziyeŋ hay ma dam ma ŋgəlafama mawa ka Yezu, ka tsey guma ma da ŋgafa gendeɗ. 16Taya ma sləram gawla ta hay, ta na Erod hay ma ka tsəhafama: «Miter, la səradama kah na ndaw dzerey aha, ka tatəkadatara a ndaw hay na tsəveɗ ma Bay ma Bəla da dərka na. Ka wesey ta ndaw tikay, hərway ka nəkafata ka ndaw hay na kal kal. 17Aŋga ɓadandar andza na ŋgeɗek me dzeley ana ɗagay: mewey lakwa a vəley tsəveɗ ma vəlar dzaŋgal a Sezar tsukuɗu, ma vəlar kakay ɗaw?» 18Ama Yezu na, ma sərafa ka wewer ata, me ləvey: «Mbaɗa mbaɗa kwar eɗey ŋgey. Ka ŋgafəmaya gendeɗ na, ka mey? 19Aŋga ɓadəmiyawa sulay ma vəlam ka dzaŋgal ana ɗagay.» Taya ma ɓadəmara sulay ana asləta. 20Ŋga ma ləvatar: «Foto neney, ta mewindey a neney, ma ŋgway hay?» 21Taya ma mbəɗamar kava: «Ma Sezar.» Arka ŋga ma ləvatar tok: «Tek ma Sezar na, vəladəmara a Sezar ana təŋga. Ma Bay ma Bəla na, vəladəmara a Bay ma Bəla ana tiyatsa.» 22Andza taya ma tsənadama guma neney na, a rəzlata. Arka taya na ma gəradama ma dam tek ata.
Ndaw ma mətsa na hay a da mbələmawa
(Mk 12.18-27; Lk 20.27-38)
23Pas ana ŋga na na, Sadusiyeŋ hay ma guram ka tsakay ma Yezu. Sadusiyeŋ hay a ləvam na: ndaw ka mətsey ba na, a da mbəlawa ha sakay. Taya ma tsəhafama ka Yezu andza neney: 24«Miter, Moyiz a ləvey na: kendzey ndaw ka mətsey ba, mandzara ka yawa bəzey ta ŋgwas aŋga na, malam aŋga ka zəga madakway ana, ka yadərawa wawa hay a malam aŋga aha na na. 25Ama tok na, naŋgar daha da 'ay la na, ndaw hay tsəla ta malam ata hay na tsəfəmey ana ta ŋgwas aha, mətserey ba, andza ka ndzafam bəzey kakay na, ŋga ma mbəkadara ŋgwas ana a malam aŋga. 26Andza ha sa tsa na, me tsetsew ana, ma makar ana, ha taya ma ndəvam tsəla ta hiya tabiyaha. 27A dəba ta hana ma mətsam ba tabiyaha na na, ŋgwas ana me mətsey tey. 28Kəɗey tok na, ta pas ma ma da mbəlawa na, da walaŋ ata na tsəla ana na, ŋgwas ana, a da ndzara na, a way tok? Hərway taya ka zəgama ba tobiya tahiya, ka ŋgwas aha sana.» 29Yezu ma mbəɗatar kava: «Kuray ka zləgam ba zləna, hərway ka səradama Mewindey Kokwoɗ ana hay kakay, kwa ma slafa ma Bay ma Bəla kakay. 30Akwa na, ta pas ma ma da mbəlawa na, ndaw a da zəgey aha ŋgwas sakay, ndaw a da zəgey aha zel sakay. Ama ndaw hay a da ndzam na, kal kal andza madurlam hay da 'ərlam. 31Ka guma ma ma da mbəlawa ma ndaw ma mətsa na hay na, kuray ka dzaŋgama guma ma Bay ma Bəla ma ləvakwar ana tikay ɗaw? 32‹Yah na Bay'ərlam ma Abraham, Bay'ərlam ma Izak, Bay'ərlam ma Zakob.› Ŋga na, Bay'ərlam ma ndaw ma mətsa na hay kakay, amana ma ndaw ta dey ana hay.» 33Andza ndaw na ma kusa hiya na hay ma tsənadama guma ŋga neney na, ma rəzla hiya ta me tetəkey ŋga na.
Mey ma mewey na ɗuhwa na na, na waray?
(Mk 12.28-34; Lk 10.25-28)
34Andza Fariziyeŋ hay ma tsənadama, Yezu ka zəgata Sadusiyeŋ hay ba na, taya ma tsəham 'ar. 35Arka ndaw asləta da walaŋ, ma ndaw me sesəkey Mewey, ma tsəhafa ka Yezu, a wuɗey ma ŋgafa gendeɗ. 36Ŋga ma ləvar: «Miter, mey ma mewey ana ɗuhwa na da Mewey na na waray?» 37Yezu ma ləvar: «Ka da wuɗa Bay’ərlam Bay ɗek na, ta mevel eɗek a dzay, ta mezek eɗek adzay, ta 'ar me dzeley ɗek adzay. 38Neney na mey ma mewey ɗuhwa na, tsəfəmey ana. 39Na metsetsew ana gədaŋ aha satsa: Ka da wuɗa ndaw ka tsakay ɗek ana na, kal kal andza vaw ɗek ana. 40Da mey ma mewey a neney tsew ana hay na, Mewey hay, ta Ndaw sek hay tabiyaha a bəmawa na da huɗa.»
Kriste ta David
(Mk 12.35-37; Lk 20.41-44)
41Andza Fariziyeŋ hay ma tsəha 'ar ahiya na, Yezu ma tsəhafata bəzay ma guma neney: 42«Kuray ekəɗey na, ka ləvafama ka Ndaw Bay'ərlam ma vahara 'ar ana na teŋgey? Bəzey ma hwoɗ aŋgway?» Taya ma mbəɗamar kava: «Ma David.» 43Yezu ma ləvatar: «Azlakwa David ana ta gədaŋ ma Mesəfrey Kokwoɗ ana na, a zəla: Bay’ərlam, na teŋgey seŋgey? Ŋga me ləvey: 44‹Bay’ərlam a ləvar a Bay’ərlam aŋga: ndzey ta har zəmay ɗaw, ha aza i padata ndaw dugwan eɗek hay a huɗa sek eɗek.› 45Azlakwa David a zəla Bay’ərlam a ɗaw sana, a da key bəzey ŋga ha na, teŋgey seŋgey tok?» 46Kwa ndaw ma slafa ma mbəɗafara ta bəzay ma guma asləta na dakay. Arka zla da na ŋga na na, ndaw me wuɗey ma tsəhafa bəzay ma guma na dasakay.
Currently Selected:
Matiyew 22: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
Matiyew 22
22
Ɗaf ma magurlam me zəgey kokwa
(Lk 14.15-24)
1Yezu ma mafa ma tsatar, ma maladatara bəzay ma guma hay ta meley sa: 2«Slala ma 'ərlam na kal kal ta bay ana daha ɗuhwa ha me key magurlam ma bəzey ŋga me zəgey kokwa. 3Ŋga na me slərey gawla ŋga hay, ma da zəlatərawa ndaw ma wuna na hay. Ama taya na, a wuɗam ma səmawa kakay. 4Ŋga me kuyey gawla hay mekele hiya sa, ma ka ləvəmatərawa a ndaw ma wuna na hay: ‹Nəkafama i ka ləmadata tek ma magurlam hay tsoy, gusaŋ a ɗaw, ta gənaw a ɗaw ma gəla na hay, ma sla hiya ba, kassla me zəmey tok, səmawa a magurlam me zəgey kokwa.› 5Ama taya na, ka pamar sləmay a mey ŋga kakay; ma dam tek ata; naŋgar a ley ŋga, naŋgar a slam ma filaw aŋga. 6Sa na hay ma haləmata gawla ma 'ay ŋga na hay, ma kadəmata banay, ma kəɗəmata ba vagay ahiya. 7A ndalar a bay ɗuhwa na bəza kakay. Ŋga me slərey sidzew aŋga hay, ma da kəɗəmatərawa ndaw ana hana seweɗ ana hay, ma ka kakəradəmatərawa wuraw ata na ba. 8Arka ŋga ma ləvatar a gawla ŋga hay: ‹Ekəɗey tek ma magurlam hay ma taya tsoy, ama ndaw i ma wunata na hay na, ma həla vaw ahiya kakay. 9Dawam ka mezlezleŋ tsəveɗ hay, wunəmatərawa mendzey ma ndaw kuray ma zlam 'ar ana hay tabiya ha a magurlam ana.› 10Gawla na hay ma dawam ka tsakay tsəveɗ hay, ma hələmatərawa ndaw taya ma tsam 'ar ana hay: ndaw seweɗ ana hay, ta ndaw kokwoɗ ana hay tabiyaha. Arka 'ay ma magurlam ana me rəhey ɓərets, ta ndaw ma wuna na hay. 11Andza ma bay ɗuhwa na me fuləkwey a 'ay, me nəkey dey ka ndaw ma wuna na hay na, a da ndzefey gawla na daha zana ma magurlam me zəgey kokwa ka vaw dakay. 12Ŋga ma ləvar: ‹Dzam a ɗaw eɗey, ŋgeɗek ka da fuləkwawa a 'ay ana, mandzara zana ma magurlam me zəgey kokwa ka vaw na teŋgey?› Ŋga tete təŋga. 13Arka bay ɗuhwa na ma ləvatar a gawla ŋga hay: ‹Dzuwadəmara har ta sek adzay na, kəladama a bəla a ləvaŋ. Da huɗa tok na, ma tuway ta me pəɗey sler aha›. 14Dərka na ndaw ma wuna na hay na, haɗadzidzay, amana ma gaɗəma na hay na nekəɗey dada.»
Ma vəladara dzaŋgal a Sezar tsukuɗu, ma vəladara kakay ɗaw?
(Mk 12.13-17; Lk 20.20-26)
15Arka Fariziyeŋ hay ma dam ma ŋgəlafama mawa ka Yezu, ka tsey guma ma da ŋgafa gendeɗ. 16Taya ma sləram gawla ta hay, ta na Erod hay ma ka tsəhafama: «Miter, la səradama kah na ndaw dzerey aha, ka tatəkadatara a ndaw hay na tsəveɗ ma Bay ma Bəla da dərka na. Ka wesey ta ndaw tikay, hərway ka nəkafata ka ndaw hay na kal kal. 17Aŋga ɓadandar andza na ŋgeɗek me dzeley ana ɗagay: mewey lakwa a vəley tsəveɗ ma vəlar dzaŋgal a Sezar tsukuɗu, ma vəlar kakay ɗaw?» 18Ama Yezu na, ma sərafa ka wewer ata, me ləvey: «Mbaɗa mbaɗa kwar eɗey ŋgey. Ka ŋgafəmaya gendeɗ na, ka mey? 19Aŋga ɓadəmiyawa sulay ma vəlam ka dzaŋgal ana ɗagay.» Taya ma ɓadəmara sulay ana asləta. 20Ŋga ma ləvatar: «Foto neney, ta mewindey a neney, ma ŋgway hay?» 21Taya ma mbəɗamar kava: «Ma Sezar.» Arka ŋga ma ləvatar tok: «Tek ma Sezar na, vəladəmara a Sezar ana təŋga. Ma Bay ma Bəla na, vəladəmara a Bay ma Bəla ana tiyatsa.» 22Andza taya ma tsənadama guma neney na, a rəzlata. Arka taya na ma gəradama ma dam tek ata.
Ndaw ma mətsa na hay a da mbələmawa
(Mk 12.18-27; Lk 20.27-38)
23Pas ana ŋga na na, Sadusiyeŋ hay ma guram ka tsakay ma Yezu. Sadusiyeŋ hay a ləvam na: ndaw ka mətsey ba na, a da mbəlawa ha sakay. Taya ma tsəhafama ka Yezu andza neney: 24«Miter, Moyiz a ləvey na: kendzey ndaw ka mətsey ba, mandzara ka yawa bəzey ta ŋgwas aŋga na, malam aŋga ka zəga madakway ana, ka yadərawa wawa hay a malam aŋga aha na na. 25Ama tok na, naŋgar daha da 'ay la na, ndaw hay tsəla ta malam ata hay na tsəfəmey ana ta ŋgwas aha, mətserey ba, andza ka ndzafam bəzey kakay na, ŋga ma mbəkadara ŋgwas ana a malam aŋga. 26Andza ha sa tsa na, me tsetsew ana, ma makar ana, ha taya ma ndəvam tsəla ta hiya tabiyaha. 27A dəba ta hana ma mətsam ba tabiyaha na na, ŋgwas ana me mətsey tey. 28Kəɗey tok na, ta pas ma ma da mbəlawa na, da walaŋ ata na tsəla ana na, ŋgwas ana, a da ndzara na, a way tok? Hərway taya ka zəgama ba tobiya tahiya, ka ŋgwas aha sana.» 29Yezu ma mbəɗatar kava: «Kuray ka zləgam ba zləna, hərway ka səradama Mewindey Kokwoɗ ana hay kakay, kwa ma slafa ma Bay ma Bəla kakay. 30Akwa na, ta pas ma ma da mbəlawa na, ndaw a da zəgey aha ŋgwas sakay, ndaw a da zəgey aha zel sakay. Ama ndaw hay a da ndzam na, kal kal andza madurlam hay da 'ərlam. 31Ka guma ma ma da mbəlawa ma ndaw ma mətsa na hay na, kuray ka dzaŋgama guma ma Bay ma Bəla ma ləvakwar ana tikay ɗaw? 32‹Yah na Bay'ərlam ma Abraham, Bay'ərlam ma Izak, Bay'ərlam ma Zakob.› Ŋga na, Bay'ərlam ma ndaw ma mətsa na hay kakay, amana ma ndaw ta dey ana hay.» 33Andza ndaw na ma kusa hiya na hay ma tsənadama guma ŋga neney na, ma rəzla hiya ta me tetəkey ŋga na.
Mey ma mewey na ɗuhwa na na, na waray?
(Mk 12.28-34; Lk 10.25-28)
34Andza Fariziyeŋ hay ma tsənadama, Yezu ka zəgata Sadusiyeŋ hay ba na, taya ma tsəham 'ar. 35Arka ndaw asləta da walaŋ, ma ndaw me sesəkey Mewey, ma tsəhafa ka Yezu, a wuɗey ma ŋgafa gendeɗ. 36Ŋga ma ləvar: «Miter, mey ma mewey ana ɗuhwa na da Mewey na na waray?» 37Yezu ma ləvar: «Ka da wuɗa Bay’ərlam Bay ɗek na, ta mevel eɗek a dzay, ta mezek eɗek adzay, ta 'ar me dzeley ɗek adzay. 38Neney na mey ma mewey ɗuhwa na, tsəfəmey ana. 39Na metsetsew ana gədaŋ aha satsa: Ka da wuɗa ndaw ka tsakay ɗek ana na, kal kal andza vaw ɗek ana. 40Da mey ma mewey a neney tsew ana hay na, Mewey hay, ta Ndaw sek hay tabiyaha a bəmawa na da huɗa.»
Kriste ta David
(Mk 12.35-37; Lk 20.41-44)
41Andza Fariziyeŋ hay ma tsəha 'ar ahiya na, Yezu ma tsəhafata bəzay ma guma neney: 42«Kuray ekəɗey na, ka ləvafama ka Ndaw Bay'ərlam ma vahara 'ar ana na teŋgey? Bəzey ma hwoɗ aŋgway?» Taya ma mbəɗamar kava: «Ma David.» 43Yezu ma ləvatar: «Azlakwa David ana ta gədaŋ ma Mesəfrey Kokwoɗ ana na, a zəla: Bay’ərlam, na teŋgey seŋgey? Ŋga me ləvey: 44‹Bay’ərlam a ləvar a Bay’ərlam aŋga: ndzey ta har zəmay ɗaw, ha aza i padata ndaw dugwan eɗek hay a huɗa sek eɗek.› 45Azlakwa David a zəla Bay’ərlam a ɗaw sana, a da key bəzey ŋga ha na, teŋgey seŋgey tok?» 46Kwa ndaw ma slafa ma mbəɗafara ta bəzay ma guma asləta na dakay. Arka zla da na ŋga na na, ndaw me wuɗey ma tsəhafa bəzay ma guma na dasakay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun