Matiyew 9
9
Yezu a ndeley ndaw ma mbara vaw aha
(Mk 2.1-12; Lk 5.17-25)
1Yezu me tsəley a kombiwal tok na, ma tasawa ta ’ar ma bəlay ma sawa a wuraw aŋga. 2Arka ma zəgəmərawa ndaw ana daha ma mbara vaw aha, ta merdek aha. Andza Yezu ma nəkada me pey 'ar ata na na, ŋga ma ləvar a ndaw a hana ma mbara vaw ana: «Tete dem a ɗaw, meŋgəsey ɗek hay ma sa yam ahiya ba.» 3Azlakwa ka slam ana na, ndaw me sesəkey Mewey hay daha nekəɗey, taya ma ləvam ka 'ar vaw ta na: «Ndaw a neney a key na, a tseɗey Bay'ərlam!» 4Andza Yezu ma sərada me dzeley 'ar ata na, ma ləvatar: «Ɗagay ka dzalam tek haya kakay ana hay da mevel a kwar na, ka mey? 5Ger aha da huɗa na, na waray? Me ləvey: ‹meŋgəsey ɗek hay ma sa yam ahiya ba na tsukuɗu›, mala me ləvey: ‹lətsey heley ana ɗaw›? 6Ekəɗey na, ha səradama Bəzey ma Ndaw na, slam har aŋga daha ma sey yam ka meŋgəsey ma ndaw hay ka dala. Arka ŋga ma ləvar a ndaw a hana ma mbara vaw ana: Lətsey, zəga merdek eɗek, daway a mbaw.» 7Arka ndaw ana me lətsey ma daway a mbaw ŋga. 8Andza ma ndaw ana ma kusa na hay ma nəkadama tek a neney na, ma wasam ka vaw. Arka taya ma hasəkadəmara bəzay a Bay ma Bəla ma vəlatərawa slam har andza neney ana a ndaw hay.
Yezu a zəley Matiyew
(Mk 2.13-17; Lk 5.27-32)
9Andza Yezu a daw aha təŋga na, ŋga ma nəkada ndaw ana daha, a zəlamar Matiyew, ma ndzaha da biraw me tsekeley dzaŋgal. Ŋga ma ləvar: «Səpaya bəzay.» Matiyew me lətsey ma səpar bəzay. 10Arka andza Yezu a zəmam aha tek da 'ay Matiyew ana na, a da key na, ndaw me tsekeley dzaŋgal hay haɗadzidzay, ta ndaw ma ŋgəsa na hay, ta gawla ŋga hay a zəmam aha tek ka maslətaha. 11Taya ma nəkadama andza ha na, Fariziyeŋ hay ma ləvəmatar a gawla ma Yezu hay: «Ɗagay miter a kwar a zəmam tek ka maslətaha andza ndaw me tsekeley dzaŋgal hay, ta ndaw ma ŋgəsa na hay na, ka mey?» 12Ama andza Yezu ma tsənada na, ma ləvatar: «Me səpey ndaw ma sidem na, ndaw dzedzey ana hay zləna, ndaw zozoy ana hay kakay. 13Dawam da tatəkadama guma neney da Mewindey Kokwoɗ ana hay: ‹I wuɗey na ndaw me key da vaw a ndaw zləna, kuley kwar ma kəmaya na kakay›. Hərway i sawa na ma da zəley na ndaw ma ŋgəsa na hay zləna, ndaw dzerey ana hay kakay.»
Yezu a mbəɗafa ka guma ma sumaya
(Mk 2.18-22; Lk 5.33-39)
14Arka gawla ma Zaŋ Batist hay ma guram ka tsakay ma Yezu, ma ləvamar: «Azlakwa la andza Fariziyeŋ hay la kam sumaya, ɗagay gawla ɗek hay a kam tikay na, ka mey?» 15Yezu ma ləvatar: «Da magurlam me zəgey kokwa na, zel ma kokwa na ŋga daha ka tsakay ta na na, ndaw ma wuna na hay a slafama me ndzey andza da 'ay vagay ɗaw? Ama har ana aza ka da slawa ba na, ka da zəgafəmata zel ma kokwa na ba tok na, azambay a da kam sumaya tok. 16Ɗaɗa ndaw ka tepey zana wayna ka na guram ana ba ɗaw? A tapam kakay zləna, na wayna a ndəɗa na gurma na na, meŋgerɗey ana a səkey adiya kakay ɗaw? 17Ɗaɗa ka mbəɗam zom lelem ana a kulom madzahway aha ɗaw? Haɗaw ka mbəɗam ba na, kendzey andza zom a mbəsley aha na, a nɗuhwada kulom ana ba. Arka na masaka ma kulom, ta zom ana adzay. Dzadzak na a mbəɗam zom lelem ana na, a kulom wayna hay, arka na, kulom ta zom adzay taya daha.»
Yezu a ndalada ŋgwas, ta ma mbəladərawa dem ana daha
(Mk 5.21-43; Lk 8.40-56)
18Andza Yezu a tsatar aha guma mba na, arka ndaw ma fada ma bay ana daha, ma gurafa. Ma nar dəba, ma ləvar: «Dem a ɗaw ka mətsey ba ekəɗey ana, ama sawa bazləhafa har na, aza ka səfrey» 19Arka Yezu me lətsey, ma səpama andza gawla ŋga hay. 20Ama ŋgwas ana daha a sey aha banay ta ma guvawa mambaz a key mevey kurow kava tsew, ma gurafərawa ka Yezu ta dəba, ma ləmar a mey ma zana ŋga na. 21Ŋga me ləvey ka 'ar vaw ŋga na: «Haɗaw i husey ba ma ləmar a zana ŋga na tsana, i da ndeley aha ba.» 22Ama Yezu me mbəɗey dey, ma nəkada, me ləvey: «Tete dem a ɗaw, me pey 'ar eɗek ka buwaka ba.» Deŋe ka slam ana hana tsana, ŋgwas ana me ndeley. 23Ma husey ŋga ba 'ay ndaw ma fada na na, ma nəkadata ndaw hay a fam aha fagwom ta mekəsuwey ma ndaw ma kusa ahiya na na, Yezu me ləvey: 24«Kadama vaw ba: ma mətsa ha kakay, dem ana ma nara ha» Taya ma saŋgərafama dəla da 'ar. 25Andza ŋga ma badatərawa ndaw ana ma kusa na hay ba a bəla na, ŋga me fuləkwey, ma zəga dem ana da har, arka dem ana me pərkey. 26Arka mey ana me pey mey da dala na tabiya ha.
Yezu me ndeley ndaw wulaf hay tsew
27Andza Yezu a daway aha təŋga na, wulaf hay daha tsew ma səpama, ta me wudey aha: «La ka kəmaka da vaw tey, Bəzey ma David!» 28Andza ŋga me fuləkwey a ’ay na, wulaf ana hana hay ma gurafama. Arka Yezu ma ləvatar: «Kuray ma dzalama na, i slafa ma ndaladakwar ɗaw?» Taya ma mbəɗamar kava: «Ayaw, Bay’ərlam.» 29Arka ŋga ma ləmatar a dey ta na, ta me ləvey aha: «Ka key andza ma me pey 'ar a kwar ana.» 30Arka dey ta hay ma wuram. A dəba na na, Yezu ma katar say: «Wam daw ka vaw, kwa ndaw ka da sərafa zlay!» 31Ama taya na, andza ma bawa ta ba tsana, ma tsam ka ŋga da dala na tabiya ha.
Yezu me ndeley ndaw mandak aha
(Lk 11.14-15)
32Andza ma bawa ta ba na, ma sadəmarawa ndaw ana daha ta fakalaw aha da 'ar, a tsey guma kakay. 33Andza ma harama fakalaw ana ba na, ndaw ana me weley mey kakay ana, ma zlar me tsey guma. A rəzlata ndaw ana ma kusa na hay kambəlaɓa, ha taya ma ləvam: «Ɗaɗa ndaw ka nəkada tek ana andza neney da Israyel dakay!» 34Ama Fariziyeŋ hay ma ləvam: «A ɓəlata fakalaw ana hay na, ta gədaŋ ma bay ma fakalaw ana hay.»
Ndaw ana ma kusa na hay a kamar da vaw a Yezu
(Mk 6.6b, 34; Lk 10.2)
35Yezu ma halata wuraw ɗuhwa na hay, ta na bəza na hay tabiyaha, a tatəkadata ndaw hay da 'ay me ɗuley mey ta hay. A tələkada mey ta Mey Hayna Wayna ma Slala ma 'ərlam. A ndaladata ndaw dzedzey ana hay, ta ndaw ma təra na hay tabiyaha. 36Andza ŋga ma nəkadata ndaw hay ma kusa hiya na, a kamar da vaw, hərway ma ndza hiya, ma ya vaw ahiya, ma dawara hiya andza təɓaŋ hay mandzara ndaw me tsukurey ta na. 37Arka ŋga ma ləvatar a gawla ŋga hay: «Tek ka həvey ba kəras kəras, amana ndaw ma mber ana hay na a hətsam; 38ɗulamar mey a bay ma ley ana tok na, ka slərawa ndaw ma mber hay, ma da ɓətsadatara 'ar ta tek ana hay.»
Currently Selected:
Matiyew 9: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
Matiyew 9
9
Yezu a ndeley ndaw ma mbara vaw aha
(Mk 2.1-12; Lk 5.17-25)
1Yezu me tsəley a kombiwal tok na, ma tasawa ta ’ar ma bəlay ma sawa a wuraw aŋga. 2Arka ma zəgəmərawa ndaw ana daha ma mbara vaw aha, ta merdek aha. Andza Yezu ma nəkada me pey 'ar ata na na, ŋga ma ləvar a ndaw a hana ma mbara vaw ana: «Tete dem a ɗaw, meŋgəsey ɗek hay ma sa yam ahiya ba.» 3Azlakwa ka slam ana na, ndaw me sesəkey Mewey hay daha nekəɗey, taya ma ləvam ka 'ar vaw ta na: «Ndaw a neney a key na, a tseɗey Bay'ərlam!» 4Andza Yezu ma sərada me dzeley 'ar ata na, ma ləvatar: «Ɗagay ka dzalam tek haya kakay ana hay da mevel a kwar na, ka mey? 5Ger aha da huɗa na, na waray? Me ləvey: ‹meŋgəsey ɗek hay ma sa yam ahiya ba na tsukuɗu›, mala me ləvey: ‹lətsey heley ana ɗaw›? 6Ekəɗey na, ha səradama Bəzey ma Ndaw na, slam har aŋga daha ma sey yam ka meŋgəsey ma ndaw hay ka dala. Arka ŋga ma ləvar a ndaw a hana ma mbara vaw ana: Lətsey, zəga merdek eɗek, daway a mbaw.» 7Arka ndaw ana me lətsey ma daway a mbaw ŋga. 8Andza ma ndaw ana ma kusa na hay ma nəkadama tek a neney na, ma wasam ka vaw. Arka taya ma hasəkadəmara bəzay a Bay ma Bəla ma vəlatərawa slam har andza neney ana a ndaw hay.
Yezu a zəley Matiyew
(Mk 2.13-17; Lk 5.27-32)
9Andza Yezu a daw aha təŋga na, ŋga ma nəkada ndaw ana daha, a zəlamar Matiyew, ma ndzaha da biraw me tsekeley dzaŋgal. Ŋga ma ləvar: «Səpaya bəzay.» Matiyew me lətsey ma səpar bəzay. 10Arka andza Yezu a zəmam aha tek da 'ay Matiyew ana na, a da key na, ndaw me tsekeley dzaŋgal hay haɗadzidzay, ta ndaw ma ŋgəsa na hay, ta gawla ŋga hay a zəmam aha tek ka maslətaha. 11Taya ma nəkadama andza ha na, Fariziyeŋ hay ma ləvəmatar a gawla ma Yezu hay: «Ɗagay miter a kwar a zəmam tek ka maslətaha andza ndaw me tsekeley dzaŋgal hay, ta ndaw ma ŋgəsa na hay na, ka mey?» 12Ama andza Yezu ma tsənada na, ma ləvatar: «Me səpey ndaw ma sidem na, ndaw dzedzey ana hay zləna, ndaw zozoy ana hay kakay. 13Dawam da tatəkadama guma neney da Mewindey Kokwoɗ ana hay: ‹I wuɗey na ndaw me key da vaw a ndaw zləna, kuley kwar ma kəmaya na kakay›. Hərway i sawa na ma da zəley na ndaw ma ŋgəsa na hay zləna, ndaw dzerey ana hay kakay.»
Yezu a mbəɗafa ka guma ma sumaya
(Mk 2.18-22; Lk 5.33-39)
14Arka gawla ma Zaŋ Batist hay ma guram ka tsakay ma Yezu, ma ləvamar: «Azlakwa la andza Fariziyeŋ hay la kam sumaya, ɗagay gawla ɗek hay a kam tikay na, ka mey?» 15Yezu ma ləvatar: «Da magurlam me zəgey kokwa na, zel ma kokwa na ŋga daha ka tsakay ta na na, ndaw ma wuna na hay a slafama me ndzey andza da 'ay vagay ɗaw? Ama har ana aza ka da slawa ba na, ka da zəgafəmata zel ma kokwa na ba tok na, azambay a da kam sumaya tok. 16Ɗaɗa ndaw ka tepey zana wayna ka na guram ana ba ɗaw? A tapam kakay zləna, na wayna a ndəɗa na gurma na na, meŋgerɗey ana a səkey adiya kakay ɗaw? 17Ɗaɗa ka mbəɗam zom lelem ana a kulom madzahway aha ɗaw? Haɗaw ka mbəɗam ba na, kendzey andza zom a mbəsley aha na, a nɗuhwada kulom ana ba. Arka na masaka ma kulom, ta zom ana adzay. Dzadzak na a mbəɗam zom lelem ana na, a kulom wayna hay, arka na, kulom ta zom adzay taya daha.»
Yezu a ndalada ŋgwas, ta ma mbəladərawa dem ana daha
(Mk 5.21-43; Lk 8.40-56)
18Andza Yezu a tsatar aha guma mba na, arka ndaw ma fada ma bay ana daha, ma gurafa. Ma nar dəba, ma ləvar: «Dem a ɗaw ka mətsey ba ekəɗey ana, ama sawa bazləhafa har na, aza ka səfrey» 19Arka Yezu me lətsey, ma səpama andza gawla ŋga hay. 20Ama ŋgwas ana daha a sey aha banay ta ma guvawa mambaz a key mevey kurow kava tsew, ma gurafərawa ka Yezu ta dəba, ma ləmar a mey ma zana ŋga na. 21Ŋga me ləvey ka 'ar vaw ŋga na: «Haɗaw i husey ba ma ləmar a zana ŋga na tsana, i da ndeley aha ba.» 22Ama Yezu me mbəɗey dey, ma nəkada, me ləvey: «Tete dem a ɗaw, me pey 'ar eɗek ka buwaka ba.» Deŋe ka slam ana hana tsana, ŋgwas ana me ndeley. 23Ma husey ŋga ba 'ay ndaw ma fada na na, ma nəkadata ndaw hay a fam aha fagwom ta mekəsuwey ma ndaw ma kusa ahiya na na, Yezu me ləvey: 24«Kadama vaw ba: ma mətsa ha kakay, dem ana ma nara ha» Taya ma saŋgərafama dəla da 'ar. 25Andza ŋga ma badatərawa ndaw ana ma kusa na hay ba a bəla na, ŋga me fuləkwey, ma zəga dem ana da har, arka dem ana me pərkey. 26Arka mey ana me pey mey da dala na tabiya ha.
Yezu me ndeley ndaw wulaf hay tsew
27Andza Yezu a daway aha təŋga na, wulaf hay daha tsew ma səpama, ta me wudey aha: «La ka kəmaka da vaw tey, Bəzey ma David!» 28Andza ŋga me fuləkwey a ’ay na, wulaf ana hana hay ma gurafama. Arka Yezu ma ləvatar: «Kuray ma dzalama na, i slafa ma ndaladakwar ɗaw?» Taya ma mbəɗamar kava: «Ayaw, Bay’ərlam.» 29Arka ŋga ma ləmatar a dey ta na, ta me ləvey aha: «Ka key andza ma me pey 'ar a kwar ana.» 30Arka dey ta hay ma wuram. A dəba na na, Yezu ma katar say: «Wam daw ka vaw, kwa ndaw ka da sərafa zlay!» 31Ama taya na, andza ma bawa ta ba tsana, ma tsam ka ŋga da dala na tabiya ha.
Yezu me ndeley ndaw mandak aha
(Lk 11.14-15)
32Andza ma bawa ta ba na, ma sadəmarawa ndaw ana daha ta fakalaw aha da 'ar, a tsey guma kakay. 33Andza ma harama fakalaw ana ba na, ndaw ana me weley mey kakay ana, ma zlar me tsey guma. A rəzlata ndaw ana ma kusa na hay kambəlaɓa, ha taya ma ləvam: «Ɗaɗa ndaw ka nəkada tek ana andza neney da Israyel dakay!» 34Ama Fariziyeŋ hay ma ləvam: «A ɓəlata fakalaw ana hay na, ta gədaŋ ma bay ma fakalaw ana hay.»
Ndaw ana ma kusa na hay a kamar da vaw a Yezu
(Mk 6.6b, 34; Lk 10.2)
35Yezu ma halata wuraw ɗuhwa na hay, ta na bəza na hay tabiyaha, a tatəkadata ndaw hay da 'ay me ɗuley mey ta hay. A tələkada mey ta Mey Hayna Wayna ma Slala ma 'ərlam. A ndaladata ndaw dzedzey ana hay, ta ndaw ma təra na hay tabiyaha. 36Andza ŋga ma nəkadata ndaw hay ma kusa hiya na, a kamar da vaw, hərway ma ndza hiya, ma ya vaw ahiya, ma dawara hiya andza təɓaŋ hay mandzara ndaw me tsukurey ta na. 37Arka ŋga ma ləvatar a gawla ŋga hay: «Tek ka həvey ba kəras kəras, amana ndaw ma mber ana hay na a hətsam; 38ɗulamar mey a bay ma ley ana tok na, ka slərawa ndaw ma mber hay, ma da ɓətsadatara 'ar ta tek ana hay.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun