Matalikilo 29
29
Jakobo mbwaakashika kumishaabo Labani
1Jakobo wakatolelela lweendo lwakwe akuya kucishi cakalinga kwicwe. 2Cakuteengashila wakashika pamukalo wakalinga mumuunda. Pakalinga amatanga otatwe a mbelele kashilete kushinguluka mukalo. Matanga aya akalinga kunwita pamukalo uyo weenka. Pamulomo wa mukalo uyo pakalinga libwe linene abuumbi. 3Beembeshi bakalinga kucita na matanga a mbelele oonse abungana, balikunkulushaawo libwe ilyo akutekelela mbelele. Kumana boobo balipilimwitaawo alimwi.
4Mpeeke Jakobo wakeepusha beembeshi ayi, “Mwaswa kuli?” Bakakumbula ayi, “KuAlani.” 5Lyalo wakeepusha ayi, “Sa baLabani bana babo baNawoli mulibeshi?” Bakakumbula ayi, “Ee, tulibeshi.” 6Wakeepusha alimwi ayi, “Sa mbayumu?” Bakakumbula ayi, “Ee mbayumubo. ALakelo mwanaabo mwanakashi ngulya waashika alitanga lya mbelele shabo.”
7Lyalo Jakobo wakaamba ayi, “Ono bulya mbolicilibo malumwi alimwi ciindi cakushinjisha tacina kushikila, tamutooshitekelelanshi maanshi kwaamba ayi mushibooshe shikalye?” 8Abalo bakakumbula ayi, “Tatukoonshi kucita boobo matanga oonse kaatana kwisa alimwi alibwe kalitana kupilimunwaawo.”
9Jakobo kaacaambaabo, Lakelo wakashika alitanga lya mbelele. 10Jakobo ndyaakabona Lakelo ambelele shakwe Labani shimishaabo, wakaya wakunkulushaawo libwe pamukalo akutekelela mbelele isho. 11Kuswawaawo wakafyonta Lakelo akutalika kulila ceebo cakusangalala. 12Mpeeke wakamulwiita ayi, “Nebo ndishikamukowa wa baiso. Ndimwanaabo baLabeka.” Lakelo wakacica waya walwiita baishi. 13Ndibakanyumfwa shamwiicwa wabo, Jakobo, bakacica kwaamba ayi baye bamwaanshe. Mpeeke bakamukumbata, bamufyonta akuya mukumwinjisha muŋanda. Jakobo ndyaakalwiita Labani shoonse shakacitika, 14Labani wakaamba ayi, “Ee ncakwiila, uli bulowa bwangu.” Jakobo wakekalaako uko mweenshi wakabumbulu.
Jakobo mbwaakasebensela Labani ceebo cakwe Lakelo aLeya
15Labani wakaambila Jakobo ayi, “Tooelete kunoonsebenselabo kwakubula kufola ayi mukwiinga uli shikamukowa wangu. Ulisuni kwaamba ayi nookufolesha shongaye?” 16Ono Labani wakalinga kucite baana banakashi bobilo. Munenebantu wakalinga kwiitwa ayi Leya, mwanikebantu kaali Lakelo. 17Leya wakalinga kucite meenso atakalinga kukondelesha, sombi Lakelo wakalinga kwiimfwi kabotu alimwi kaali mubotu.
18Jakobo wakalinga kusunishi Lakelo, aboobo wakaamba ayi, “Na mwansuminisha kweeba Lakelo inga ndamusebensela myaaka yosanwe ayobilo.” 19Labani wakakumbula ayi, “Ee, webo inga ndakusuminisha kuleka umwi uli woonse. Anu katwikala soonse.”
20Jakobo wakasebensa myaaka yosanwe ayobilo kwaamba ayi eebe Lakelo. Myaaka iyo kuli nguwe yakabonekabo anga ninshiku shiniinibo ceebo wakalinga kusuni Lakelo abuumbi. 21Lyalo Jakobo wakaamba ayi, “Ciindi cakwana amumpe mwanaanu njebe.” 22Aboobo Labani wakabamba bwiinga akwiita bantu boonse. 23Sombi mashiku ayo, mumusena wakwe Lakelo, Labani wakatola Leya kuli Jakobo alimwi Jakobo wakakumanaakwe. 24Labani wakapa Leya musha wakwe mwanakashi wiitwa ayi Silipa ayi abe mulandakashi wakwe. 25Lyalo macuunsa Jakobo wakacana ayi nguLeya. Mpeeke wakaya kuli Labani akumwaambila ayi, “Ino mwancitilanshi bobulya? Nebo ndakasebensela Lakelo. Ino mwancenjeekelanshi?” 26Labani wakakumbula ayi, “Cilatonda kuno kweebesha mwanikebantu, munenebantu kaatana kweebwa. 27Lindila nsondo yakusekelela bwiinga buno imane, ndaakukupa Lakelo na ulaakunsebensela aimwi myaaka yosanwe ayobilo.”
28Jakobo wakasumina alimwi ndiyakamana nsondo yakusekelela bwiinga, Labani wakamupa Lakelo mwanaakwe ayi eebe. 29Labani wakapa Lakelo musha wakwe mwanakashi wiitwa ayi Biluya ayi abe mulandakashi wakwe. 30Jakobo wakakumanaakwe Lakelo alakwe alimwi wakalinga kumusuni kwiinda Leya. Lyalo wakasebensela Labani myaaka aimwi ili yosanwe ayobilo.
Bana bakwe Jakobo
31Mwaami Lesa ndyaakabona kwaamba ayi Leya taakalinga kusunikwi bwakalinga kusunikwi Lakelo, wakalengesha ayi lakwe akonshe kuba abaana, sombi Lakelo awomuubo. 32Leya wakamita akutumbuka mwaana musankwa. Mpeeke wakaamba ayi, “Lesa wabona mapensho angu ono bulya beebaangu batoonsuna.” Paceebo ceeco wakamutumba ayi Lubeni. 33Wakamita alimwi akutumbuka musankwa aumwi. Lyalo wakaamba ayi, “Mwaami Lesa wampa mwaana musankwa uyu alakwe, ceebo wakanyumfwa kwaamba ayi nshindalinga kusunikwi.” Paceebo ceeco wakamutumba ayi Simyoni. 34Ono alimwi wakamita akutumbuka mwaana musankwa aumwi. Mpeeke wakaamba ayi, “Ono beebaangu lusuno lwabo lutokwiindawobo pali ndime, ceebo ndabashalila baana basankwa botatwe.” Paceebo ceeco wakamutumba ayi Lefi. 35Lyalo wakamita alimwi, akutumbuka mwaana musankwa aumwi. Mpeeke wakaamba ayi, “Bulya ono ntoolumbaisha Mwaami Lesa.” Paceebo ceeco wakamutumba ayi Juda. Mpomunyaawo lushalo lwakamana akumana.
Currently Selected:
Matalikilo 29: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 29
29
Jakobo mbwaakashika kumishaabo Labani
1Jakobo wakatolelela lweendo lwakwe akuya kucishi cakalinga kwicwe. 2Cakuteengashila wakashika pamukalo wakalinga mumuunda. Pakalinga amatanga otatwe a mbelele kashilete kushinguluka mukalo. Matanga aya akalinga kunwita pamukalo uyo weenka. Pamulomo wa mukalo uyo pakalinga libwe linene abuumbi. 3Beembeshi bakalinga kucita na matanga a mbelele oonse abungana, balikunkulushaawo libwe ilyo akutekelela mbelele. Kumana boobo balipilimwitaawo alimwi.
4Mpeeke Jakobo wakeepusha beembeshi ayi, “Mwaswa kuli?” Bakakumbula ayi, “KuAlani.” 5Lyalo wakeepusha ayi, “Sa baLabani bana babo baNawoli mulibeshi?” Bakakumbula ayi, “Ee, tulibeshi.” 6Wakeepusha alimwi ayi, “Sa mbayumu?” Bakakumbula ayi, “Ee mbayumubo. ALakelo mwanaabo mwanakashi ngulya waashika alitanga lya mbelele shabo.”
7Lyalo Jakobo wakaamba ayi, “Ono bulya mbolicilibo malumwi alimwi ciindi cakushinjisha tacina kushikila, tamutooshitekelelanshi maanshi kwaamba ayi mushibooshe shikalye?” 8Abalo bakakumbula ayi, “Tatukoonshi kucita boobo matanga oonse kaatana kwisa alimwi alibwe kalitana kupilimunwaawo.”
9Jakobo kaacaambaabo, Lakelo wakashika alitanga lya mbelele. 10Jakobo ndyaakabona Lakelo ambelele shakwe Labani shimishaabo, wakaya wakunkulushaawo libwe pamukalo akutekelela mbelele isho. 11Kuswawaawo wakafyonta Lakelo akutalika kulila ceebo cakusangalala. 12Mpeeke wakamulwiita ayi, “Nebo ndishikamukowa wa baiso. Ndimwanaabo baLabeka.” Lakelo wakacica waya walwiita baishi. 13Ndibakanyumfwa shamwiicwa wabo, Jakobo, bakacica kwaamba ayi baye bamwaanshe. Mpeeke bakamukumbata, bamufyonta akuya mukumwinjisha muŋanda. Jakobo ndyaakalwiita Labani shoonse shakacitika, 14Labani wakaamba ayi, “Ee ncakwiila, uli bulowa bwangu.” Jakobo wakekalaako uko mweenshi wakabumbulu.
Jakobo mbwaakasebensela Labani ceebo cakwe Lakelo aLeya
15Labani wakaambila Jakobo ayi, “Tooelete kunoonsebenselabo kwakubula kufola ayi mukwiinga uli shikamukowa wangu. Ulisuni kwaamba ayi nookufolesha shongaye?” 16Ono Labani wakalinga kucite baana banakashi bobilo. Munenebantu wakalinga kwiitwa ayi Leya, mwanikebantu kaali Lakelo. 17Leya wakalinga kucite meenso atakalinga kukondelesha, sombi Lakelo wakalinga kwiimfwi kabotu alimwi kaali mubotu.
18Jakobo wakalinga kusunishi Lakelo, aboobo wakaamba ayi, “Na mwansuminisha kweeba Lakelo inga ndamusebensela myaaka yosanwe ayobilo.” 19Labani wakakumbula ayi, “Ee, webo inga ndakusuminisha kuleka umwi uli woonse. Anu katwikala soonse.”
20Jakobo wakasebensa myaaka yosanwe ayobilo kwaamba ayi eebe Lakelo. Myaaka iyo kuli nguwe yakabonekabo anga ninshiku shiniinibo ceebo wakalinga kusuni Lakelo abuumbi. 21Lyalo Jakobo wakaamba ayi, “Ciindi cakwana amumpe mwanaanu njebe.” 22Aboobo Labani wakabamba bwiinga akwiita bantu boonse. 23Sombi mashiku ayo, mumusena wakwe Lakelo, Labani wakatola Leya kuli Jakobo alimwi Jakobo wakakumanaakwe. 24Labani wakapa Leya musha wakwe mwanakashi wiitwa ayi Silipa ayi abe mulandakashi wakwe. 25Lyalo macuunsa Jakobo wakacana ayi nguLeya. Mpeeke wakaya kuli Labani akumwaambila ayi, “Ino mwancitilanshi bobulya? Nebo ndakasebensela Lakelo. Ino mwancenjeekelanshi?” 26Labani wakakumbula ayi, “Cilatonda kuno kweebesha mwanikebantu, munenebantu kaatana kweebwa. 27Lindila nsondo yakusekelela bwiinga buno imane, ndaakukupa Lakelo na ulaakunsebensela aimwi myaaka yosanwe ayobilo.”
28Jakobo wakasumina alimwi ndiyakamana nsondo yakusekelela bwiinga, Labani wakamupa Lakelo mwanaakwe ayi eebe. 29Labani wakapa Lakelo musha wakwe mwanakashi wiitwa ayi Biluya ayi abe mulandakashi wakwe. 30Jakobo wakakumanaakwe Lakelo alakwe alimwi wakalinga kumusuni kwiinda Leya. Lyalo wakasebensela Labani myaaka aimwi ili yosanwe ayobilo.
Bana bakwe Jakobo
31Mwaami Lesa ndyaakabona kwaamba ayi Leya taakalinga kusunikwi bwakalinga kusunikwi Lakelo, wakalengesha ayi lakwe akonshe kuba abaana, sombi Lakelo awomuubo. 32Leya wakamita akutumbuka mwaana musankwa. Mpeeke wakaamba ayi, “Lesa wabona mapensho angu ono bulya beebaangu batoonsuna.” Paceebo ceeco wakamutumba ayi Lubeni. 33Wakamita alimwi akutumbuka musankwa aumwi. Lyalo wakaamba ayi, “Mwaami Lesa wampa mwaana musankwa uyu alakwe, ceebo wakanyumfwa kwaamba ayi nshindalinga kusunikwi.” Paceebo ceeco wakamutumba ayi Simyoni. 34Ono alimwi wakamita akutumbuka mwaana musankwa aumwi. Mpeeke wakaamba ayi, “Ono beebaangu lusuno lwabo lutokwiindawobo pali ndime, ceebo ndabashalila baana basankwa botatwe.” Paceebo ceeco wakamutumba ayi Lefi. 35Lyalo wakamita alimwi, akutumbuka mwaana musankwa aumwi. Mpeeke wakaamba ayi, “Bulya ono ntoolumbaisha Mwaami Lesa.” Paceebo ceeco wakamutumba ayi Juda. Mpomunyaawo lushalo lwakamana akumana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.