Matalikilo 33
33
Jakobo mbwaakakumana aEsau
1Mpeeke Jakobo ndyaakeenamuka wakabona Esau keesa abasankwa bakwe bakalinga myaanda yone. Mpomunyaawo wakapatoola bana bakwe kupa Leya, Lakelo abakasuwa bakwe bobilo. 2Lyalo wakatanjishaako bakasuwa bakwe abana babo, pesule lyabo wakabika Leya abana bakwe, kwisule lyabo wakabika Lakelo aJosefu. 3Jakobo wakatanjila kunembo akufukama akushisha ciwa panshi mankanda osanwe aobilo kaaya kumukwabo. 4Nakubi boobo Esau lakwe wakacica akukumbata Jakobo alimwi akumufyonta. Boonse bobilo bakalinga kulila. 5Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.” 6Mpeeke bakasuwa bakwe bakesa abana babo bafukama. 7Lyalo Leya abana bakwe bakesa, bakacaalila kwisa mukufukama, nguJosefu aLakelo.
8Kuswawaawo Esau wakeepusha ayi, “Ino likoto limwi lilya ndindakumanya lilaambanshi?” Jakobo wakakumbula ayi, “Nkwaamba ayi mukondeleshe, nkambo.” 9Sombi Esau wakaamba ayi, “Ndicite shiinji mukwaabo. Bamba nshoocite omwiine.”
10Jakobo wakaamba ayi, “Sobwe, na mwandekelela amutambule cipo cangu ici. Mukwiinga kubona ciinso canu cilyeelenebo akubona cakwe Lesa, bulya mbomwalinga kutondesha bushicibusa kuli ndime. 11Ndaseenga mutambule cipo ncendamuletela. Lesa wakalinga kunyumfwila luse, aboobo wakampa shoonse nsheensuni mubuumi.” Jakobo wakatolelela kumusenga kushikila wakasumina.
12Esau wakaamba ayi, “Atulibambile kunyamuka. Nebo ntootanjila.” 13Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa. 14Nkambo, amutanjile anebo ndanoosa paniininiini. Ndanoosa mumukanyu ukonsha shifubwa abanike kushikila nkamucane kuEdomu.”
15Mpeeke Esau wakaamba ayi, “Anu leka nkushiile basankwa bangu bamwi.” Sombi Jakobo wakakumbula ayi, “Tau, taceelete kuba boobo mukwiinga nebo ndisunibo kwaamba ayi mukondeleshe.” 16Lyalo bushiku bweenka ubo Esau wakanyamuka kuboolela kuEdomu. 17Sombi Jakobo wakaya kuSakoti uko nkwaakaliyakila ŋanda alimwi ashimpati sha shifubwa shakwe. Nceceeco musena uyo wakatumbwa ayi Sakoti.
18Pakuboolela kuswa kuMesopotamya wakashikabo kabotu pandabala inene ya Shekemu mucishi ca Kenani akuyaka misumba mumuunda wakalinga pafwaafwi andabala inene iyo. 19Palubasu lwa muunda apo wakapaula maali asilifa ali mwaanda kubamulunyungu lwakwe Amo ishi Shekemu.#Joshu 24:32; Joni 4:5 20Wakayakaawo cipaililo akucitumba ayi Eli, liina lyakwe Lesa wa bene Isilaeli.
Currently Selected:
Matalikilo 33: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 33
33
Jakobo mbwaakakumana aEsau
1Mpeeke Jakobo ndyaakeenamuka wakabona Esau keesa abasankwa bakwe bakalinga myaanda yone. Mpomunyaawo wakapatoola bana bakwe kupa Leya, Lakelo abakasuwa bakwe bobilo. 2Lyalo wakatanjishaako bakasuwa bakwe abana babo, pesule lyabo wakabika Leya abana bakwe, kwisule lyabo wakabika Lakelo aJosefu. 3Jakobo wakatanjila kunembo akufukama akushisha ciwa panshi mankanda osanwe aobilo kaaya kumukwabo. 4Nakubi boobo Esau lakwe wakacica akukumbata Jakobo alimwi akumufyonta. Boonse bobilo bakalinga kulila. 5Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.” 6Mpeeke bakasuwa bakwe bakesa abana babo bafukama. 7Lyalo Leya abana bakwe bakesa, bakacaalila kwisa mukufukama, nguJosefu aLakelo.
8Kuswawaawo Esau wakeepusha ayi, “Ino likoto limwi lilya ndindakumanya lilaambanshi?” Jakobo wakakumbula ayi, “Nkwaamba ayi mukondeleshe, nkambo.” 9Sombi Esau wakaamba ayi, “Ndicite shiinji mukwaabo. Bamba nshoocite omwiine.”
10Jakobo wakaamba ayi, “Sobwe, na mwandekelela amutambule cipo cangu ici. Mukwiinga kubona ciinso canu cilyeelenebo akubona cakwe Lesa, bulya mbomwalinga kutondesha bushicibusa kuli ndime. 11Ndaseenga mutambule cipo ncendamuletela. Lesa wakalinga kunyumfwila luse, aboobo wakampa shoonse nsheensuni mubuumi.” Jakobo wakatolelela kumusenga kushikila wakasumina.
12Esau wakaamba ayi, “Atulibambile kunyamuka. Nebo ntootanjila.” 13Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa. 14Nkambo, amutanjile anebo ndanoosa paniininiini. Ndanoosa mumukanyu ukonsha shifubwa abanike kushikila nkamucane kuEdomu.”
15Mpeeke Esau wakaamba ayi, “Anu leka nkushiile basankwa bangu bamwi.” Sombi Jakobo wakakumbula ayi, “Tau, taceelete kuba boobo mukwiinga nebo ndisunibo kwaamba ayi mukondeleshe.” 16Lyalo bushiku bweenka ubo Esau wakanyamuka kuboolela kuEdomu. 17Sombi Jakobo wakaya kuSakoti uko nkwaakaliyakila ŋanda alimwi ashimpati sha shifubwa shakwe. Nceceeco musena uyo wakatumbwa ayi Sakoti.
18Pakuboolela kuswa kuMesopotamya wakashikabo kabotu pandabala inene ya Shekemu mucishi ca Kenani akuyaka misumba mumuunda wakalinga pafwaafwi andabala inene iyo. 19Palubasu lwa muunda apo wakapaula maali asilifa ali mwaanda kubamulunyungu lwakwe Amo ishi Shekemu.#Joshu 24:32; Joni 4:5 20Wakayakaawo cipaililo akucitumba ayi Eli, liina lyakwe Lesa wa bene Isilaeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.