Joni 14
14
Jesu njenshila yakuya kuli baishiwesu
1“Myoyo yanu itapengi. Amushome muli Lesa alimwi mushome amuli ndime. 2Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena. 3Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko. 4Ncakwiila nshila iya kooko nkoontooya muliishi kale.”
5Mpeeke Tomasi wakeepusha Jesu ayi, “Nkambo, tatwishiiko nkomutooya, ino inga tweeshiba buyani nshila?” 6Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime. 7Nemwalinga kwinshi kabotu, abaTa nemwalinga kubeshi. Nakubi boobo kuswa sunu mwabeshiba alimwi mwababona.”
8Mpomunyaawo Filipo wakaambila Jesu ayi, “Nkambo, ncetusunibo nkwaamba ayi mututondeshe baIshiwanu.” 9Jesu wakakumbula ayi, “Ciindi kukomena ncendekalaanu, ono anu abobulya Filipo toona kwinshiba? Uyo wabona ndime wabona abaTa. Ono inga waamba buyani ayi, ‘Mututondeshe baIshiwanu’? 10Sa tooshomi kwaamba ayi ndimuli baTa, abalo baTa bali muli ndime? Maswi ngoomulwiita taaswi muli ndime nemwiine, sombi muli baTa bekala muli ndime, mbobasebensa milimo yabo. 11Mulyeelete kushoma na ndaamba ayi ndimuli baTa, abalo baTa bali muli ndime, nabibo kushoma shaankamiko nsheencita. 12Ntoomulwita calushinisho ayi uyo woonse ushoma muli ndime, ulaakukonsha kucita nsheencita. Ncakwiila ulaakucita ashiinda pasheesho nsheencita ceebo ntooya kuli baTa. 13Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo. 14Nkokwaamba ayi coonse nceshi mukasenge muliina lyangu ndaakucicita.
Jesu mbwaakashomesha kutuma Mushimu Usalashi
15“Na mulinsuni, munanoolama milawo yangu. 16Lyalo ndaakusenga kuli baTa kwaamba ayi bakamupe Mucafwi umwi, uyo eshi akekale amwebo inshiku shoonse. 17Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.
18“Teshi nkamushiye nweenka anga mbana banshiwa, ndaakwisa alimwi kuli ndimwe. 19Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi. 20Pabushiku ubo mulaakwishiba ayi ndimuli baTa, amwebo muli muli ndime, bweenka mboondi muli ndimwe anebo. 21Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”
22Lyalo Judasi (kutaamba Judasi Isikalyoti) wakeepusha ayi, “Nkambo, ino mulaakuliyubulula buyani kuli ndiswe kuteshi kubamucishi ca panshi?” 23Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe. 24Sombi uyo woonse utansuni taakonkeli kwiisha kwangu. Aya maswi ngomutoonyumfwa teeshi angu nemwiine, alaswa kuli baTa abo bakantuma.
25“Ndamulwiitila limwi shintu ishi kaancili anu. 26Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.
27“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda. 28Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime. 29Ono ndamulwiitila limwi kashitana kucitika kwaamba ayi shaakucitika mukashome. 30Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime, 31sombi ntoocitabo kweelana ambobakandasha baTa kwaamba ayi bantu ba mucishi beshibe ayi baTa ndibasuni.
“Amunyamuke ono tunooya.
Currently Selected:
Joni 14: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Joni 14
14
Jesu njenshila yakuya kuli baishiwesu
1“Myoyo yanu itapengi. Amushome muli Lesa alimwi mushome amuli ndime. 2Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena. 3Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko. 4Ncakwiila nshila iya kooko nkoontooya muliishi kale.”
5Mpeeke Tomasi wakeepusha Jesu ayi, “Nkambo, tatwishiiko nkomutooya, ino inga tweeshiba buyani nshila?” 6Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime. 7Nemwalinga kwinshi kabotu, abaTa nemwalinga kubeshi. Nakubi boobo kuswa sunu mwabeshiba alimwi mwababona.”
8Mpomunyaawo Filipo wakaambila Jesu ayi, “Nkambo, ncetusunibo nkwaamba ayi mututondeshe baIshiwanu.” 9Jesu wakakumbula ayi, “Ciindi kukomena ncendekalaanu, ono anu abobulya Filipo toona kwinshiba? Uyo wabona ndime wabona abaTa. Ono inga waamba buyani ayi, ‘Mututondeshe baIshiwanu’? 10Sa tooshomi kwaamba ayi ndimuli baTa, abalo baTa bali muli ndime? Maswi ngoomulwiita taaswi muli ndime nemwiine, sombi muli baTa bekala muli ndime, mbobasebensa milimo yabo. 11Mulyeelete kushoma na ndaamba ayi ndimuli baTa, abalo baTa bali muli ndime, nabibo kushoma shaankamiko nsheencita. 12Ntoomulwita calushinisho ayi uyo woonse ushoma muli ndime, ulaakukonsha kucita nsheencita. Ncakwiila ulaakucita ashiinda pasheesho nsheencita ceebo ntooya kuli baTa. 13Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo. 14Nkokwaamba ayi coonse nceshi mukasenge muliina lyangu ndaakucicita.
Jesu mbwaakashomesha kutuma Mushimu Usalashi
15“Na mulinsuni, munanoolama milawo yangu. 16Lyalo ndaakusenga kuli baTa kwaamba ayi bakamupe Mucafwi umwi, uyo eshi akekale amwebo inshiku shoonse. 17Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.
18“Teshi nkamushiye nweenka anga mbana banshiwa, ndaakwisa alimwi kuli ndimwe. 19Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi. 20Pabushiku ubo mulaakwishiba ayi ndimuli baTa, amwebo muli muli ndime, bweenka mboondi muli ndimwe anebo. 21Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”
22Lyalo Judasi (kutaamba Judasi Isikalyoti) wakeepusha ayi, “Nkambo, ino mulaakuliyubulula buyani kuli ndiswe kuteshi kubamucishi ca panshi?” 23Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe. 24Sombi uyo woonse utansuni taakonkeli kwiisha kwangu. Aya maswi ngomutoonyumfwa teeshi angu nemwiine, alaswa kuli baTa abo bakantuma.
25“Ndamulwiitila limwi shintu ishi kaancili anu. 26Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.
27“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda. 28Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime. 29Ono ndamulwiitila limwi kashitana kucitika kwaamba ayi shaakucitika mukashome. 30Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime, 31sombi ntoocitabo kweelana ambobakandasha baTa kwaamba ayi bantu ba mucishi beshibe ayi baTa ndibasuni.
“Amunyamuke ono tunooya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.