2. Korinta 5
5
Sikj bangen no de himlische Behusunk
1Wie weeten oba: wan daut Zelt, en woont wie hia opp dise Welt läwen, doljebroaken woat, dan hab wie een Hus em Himmel. Daut es nich von Menschenhenj jebut, oba von Gott selfst, un woat eewich bliewen. #2Pet 1,14 2Wiels wie daut weeten, stän wie, un wie bangen ons doano, von onse himlische Woninj bekjleet to woaren. 3Dan sent wie bekjleet, un nich noaktich. 4Soo lang aus wie noch opp dise Ieed wonen, hab wie secha noch to stänen, wiels wie doaräwa sorjen onsen irdischen Kjarpa nich to velieren. Wie muchten leewa, daut ons de himlische Woninj äwajetrocken wort, daut daut stoafliche aun ons vom Läwen äwanomen wort. #1Kor 15,51-53 5Gott selfst oba moakt ons fa dit reed, un haft ons aul sienen Jeist aus eene Auntolinj jejäft. #Reema 8,16.23; 2Kor 1,22; Efs 1,13-14 6Doawäajen bliew wie jetroost. Wie weeten, soolang aus wie en disen Kjarpa wonen, sent wie noch nich tus biem Harn. #Heb 11,13 7Wie läwen noch en de Tiet wua wie jleewen, un noch nich wua wie seenen. #Reema 8,24; 1Pet 1,8 8Wie sent oba gaunz jetroost. Wie wudden väl leewa onsen Kjarpa veloten un tus biem Harn sennen. #Flp 1,23
9Wiels wie ons doano bangen, doo wie ons mäajlichstet, am to jefaulen, eendoont auf wie hia sent ooda aul tus bie am. 10Wie motten aula ver Christus sienen Rechtastool komen, daut een jiedra sienen Loon kjricht fa waut hee en disem Läwen jedonen haft, auf goot ooda schlajcht. #Joh 5,29; Apost 17,31; Reema 2,16; 14,10; Efs 6,8
Gott bitt Fräd aun en Christus
11Wie weeten waut daut meent, dän Harn to ferchten, doawäajen proow wie, Menschen fa am to jewennen. Wäa wie sent es bie Gott aules gaunz open, un ekj hop, ver junem Jewessen uk.
12Daut es nich, daut wie ons junt noch eemol väastalen wellen. Oba wie jäwen junt eene Jeläajenheit, met ons stolt to sennen. Dan kjenn jie dee auntwuaten, dee bloos no daut kjikjen, waut ver de Uagen es, un nich opp daut, waut em Hoat es. #2Kor 3,1; 10,12 13Oba wan wie en de Bejeistrunk too wiet gonen, dan es daut fa Gott. Sent wie oba bie kloarem Vestaunt, dan es daut wäajen junt. 14Christus siene Leew drift ons doatoo. Wie sent doavon äwazeicht, wan eena fa aule jestorwen es, dan sent dee aula jestorwen. 15Hee es doatoo fa aule Menschen jestorwen, daut dee, dee doa läwen, nich mea fa sikj selfst läwen, oba fa dän, dee fa an jestorwen un vom Doot oppjestonen es. #Reema 14,7-8
16Doawäajen see wie kjeenen Mensch mea soo aun aus hee aus Mensch en dise Welt wia. Wie haben soogoa Christus aus Mensch jeseenen, oba nu see wie am nich mea soo. 17Doawäajen, wan wäa en Christus es, dan es hee een niea Mensch. Daut waut hee verhäa wia, es nich mea; hee es nu waut nieet jeworden. #Reema 8,10; Gal 2,20; 6,15; Opb 21,5 18Dit kjemt aula von Gott, dee ons derch Christus met sikj selfst veseent haft. Hee haft ons de Oppgow jejäft, Menschen von Gott sien Aunjebott auntoräden, met am veseent to woaren. #Reema 5,10 19Daut es, Gott wia en Christus, un hee veseend de Welt met sikj selfst. Hee vejeef de Menschen äare Sinden un hilt an dee nich mea väa. Un hee haft ons de Bootschoft von de Veseenunk aunvetrut. #Reema 3,24-25; Kol 1,19-20 20Doawäajen sent wie nu Christus siene Veträda fa dise Bootschoft, soo aus wan Gott selfst junt derch ons aunräden wudd. Soo pracha wie junt en Christus siene Städ: Lot junt met Gott veseenen. #Luk 10,16 21Gott muak dän, dee von kjeene Sind wist, en onse Städ to Sind, daut wie derch am ver Gott jerajcht worden, soo aus daut ver am jellen deit. #Jes 53,4-6; Joh 8,46; Reema 1,17; 1Kor 1,30; Gal 3,13
Currently Selected:
2. Korinta 5: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Korinta 5
5
Sikj bangen no de himlische Behusunk
1Wie weeten oba: wan daut Zelt, en woont wie hia opp dise Welt läwen, doljebroaken woat, dan hab wie een Hus em Himmel. Daut es nich von Menschenhenj jebut, oba von Gott selfst, un woat eewich bliewen. #2Pet 1,14 2Wiels wie daut weeten, stän wie, un wie bangen ons doano, von onse himlische Woninj bekjleet to woaren. 3Dan sent wie bekjleet, un nich noaktich. 4Soo lang aus wie noch opp dise Ieed wonen, hab wie secha noch to stänen, wiels wie doaräwa sorjen onsen irdischen Kjarpa nich to velieren. Wie muchten leewa, daut ons de himlische Woninj äwajetrocken wort, daut daut stoafliche aun ons vom Läwen äwanomen wort. #1Kor 15,51-53 5Gott selfst oba moakt ons fa dit reed, un haft ons aul sienen Jeist aus eene Auntolinj jejäft. #Reema 8,16.23; 2Kor 1,22; Efs 1,13-14 6Doawäajen bliew wie jetroost. Wie weeten, soolang aus wie en disen Kjarpa wonen, sent wie noch nich tus biem Harn. #Heb 11,13 7Wie läwen noch en de Tiet wua wie jleewen, un noch nich wua wie seenen. #Reema 8,24; 1Pet 1,8 8Wie sent oba gaunz jetroost. Wie wudden väl leewa onsen Kjarpa veloten un tus biem Harn sennen. #Flp 1,23
9Wiels wie ons doano bangen, doo wie ons mäajlichstet, am to jefaulen, eendoont auf wie hia sent ooda aul tus bie am. 10Wie motten aula ver Christus sienen Rechtastool komen, daut een jiedra sienen Loon kjricht fa waut hee en disem Läwen jedonen haft, auf goot ooda schlajcht. #Joh 5,29; Apost 17,31; Reema 2,16; 14,10; Efs 6,8
Gott bitt Fräd aun en Christus
11Wie weeten waut daut meent, dän Harn to ferchten, doawäajen proow wie, Menschen fa am to jewennen. Wäa wie sent es bie Gott aules gaunz open, un ekj hop, ver junem Jewessen uk.
12Daut es nich, daut wie ons junt noch eemol väastalen wellen. Oba wie jäwen junt eene Jeläajenheit, met ons stolt to sennen. Dan kjenn jie dee auntwuaten, dee bloos no daut kjikjen, waut ver de Uagen es, un nich opp daut, waut em Hoat es. #2Kor 3,1; 10,12 13Oba wan wie en de Bejeistrunk too wiet gonen, dan es daut fa Gott. Sent wie oba bie kloarem Vestaunt, dan es daut wäajen junt. 14Christus siene Leew drift ons doatoo. Wie sent doavon äwazeicht, wan eena fa aule jestorwen es, dan sent dee aula jestorwen. 15Hee es doatoo fa aule Menschen jestorwen, daut dee, dee doa läwen, nich mea fa sikj selfst läwen, oba fa dän, dee fa an jestorwen un vom Doot oppjestonen es. #Reema 14,7-8
16Doawäajen see wie kjeenen Mensch mea soo aun aus hee aus Mensch en dise Welt wia. Wie haben soogoa Christus aus Mensch jeseenen, oba nu see wie am nich mea soo. 17Doawäajen, wan wäa en Christus es, dan es hee een niea Mensch. Daut waut hee verhäa wia, es nich mea; hee es nu waut nieet jeworden. #Reema 8,10; Gal 2,20; 6,15; Opb 21,5 18Dit kjemt aula von Gott, dee ons derch Christus met sikj selfst veseent haft. Hee haft ons de Oppgow jejäft, Menschen von Gott sien Aunjebott auntoräden, met am veseent to woaren. #Reema 5,10 19Daut es, Gott wia en Christus, un hee veseend de Welt met sikj selfst. Hee vejeef de Menschen äare Sinden un hilt an dee nich mea väa. Un hee haft ons de Bootschoft von de Veseenunk aunvetrut. #Reema 3,24-25; Kol 1,19-20 20Doawäajen sent wie nu Christus siene Veträda fa dise Bootschoft, soo aus wan Gott selfst junt derch ons aunräden wudd. Soo pracha wie junt en Christus siene Städ: Lot junt met Gott veseenen. #Luk 10,16 21Gott muak dän, dee von kjeene Sind wist, en onse Städ to Sind, daut wie derch am ver Gott jerajcht worden, soo aus daut ver am jellen deit. #Jes 53,4-6; Joh 8,46; Reema 1,17; 1Kor 1,30; Gal 3,13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.