2. Mose 33
33
Gott sajcht see sellen wieda trakjen
1De Har säd to Moses: Nu velot oba von hia! Du un daut Volkj, daut du von Ägipten brochst, sellen nu no daut Launt gonen, woont ekj Abraham un Isaak un Jakob äare Nokomen met een Eit vesproaken hab. #1Mo 12,7 2Ekj woa ver junt eenen Enjel schekjen, un woa de Kanaanita, Amorita, Hetita, Perisita, Hiwita un Jebusita veschechren. #2Mo 23,20 3Trakjt nu no daut Launt wua de Malkj un de Honnich ranen. Ekj oba woa nich mank junt doahan gonen, wiels jie soo stekjsennich sent. Ekj kunn junt dan hinjawäajes met eemol venichten. #2Mo 32,9-10 4Aus daut Volkj dit hieed, betruaden see daut, un kjeena druach mea irjent Straums. 5De Har säd to Moses: Saj de Israeliten: Jie sent een stekjsennjet Volkj, un wan ekj mau eenen Uagenblekj mank junt kjeem, kunn ekj junt venichten. Doawäajen nämt nu jun Straums auf, un ekj woa emol seenen, waut ekj met junt doonen woa. #Joel 2,13 6De Israeliten neemen dan biem Horeb Boajch äa Straums auf un droagen daut nich mea. #Jona 3,6
7Moses neem emma wada daut Zelt un stald daut butarem Loaga opp. Hee nand daut, daut Zelt wua eena Gott traft. Jieda eena, dee vom Harn waut froagen wull, jinkj buta daut Loaga. #2Mo 29,42 8Wan Moses no daut Zelt opptoo jinkj, stunden de Israeliten, een jiedra enne Däa von sien Zelt, un kjikjten am hinjaraun, bat Moses em Zelt nenn jinkj. 9Wan Moses em Zelt nenn jinkj, kjeem de steile Wolkj rauf un bleef biem Engank von daut Zelt, un de Har räd doa met Moses. #4Mo 11,25; 5Mo 31,15 10Wan daut Volkj daut sach, daut de steile Wolkj biem Engank von daut Zelt stunt, dan stunt een jiedra aundajchtich em Engank von sien Zelt. 11De Har räd direkjt met Moses, soo aus een gooda Frint met dän aundren. Wan Moses dan trigj nom Loaga kjeem, bleef Moses sien junga Halpa, Josua, Nun sien Sän, doch em Zelt. #2Mo 33,20; 4Mo 12,8; 5Mo 34,10
12Moses säd toom Harn: Du hast mie jesajcht, daut ekj daut Volkj leiden saul. Oba doch hast du mie noch nich jesajcht, wäm du met mie schekjen woascht. Du hast mie jesajcht, daut du mie kjanst, un daut ekj ver die jenstich aunerkjant sie. #2Mo 33,3.17 13Wan ekj Aunerkjanunk bie die hab, dan lot mie nu uk weeten, waut diene Wäaj sent, soo daut ekj weeten kaun, wäa du best un uk wieda diene Aunerkjanunk haben woa. Lot mie daut uk noch wada sajen, daut dise Menschen dien Volkj sent. #Psa 103,7 14Dan auntwuad de Har: Ekj woa met die gonen. Ekj woa junt Fräd jäwen. #Jos 21,44; Jes 63,9; Heb 4,9 15Un Moses sad: Wan du met eemol nich sust met ons gonen, dan brinj ons nich von dise Städ wajch. 16Woo woaren see sest weeten, daut ekj un dit Volkj ver die haben Aunerkjanunk jefungen, wan nich doaderch, daut du met ons best. Onen die sent wie doch nich to unjascheeden von aundre Velkja oppe Ieed. #5Mo 4,6-8 17Un de Har säd: Dit krakjt, no waut du jefroacht hast, woa ekj die jäwen, wiels ekj die en goode Gonsten hool, un ekj die biem Nomen kjan. #2Mo 33,12; Jes 43,1; 2Tim 2,19
18Dan säd Moses: Har, lot mie doch seenen, woo harlich du best. #Joh 1,14; 2Kor 3,18 19Un de Har säd: Ekj woa aules, waut goot en mie es, loten ver die vebie komen, un ekj woa mienen Nomen, Har, ver die sajen. Ekj woa mie äwa dän erboarmen, äwa wäm ekj mie erboarmen well, un ekj woa Metleet haben, met wäm ekj well Metleet haben. #Reema 9,15 20Oba jeedenfauls woascht du mien Jesecht nich to seenen kjrieen. Kjeena, dee mie to seenen kjricht, kaun läwen. #1Mo 32,31; 2Mo 24,11; Rech 6,22-23; 13,22-23; Jes 6,5; 33,14; 1Tim 6,16 21Doa es dicht bie opp disem Steenboddem eene Städ, wua du stonen doascht. #1Kjen 19,8-13 22Un wan ekj, soo harlich aus ekj sie, hia vebie kom, woa ekj die en eene Spoolunk nenn stalen un miene Haunt doaräwa hoolen, bat ekj vebie sie. #2Mo 34,5-6; 24,11 23Dan woa ekj miene Haunt wajchnämen, soo daut du mie von hinjen seenen kaust. Oba mien Jesecht doascht du nich to seenen kjrieen.
Currently Selected:
2. Mose 33: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 33
33
Gott sajcht see sellen wieda trakjen
1De Har säd to Moses: Nu velot oba von hia! Du un daut Volkj, daut du von Ägipten brochst, sellen nu no daut Launt gonen, woont ekj Abraham un Isaak un Jakob äare Nokomen met een Eit vesproaken hab. #1Mo 12,7 2Ekj woa ver junt eenen Enjel schekjen, un woa de Kanaanita, Amorita, Hetita, Perisita, Hiwita un Jebusita veschechren. #2Mo 23,20 3Trakjt nu no daut Launt wua de Malkj un de Honnich ranen. Ekj oba woa nich mank junt doahan gonen, wiels jie soo stekjsennich sent. Ekj kunn junt dan hinjawäajes met eemol venichten. #2Mo 32,9-10 4Aus daut Volkj dit hieed, betruaden see daut, un kjeena druach mea irjent Straums. 5De Har säd to Moses: Saj de Israeliten: Jie sent een stekjsennjet Volkj, un wan ekj mau eenen Uagenblekj mank junt kjeem, kunn ekj junt venichten. Doawäajen nämt nu jun Straums auf, un ekj woa emol seenen, waut ekj met junt doonen woa. #Joel 2,13 6De Israeliten neemen dan biem Horeb Boajch äa Straums auf un droagen daut nich mea. #Jona 3,6
7Moses neem emma wada daut Zelt un stald daut butarem Loaga opp. Hee nand daut, daut Zelt wua eena Gott traft. Jieda eena, dee vom Harn waut froagen wull, jinkj buta daut Loaga. #2Mo 29,42 8Wan Moses no daut Zelt opptoo jinkj, stunden de Israeliten, een jiedra enne Däa von sien Zelt, un kjikjten am hinjaraun, bat Moses em Zelt nenn jinkj. 9Wan Moses em Zelt nenn jinkj, kjeem de steile Wolkj rauf un bleef biem Engank von daut Zelt, un de Har räd doa met Moses. #4Mo 11,25; 5Mo 31,15 10Wan daut Volkj daut sach, daut de steile Wolkj biem Engank von daut Zelt stunt, dan stunt een jiedra aundajchtich em Engank von sien Zelt. 11De Har räd direkjt met Moses, soo aus een gooda Frint met dän aundren. Wan Moses dan trigj nom Loaga kjeem, bleef Moses sien junga Halpa, Josua, Nun sien Sän, doch em Zelt. #2Mo 33,20; 4Mo 12,8; 5Mo 34,10
12Moses säd toom Harn: Du hast mie jesajcht, daut ekj daut Volkj leiden saul. Oba doch hast du mie noch nich jesajcht, wäm du met mie schekjen woascht. Du hast mie jesajcht, daut du mie kjanst, un daut ekj ver die jenstich aunerkjant sie. #2Mo 33,3.17 13Wan ekj Aunerkjanunk bie die hab, dan lot mie nu uk weeten, waut diene Wäaj sent, soo daut ekj weeten kaun, wäa du best un uk wieda diene Aunerkjanunk haben woa. Lot mie daut uk noch wada sajen, daut dise Menschen dien Volkj sent. #Psa 103,7 14Dan auntwuad de Har: Ekj woa met die gonen. Ekj woa junt Fräd jäwen. #Jos 21,44; Jes 63,9; Heb 4,9 15Un Moses sad: Wan du met eemol nich sust met ons gonen, dan brinj ons nich von dise Städ wajch. 16Woo woaren see sest weeten, daut ekj un dit Volkj ver die haben Aunerkjanunk jefungen, wan nich doaderch, daut du met ons best. Onen die sent wie doch nich to unjascheeden von aundre Velkja oppe Ieed. #5Mo 4,6-8 17Un de Har säd: Dit krakjt, no waut du jefroacht hast, woa ekj die jäwen, wiels ekj die en goode Gonsten hool, un ekj die biem Nomen kjan. #2Mo 33,12; Jes 43,1; 2Tim 2,19
18Dan säd Moses: Har, lot mie doch seenen, woo harlich du best. #Joh 1,14; 2Kor 3,18 19Un de Har säd: Ekj woa aules, waut goot en mie es, loten ver die vebie komen, un ekj woa mienen Nomen, Har, ver die sajen. Ekj woa mie äwa dän erboarmen, äwa wäm ekj mie erboarmen well, un ekj woa Metleet haben, met wäm ekj well Metleet haben. #Reema 9,15 20Oba jeedenfauls woascht du mien Jesecht nich to seenen kjrieen. Kjeena, dee mie to seenen kjricht, kaun läwen. #1Mo 32,31; 2Mo 24,11; Rech 6,22-23; 13,22-23; Jes 6,5; 33,14; 1Tim 6,16 21Doa es dicht bie opp disem Steenboddem eene Städ, wua du stonen doascht. #1Kjen 19,8-13 22Un wan ekj, soo harlich aus ekj sie, hia vebie kom, woa ekj die en eene Spoolunk nenn stalen un miene Haunt doaräwa hoolen, bat ekj vebie sie. #2Mo 34,5-6; 24,11 23Dan woa ekj miene Haunt wajchnämen, soo daut du mie von hinjen seenen kaust. Oba mien Jesecht doascht du nich to seenen kjrieen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.