Galata 5
5
Lot kjeenem june Frieheit nämen
1Dan blieft nu en dee Frieheit, wuatoo Christus ons veholpen haft, un lot junt nich wada een Sklowenjoch opplajen! #Apost 15,10; Gal 4,5 2Ekj, Paulus, saj junt: Wan jie junt beschnieden loten, dan halpt junt Christus nuscht. 3Ekj saj noch eemol to eenem jiedren, dee sikj beschnieden lat, daut hee dan schuldich es daut Jesaz gaunz to hoolen. 4Wan jie derch daut Jesaz wellen jerajcht woaren, dan hab jie junt von Christus loosjemoakt un sent von de Jnod aufjefollen. 5Onse Hopninj es, daut wie derch dän Heiljen Jeist un derch Gloowen ver Gott jerajcht woaren. 6Bie Christus Jesus talt daut nich een bät, auf wie beschnäden sent ooda nich. Hee velangt Gloowen, dee derch Leew toom väaschien kjemt. #Reema 2,26; 1Kor 7,19; Gal 6,15
7Jie wieren aul soo fein opp däm Wajch. Wäa haft junt oppjehoolen, daut jie nich mea no de Woarheit horchen? 8Doa haft dee junt nich too berät, dee junt beroopen haft. 9Daut nemt bloos een kjlienet bät Häw derch dän gaunzen Dieech to gonen. #1Kor 5,6 10Wiels wie em Harn eent sent, hab ekj noch daut vetruen en junt, daut jie nich woaren eene aundre Jesennunk aunnämen, un daut Gott dän strofen woat, dee junt vewerren deit, eendoont wäa daut es. #Gal 1,7
11Leewe Breeda, wan ekj noch prädijd, daut Menschen sikj musten beschnieden loten, wuarom wudd ekj dan Vefoljunk lieden? Dan brukt doch sikj kjeena aun Christus sien Kjriez steeten. #1Kor 1,23; 15,30; Gal 6,12 12Ekj wensch daut dee, dee junt trublen, sikj selfst schnieden wudden un junt tofräd loten!
Met de Krauft vom Jeist leeftolich sennen
13Breeda, junt haft Christus to Frieheit veholpen. Bloos brukt dee Frieheit nich, daut Fleesch dän Wellen to loten. Deent eena dän aundren en Leew. #1Pet 2,16; 2Pet 2,19 14Wiels daut gaunze Jesaz es met een Wuat toopjefot: “Du saust dienen Noba jrod soo goot sennen aus die selfst.” #3Mo 19,18 15Wan jie junt oba unjarenaunda bieten un derchholen, seet doa no, daut jie junt nich unjarenaunda en de Grunt brinjen. #Jak 4,2
16Ekj saj junt soo: Waundelt em Jeist, dan woa jie daut nich doonen, wuano daut Fleesch jelesten deit. 17Wiels daut Fleesch velangt jrod daut, waut de Jeist nich well, un de Jeist well daut, waut daut Fleesch nich well. Dee beid sent sikj emma jäajenäwa, daut jie nich doonen, waut jie doonen muchten. #Reema 7,15.23 18Wan jie junt vom Heiljen Jeist rejieren loten, haft daut Jesaz junt nuscht mea to sajen. 19Waut daut Fleesch fa Woakjen haft es kloa: doa es Ehebruch, Huararie, Onreinheit, onbandjet Läwen, #(19-21) 1Kor 6,9-10 20Aufjettarie, Zaubarie, Fientschoft, Striet, Habsucht, Wutt, nosikj sennen, Zank, Spoolarie, 21Aufgonst, Mort, #5,21 Eenje oole Schreften sajen nich Mort. supen, un fräten un soowaut mea. Ekj hab junt daut aul eemol jesajcht, oba ekj saj daut noch eemol: Dee, dee soowaut doonen woaren en Gott sien Rikj nich nenkomen. #Efs 5,5; Opb 22,15 22Dän Jeist siene Frucht es Leew, Freid, Fräd, Jedult, Frintlichkjeit, gootjesonnen sennen, Gloowen, Jelindichkjeit un Selfstbeharschunk. #Efs 5,9 23Jäajen soone es daut Jesaz nich. #1Tim 1,9 24Dee, dee Christus Jesus aunjehieren, haben daut Fleesch met Lost un Liedenschoften toop jekjriezicht. #Reema 6,6
Droacht eena däm aundren siene Laust
25Wan wie em Jeist läwen, dan well wie uk em Jeist waundlen. #Reema 8,4 26Dan bruck wie nich no Iea un aunseenen sieekjen, wuaderch Aufgonst un Oaja kjemt. #Flp 2,3
Currently Selected:
Galata 5: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Galata 5
5
Lot kjeenem june Frieheit nämen
1Dan blieft nu en dee Frieheit, wuatoo Christus ons veholpen haft, un lot junt nich wada een Sklowenjoch opplajen! #Apost 15,10; Gal 4,5 2Ekj, Paulus, saj junt: Wan jie junt beschnieden loten, dan halpt junt Christus nuscht. 3Ekj saj noch eemol to eenem jiedren, dee sikj beschnieden lat, daut hee dan schuldich es daut Jesaz gaunz to hoolen. 4Wan jie derch daut Jesaz wellen jerajcht woaren, dan hab jie junt von Christus loosjemoakt un sent von de Jnod aufjefollen. 5Onse Hopninj es, daut wie derch dän Heiljen Jeist un derch Gloowen ver Gott jerajcht woaren. 6Bie Christus Jesus talt daut nich een bät, auf wie beschnäden sent ooda nich. Hee velangt Gloowen, dee derch Leew toom väaschien kjemt. #Reema 2,26; 1Kor 7,19; Gal 6,15
7Jie wieren aul soo fein opp däm Wajch. Wäa haft junt oppjehoolen, daut jie nich mea no de Woarheit horchen? 8Doa haft dee junt nich too berät, dee junt beroopen haft. 9Daut nemt bloos een kjlienet bät Häw derch dän gaunzen Dieech to gonen. #1Kor 5,6 10Wiels wie em Harn eent sent, hab ekj noch daut vetruen en junt, daut jie nich woaren eene aundre Jesennunk aunnämen, un daut Gott dän strofen woat, dee junt vewerren deit, eendoont wäa daut es. #Gal 1,7
11Leewe Breeda, wan ekj noch prädijd, daut Menschen sikj musten beschnieden loten, wuarom wudd ekj dan Vefoljunk lieden? Dan brukt doch sikj kjeena aun Christus sien Kjriez steeten. #1Kor 1,23; 15,30; Gal 6,12 12Ekj wensch daut dee, dee junt trublen, sikj selfst schnieden wudden un junt tofräd loten!
Met de Krauft vom Jeist leeftolich sennen
13Breeda, junt haft Christus to Frieheit veholpen. Bloos brukt dee Frieheit nich, daut Fleesch dän Wellen to loten. Deent eena dän aundren en Leew. #1Pet 2,16; 2Pet 2,19 14Wiels daut gaunze Jesaz es met een Wuat toopjefot: “Du saust dienen Noba jrod soo goot sennen aus die selfst.” #3Mo 19,18 15Wan jie junt oba unjarenaunda bieten un derchholen, seet doa no, daut jie junt nich unjarenaunda en de Grunt brinjen. #Jak 4,2
16Ekj saj junt soo: Waundelt em Jeist, dan woa jie daut nich doonen, wuano daut Fleesch jelesten deit. 17Wiels daut Fleesch velangt jrod daut, waut de Jeist nich well, un de Jeist well daut, waut daut Fleesch nich well. Dee beid sent sikj emma jäajenäwa, daut jie nich doonen, waut jie doonen muchten. #Reema 7,15.23 18Wan jie junt vom Heiljen Jeist rejieren loten, haft daut Jesaz junt nuscht mea to sajen. 19Waut daut Fleesch fa Woakjen haft es kloa: doa es Ehebruch, Huararie, Onreinheit, onbandjet Läwen, #(19-21) 1Kor 6,9-10 20Aufjettarie, Zaubarie, Fientschoft, Striet, Habsucht, Wutt, nosikj sennen, Zank, Spoolarie, 21Aufgonst, Mort, #5,21 Eenje oole Schreften sajen nich Mort. supen, un fräten un soowaut mea. Ekj hab junt daut aul eemol jesajcht, oba ekj saj daut noch eemol: Dee, dee soowaut doonen woaren en Gott sien Rikj nich nenkomen. #Efs 5,5; Opb 22,15 22Dän Jeist siene Frucht es Leew, Freid, Fräd, Jedult, Frintlichkjeit, gootjesonnen sennen, Gloowen, Jelindichkjeit un Selfstbeharschunk. #Efs 5,9 23Jäajen soone es daut Jesaz nich. #1Tim 1,9 24Dee, dee Christus Jesus aunjehieren, haben daut Fleesch met Lost un Liedenschoften toop jekjriezicht. #Reema 6,6
Droacht eena däm aundren siene Laust
25Wan wie em Jeist läwen, dan well wie uk em Jeist waundlen. #Reema 8,4 26Dan bruck wie nich no Iea un aunseenen sieekjen, wuaderch Aufgonst un Oaja kjemt. #Flp 2,3
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.