3. Mose 13
13
Väaschreften woo Leprakrankheit faustjestalt woat
1De Har räd met Moses un Aaron un säd: #(1 un 2) 4Mo 12,10-12; 5Mo 24,8-9; Hiob 18,13 2Wan bie eenen Mensch aun siene Hut een Knubbel ooda waut schorwjet ooda eene witte Plak oppkjemt un doamet de Vedocht opp Lepra es, mott de Persoon nom Priesta, no Aaron ooda eenem von siene Säns, jebrocht woaren. 3Un wan de Priesta de Städ aun de Hut unjasieekjt, un daut sitt, daut de Hoa doa witt jeworden sent un de Städ deepa es aus de äwaje Hut, dan es daut eene Leprakranke Städ. Un wan de Priesta daut fauststalt, saul hee däm fa orrein erkjläaren. 4Wan eene witte Plak aun siene Hut es un de Städ oba nich no deepa lat aus de äwaje Hut un de Hoa nich witt jeworden sent, dan saul de Priesta am säwen Doag beschluten, 5un aum säwenden Dach wada beseenen. Un wan de Städ noch krakjt soo utlat aus verhäa un sikj nich opp de Hut wiedajefräten haft, dan saul de Priesta am noch een mol säwen Doag beschluten. 6Un de Priesta saul dee aum säwenden Dach wada beseenen. Wan sikj daut dan rutstalt, daut de Städ blaussa jeworden es un sikj nich opp de Hut wiedajefräten haft, dan es daut bloos waut schorwjet, un de Priesta saul de Persoon fa rein erkjläaren. Un hee saul siene Kjleeda wauschen, dan es hee rein. 7Wan sikj de schorwje Städ opp de Hut nohäa doch wiedafrat, no däm daut hee vom Priesta es unjasocht worden, auf hee rein es, mott hee sikj noch een mol vom Priesta unjasieekjen loten. 8Un wan de Priesta dan fauststalt, daut de schorwje Städ sikj opp de Hut wiedajefräten haft, dan saul hee däm fa orrein erkjläaren; dan es daut Lepra.
9Wan aun eenen Mensch eene Leprakranke Städ es, dan saul dee nom Priesta jebrocht woaren. 10Un wan de Priesta däm unjasieekjt un sitt, daut doa een witta Knubbel opp de Hut es un de Hoa doa witt jeworden sent un doa willet Fleesch rutkjemt, 11dan haundelt sikj daut aul om oolen Lepra opp sienen Kjarpa. Un de Priesta saul däm fa orrein erkjläaren un nich noch ieescht beschluten; dee es aul orrein. 12Wan de Lepra opp de gaunze Hut utbrakjt un de gaunze Hut bedakjt, vom Kopp bat de Feet, äwaraul, wua de Priesta hankjikjt, 13un de Priesta däm unjasieekjt un sitt, daut de Leprakrankheit dän gaunzen Kjarpa bedakjt, dan saul hee däm fa rein erkjläaren. Wiels de gaunze Hut witt jeworden es, talt de Persoon fa rein. 14Aun däm Dach wua willet Fleesch aun am jeseenen woat, woat hee orrein. 15Un wan de Priesta daut wille Fleesch sitt, saul hee däm fa orrein erkjläaren, wiels daut wille Fleesch es een Tieekjen fa Lepra. 16Wan sikj daut wille Fleesch veendat un wada witt woat, dan saul hee nom Priesta komen. 17Un wan de Priesta am besitt un finjt, daut de Städ witt jeworden es, saul hee am fa rein erkjläaren; dan es hee rein.
18Wan wäa opp siene Hut een Schwäa kjricht un daut wada heelt, 19nohäa oba opp de selwje Städ een witta Knubbel ooda eene witroddelje Plak kjricht, dan saul hee vom Priesta unjasocht woaren. 20Wan de Priesta dan sitt, daut de Städ no deepa lat aus dee äwaje Hut un de Hoa doa witt jeworden sent, dan saul hee däm fa orrein erkjläaren. Dan haundelt sikj daut om Lepra, waut en daut Schwäa utjebroaken es. 21Wan de Priesta am oba besitt un kjeene witte Hoa un kjeene deepre Städ aus de äwaje Hut finjt, un de Städ blaussa jeworden es, dan saul hee däm säwen Doag beschluten. 22Wan de Plak sikj opp de Hut wiedafrat, saul hee däm fa orrein erkjläaren; dan es daut eene Leprakranke Städ. 23Blift de Plak stonen un frat sikj nich wieda, dan es daut bloos de Noaw von daut Schwäa, un de Priesta saul am fa rein erkjläaren.
24Wan sikj wäa de Haunt vebrent un de Brauntwund witrodlich ooda witt woat, 25un de Priesta daut besitt un finjt daut de Hoa opp de Städ witt jeworden sent un de Städ no deepa lat aus de äwaje Hut, dan es daut Lepra, waut en de Brauntwund utjebroaken es. Un de Priesta mott däm fa orrein erkjläaren, wiels daut eene Leprakranke Städ es. 26Wan de Priesta däm unjasieekjt un sitt, daut de Hoa aun de Brauntwund nich witt jeworden sent un daut nich deepa jeworden es aus de äwaje Hut un de Kalia blaussa jeworden es, dan saul hee däm säwen Doag beschluten, 27un aum säwenden Dach wada unjasieekjen. Wan sikj de Plak opp de Hut wiedajefräten haft, saul hee däm fa orrein erkjläaren; dan es daut eene Leprakranke Städ. 28Wan de Plak stonen jebläwen es un sikj opp de Hut nich wiedajefräten haft un doatoo noch blaussa jeworden es, dan es daut bloos Schwolst von de Brauntwund. Un de Priesta saul däm fa rein erkjläaren, wiels daut bloos de Noaw von eene Brauntwund es.
29Wan een Maun ooda eene Fru opp de Kopphut ooda de Maun unja sienen Boat eene Plak haft, 30un de Priesta de Plak unjasieekjt un sitt, daut dee deepa utsitt aus de äwaje Hut un de Hoa doa wietleftich un jäl jeworden sent, dan es daut Lepra, soo aus dee opp dän Kopp ooda unja dän Boat väakjemt, un de Priesta saul däm fa orrein erkjläaren. 31Wan de Priesta daut sitt, daut de schorwje Städ nich deepa es aus de Hut doarom, oba de Hoa opp de Städ jalblich jeworden sent, dan saul hee de Persoon säwen Doag beschluten. 32Un wan hee de Städ aum säwenden Dach unjasieekjt un sitt, daut sikj de schorwje Plak nich wiedajefräten haft un de Hoa nich jäl jeworden sent un de schorwje Plak nich no deepa lat aus de äwaje Hut, 33dan saul de Persoon sikj de Hoa runtom de Plak aufschäaren, de schorwje Plak oba äwaloten; un de Priesta saul däm noch een mol säwen Doag beschluten. 34Un wan hee däm aum säwenden Dach wada besitt un finjt, daut de schorwje Plak sikj opp de Hut nich wiedajefräten haft un de Städ nich deepa es aus de äwaje Hut, dan saul de Priesta däm fa rein erkjläaren. Un de Persoon mott dan noch äare Kjleeda wauschen, un dan es dee rein. 35Wan de schorwje Plak sikj doch vejratat, no däm daut dee fa rein erkjläat es, 36un de Priesta däm unjasieekjt un finjt, daut de schorwje Plak opp de Hut sikj wiedajefräten haft, dan brukt hee nich mea no jäl jewordne Hoa sieekjen. Dan es daut kloa: De Persoon es orrein. 37Es daut to seenen, daut de schorwje Plak sikj nich vejratat haft un doa wada aunfangen dunkle Hoa to waussen, dan es de Städ jeheelt, un dee es rein. Un de Priesta saul däm fa rein erkjläaren.
38Wan opp de Hut von eenen Maun ooda eene Fru witte Plaken oppkomen, 39dan mott de Priesta sikj dän Faul beseenen. Wan daut mau blauswitte Plaken sent, dan es daut een nich jefäadelja Utschlach, un de Persoon es rein.
40Wan eenen Maun de Kopphoa utfaulen, soo daut hee hinjen aum Kopp kol woat, es hee doawäajen nich orrein. 41Un faulen am de Hoa väaren opp sienen Kopp ut, soo daut hee eenen kolen Kopp kjricht, es hee doawäajen rein. 42Wan opp de kole Städ ooda kolen Kopp eene witroddelje Plak oppkjemt, dan es bie am opp de kole Städ Lepra utjebroaken. 43Wan de Priesta däm unjasieekjt un sitt, daut de Schwolst opp sienen kolen Kopp witrodlich es, un krakjt soo utsitt aus Lepra aum Kjarpa, 44dan es dee leprakrank un orrein, un de Priesta saul däm fa orrein erkjläaren. Daut es Lepra aum Kopp.
Äwa de Leprakranke äa vehoolen
45Aul dee, dee leprakrank sent, sellen verätne Kjleeda droagen un äare Hoa frie henjen loten; un Mana sellen sikj dän Boat bedakjen. Un see sellen Roopen: Orrein, orrein! 46Un soolang aus de Städ aun am es, saul hee orrein sennen. Dee saul auleen wonen, un siene Woninj saul buta daut Loaga sennen. #4Mo 5,2-3; 2Kjen 15,5
Väaschreften fa Sachen waut von Lepra befollen sent
47Wan aun een Kjleet eene Leprakranke Städ es, eendoont aus von Woll ooda von Zeich, 48jewownet ooda jekjnettet, von Baunt ooda Woll, ooda aun een Lada ooda irjentwaut, waut von Lada jemoakt woat. 49Wan de Plak jrenlich ooda rodlich es aun daut Kjleet ooda daut Lada ooda aun daut jewownen ooda jekjnette ooda aun irjent eene Sach, waut von Lada jemoakt es, dan es daut eene Leprakranke Städ. Un de Sach mott däm Priesta jewäsen woaren. 50Un wan hee de Städ beseenen haft, saul hee daut säwen Doag beschluten. 51Un wan hee daut aum säwenden Dach sitt, daut de Städ aun daut Kjleet, aun daut jewowne ooda jekjnette, aun daut Lada, ooda aules, waut von Lada jemoakt es, sikj wiedajefräten haft; dan es de Städ frätenda Lepra. Un de Sach es orrein. 52Dan saul daut Kjleet ooda daut jewowne ooda jekjnette, von Woll ooda Baunt ooda aulahaunt ladane Sachen, wua soone Städ aun es, em Fia vebrent woaren, wiels daut frätenda Lepra es. 53Sitt de Priesta daut, daut de Städ sikj nich wiedajefräten haft aun een Kjleet ooda aun daut jewowne ooda jekjnette ooda aun irjent eene ladane Sach, 54dan saul hee de Sach, wua de Städ aun es, goot wauschen loten, un dee noch een mol säwen Doag beschluten. 55Un wan de Priesta sitt daut de Städ sikj nom wauschen nich veendat haft, dan es de Sach orrein, uk wan de Städ sikj nich wiedajefräten haft. Un daut mott em Fia vebrent woaren, wiels de Städ sikj deep nenjefräten haft, eendoont auf von buten ooda von bennen. 56Wan de Priesta sitt, daut de Städ nom wauschen blaussa jeworden es, saul hee daut Stekj rutrieten ut daut Kjleet, daut Lada ooda daut jewownen ooda jekjnette. 57Wiest sikj wada soone Städ aun daut Kjleet, aun daut jewowne ooda jekjnette ooda irjentwaut Ladanet, dan es daut utbräakjenda Lepra, un du saust daut met Fia vebrennen, wua soone Städ aun es. 58Oba daut Kjleet ooda daut jewowne ooda jekjnette ooda aulahaunt Ladanet, wua de Städ vom wauschen veschwungen es, saul noch een mol jewoschen woaren, un dan es daut rein.
59Dit es daut Jesaz äwa de Leprakranke Städen aun Kjleeda, eendoont aus wolne ooda zeichne, auf aun jewownet ooda jekjnettet ooda aulahaunt Ladasachen, woo dee rein ooda orrein to erkjläaren sent.
Currently Selected:
3. Mose 13: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 13
13
Väaschreften woo Leprakrankheit faustjestalt woat
1De Har räd met Moses un Aaron un säd: #(1 un 2) 4Mo 12,10-12; 5Mo 24,8-9; Hiob 18,13 2Wan bie eenen Mensch aun siene Hut een Knubbel ooda waut schorwjet ooda eene witte Plak oppkjemt un doamet de Vedocht opp Lepra es, mott de Persoon nom Priesta, no Aaron ooda eenem von siene Säns, jebrocht woaren. 3Un wan de Priesta de Städ aun de Hut unjasieekjt, un daut sitt, daut de Hoa doa witt jeworden sent un de Städ deepa es aus de äwaje Hut, dan es daut eene Leprakranke Städ. Un wan de Priesta daut fauststalt, saul hee däm fa orrein erkjläaren. 4Wan eene witte Plak aun siene Hut es un de Städ oba nich no deepa lat aus de äwaje Hut un de Hoa nich witt jeworden sent, dan saul de Priesta am säwen Doag beschluten, 5un aum säwenden Dach wada beseenen. Un wan de Städ noch krakjt soo utlat aus verhäa un sikj nich opp de Hut wiedajefräten haft, dan saul de Priesta am noch een mol säwen Doag beschluten. 6Un de Priesta saul dee aum säwenden Dach wada beseenen. Wan sikj daut dan rutstalt, daut de Städ blaussa jeworden es un sikj nich opp de Hut wiedajefräten haft, dan es daut bloos waut schorwjet, un de Priesta saul de Persoon fa rein erkjläaren. Un hee saul siene Kjleeda wauschen, dan es hee rein. 7Wan sikj de schorwje Städ opp de Hut nohäa doch wiedafrat, no däm daut hee vom Priesta es unjasocht worden, auf hee rein es, mott hee sikj noch een mol vom Priesta unjasieekjen loten. 8Un wan de Priesta dan fauststalt, daut de schorwje Städ sikj opp de Hut wiedajefräten haft, dan saul hee däm fa orrein erkjläaren; dan es daut Lepra.
9Wan aun eenen Mensch eene Leprakranke Städ es, dan saul dee nom Priesta jebrocht woaren. 10Un wan de Priesta däm unjasieekjt un sitt, daut doa een witta Knubbel opp de Hut es un de Hoa doa witt jeworden sent un doa willet Fleesch rutkjemt, 11dan haundelt sikj daut aul om oolen Lepra opp sienen Kjarpa. Un de Priesta saul däm fa orrein erkjläaren un nich noch ieescht beschluten; dee es aul orrein. 12Wan de Lepra opp de gaunze Hut utbrakjt un de gaunze Hut bedakjt, vom Kopp bat de Feet, äwaraul, wua de Priesta hankjikjt, 13un de Priesta däm unjasieekjt un sitt, daut de Leprakrankheit dän gaunzen Kjarpa bedakjt, dan saul hee däm fa rein erkjläaren. Wiels de gaunze Hut witt jeworden es, talt de Persoon fa rein. 14Aun däm Dach wua willet Fleesch aun am jeseenen woat, woat hee orrein. 15Un wan de Priesta daut wille Fleesch sitt, saul hee däm fa orrein erkjläaren, wiels daut wille Fleesch es een Tieekjen fa Lepra. 16Wan sikj daut wille Fleesch veendat un wada witt woat, dan saul hee nom Priesta komen. 17Un wan de Priesta am besitt un finjt, daut de Städ witt jeworden es, saul hee am fa rein erkjläaren; dan es hee rein.
18Wan wäa opp siene Hut een Schwäa kjricht un daut wada heelt, 19nohäa oba opp de selwje Städ een witta Knubbel ooda eene witroddelje Plak kjricht, dan saul hee vom Priesta unjasocht woaren. 20Wan de Priesta dan sitt, daut de Städ no deepa lat aus dee äwaje Hut un de Hoa doa witt jeworden sent, dan saul hee däm fa orrein erkjläaren. Dan haundelt sikj daut om Lepra, waut en daut Schwäa utjebroaken es. 21Wan de Priesta am oba besitt un kjeene witte Hoa un kjeene deepre Städ aus de äwaje Hut finjt, un de Städ blaussa jeworden es, dan saul hee däm säwen Doag beschluten. 22Wan de Plak sikj opp de Hut wiedafrat, saul hee däm fa orrein erkjläaren; dan es daut eene Leprakranke Städ. 23Blift de Plak stonen un frat sikj nich wieda, dan es daut bloos de Noaw von daut Schwäa, un de Priesta saul am fa rein erkjläaren.
24Wan sikj wäa de Haunt vebrent un de Brauntwund witrodlich ooda witt woat, 25un de Priesta daut besitt un finjt daut de Hoa opp de Städ witt jeworden sent un de Städ no deepa lat aus de äwaje Hut, dan es daut Lepra, waut en de Brauntwund utjebroaken es. Un de Priesta mott däm fa orrein erkjläaren, wiels daut eene Leprakranke Städ es. 26Wan de Priesta däm unjasieekjt un sitt, daut de Hoa aun de Brauntwund nich witt jeworden sent un daut nich deepa jeworden es aus de äwaje Hut un de Kalia blaussa jeworden es, dan saul hee däm säwen Doag beschluten, 27un aum säwenden Dach wada unjasieekjen. Wan sikj de Plak opp de Hut wiedajefräten haft, saul hee däm fa orrein erkjläaren; dan es daut eene Leprakranke Städ. 28Wan de Plak stonen jebläwen es un sikj opp de Hut nich wiedajefräten haft un doatoo noch blaussa jeworden es, dan es daut bloos Schwolst von de Brauntwund. Un de Priesta saul däm fa rein erkjläaren, wiels daut bloos de Noaw von eene Brauntwund es.
29Wan een Maun ooda eene Fru opp de Kopphut ooda de Maun unja sienen Boat eene Plak haft, 30un de Priesta de Plak unjasieekjt un sitt, daut dee deepa utsitt aus de äwaje Hut un de Hoa doa wietleftich un jäl jeworden sent, dan es daut Lepra, soo aus dee opp dän Kopp ooda unja dän Boat väakjemt, un de Priesta saul däm fa orrein erkjläaren. 31Wan de Priesta daut sitt, daut de schorwje Städ nich deepa es aus de Hut doarom, oba de Hoa opp de Städ jalblich jeworden sent, dan saul hee de Persoon säwen Doag beschluten. 32Un wan hee de Städ aum säwenden Dach unjasieekjt un sitt, daut sikj de schorwje Plak nich wiedajefräten haft un de Hoa nich jäl jeworden sent un de schorwje Plak nich no deepa lat aus de äwaje Hut, 33dan saul de Persoon sikj de Hoa runtom de Plak aufschäaren, de schorwje Plak oba äwaloten; un de Priesta saul däm noch een mol säwen Doag beschluten. 34Un wan hee däm aum säwenden Dach wada besitt un finjt, daut de schorwje Plak sikj opp de Hut nich wiedajefräten haft un de Städ nich deepa es aus de äwaje Hut, dan saul de Priesta däm fa rein erkjläaren. Un de Persoon mott dan noch äare Kjleeda wauschen, un dan es dee rein. 35Wan de schorwje Plak sikj doch vejratat, no däm daut dee fa rein erkjläat es, 36un de Priesta däm unjasieekjt un finjt, daut de schorwje Plak opp de Hut sikj wiedajefräten haft, dan brukt hee nich mea no jäl jewordne Hoa sieekjen. Dan es daut kloa: De Persoon es orrein. 37Es daut to seenen, daut de schorwje Plak sikj nich vejratat haft un doa wada aunfangen dunkle Hoa to waussen, dan es de Städ jeheelt, un dee es rein. Un de Priesta saul däm fa rein erkjläaren.
38Wan opp de Hut von eenen Maun ooda eene Fru witte Plaken oppkomen, 39dan mott de Priesta sikj dän Faul beseenen. Wan daut mau blauswitte Plaken sent, dan es daut een nich jefäadelja Utschlach, un de Persoon es rein.
40Wan eenen Maun de Kopphoa utfaulen, soo daut hee hinjen aum Kopp kol woat, es hee doawäajen nich orrein. 41Un faulen am de Hoa väaren opp sienen Kopp ut, soo daut hee eenen kolen Kopp kjricht, es hee doawäajen rein. 42Wan opp de kole Städ ooda kolen Kopp eene witroddelje Plak oppkjemt, dan es bie am opp de kole Städ Lepra utjebroaken. 43Wan de Priesta däm unjasieekjt un sitt, daut de Schwolst opp sienen kolen Kopp witrodlich es, un krakjt soo utsitt aus Lepra aum Kjarpa, 44dan es dee leprakrank un orrein, un de Priesta saul däm fa orrein erkjläaren. Daut es Lepra aum Kopp.
Äwa de Leprakranke äa vehoolen
45Aul dee, dee leprakrank sent, sellen verätne Kjleeda droagen un äare Hoa frie henjen loten; un Mana sellen sikj dän Boat bedakjen. Un see sellen Roopen: Orrein, orrein! 46Un soolang aus de Städ aun am es, saul hee orrein sennen. Dee saul auleen wonen, un siene Woninj saul buta daut Loaga sennen. #4Mo 5,2-3; 2Kjen 15,5
Väaschreften fa Sachen waut von Lepra befollen sent
47Wan aun een Kjleet eene Leprakranke Städ es, eendoont aus von Woll ooda von Zeich, 48jewownet ooda jekjnettet, von Baunt ooda Woll, ooda aun een Lada ooda irjentwaut, waut von Lada jemoakt woat. 49Wan de Plak jrenlich ooda rodlich es aun daut Kjleet ooda daut Lada ooda aun daut jewownen ooda jekjnette ooda aun irjent eene Sach, waut von Lada jemoakt es, dan es daut eene Leprakranke Städ. Un de Sach mott däm Priesta jewäsen woaren. 50Un wan hee de Städ beseenen haft, saul hee daut säwen Doag beschluten. 51Un wan hee daut aum säwenden Dach sitt, daut de Städ aun daut Kjleet, aun daut jewowne ooda jekjnette, aun daut Lada, ooda aules, waut von Lada jemoakt es, sikj wiedajefräten haft; dan es de Städ frätenda Lepra. Un de Sach es orrein. 52Dan saul daut Kjleet ooda daut jewowne ooda jekjnette, von Woll ooda Baunt ooda aulahaunt ladane Sachen, wua soone Städ aun es, em Fia vebrent woaren, wiels daut frätenda Lepra es. 53Sitt de Priesta daut, daut de Städ sikj nich wiedajefräten haft aun een Kjleet ooda aun daut jewowne ooda jekjnette ooda aun irjent eene ladane Sach, 54dan saul hee de Sach, wua de Städ aun es, goot wauschen loten, un dee noch een mol säwen Doag beschluten. 55Un wan de Priesta sitt daut de Städ sikj nom wauschen nich veendat haft, dan es de Sach orrein, uk wan de Städ sikj nich wiedajefräten haft. Un daut mott em Fia vebrent woaren, wiels de Städ sikj deep nenjefräten haft, eendoont auf von buten ooda von bennen. 56Wan de Priesta sitt, daut de Städ nom wauschen blaussa jeworden es, saul hee daut Stekj rutrieten ut daut Kjleet, daut Lada ooda daut jewownen ooda jekjnette. 57Wiest sikj wada soone Städ aun daut Kjleet, aun daut jewowne ooda jekjnette ooda irjentwaut Ladanet, dan es daut utbräakjenda Lepra, un du saust daut met Fia vebrennen, wua soone Städ aun es. 58Oba daut Kjleet ooda daut jewowne ooda jekjnette ooda aulahaunt Ladanet, wua de Städ vom wauschen veschwungen es, saul noch een mol jewoschen woaren, un dan es daut rein.
59Dit es daut Jesaz äwa de Leprakranke Städen aun Kjleeda, eendoont aus wolne ooda zeichne, auf aun jewownet ooda jekjnettet ooda aulahaunt Ladasachen, woo dee rein ooda orrein to erkjläaren sent.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.