3. Mose 22
22
Wäa von de Opfagowen äten doaf
1De Har räd met Moses un säd: 2Saj Aaron un siene Säns: Got väasechtich met de heilje Gowen om, waut de Israeliten mie brinjen, om daut see mienen heiljen Nomen nich veonieren. Ekj sie de Har. 3Saj an uk: Wäa von june Nokomen sikj de heilje Gowen nodat, waut de Israeliten däm Harn weien, un haft eene Onreinheit aun sikj, dee woat ver miene Uagen utjerot woaren. Ekj sie de Har. 4Wäa von Aaron siene Nokomen Lepra haft ooda irjent waut haft, waut doa kjietat, dee saul nich von daut heilje äten, bat hee wada rein es.Wäa eenem aunschieet, waut aun eenen Dooden orrein jeworden es, ooda em Schlop de Somen aufjegonen es, #(4-6) 3Mo 11,29-31; 13,1-46; 15,1-33; 21,1-4 5ooda wäa irjent eent von de Tieren ooda Ojjezeffa aunjefot haft, wuavon hee orrein woat, ooda eenen Mensch, derch däm hee orrein woat, eendoont von waut dee orrein es, 6wäa soont aunschieet, dee es bat aum Owent orrein un doaf soolang nich von de heilje Opfagowen äten, un saul ieescht sienen Kjarpa met Wota aufwauschen. 7Un wan de Sonn ieescht unjajegonen es, dan es hee rein. Dan doaf hee doavon äten, wiels daut siene Noarunk es. 8Een Tia waut dootjegonen ooda veräten es saul hee nich äten, om daut hee nich orrein woat. Ekj sie de Har! #3Mo 7,24 9Doawäajen sellen see miene Ordnungen hoolen, daut see nich Sinden opp sikj loden un doawäajen stoawen, wan see daut veonieren. Ekj sie de Har, dee an heilicht.
10Bloos wäa to eene Priesta Famielje jehieet, doaf von de heilje Opfagowen äten, sest kjeena, uk kjeen framda ooda Oabeida, waut bie am läft. 11Wan de Priesta sikj fa Jelt eenen Sklow kjaft, dee doaf doavon äten. Un de Sklow, waut en däm Priesta sien Hus jebuaren es, doaf uk von siene Noarunk äten. 12Wan däm Priesta siene Dochta sikj met eenen Maun befriet, dee nich ut dän Priesta Staum es, dan saul see nich von de heilje Opfagowen äten. 13Wan see aus Wätfru ooda aus eene Jeschiedne, waut kjeene Kjinja haft, trigj no äa Voda sien Hus kjemt, dan doaf see von äaren Voda siene Noarunk äten soo aus verhäa. Oba kjeena saul doavon äten, dee nich to de Priesta Famielje jehieet.
14Wäa onweetent von daut heilje at, dee saul däm Priesta de Opfagow aufjäwen un noch een Feftel doabie lajen. #3Mo 5,16 15De Priesta sellen daut heilje von de Israeliten, de Opfagowen fa dän Harn, nich veonieren loten, 16un de Israeliten doaderch met Schult beloden, daut dee äa Jeheilichtet to äten kjrieen, wiels ekj sie de Har, dee an heilicht.
Väaschreften fa Opfatieren
17De Har räd met Moses un säd: 18Saj Aaron un siene Säns un aule Israeliten: Wäa ut daut Volkj Israel ooda von de framde en Israel een Opfa brinjen well, om sien Vespräakjen to erfellen ooda däm Harn friewellich waut toom Brauntopfa jäwen well. 19Dan mott daut, om daut de Har jefaulen aun junt haft, een menlichet Tia onen Fäla sennen, von Rinda, Schop ooda Kosen. 20Aules, waut eenen Fäla haft sell jie nich opfren, wiels daut woat junt nich aunjenäm moaken. #5Mo 15,21; 17,1; Mal 1,8
21Un wan wäa däm Harn een Dankopfa brinjen well, om sien Vespräakjen entohoolen ooda een frieweljet Opfa, von Rinda ooda Schop, dan saul daut onen Fäla sennen, wiels am daut mau aunjenäm moakt, wan daut Opfatia fälafrie es. 22Wan daut blint ooda vekjräpelt es, ooda eene Wund ooda een Schwäa ooda Hutkrankheiten haft, dan sell jie däm Harn daut nich opfren un kjeen Brauntopfa doavon opp däm Harn sienen Aultoa brinjen.
23Rinda ooda Schop, waut too lange ooda too korte Kjarpadeelen haben, dee kaust du friewellich opfren, oba fa een Vespräakjen sent dee nich aunjenäm. 24Du saust däm Harn uk kjeen Tia toom Opfa brinjen, waut de Hooden vedrekjt ooda veschloagen ooda rutjeräten ooda utjechnäden sent. Jie sellen en jun Launt äwahaupt kjeen Tia endren. #5Mo 23,2 25Jie sellen soone Tieren uk nich von Utlenda kjeepen un aus Äten fa junen Gott opfren, wiels dee daugen nich un haben eenen Fäla. Doawäajen woat junt daut nich aunjenäm moaken.
26Wieda leet de Har derch Moses sajen: 27Wan een Rint ooda Schop ooda eene Kos jebuaren es, dan saul daut Kaulf ooda Laum säwen Doag bie äare Mutta bliewen; oba aum achten Dach ooda no däm doaf däm Harn daut jeopfat woaren, daut es am aunjenäm. #2Mo 22,29 28Jie derwen uk nich daut Muttatia met äa junget tojlikj aun eenen Dach schlachten. #5Mo 22,6-7
29Wan jie däm Harn een Dankopfa brinjen wellen, waut junt aunjenäm moakt, #(29 un 30) 3Mo 7,15 30dan sell jie daut aun däm selwjen Dach oppäten un nuscht äwaloten bat morjen. Ekj sie de Har!
31Doot opp miene Jebooten achtjäwen un doano läwen. Ekj sie de Har! 32Doot mienen heiljen Nomen nich veonieren, soo daut ekj heilich jehoolen woa mank de Israeliten. Ekj sie de Har, dee junt heilicht. #3Mo 22,9.16 33Ekj hab junt ut Ägipten rutjefieet, om jun Gott to sennen. Ekj sie de Har!
Currently Selected:
3. Mose 22: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 22
22
Wäa von de Opfagowen äten doaf
1De Har räd met Moses un säd: 2Saj Aaron un siene Säns: Got väasechtich met de heilje Gowen om, waut de Israeliten mie brinjen, om daut see mienen heiljen Nomen nich veonieren. Ekj sie de Har. 3Saj an uk: Wäa von june Nokomen sikj de heilje Gowen nodat, waut de Israeliten däm Harn weien, un haft eene Onreinheit aun sikj, dee woat ver miene Uagen utjerot woaren. Ekj sie de Har. 4Wäa von Aaron siene Nokomen Lepra haft ooda irjent waut haft, waut doa kjietat, dee saul nich von daut heilje äten, bat hee wada rein es.Wäa eenem aunschieet, waut aun eenen Dooden orrein jeworden es, ooda em Schlop de Somen aufjegonen es, #(4-6) 3Mo 11,29-31; 13,1-46; 15,1-33; 21,1-4 5ooda wäa irjent eent von de Tieren ooda Ojjezeffa aunjefot haft, wuavon hee orrein woat, ooda eenen Mensch, derch däm hee orrein woat, eendoont von waut dee orrein es, 6wäa soont aunschieet, dee es bat aum Owent orrein un doaf soolang nich von de heilje Opfagowen äten, un saul ieescht sienen Kjarpa met Wota aufwauschen. 7Un wan de Sonn ieescht unjajegonen es, dan es hee rein. Dan doaf hee doavon äten, wiels daut siene Noarunk es. 8Een Tia waut dootjegonen ooda veräten es saul hee nich äten, om daut hee nich orrein woat. Ekj sie de Har! #3Mo 7,24 9Doawäajen sellen see miene Ordnungen hoolen, daut see nich Sinden opp sikj loden un doawäajen stoawen, wan see daut veonieren. Ekj sie de Har, dee an heilicht.
10Bloos wäa to eene Priesta Famielje jehieet, doaf von de heilje Opfagowen äten, sest kjeena, uk kjeen framda ooda Oabeida, waut bie am läft. 11Wan de Priesta sikj fa Jelt eenen Sklow kjaft, dee doaf doavon äten. Un de Sklow, waut en däm Priesta sien Hus jebuaren es, doaf uk von siene Noarunk äten. 12Wan däm Priesta siene Dochta sikj met eenen Maun befriet, dee nich ut dän Priesta Staum es, dan saul see nich von de heilje Opfagowen äten. 13Wan see aus Wätfru ooda aus eene Jeschiedne, waut kjeene Kjinja haft, trigj no äa Voda sien Hus kjemt, dan doaf see von äaren Voda siene Noarunk äten soo aus verhäa. Oba kjeena saul doavon äten, dee nich to de Priesta Famielje jehieet.
14Wäa onweetent von daut heilje at, dee saul däm Priesta de Opfagow aufjäwen un noch een Feftel doabie lajen. #3Mo 5,16 15De Priesta sellen daut heilje von de Israeliten, de Opfagowen fa dän Harn, nich veonieren loten, 16un de Israeliten doaderch met Schult beloden, daut dee äa Jeheilichtet to äten kjrieen, wiels ekj sie de Har, dee an heilicht.
Väaschreften fa Opfatieren
17De Har räd met Moses un säd: 18Saj Aaron un siene Säns un aule Israeliten: Wäa ut daut Volkj Israel ooda von de framde en Israel een Opfa brinjen well, om sien Vespräakjen to erfellen ooda däm Harn friewellich waut toom Brauntopfa jäwen well. 19Dan mott daut, om daut de Har jefaulen aun junt haft, een menlichet Tia onen Fäla sennen, von Rinda, Schop ooda Kosen. 20Aules, waut eenen Fäla haft sell jie nich opfren, wiels daut woat junt nich aunjenäm moaken. #5Mo 15,21; 17,1; Mal 1,8
21Un wan wäa däm Harn een Dankopfa brinjen well, om sien Vespräakjen entohoolen ooda een frieweljet Opfa, von Rinda ooda Schop, dan saul daut onen Fäla sennen, wiels am daut mau aunjenäm moakt, wan daut Opfatia fälafrie es. 22Wan daut blint ooda vekjräpelt es, ooda eene Wund ooda een Schwäa ooda Hutkrankheiten haft, dan sell jie däm Harn daut nich opfren un kjeen Brauntopfa doavon opp däm Harn sienen Aultoa brinjen.
23Rinda ooda Schop, waut too lange ooda too korte Kjarpadeelen haben, dee kaust du friewellich opfren, oba fa een Vespräakjen sent dee nich aunjenäm. 24Du saust däm Harn uk kjeen Tia toom Opfa brinjen, waut de Hooden vedrekjt ooda veschloagen ooda rutjeräten ooda utjechnäden sent. Jie sellen en jun Launt äwahaupt kjeen Tia endren. #5Mo 23,2 25Jie sellen soone Tieren uk nich von Utlenda kjeepen un aus Äten fa junen Gott opfren, wiels dee daugen nich un haben eenen Fäla. Doawäajen woat junt daut nich aunjenäm moaken.
26Wieda leet de Har derch Moses sajen: 27Wan een Rint ooda Schop ooda eene Kos jebuaren es, dan saul daut Kaulf ooda Laum säwen Doag bie äare Mutta bliewen; oba aum achten Dach ooda no däm doaf däm Harn daut jeopfat woaren, daut es am aunjenäm. #2Mo 22,29 28Jie derwen uk nich daut Muttatia met äa junget tojlikj aun eenen Dach schlachten. #5Mo 22,6-7
29Wan jie däm Harn een Dankopfa brinjen wellen, waut junt aunjenäm moakt, #(29 un 30) 3Mo 7,15 30dan sell jie daut aun däm selwjen Dach oppäten un nuscht äwaloten bat morjen. Ekj sie de Har!
31Doot opp miene Jebooten achtjäwen un doano läwen. Ekj sie de Har! 32Doot mienen heiljen Nomen nich veonieren, soo daut ekj heilich jehoolen woa mank de Israeliten. Ekj sie de Har, dee junt heilicht. #3Mo 22,9.16 33Ekj hab junt ut Ägipten rutjefieet, om jun Gott to sennen. Ekj sie de Har!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.