3. Mose 3
3
Aunwiesungen fa daut Dankopfa
1Es sien Opfa een Dankopfa un hee well een Rint opfren, dan kaun daut een menlichet ooda een weiblichet Tia sennen, hee saul fa däm Harn oba een Tia opfren, waut onen Fäla es. 2Hee saul siene Haunt opp dän Kopp von daut Opfatia lajen un daut ver däm Engank von daut Vesaumlungszelt schlachten. Un de Priesta, Aaron siene Säns, sellen daut Bloot runtom aun dän Aultoa spretzen. 3Un hee saul von daut Dankopfa däm Harn een Fiaopfa brinjen; daut Fat, waut daut Enjeweide bedakjt, un aul daut Fat waut aun daut Enjeweide es, 4de beid Nieren met daut Fat, waut doaraun es, un daut waut aun de Hinjaschinkjes es, un dän Fatlaupen äwa de Läwa, bie de Nieren loosjetrant. 5Un Aaron siene Säns sellen daut opp däm Aultoa en Ruak oppgonen loten toom Brauntopfa opp daut Holt, waut opp daut Fia licht, aus een Fiaopfa to een scheenet Jeroch fa dän Harn.
6Well hee däm Harn een Dankopfa von Schop ooda Kosen brinjen, kaun hee een menlichet ooda een weiblichet Tia nämen; daut saul oba onen Fäla sennen. 7Wan daut een Laum es, dan saul hee daut ver däm Harn brinjen 8un saul siene Haunt opp dän Kopp von sien Opfa lajen un daut ver daut Vesaumlungszelt schlachten. Un Aaron siene Säns sellen daut Bloot runtom aun dän Aultoa spretzen. 9Un hee saul däm Harn von daut Dankopfa een Fiaopfa brinjen, von aul daut Fat, daut gaunze Fatsträmel, waut doa dicht biem Zoagel loosjetrant woat, un doatoo daut Fat, waut daut Enjeweide bedakjt, un aul daut Fat aun daut Enjeweide, 10de beid Nieren met daut Fat, waut doaraun es, un waut aun de Hinjaschinkjes es, un dän Fatlaupen aun de Läwa, bie de Nieren loosjetrant. 11Un de Priesta saul daut opp däm Aultoa en Ruak oppgonen loten aus een Äten vom Fiaopfa fa dän Harn.
12Es sien Opfa eene Kos, dan saul hee dee ver däm Harn brinjen 13un siene Haunt opp äaren Kopp lajen un dee ver daut Vesaumlungszelt schlachten. Un Aaron siene Säns sellen daut Bloot runtom aun dän Aultoa spretzen. 14Un hee saul doavon siene Opfagow aus Fiaopfa fa dän Harn brinjen: Daut Fat, waut daut Enjeweide bedakjt, un aul daut Fat waut aun daut Enjeweide es, 15de beid Nieren met daut Fat, waut doaraun es, un daut waut aun de Hinjaschinkjes es, un dän Fatlaupen äwa de Läwa, bie de Nieren loosjetrant. 16Un de Priesta saul daut opp däm Aultoa en Ruak oppgonen loten aus een Äten vom Fiaopfa to een scheenet Jeroch. Aul daut Fat jehieet däm Harn. 17Daut es eene Ordnunk fa emma fa aul june Nokomen, äwaraul wua jie wonen, daut jie nich Fat uk nich Bloot äten. #3Mo 7,23.26; 17,10-14; 1Mo 9,4; 5Mo 12,16.23; Apost 15,20.29
Currently Selected:
3. Mose 3: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 3
3
Aunwiesungen fa daut Dankopfa
1Es sien Opfa een Dankopfa un hee well een Rint opfren, dan kaun daut een menlichet ooda een weiblichet Tia sennen, hee saul fa däm Harn oba een Tia opfren, waut onen Fäla es. 2Hee saul siene Haunt opp dän Kopp von daut Opfatia lajen un daut ver däm Engank von daut Vesaumlungszelt schlachten. Un de Priesta, Aaron siene Säns, sellen daut Bloot runtom aun dän Aultoa spretzen. 3Un hee saul von daut Dankopfa däm Harn een Fiaopfa brinjen; daut Fat, waut daut Enjeweide bedakjt, un aul daut Fat waut aun daut Enjeweide es, 4de beid Nieren met daut Fat, waut doaraun es, un daut waut aun de Hinjaschinkjes es, un dän Fatlaupen äwa de Läwa, bie de Nieren loosjetrant. 5Un Aaron siene Säns sellen daut opp däm Aultoa en Ruak oppgonen loten toom Brauntopfa opp daut Holt, waut opp daut Fia licht, aus een Fiaopfa to een scheenet Jeroch fa dän Harn.
6Well hee däm Harn een Dankopfa von Schop ooda Kosen brinjen, kaun hee een menlichet ooda een weiblichet Tia nämen; daut saul oba onen Fäla sennen. 7Wan daut een Laum es, dan saul hee daut ver däm Harn brinjen 8un saul siene Haunt opp dän Kopp von sien Opfa lajen un daut ver daut Vesaumlungszelt schlachten. Un Aaron siene Säns sellen daut Bloot runtom aun dän Aultoa spretzen. 9Un hee saul däm Harn von daut Dankopfa een Fiaopfa brinjen, von aul daut Fat, daut gaunze Fatsträmel, waut doa dicht biem Zoagel loosjetrant woat, un doatoo daut Fat, waut daut Enjeweide bedakjt, un aul daut Fat aun daut Enjeweide, 10de beid Nieren met daut Fat, waut doaraun es, un waut aun de Hinjaschinkjes es, un dän Fatlaupen aun de Läwa, bie de Nieren loosjetrant. 11Un de Priesta saul daut opp däm Aultoa en Ruak oppgonen loten aus een Äten vom Fiaopfa fa dän Harn.
12Es sien Opfa eene Kos, dan saul hee dee ver däm Harn brinjen 13un siene Haunt opp äaren Kopp lajen un dee ver daut Vesaumlungszelt schlachten. Un Aaron siene Säns sellen daut Bloot runtom aun dän Aultoa spretzen. 14Un hee saul doavon siene Opfagow aus Fiaopfa fa dän Harn brinjen: Daut Fat, waut daut Enjeweide bedakjt, un aul daut Fat waut aun daut Enjeweide es, 15de beid Nieren met daut Fat, waut doaraun es, un daut waut aun de Hinjaschinkjes es, un dän Fatlaupen äwa de Läwa, bie de Nieren loosjetrant. 16Un de Priesta saul daut opp däm Aultoa en Ruak oppgonen loten aus een Äten vom Fiaopfa to een scheenet Jeroch. Aul daut Fat jehieet däm Harn. 17Daut es eene Ordnunk fa emma fa aul june Nokomen, äwaraul wua jie wonen, daut jie nich Fat uk nich Bloot äten. #3Mo 7,23.26; 17,10-14; 1Mo 9,4; 5Mo 12,16.23; Apost 15,20.29
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.