3. Mose 5
5
Wiedre Väaschreften fa daut Sindopfa
1Wan wäa doamet sindicht, daut hee dän Fluch utspräakjen hieet äwa eene Sach fa dee hee Zeij es, wiels hee daut jeseenen un meterläft haft, daut oba nich malt, un soo eene Schult opp sikj lot; 2ooda wan wäa waut orreinet aunschieet, Os von een orreinet Tia, Vee ooda Kruptieren, un wist daut nich, woat daut oba en un haft sikj veschulcht; #3Mo 11,24 3ooda wan wäa eenen Mensch en siene Onreinheit aunschieet, bie irjent eene Onreinheit, wuaderch een Mensch orrein woaren kaun, un woat daut mau nohäa en daut hee sikj veschulcht haft; #4Mo 19,13.20 4ooda wan wäa schwieren deit, un am waut äwa de Leppen foat, schlajchtet ooda goodet to doonen, met aules wua een Mensch onbedocht schwieren kaun, un woat daut oba en un haft sikj soo ooda aundasch schuldich jemoakt; 5wan soont passieet, daut hee sikj met eent von dise Sachen schuldich jemoakt haft, dan saul hee nom Priesta gonen un ver am bekjanen, waut hee jedonen haft. #3Mo 16,21; 4Mo 5,7; Jos 7,20 6Un hee saul om siene Schult, waut hee jedonen haft, en Ordnunk to brinjen, däm Harn een Schop ooda eene Kos opfren, daut saul een weiblichet Tia sennen. Met dit Schultopfa brinjt de Priesta de Sach wada en Ordnunk un moakt am frie von siene Schult. 7Es de schuldja too oam, toom een Schop ooda eene Kos jäwen, dan saul hee däm Harn en dee Städ twee Turtelduwen ooda twee aundre Duwen aus Opfa brinjen, eene toom Schultopfa un de aundre toom Brauntopfa. 8Un hee saul dee nom Priesta brinjen. Un de Priesta saul ieescht de Duw to daut Sindopfa nämen, un dee daut Jenekj bräakjen, oba nich dän Kopp aufrieten, 9un waut Bloot von daut Sindopfa aun de Waunt vom Aultoa spretzen. Daut äwaje Bloot saul hee unjen aum Aultoa utbleeden loten. Soo jehieet sikj daut fa een Sindopfa. 10De aundre Duw saul hee no de Väaschreft aus Brauntopfa brinjen. Soo saul de Priesta de Veseenunk fa am derchfieren wäajen siene Schult, waut hee jedonen haft, un am woat de Schult vejäft woaren. 11Wan de schuldja uk noch too oam es, toom twee Turtelduwen ooda twee aundre Duwen jäwen, dan saul hee aus Opfa fa siene Veschuldjunk een tieendel Efa wittet Mäl brinjen. Hee saul oba kjeene Eelj doanopp jeeten ooda Weiruak doanopp lajen, wiels daut es een Sindopfa. 12Un hee saul daut nom Priesta brinjen. De Priesta saul eene Hauntvoll doavon nämen aus een Jedenkjopfa un daut en Ruak oppgonen loten opp däm Aultoa toom Fiaopfa fa dän Harn. Soo jehieet sikj daut fa een Sindopfa. 13Soo saul de Priesta wäajen siene Schult, waut hee en eent von dise Falen jedonen haft, de Veseenunk derchfieren, un am woat de Schult vejäft woaren. Un daut äwaje saul däm Priesta jehieren soo aus biem Ätesopfa. #3Mo 2,3
Aunwiesungen fa daut Opfa toom Veschuldjungen wada goot moaken
14Un de Har räd met Moses un säd: 15Wan sikj wäa derch eenen Vefäl vefot un sikj aun daut veschulcht, waut däm Harn jeweit es, dan saul hee fa siene Schult däm Harn eenen fälaloosen Schopsbock ooda Kosenbock aus Schultopfa brinjen. Daut Tia mott Schazungswies twee Selwastekja wieet sennen, no daut Jewicht vom Heilichtum. 16Un de Aufgowen, waut hee aun daut Jeweide schuldich jebläwen es, mott hee däm Priesta jäwen un noch een Feftel doabie jäwen. Met daut Schultopfa veseent de Priesta de Sach wada, un de Har woat am siene Schult vejäwen. #3Mo 5,24; 22,14; 27,13 17Wan wäa derch eenen Vefäl jäajen irjent eent von däm Harn siene Jebooten haundelt, waut hee nich doonen sull, soo haft hee sikj vesindicht un haft eene Schult opp sikj jelot, uk wan daut onweetent passieet es. 18Dan saul hee von siene Häad eenen fälaloosen Schopsbock ooda Kosenbock no de Schazunk aus Schultopfa nom Priesta brinjen. Un de Priesta saul de Veseenunk fa am derchfieren fa daut, waut onaufsechtlich passieet es, un de Har woat de Schult vejäwen. 19Daut es een Schultopfa, fa däm dee sikj aum Harn veschulcht haft. 20Un de Har räd met Moses un säd: 21Wan sikj wäa doamet aun däm Harn vesindicht, daut hee daut vestrieden deit, wan sien näakjsta am waut aunvetrut haft, ooda hee von däm waut jeliet, waut fuatjestolen ooda unja Druck wajchjenomen haft, #(21-26) 4Mo 5,6-8 22ooda wan hee waut veloarnet jefungen haft, waut däm näakjsten jehieet, un daut velieejen deit un eenen faulschen Eit schwieren deit äwa irjent waut, wuamet een Mensch sikj jäajen sienen näakjsten vesindjen kaun; 23wan soont passieet, daut hee opp soonen Wajch schuldich jeworden es, dan saul hee daut trigjäwen, waut hee met Jewault jenomen ooda sikj onopprechtich toojeieejent haft, ooda waut am aunvetrut wia ooda waut hee jefungen haft, #Hes 33,15 24ooda wuaräwa hee faulsch jeschwuaren haft. Daut saul hee aula gaunz trigjäwen un dan noch een Feftel doabie jäwen. Hee saul däm daut jäwen, wäm daut jehieet, aun däm Dach, wan hee sien Schultopfa brinjt. 25Oba fa siene Schult saul hee däm Harn eenen fälaloosen Bock von siene Häad, no de Schazunk fa een Schultopfa, nom Priesta brinjen. 26Soo saul de Priesta de Veseenunk fa am ver däm Harn derchfieren, un am woat daut vejäft woaren, waut hee jedonen un wuamet hee sikj veschulcht haft.
Currently Selected:
3. Mose 5: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 5
5
Wiedre Väaschreften fa daut Sindopfa
1Wan wäa doamet sindicht, daut hee dän Fluch utspräakjen hieet äwa eene Sach fa dee hee Zeij es, wiels hee daut jeseenen un meterläft haft, daut oba nich malt, un soo eene Schult opp sikj lot; 2ooda wan wäa waut orreinet aunschieet, Os von een orreinet Tia, Vee ooda Kruptieren, un wist daut nich, woat daut oba en un haft sikj veschulcht; #3Mo 11,24 3ooda wan wäa eenen Mensch en siene Onreinheit aunschieet, bie irjent eene Onreinheit, wuaderch een Mensch orrein woaren kaun, un woat daut mau nohäa en daut hee sikj veschulcht haft; #4Mo 19,13.20 4ooda wan wäa schwieren deit, un am waut äwa de Leppen foat, schlajchtet ooda goodet to doonen, met aules wua een Mensch onbedocht schwieren kaun, un woat daut oba en un haft sikj soo ooda aundasch schuldich jemoakt; 5wan soont passieet, daut hee sikj met eent von dise Sachen schuldich jemoakt haft, dan saul hee nom Priesta gonen un ver am bekjanen, waut hee jedonen haft. #3Mo 16,21; 4Mo 5,7; Jos 7,20 6Un hee saul om siene Schult, waut hee jedonen haft, en Ordnunk to brinjen, däm Harn een Schop ooda eene Kos opfren, daut saul een weiblichet Tia sennen. Met dit Schultopfa brinjt de Priesta de Sach wada en Ordnunk un moakt am frie von siene Schult. 7Es de schuldja too oam, toom een Schop ooda eene Kos jäwen, dan saul hee däm Harn en dee Städ twee Turtelduwen ooda twee aundre Duwen aus Opfa brinjen, eene toom Schultopfa un de aundre toom Brauntopfa. 8Un hee saul dee nom Priesta brinjen. Un de Priesta saul ieescht de Duw to daut Sindopfa nämen, un dee daut Jenekj bräakjen, oba nich dän Kopp aufrieten, 9un waut Bloot von daut Sindopfa aun de Waunt vom Aultoa spretzen. Daut äwaje Bloot saul hee unjen aum Aultoa utbleeden loten. Soo jehieet sikj daut fa een Sindopfa. 10De aundre Duw saul hee no de Väaschreft aus Brauntopfa brinjen. Soo saul de Priesta de Veseenunk fa am derchfieren wäajen siene Schult, waut hee jedonen haft, un am woat de Schult vejäft woaren. 11Wan de schuldja uk noch too oam es, toom twee Turtelduwen ooda twee aundre Duwen jäwen, dan saul hee aus Opfa fa siene Veschuldjunk een tieendel Efa wittet Mäl brinjen. Hee saul oba kjeene Eelj doanopp jeeten ooda Weiruak doanopp lajen, wiels daut es een Sindopfa. 12Un hee saul daut nom Priesta brinjen. De Priesta saul eene Hauntvoll doavon nämen aus een Jedenkjopfa un daut en Ruak oppgonen loten opp däm Aultoa toom Fiaopfa fa dän Harn. Soo jehieet sikj daut fa een Sindopfa. 13Soo saul de Priesta wäajen siene Schult, waut hee en eent von dise Falen jedonen haft, de Veseenunk derchfieren, un am woat de Schult vejäft woaren. Un daut äwaje saul däm Priesta jehieren soo aus biem Ätesopfa. #3Mo 2,3
Aunwiesungen fa daut Opfa toom Veschuldjungen wada goot moaken
14Un de Har räd met Moses un säd: 15Wan sikj wäa derch eenen Vefäl vefot un sikj aun daut veschulcht, waut däm Harn jeweit es, dan saul hee fa siene Schult däm Harn eenen fälaloosen Schopsbock ooda Kosenbock aus Schultopfa brinjen. Daut Tia mott Schazungswies twee Selwastekja wieet sennen, no daut Jewicht vom Heilichtum. 16Un de Aufgowen, waut hee aun daut Jeweide schuldich jebläwen es, mott hee däm Priesta jäwen un noch een Feftel doabie jäwen. Met daut Schultopfa veseent de Priesta de Sach wada, un de Har woat am siene Schult vejäwen. #3Mo 5,24; 22,14; 27,13 17Wan wäa derch eenen Vefäl jäajen irjent eent von däm Harn siene Jebooten haundelt, waut hee nich doonen sull, soo haft hee sikj vesindicht un haft eene Schult opp sikj jelot, uk wan daut onweetent passieet es. 18Dan saul hee von siene Häad eenen fälaloosen Schopsbock ooda Kosenbock no de Schazunk aus Schultopfa nom Priesta brinjen. Un de Priesta saul de Veseenunk fa am derchfieren fa daut, waut onaufsechtlich passieet es, un de Har woat de Schult vejäwen. 19Daut es een Schultopfa, fa däm dee sikj aum Harn veschulcht haft. 20Un de Har räd met Moses un säd: 21Wan sikj wäa doamet aun däm Harn vesindicht, daut hee daut vestrieden deit, wan sien näakjsta am waut aunvetrut haft, ooda hee von däm waut jeliet, waut fuatjestolen ooda unja Druck wajchjenomen haft, #(21-26) 4Mo 5,6-8 22ooda wan hee waut veloarnet jefungen haft, waut däm näakjsten jehieet, un daut velieejen deit un eenen faulschen Eit schwieren deit äwa irjent waut, wuamet een Mensch sikj jäajen sienen näakjsten vesindjen kaun; 23wan soont passieet, daut hee opp soonen Wajch schuldich jeworden es, dan saul hee daut trigjäwen, waut hee met Jewault jenomen ooda sikj onopprechtich toojeieejent haft, ooda waut am aunvetrut wia ooda waut hee jefungen haft, #Hes 33,15 24ooda wuaräwa hee faulsch jeschwuaren haft. Daut saul hee aula gaunz trigjäwen un dan noch een Feftel doabie jäwen. Hee saul däm daut jäwen, wäm daut jehieet, aun däm Dach, wan hee sien Schultopfa brinjt. 25Oba fa siene Schult saul hee däm Harn eenen fälaloosen Bock von siene Häad, no de Schazunk fa een Schultopfa, nom Priesta brinjen. 26Soo saul de Priesta de Veseenunk fa am ver däm Harn derchfieren, un am woat daut vejäft woaren, waut hee jedonen un wuamet hee sikj veschulcht haft.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.