Nahum 3
3
De Strof fa Ninive
1Woo es de merda Staut daut doch jegonen?
Dee wia gaunz voll von Läajes un jestolnet,
un wull nich met äare Stälarie opphieren. #Hes 24,6-9
2Doa woaren de Pitschen knaulen un de Räda klaupren;
doa woaren de Pieed ranen un de Woages pralen.
3Rittasch foaren too met blenkjaje Schwieed
un met blitzende Spiessen.
Doa sent väl omjebrocht,
Klompes von Doodes,
daut dee nich to talen sent.
Mana stolpren äwa de jestorwne.
4Nu woat Ninive bestroft,
wiels see soo schmeichlen kunn
un soo bedutzen deed.
Dee haft de Lenda sea utjenuzt,
un velokt un unjajedrekjt. #Jes 23,16; Opb 17
5Ekj woa met die vehaundlen,
sajcht de Har, dee aules rejieet.
Ekj woa dien Rock äwa dien Jesecht häwen,
un woa de Velkja loten diene kole Hut seenen.
De groote Lenda woaren diene Schaund seenen. #Jes 47,3
6Ekj woa Aufgank opp die schmieten,
un junt loten toschaund woaren.
De Menschen woaren sikj wundren äwa waut see seenen.
7Aul dee waut die seenen,
woaren von die wajchranen un sajen:
Ninive es enne Grunt jebrocht.
Wua finj ekj wäm, dee äwa ar truat?
Wua finj ekj noch dee, dee ar treesten woaren?
8Dochst du daut du bäta wieescht
aus de Staut No Amon, dee aum Niel wia?
Dee haud Riefasch runtom enne Städ Mieren. #Jer 46,25
9Kusch un Ägipten muaken ar stoakj;
Putt un Libien holpen ar.
10Oba doch worden de Menschen faustjenomen, un wajchjeleit.
Äare Kjinja worden grausom oppe Gaussen omjebrocht,
un om äare aunjeseene Mana schmeeten see daut Loss,
toom seenen wäa dee nämen wudd.
Dee waut doa de Macht jehaut hauden,
worden met Kjäden jebungen. #Joel 4,3
11Du woascht uk bedrunken woaren, un die nich weeten,
un woascht die vekrupen motten ver dienen Fient. #Jer 25,15
12Aul diene Städa, dee nich sullen entonämen sennen,
sent soo aus de Fiejenboom met riepe Frucht:
wan dee jescheddat woat,
felt däm, wäa doa äten well,
de Frucht em Mul nenn.
13Horch emol. June Soldoten woaren sennen
aus Frulied em Kjrich;
un de Puaten em Launt nenn
woaren fa de Fiend opjemoakt woaren.
De Baulkjes ver de Puaten woaren vebrennen.
14Vesorj die met Wota,
un moak diene Mieren stoakja.
Fang aun Leem to kjnäden,
ria daut Blott en
un moak Tieejlen.
15Oba du woascht em Fia vebrennen
un daut Schwieet woat die ombrinjen.
Daut Fia woat die fräten aus de Kjniepasch.
Vemia die aus de Kjniepasch;
vemia die aus Graushoppasch. #Joel 1,4
16Du hast mea Haundelsmana aus doa Stierns aum Himmel sent;
oba nu woaren dee soo aus Kjniepasch
äare Flichten kjrieen un wajch flieejen.
17Du hautst soo väl huachbeaumte aus Graushoppasch,
un soo väl aunjestalde aus een Schwoarm Kjniepasch
dee sikj aun eenen Tun saten aun eenen kolden Dach.
Oba wan de Sonn äwadäl kjemt,
flieejen see opp un kjeena weet wuahan.
18Diene Hoads woaren schlopen,
du Kjennich von Assur,
un diene stoakje Mana sent enjeschlopen.
Dien Volkj es oppe Boaj vestreit,
un kjeena bemieecht sikj dee tooptosaumlen.
19Kjeena woat sikj bemieejen junen Schoden opptohoolen,
un diene Wunden woaren soone sennen, waut nich veheelen.
Aule waut von dienen Schoden hieren,
woaren met de Henj klautschen.
Wua es doa noch eena, dee nich onen Enj,
dienen Groll haft lieden must?
Currently Selected:
Nahum 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Nahum 3
3
De Strof fa Ninive
1Woo es de merda Staut daut doch jegonen?
Dee wia gaunz voll von Läajes un jestolnet,
un wull nich met äare Stälarie opphieren. #Hes 24,6-9
2Doa woaren de Pitschen knaulen un de Räda klaupren;
doa woaren de Pieed ranen un de Woages pralen.
3Rittasch foaren too met blenkjaje Schwieed
un met blitzende Spiessen.
Doa sent väl omjebrocht,
Klompes von Doodes,
daut dee nich to talen sent.
Mana stolpren äwa de jestorwne.
4Nu woat Ninive bestroft,
wiels see soo schmeichlen kunn
un soo bedutzen deed.
Dee haft de Lenda sea utjenuzt,
un velokt un unjajedrekjt. #Jes 23,16; Opb 17
5Ekj woa met die vehaundlen,
sajcht de Har, dee aules rejieet.
Ekj woa dien Rock äwa dien Jesecht häwen,
un woa de Velkja loten diene kole Hut seenen.
De groote Lenda woaren diene Schaund seenen. #Jes 47,3
6Ekj woa Aufgank opp die schmieten,
un junt loten toschaund woaren.
De Menschen woaren sikj wundren äwa waut see seenen.
7Aul dee waut die seenen,
woaren von die wajchranen un sajen:
Ninive es enne Grunt jebrocht.
Wua finj ekj wäm, dee äwa ar truat?
Wua finj ekj noch dee, dee ar treesten woaren?
8Dochst du daut du bäta wieescht
aus de Staut No Amon, dee aum Niel wia?
Dee haud Riefasch runtom enne Städ Mieren. #Jer 46,25
9Kusch un Ägipten muaken ar stoakj;
Putt un Libien holpen ar.
10Oba doch worden de Menschen faustjenomen, un wajchjeleit.
Äare Kjinja worden grausom oppe Gaussen omjebrocht,
un om äare aunjeseene Mana schmeeten see daut Loss,
toom seenen wäa dee nämen wudd.
Dee waut doa de Macht jehaut hauden,
worden met Kjäden jebungen. #Joel 4,3
11Du woascht uk bedrunken woaren, un die nich weeten,
un woascht die vekrupen motten ver dienen Fient. #Jer 25,15
12Aul diene Städa, dee nich sullen entonämen sennen,
sent soo aus de Fiejenboom met riepe Frucht:
wan dee jescheddat woat,
felt däm, wäa doa äten well,
de Frucht em Mul nenn.
13Horch emol. June Soldoten woaren sennen
aus Frulied em Kjrich;
un de Puaten em Launt nenn
woaren fa de Fiend opjemoakt woaren.
De Baulkjes ver de Puaten woaren vebrennen.
14Vesorj die met Wota,
un moak diene Mieren stoakja.
Fang aun Leem to kjnäden,
ria daut Blott en
un moak Tieejlen.
15Oba du woascht em Fia vebrennen
un daut Schwieet woat die ombrinjen.
Daut Fia woat die fräten aus de Kjniepasch.
Vemia die aus de Kjniepasch;
vemia die aus Graushoppasch. #Joel 1,4
16Du hast mea Haundelsmana aus doa Stierns aum Himmel sent;
oba nu woaren dee soo aus Kjniepasch
äare Flichten kjrieen un wajch flieejen.
17Du hautst soo väl huachbeaumte aus Graushoppasch,
un soo väl aunjestalde aus een Schwoarm Kjniepasch
dee sikj aun eenen Tun saten aun eenen kolden Dach.
Oba wan de Sonn äwadäl kjemt,
flieejen see opp un kjeena weet wuahan.
18Diene Hoads woaren schlopen,
du Kjennich von Assur,
un diene stoakje Mana sent enjeschlopen.
Dien Volkj es oppe Boaj vestreit,
un kjeena bemieecht sikj dee tooptosaumlen.
19Kjeena woat sikj bemieejen junen Schoden opptohoolen,
un diene Wunden woaren soone sennen, waut nich veheelen.
Aule waut von dienen Schoden hieren,
woaren met de Henj klautschen.
Wua es doa noch eena, dee nich onen Enj,
dienen Groll haft lieden must?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.