4. Mose 12
12
Mirjam un Aaron dreien sikj jäajen Moses
1Mirjam un Aaron räden jäajen Moses wäajen siene Fru, dee von daut Launt Kusch staumd. Hee haud sikj eene Fru von Kusch jefriet. #2Mo 2,21 2Un see säden: Rät de Har dan auleen derch Moses? Rät hee nich uk derch ons? Un de Har hieed daut. 3Moses wia een sea deemootja Mensch, deemootja aus aule Menschen oppe Ieed. 4Un de Har säd fuaz to Moses un to Aaron un to Mirjam: Got rut no daut Vesaumlungszelt, jie dree! Un see jinjen aule dree doahan. 5Dan kjeem de Har rauf en däm Wolkjenstenda un kjeem bat en dän Engank von daut Vesaumlungszelt un roopt Aaron un Mirjam, un see jinjen beid doahan. #2Mo 16,10 6Un de Har säd: Horcht emol häa! Wan mank junt wäa een Profeet vom Harn es, däm well ekj mie openboaren enne Bildasproak, ooda en Dreem met am räden. 7Oba soo steit daut nich met mienen Deena Moses; am hab ekj mien gaunzet Hus aunvetrut. #Heb 3,2 8Ekj räd unja vea Uagen met am, soo daut hee daut vestunt un nich derch veschlotne Wieed, un hee sach mie en miene Jestault. Wuarom hab jie junt dan nich jefercht, jäajen mienen Deena Moses to räden? #2Mo 33,11; 5Mo 34,10 9Un däm Harn sien Oaja brend opp jäajen an, un hee dreid sikj wajch; 10uk de Wolkj veschwunk von daut Vesaumlungszelt. Un kjikjt, doa wia Mirjam von de Leprakrankheit bedakjt, daut äare Hut witt wia aus Schnee. Un Aaron dreid sikj no Mirjam un wort en, daut see de Leprakrankheit haud, #5Mo 24,9 11un säd to Moses: Mien Har, lot dise Sind nich opp ons bliewen. Wie haben sea onbedocht jehaundelt un haben ons vesindicht. 12Lot Mirjam nich soo sennen aus een doot jebuarnet Kjint, daut haulf vefult es, wan daut von de Mutta kjemt. 13Moses schrieech nom Harn: Gott, heel ar doch! #2Mo 15,26 14De Har säd to Moses: Wan äa Voda ar em Jesecht jespäajen haud, wudd see sikj dan nich säwen Doag schämen? Lot ar säwen Doag aufjesondat buta daut Loaga sennen; no däm saul see wada oppjenomen woaren. #3Mo 13,46 15Soo wort Mirjam säwen Doag aufjesondat buta daut Loaga. Un daut Volkj trock nich wieda, bat Mirjam wada oppjenomen wort. 16No dit veleet daut Volkj Hazerot un see stalden äa Loaga en de Paran Wiltnis opp.
Currently Selected:
4. Mose 12: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 12
12
Mirjam un Aaron dreien sikj jäajen Moses
1Mirjam un Aaron räden jäajen Moses wäajen siene Fru, dee von daut Launt Kusch staumd. Hee haud sikj eene Fru von Kusch jefriet. #2Mo 2,21 2Un see säden: Rät de Har dan auleen derch Moses? Rät hee nich uk derch ons? Un de Har hieed daut. 3Moses wia een sea deemootja Mensch, deemootja aus aule Menschen oppe Ieed. 4Un de Har säd fuaz to Moses un to Aaron un to Mirjam: Got rut no daut Vesaumlungszelt, jie dree! Un see jinjen aule dree doahan. 5Dan kjeem de Har rauf en däm Wolkjenstenda un kjeem bat en dän Engank von daut Vesaumlungszelt un roopt Aaron un Mirjam, un see jinjen beid doahan. #2Mo 16,10 6Un de Har säd: Horcht emol häa! Wan mank junt wäa een Profeet vom Harn es, däm well ekj mie openboaren enne Bildasproak, ooda en Dreem met am räden. 7Oba soo steit daut nich met mienen Deena Moses; am hab ekj mien gaunzet Hus aunvetrut. #Heb 3,2 8Ekj räd unja vea Uagen met am, soo daut hee daut vestunt un nich derch veschlotne Wieed, un hee sach mie en miene Jestault. Wuarom hab jie junt dan nich jefercht, jäajen mienen Deena Moses to räden? #2Mo 33,11; 5Mo 34,10 9Un däm Harn sien Oaja brend opp jäajen an, un hee dreid sikj wajch; 10uk de Wolkj veschwunk von daut Vesaumlungszelt. Un kjikjt, doa wia Mirjam von de Leprakrankheit bedakjt, daut äare Hut witt wia aus Schnee. Un Aaron dreid sikj no Mirjam un wort en, daut see de Leprakrankheit haud, #5Mo 24,9 11un säd to Moses: Mien Har, lot dise Sind nich opp ons bliewen. Wie haben sea onbedocht jehaundelt un haben ons vesindicht. 12Lot Mirjam nich soo sennen aus een doot jebuarnet Kjint, daut haulf vefult es, wan daut von de Mutta kjemt. 13Moses schrieech nom Harn: Gott, heel ar doch! #2Mo 15,26 14De Har säd to Moses: Wan äa Voda ar em Jesecht jespäajen haud, wudd see sikj dan nich säwen Doag schämen? Lot ar säwen Doag aufjesondat buta daut Loaga sennen; no däm saul see wada oppjenomen woaren. #3Mo 13,46 15Soo wort Mirjam säwen Doag aufjesondat buta daut Loaga. Un daut Volkj trock nich wieda, bat Mirjam wada oppjenomen wort. 16No dit veleet daut Volkj Hazerot un see stalden äa Loaga en de Paran Wiltnis opp.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.