4. Mose 24
24
1Aus Bieleam daut moakjt, daut däm Harn daut jefoll, Israel to säajnen, jinkj hee nich no Tieekjens kjikjen, soo aus verhäa; hee dreid sikj bloos no de Wiltnis. 2Hee kjikjt opp un sach Israel, woo see sikj no äare Stam no jeloagat hauden. Un Gott sien Jeist kjeem opp am, 3un hee funk met sienen Spruch aun un säd:
Dit sajcht Bieleam, Beor sien Sän,
dit sajcht de Maun, däm de Uagen opjemoakt sent; #1Sam 9,9
4dit sajcht dee, dee Gott siene Räd hieet,
waut däm siene Openboarunk sitt, dee aule Macht haft,
wäm de Uagen opjemoakt woaren, wan hee sikj hankjneet:
5Woo fein sent diene Zelten, Jakob,
un diene Woninjen, Israel!
6En aule Jäajenden breeden dee sikj ut,
soo aus fresche Goades aum Wota,
soo aus stoakje Beem, waut de Har jeplaunt haft,
soo aus de Zeedabeem aum Wotastroom.
7Bie äaren Ama rant daut Wota äwa,
un äare Plaunten haben Wota jenuach.
Äa Kjennich woat stoakja woaren aus Agag,
un äa Kjennichrikj woat majchtich woaren.
8Gott, dee an ut Ägipten jefieet haft,
es fa an soo aus de Hieena von eenen willen Boll.
See woaren de Velkja, äare Vefolja, oppfräten,
un äare Knoakes vebräakjen
un met äare Feilen vesprenjen.
9Israel es jefäadlich aus een stoakja Leiw,
wäa woacht sikj däm opptojoagen, wan dee schlapt?
Jesäajent es, wäa die säajent, Israel,
un wäa die flieekjt, däm woat de Fluch selfst trafen! #1Mo 49,9; 12,3; 27,29; 4Mo 23,24
10Dan brend Balak meist opp wäajen siene Wutt äwa Bieleam, un hoof siene Fusten opp un säd to Bieleam: Om miene Fiend to veflieekjen, hab ekjdie holen jeloten, un kjikj, dree mol hast du dee nu aul jesäajent. 11See daut du fuat kjemst no dien Launt! Ekj haud mie väajenomen, die to ieren, oba de Har haft die de Iea vedorwen!
Bieleam kjikjt en de Tookunft
12Bieleam auntwuad am: Ekj hab doch fuaz to diene Bootschofta jesajcht, dee du no mie schekjst: 13Wan Balak mie sien Hus voll Selwa un Golt jeft, dan kaun ekj emma noch nich bie däm Harn sien Wuat vebie un beeset un goodet doonen soo aus mie daut jankat. Ekj woa räden, waut de Har mie sajcht. #4Mo 22,18 14Nu go ekj trigj no Hus, no mien Volkj. Oba komm, ekj well die daut sajen, waut dit Volkj dien Volkj en de Tookunft aundoonen woat. 15Un hee funk met sienen Spruch aun un säd:
Dit sajcht Bieleam, Beor sien Sän,
dit sajcht de Maun, däm de Uagen opjemoakt sent,
16dit sajcht dee, dee Gott räden hieet,
dee däm Hechsten kjanen jelieet haft,
dee de Openboarungen sitt von däm, dee aule Macht haft,
un däm de Uagen opjemoakt woaren, wan hee sikj hankjneet:
17Ekj see am, oba nich nu;
ekj kjikj no am, oba nich von dichtbie.
Doa woat een Stiern ut Jakob oppgonen,
een Kjennich sticht no Hecht en Israel.
Hee woat de Moabita äare Kjap vesprenjen
un uk de Kopp Knoakes von Sett siene Nokomen. #1Mo 49,10; 2Sam 8,2; Mat 2,2; Luk 1,78
18Edom woat hee ennämen,
un sien Fient Seir, woat am unjadon sennen;
oba Israel woat Siech haben. #2Sam 8,14; Jer 49,7-22
19De Kjennich, dee von Jakob staumt,
woat äwa aul siene Fiend siejen.
Uk wäa sikj en de fauste Städa jerat haft,
woat doa nich secha sennen fa am. #Micha 5,1.7-8
20Un Bieleam dreid sikj no de Amalekita un funk met sienen Spruch aun un säd:
Amalek es daut väaschte mank de Velkja;
doch met de Tiet woat hee unjagonen. #2Mo 17,14; 1Sam 15,2-3.7
21Un hee dreid no de Kenita un funk met sienen Spruch aun un säd:
Faust es diene Woninj,
oppe Steena es dien Nast jebut. #1Sam 15,6
22Un doch woaren dee von Kain utjerot woaren.
Woo lang dieet daut noch,
dan fieet Assur die jefangen wajch!
23Bieleam funk noch een mol met sienen Spruch aun un säd:
Wäa woat dan noch aum läwen bliewen,
wan Gott daut komen loten woat?
24Von Kittim komen Schäp
un besiejen Assur un Eber.
Met de Tiet woaren see unjagonen! #1Mo 10,4.21.22
25Un Bieleam muak sikj opp un reisd en sien Launt, un uk Balak reisd trigj no Hus. #4Mo 31,8.16
Currently Selected:
4. Mose 24: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 24
24
1Aus Bieleam daut moakjt, daut däm Harn daut jefoll, Israel to säajnen, jinkj hee nich no Tieekjens kjikjen, soo aus verhäa; hee dreid sikj bloos no de Wiltnis. 2Hee kjikjt opp un sach Israel, woo see sikj no äare Stam no jeloagat hauden. Un Gott sien Jeist kjeem opp am, 3un hee funk met sienen Spruch aun un säd:
Dit sajcht Bieleam, Beor sien Sän,
dit sajcht de Maun, däm de Uagen opjemoakt sent; #1Sam 9,9
4dit sajcht dee, dee Gott siene Räd hieet,
waut däm siene Openboarunk sitt, dee aule Macht haft,
wäm de Uagen opjemoakt woaren, wan hee sikj hankjneet:
5Woo fein sent diene Zelten, Jakob,
un diene Woninjen, Israel!
6En aule Jäajenden breeden dee sikj ut,
soo aus fresche Goades aum Wota,
soo aus stoakje Beem, waut de Har jeplaunt haft,
soo aus de Zeedabeem aum Wotastroom.
7Bie äaren Ama rant daut Wota äwa,
un äare Plaunten haben Wota jenuach.
Äa Kjennich woat stoakja woaren aus Agag,
un äa Kjennichrikj woat majchtich woaren.
8Gott, dee an ut Ägipten jefieet haft,
es fa an soo aus de Hieena von eenen willen Boll.
See woaren de Velkja, äare Vefolja, oppfräten,
un äare Knoakes vebräakjen
un met äare Feilen vesprenjen.
9Israel es jefäadlich aus een stoakja Leiw,
wäa woacht sikj däm opptojoagen, wan dee schlapt?
Jesäajent es, wäa die säajent, Israel,
un wäa die flieekjt, däm woat de Fluch selfst trafen! #1Mo 49,9; 12,3; 27,29; 4Mo 23,24
10Dan brend Balak meist opp wäajen siene Wutt äwa Bieleam, un hoof siene Fusten opp un säd to Bieleam: Om miene Fiend to veflieekjen, hab ekjdie holen jeloten, un kjikj, dree mol hast du dee nu aul jesäajent. 11See daut du fuat kjemst no dien Launt! Ekj haud mie väajenomen, die to ieren, oba de Har haft die de Iea vedorwen!
Bieleam kjikjt en de Tookunft
12Bieleam auntwuad am: Ekj hab doch fuaz to diene Bootschofta jesajcht, dee du no mie schekjst: 13Wan Balak mie sien Hus voll Selwa un Golt jeft, dan kaun ekj emma noch nich bie däm Harn sien Wuat vebie un beeset un goodet doonen soo aus mie daut jankat. Ekj woa räden, waut de Har mie sajcht. #4Mo 22,18 14Nu go ekj trigj no Hus, no mien Volkj. Oba komm, ekj well die daut sajen, waut dit Volkj dien Volkj en de Tookunft aundoonen woat. 15Un hee funk met sienen Spruch aun un säd:
Dit sajcht Bieleam, Beor sien Sän,
dit sajcht de Maun, däm de Uagen opjemoakt sent,
16dit sajcht dee, dee Gott räden hieet,
dee däm Hechsten kjanen jelieet haft,
dee de Openboarungen sitt von däm, dee aule Macht haft,
un däm de Uagen opjemoakt woaren, wan hee sikj hankjneet:
17Ekj see am, oba nich nu;
ekj kjikj no am, oba nich von dichtbie.
Doa woat een Stiern ut Jakob oppgonen,
een Kjennich sticht no Hecht en Israel.
Hee woat de Moabita äare Kjap vesprenjen
un uk de Kopp Knoakes von Sett siene Nokomen. #1Mo 49,10; 2Sam 8,2; Mat 2,2; Luk 1,78
18Edom woat hee ennämen,
un sien Fient Seir, woat am unjadon sennen;
oba Israel woat Siech haben. #2Sam 8,14; Jer 49,7-22
19De Kjennich, dee von Jakob staumt,
woat äwa aul siene Fiend siejen.
Uk wäa sikj en de fauste Städa jerat haft,
woat doa nich secha sennen fa am. #Micha 5,1.7-8
20Un Bieleam dreid sikj no de Amalekita un funk met sienen Spruch aun un säd:
Amalek es daut väaschte mank de Velkja;
doch met de Tiet woat hee unjagonen. #2Mo 17,14; 1Sam 15,2-3.7
21Un hee dreid no de Kenita un funk met sienen Spruch aun un säd:
Faust es diene Woninj,
oppe Steena es dien Nast jebut. #1Sam 15,6
22Un doch woaren dee von Kain utjerot woaren.
Woo lang dieet daut noch,
dan fieet Assur die jefangen wajch!
23Bieleam funk noch een mol met sienen Spruch aun un säd:
Wäa woat dan noch aum läwen bliewen,
wan Gott daut komen loten woat?
24Von Kittim komen Schäp
un besiejen Assur un Eber.
Met de Tiet woaren see unjagonen! #1Mo 10,4.21.22
25Un Bieleam muak sikj opp un reisd en sien Launt, un uk Balak reisd trigj no Hus. #4Mo 31,8.16
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.