Reema 2
2
Gott recht jerajcht
1Jie, dee jie aundre rechten, haben kjeene Entschuldjunk. Jie vedaumen junt selfst, wiels jie krakjt daut doonen, waut jie rechten. #Mat 7,2; Joh 8,7; Jak 4,12 2Un wie weeten, daut Gott sien Jerecht met rajcht äwa dee kjemt, dee soowaut doonen. 3Räakjenst du doamet, oo Mensch, daut du Gott sien Jerecht utem Wäaj komen woascht, wan du daut selwje deist, waut dee doonen, dee du rechst? 4Ooda veachst du daut, daut Gott soo goot, schoonent un jeduldich met die omjeit? Weetst du nich, daut Gott doawäajen soo leeftolich to die es, daut du omkjieren saust? #2Pet 3,9.15 5Oba wiels dien Hoat vestokt es un die daut nich leet es, saumelst du die Oaja toop, dee aun Gott sienen jerajchten Jerechtsdach woat verendach komen, 6Dee woat een jiedrem doano beloonen, aus waut siene Woakjen jewast sent. #Jer 32,19; Mat 16,27; 2Kor 5,10 7Dee, dee jeduldich un aunhoolent Gott sienen Wellen doonen, un Iea un Harlichkjeit un eewjet Läwen sieekjen, woat hee daut jäwen. 8Wäa oba ieejensennich un nosikj jäajen de Woarheit es, un daut met de Onwoarheit hoolen deit, dän woat Gott en sienen Oaja strofen. #2Tess 1,8 9Doa woat Trua un lieden äwa aul dee Menschenseelen sennen, dee biem sindjen bliewen, ieeschtens äwa de Juden un uk äwa de Griechen; 10oba Iea, Harlichkjeit un Fräd fa aul dee, dee daut goode wälen, ieeschtens fa de Juden, oba uk fa de Griechen.
11Gott moakt kjeen Unjascheet manke Menschen. #2Chr 19,7; Apost 10,34; Kol 3,25; 1Pet 1,17 12Wäa onen Jesaz jesindicht haft, woat onen Jesaz veloaren gonen. Wäa daut Jesaz haft un doch sindicht, woat derch daut Jesaz veuadeelt woaren. 13Ver Gott sent nich dee jerajcht, dee daut Jesaz hieren, oba dee, dee doa doonen, waut daut Jesaz sajcht. #5Mo 6,25; Mat 7,21; Jak 1,22 14Wan Velkja, dee daut Jesaz nich haben, ut äa ieejnet Jewessen doonen waut daut Jesaz sajcht, dan sent see, wan see daut Jesaz uk nich haben, sikj selfst daut Jesaz. #Apost 10,35 15See bewiesen doamet, daut an daut em Hoat jeschräwen es, waut daut Jesaz velangt, un äare Jewessen bewiesen daut selwje. Uk äare Jedanken vekloagen sikj unjarenaunda ooda heeten goot, waut see doonen, #Reema 1,32 16aun dän Dach aun dän Gott, derch Christus Jesus aule jeheeme Jedanken em Menschenhoat rechten woat, soo aus mien Evangelium lieet. #Luk 8,17
De Juden sent soo schuldich aus de Nichjuden
17Du nanst die een Jud un velatst die opp daut Jesaz un best stolt doamet, daut du Gott kjanst un met sienen Wellen bekaunt best. 18Un wiels du utem Jesaz unjarecht best, proofst du to doonen, waut daut baste es. 19Du trust die daut too, de blinjen leiden to kjennen, un een Licht fa dee to sennen, dee em diestren sent. #Mat 15,14 20Du west dee trajchtwiesen, dee noch nuscht vestonen un de onmindje belieren. Du hast em Jesaz de Woarheit en aules, waut du weeten brukst. 21Wuarom deist du, dee du aundre belieescht, die dan nich selfst belieren? Du prädichst aundre, daut see nich stälen sellen, un dan stälst selfst? #Psa 50,16-21; Mat 23,3-4 22Du, dee du sajchst, daut eena de Ehe nich bräakjen saul, brakjst du de Ehe? Deist du, dee du een Aufschu fa de Aufjetta hast, Tempels bestälen? 23Du prolst met daut Jesaz. Oba deist du nich doaderch Gott entieren, daut du daut Jesaz brakjst? 24“Jrod wäajen junt woat Gott sien Nomen von de Velkja jelastat”, soo aus jeschräwen steit. #Jes 52,5
25Secha haft de Beschniedunk eenen Wieet, wan jie daut Jesaz hoolen. Oba wan du daut Jesaz brakjst, best du nuscht bäta aus een onbeschnädna. 26Wan dan nu een onbeschnädna deit, waut daut Jesaz velangt, woat sien onbeschnäden sennen, dan nich aunjeseenen woaren aus eene Beschniedunk? #Gal 5,6 27Woat dee dan nich, dee aum Kjarpa nich beschnäden es, un oba daut Jesaz hoolen deit, dän rechten, dee daut Jesaz haft un beschnäden es, un daut Jesaz bräakjen deit? 28Daut es noch kjeen Jud, dän daut bloos von buten auntoseenen es. Un de Beschniedunk es uk nich daut, waut aum Fleesch jedonen woat. #(28 un 29) Jer 4,4 29Oba een Jud es dee, dee ennalich eena es, un de Beschniedunk es daut, waut derch dän Jeist em Hoat passieet, un nich derch daut jeschräwne Jesaz. Un soona woat von Gott jeloft woaren, un nich von Menschen. #5Mo 30,6; Flp 3,3; Kol 2,11
Currently Selected:
Reema 2: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 2
2
Gott recht jerajcht
1Jie, dee jie aundre rechten, haben kjeene Entschuldjunk. Jie vedaumen junt selfst, wiels jie krakjt daut doonen, waut jie rechten. #Mat 7,2; Joh 8,7; Jak 4,12 2Un wie weeten, daut Gott sien Jerecht met rajcht äwa dee kjemt, dee soowaut doonen. 3Räakjenst du doamet, oo Mensch, daut du Gott sien Jerecht utem Wäaj komen woascht, wan du daut selwje deist, waut dee doonen, dee du rechst? 4Ooda veachst du daut, daut Gott soo goot, schoonent un jeduldich met die omjeit? Weetst du nich, daut Gott doawäajen soo leeftolich to die es, daut du omkjieren saust? #2Pet 3,9.15 5Oba wiels dien Hoat vestokt es un die daut nich leet es, saumelst du die Oaja toop, dee aun Gott sienen jerajchten Jerechtsdach woat verendach komen, 6Dee woat een jiedrem doano beloonen, aus waut siene Woakjen jewast sent. #Jer 32,19; Mat 16,27; 2Kor 5,10 7Dee, dee jeduldich un aunhoolent Gott sienen Wellen doonen, un Iea un Harlichkjeit un eewjet Läwen sieekjen, woat hee daut jäwen. 8Wäa oba ieejensennich un nosikj jäajen de Woarheit es, un daut met de Onwoarheit hoolen deit, dän woat Gott en sienen Oaja strofen. #2Tess 1,8 9Doa woat Trua un lieden äwa aul dee Menschenseelen sennen, dee biem sindjen bliewen, ieeschtens äwa de Juden un uk äwa de Griechen; 10oba Iea, Harlichkjeit un Fräd fa aul dee, dee daut goode wälen, ieeschtens fa de Juden, oba uk fa de Griechen.
11Gott moakt kjeen Unjascheet manke Menschen. #2Chr 19,7; Apost 10,34; Kol 3,25; 1Pet 1,17 12Wäa onen Jesaz jesindicht haft, woat onen Jesaz veloaren gonen. Wäa daut Jesaz haft un doch sindicht, woat derch daut Jesaz veuadeelt woaren. 13Ver Gott sent nich dee jerajcht, dee daut Jesaz hieren, oba dee, dee doa doonen, waut daut Jesaz sajcht. #5Mo 6,25; Mat 7,21; Jak 1,22 14Wan Velkja, dee daut Jesaz nich haben, ut äa ieejnet Jewessen doonen waut daut Jesaz sajcht, dan sent see, wan see daut Jesaz uk nich haben, sikj selfst daut Jesaz. #Apost 10,35 15See bewiesen doamet, daut an daut em Hoat jeschräwen es, waut daut Jesaz velangt, un äare Jewessen bewiesen daut selwje. Uk äare Jedanken vekloagen sikj unjarenaunda ooda heeten goot, waut see doonen, #Reema 1,32 16aun dän Dach aun dän Gott, derch Christus Jesus aule jeheeme Jedanken em Menschenhoat rechten woat, soo aus mien Evangelium lieet. #Luk 8,17
De Juden sent soo schuldich aus de Nichjuden
17Du nanst die een Jud un velatst die opp daut Jesaz un best stolt doamet, daut du Gott kjanst un met sienen Wellen bekaunt best. 18Un wiels du utem Jesaz unjarecht best, proofst du to doonen, waut daut baste es. 19Du trust die daut too, de blinjen leiden to kjennen, un een Licht fa dee to sennen, dee em diestren sent. #Mat 15,14 20Du west dee trajchtwiesen, dee noch nuscht vestonen un de onmindje belieren. Du hast em Jesaz de Woarheit en aules, waut du weeten brukst. 21Wuarom deist du, dee du aundre belieescht, die dan nich selfst belieren? Du prädichst aundre, daut see nich stälen sellen, un dan stälst selfst? #Psa 50,16-21; Mat 23,3-4 22Du, dee du sajchst, daut eena de Ehe nich bräakjen saul, brakjst du de Ehe? Deist du, dee du een Aufschu fa de Aufjetta hast, Tempels bestälen? 23Du prolst met daut Jesaz. Oba deist du nich doaderch Gott entieren, daut du daut Jesaz brakjst? 24“Jrod wäajen junt woat Gott sien Nomen von de Velkja jelastat”, soo aus jeschräwen steit. #Jes 52,5
25Secha haft de Beschniedunk eenen Wieet, wan jie daut Jesaz hoolen. Oba wan du daut Jesaz brakjst, best du nuscht bäta aus een onbeschnädna. 26Wan dan nu een onbeschnädna deit, waut daut Jesaz velangt, woat sien onbeschnäden sennen, dan nich aunjeseenen woaren aus eene Beschniedunk? #Gal 5,6 27Woat dee dan nich, dee aum Kjarpa nich beschnäden es, un oba daut Jesaz hoolen deit, dän rechten, dee daut Jesaz haft un beschnäden es, un daut Jesaz bräakjen deit? 28Daut es noch kjeen Jud, dän daut bloos von buten auntoseenen es. Un de Beschniedunk es uk nich daut, waut aum Fleesch jedonen woat. #(28 un 29) Jer 4,4 29Oba een Jud es dee, dee ennalich eena es, un de Beschniedunk es daut, waut derch dän Jeist em Hoat passieet, un nich derch daut jeschräwne Jesaz. Un soona woat von Gott jeloft woaren, un nich von Menschen. #5Mo 30,6; Flp 3,3; Kol 2,11
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.