Sacharja 2
2
2 De Hieena
1Eemol, aus ekj oppkjikjt, sach ekj vea Hieena. 2Un ekj säd to däm Enjel, dee doa met mie räd: Waut bedieden dise Hieena? Un hee säd: Dit sent de Hieena von dee, dee Juda un Israel un Jerusalem veschlapt haben.
3Un dan wees de Har mie vea Schmets. 4Un ekj säd: Waut wellen dise? Un hee säd: Du weetst je, daut de Velkja soo hunjsch äwa Juda kjeemen un an veschlapten, daut kjeena dän Kopp jäajen an opphoof. Dise sent jekomen de Velkja de Hieena auftoschlonen. See sellen dee Velkja, dee äwa Juda kjeemen un an veschlapten, Forcht enjoagen un äare Macht dolschlonen.
3 De Motbaunt
5Eemol aus ekj oppkjikjt, sach ekj een Maun met een Motbaunt en de Haunt. #Hes 40,3 6Un ekj fruach am: Wua jeist du han? Un hee säd: Ekj go no Jerusalem un well mäten woo lank un woo breet de Staut es. 7Un weetst, de Enjel, dee met mie jerät haud, kjeem, un een aundra Enjel kjeem uk noch, 8un dee säd to däm ieeschten Enjel: Ran un saj däm jungen Maun: Doa woaren soo väl Menschen, un doa woat soo väl Vee en Jerusalem sennen, daut doa kjeene Mia sennen woat, wiels doa soo väl sennen woaren. #Hes 38,11 9Un ekj, soo sajcht de Har, ekj woa eene Waunt von Fia runtom ar sennen, un ekj woa doabennen wiesen woo harlich ekj sie. #Sach 9,8
Komt trigj no Jerusalem
10Hä! Hä! Dee jie en daut Launt em Nuaden sent, rant doa rut, sajcht de Har. Ekj hab junt wiet un breet vespreet, soo aus de vea Wind enne Loft, sajcht de Har. 11Hä! Dee waut jie noch en daut scheene Babel sent, komt no Zion. 12De Har, dee aules rejieet, un dee harlich es, schekjt mie no de Velkja, dee junt bestolen haben, om an to sajen: Een Volkj, daut junt auntukst, puakst mie em Uag. #5Mo 32,10 13Wacht bloos. Ekj woa miene Macht äwa an wiesen, un dan woaren dee, dee äare Hauntlanga wieren, an bestälen. Dan woa jie weeten, daut de Har, dee aules rejieet, mie jeschekjt haft dit to sajen.
14Sinjt un freit junt, dee jie en Jerusalem wonen. Ekj kom un well mank junt wonen, sajcht de Har. 15Wan dee Tiet kjemt, woaren väle Velkja nom Harn komen un woaren sien Volkj sennen. Dan woat hee mank junt wonen, un jie woaren weeten daut de Har, dee aules rejieet, mie jeschekjt haft. #Jes 11,10 16Dan woat de Har Juda äwanämen un to sient moaken en daut heilje Launt, un hee woat wada Jerusalem fa sikj wälen. #Sach 1,17
17Lot aule Menschen ver däm Harn stell sennen.
Hee kjemt nu ut siene heilje Woninj. #Hab 2,20
Currently Selected:
Sacharja 2: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Sacharja 2
2
2 De Hieena
1Eemol, aus ekj oppkjikjt, sach ekj vea Hieena. 2Un ekj säd to däm Enjel, dee doa met mie räd: Waut bedieden dise Hieena? Un hee säd: Dit sent de Hieena von dee, dee Juda un Israel un Jerusalem veschlapt haben.
3Un dan wees de Har mie vea Schmets. 4Un ekj säd: Waut wellen dise? Un hee säd: Du weetst je, daut de Velkja soo hunjsch äwa Juda kjeemen un an veschlapten, daut kjeena dän Kopp jäajen an opphoof. Dise sent jekomen de Velkja de Hieena auftoschlonen. See sellen dee Velkja, dee äwa Juda kjeemen un an veschlapten, Forcht enjoagen un äare Macht dolschlonen.
3 De Motbaunt
5Eemol aus ekj oppkjikjt, sach ekj een Maun met een Motbaunt en de Haunt. #Hes 40,3 6Un ekj fruach am: Wua jeist du han? Un hee säd: Ekj go no Jerusalem un well mäten woo lank un woo breet de Staut es. 7Un weetst, de Enjel, dee met mie jerät haud, kjeem, un een aundra Enjel kjeem uk noch, 8un dee säd to däm ieeschten Enjel: Ran un saj däm jungen Maun: Doa woaren soo väl Menschen, un doa woat soo väl Vee en Jerusalem sennen, daut doa kjeene Mia sennen woat, wiels doa soo väl sennen woaren. #Hes 38,11 9Un ekj, soo sajcht de Har, ekj woa eene Waunt von Fia runtom ar sennen, un ekj woa doabennen wiesen woo harlich ekj sie. #Sach 9,8
Komt trigj no Jerusalem
10Hä! Hä! Dee jie en daut Launt em Nuaden sent, rant doa rut, sajcht de Har. Ekj hab junt wiet un breet vespreet, soo aus de vea Wind enne Loft, sajcht de Har. 11Hä! Dee waut jie noch en daut scheene Babel sent, komt no Zion. 12De Har, dee aules rejieet, un dee harlich es, schekjt mie no de Velkja, dee junt bestolen haben, om an to sajen: Een Volkj, daut junt auntukst, puakst mie em Uag. #5Mo 32,10 13Wacht bloos. Ekj woa miene Macht äwa an wiesen, un dan woaren dee, dee äare Hauntlanga wieren, an bestälen. Dan woa jie weeten, daut de Har, dee aules rejieet, mie jeschekjt haft dit to sajen.
14Sinjt un freit junt, dee jie en Jerusalem wonen. Ekj kom un well mank junt wonen, sajcht de Har. 15Wan dee Tiet kjemt, woaren väle Velkja nom Harn komen un woaren sien Volkj sennen. Dan woat hee mank junt wonen, un jie woaren weeten daut de Har, dee aules rejieet, mie jeschekjt haft. #Jes 11,10 16Dan woat de Har Juda äwanämen un to sient moaken en daut heilje Launt, un hee woat wada Jerusalem fa sikj wälen. #Sach 1,17
17Lot aule Menschen ver däm Harn stell sennen.
Hee kjemt nu ut siene heilje Woninj. #Hab 2,20
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.