Génesis 17
17
Icantiri Tasorentsi Abrama: “Pintoyeantea pinquenqueshiretantearori nocantasanotaquempiri.”
1Ari ocaratanaque 99 irosarentsite Abrama yonijaajari Tasorentsi. Icantiri:
—Narotaque Tasorentsi mayetirori maaroni paitapeerica. Nocoaque pintimimotena cameetsa catsini. 2Naro coatsiri noncaratempi, timatsi nomayetempiri: noshequiacaasanojeitajeri catsini pishanincajeitajeari coajicani.
3Irosati yoivotashitantanacari Abrama Tasorentsi irosati quipatsiqui ipincatsatasanotaqueri, ainiroquera iquenquetsatacairi. Icantiri:
4—Narotaque coatsiri noncaratempi. Meeca noncantasanotempi: Avirotaque intacantajeitearineri pishanincajeitajeari coajicani aisati maaroni timayetanaintsineri pashinipee quipatsi. 5Meeca eiro pipajitajatsi Abrama, ainti pimpajitajea meeca Abrahama; tempa avirotaque intacantearineri shequiasanojeitanajantsineri coajicani. 6Noshequiacaasanojeiteri catsini pishanincajeitajeari coajicani, irinashiyetanaquea irishanincajeiteari iriori aisati intime pincatsariventantayetanaintsineri. 7Noncaratempi aisati nonquempeteri pishanincajeitajeari coajicani, noncarajeiteri. Narotaque Pitasorentsite, aisati Intasorentsiteteari iriori. 8Nompempiro oca quipatsi pajitachari Canaán pisavicantacari, aisati irotaque irisavicajeitanteari pishanincajeitajeari coajicani. Incantaitatiyempani irisavicantajeitearo aisati narotaque Intasorentsiteteari.
9Aisati icantiri:
—Noncaratapinitempi, irotaque otimantari pimoncaratenaro, aisati iriori pishanincajeitajeari coajicani. 10Jero oca nocoacaaquempiri: ocameetsati irimoncaratero iriori maaroni pishanincajeitajeari. Maaroni shiramparipee picarajeitiri ocameetsati intoyeantajeitea. 11Pintotero capichaji omeshina pishiramparijeitantari. Irotaque iotacaajeitempirone acaratavacaajeitaca. 12Meeca pintoyeantajeiteri maaroni shiramparipee moncarataquerori 8 quitaiteri aisati pinquempejeiteri iriori maaroni jananequi jeri iriori pinampirepee yora pashinisatipee pamanantane. 13Aitaque pincantajeiteriri maaroni, tecatsi timanajantsine. Aitaque pincantajeiteari pintoyeantajeitea pivatsaqui. Irotaque pinquenqueshiretapinitantearori queario nocarataquempi, noncanteani. 14Irintiquea caari toyeantachane, eiro pishinetiritsi incarajeitempi; tempa te impincatsatena nocarajeitimpi.
15Icantajiri aisati Tasorentsi Abrahama:
—Meeca eiro opajitajatsi pijina Sarai, ainti ompajitajea Sara. 16Nontasoncacoventero iroori ontimanteariri pitomi. Queario nontasoncacoventasanotero catsini. Irotaque intacantajeitearineri maaroni pishanincajeitajeari, oshequianaintsineri coajicani, aisati intime pincatsariventantayetanaintsineri inampipeequi.
17Ari yoivotashitanajari aisati irosati quipatsiqui, ipincatsatasanotaqueri. Iro cantaincha ishirontashireaca, iquenqueshiretaca: “¡Ariompa nontimacaajero nojina meeca notomi, oncaratanaquerica 100 nosarentsite aisati oncaratanaquerica 90 osarentsite!” 18Irosati icantantacari Abrahama Tasorentsi:
—Cantenane pintasoncaventenari notomi Ismael.
19Ari yacanaqueri Tasorentsi:
—Tempa aitaque nocamantaquempi, ontimeri Sara pitomi. Ariorica intimanaque, pimpajiteriyea Isaac. Iriotaque nonquearioventeneri noncarateri, noncanteani. Aisati nonquempeteri irishanincajeitajeari iriori coajicani. 20Oca picoacoventaqueriri Ismael, noquemaquempi. Aitaque nontasoncaventaqueri iriori, irishequiasanojeitanaque itomipee. Aisati inquempetea irishanincajeitajeari iriori coajicani; irishequiasanojeitanaque catsini. Incarajeite 12 itomipee, iriotaque intacantajeitearineri pincatsariyetanaintsineri. Noshequiacaasanojeiteri catsini. 21Iro cantaincha yora pitomi ontimeri iroori Sara pashiniqui osarentsi, pajitachaneri Isaac, iriotaque noncarateri.
22Irotaque icantaqueriri Tasorentsi Abrahama, ari ipeanaja. 23-25Ari intsipaite imataquero Abrahama itoyeantaca aisati iriori itoyeantaqueri itomi Ismael ocarataque 13 irosarentsite. Aisati iquempejeitaca maaroni saviquimojeitiriri. Ari ocaratanaque 99 irosarentsite Abrahama. 26-27Yora Abrahama jeri itomi Ismael imajeitaca itoyeantajeitaca, aisati maaroni saviquimojeitiriri ivancoqui jeri inampirepee pashinisatipee yamanantane.
Currently Selected:
Génesis 17: cni
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
Génesis 17
17
Icantiri Tasorentsi Abrama: “Pintoyeantea pinquenqueshiretantearori nocantasanotaquempiri.”
1Ari ocaratanaque 99 irosarentsite Abrama yonijaajari Tasorentsi. Icantiri:
—Narotaque Tasorentsi mayetirori maaroni paitapeerica. Nocoaque pintimimotena cameetsa catsini. 2Naro coatsiri noncaratempi, timatsi nomayetempiri: noshequiacaasanojeitajeri catsini pishanincajeitajeari coajicani.
3Irosati yoivotashitantanacari Abrama Tasorentsi irosati quipatsiqui ipincatsatasanotaqueri, ainiroquera iquenquetsatacairi. Icantiri:
4—Narotaque coatsiri noncaratempi. Meeca noncantasanotempi: Avirotaque intacantajeitearineri pishanincajeitajeari coajicani aisati maaroni timayetanaintsineri pashinipee quipatsi. 5Meeca eiro pipajitajatsi Abrama, ainti pimpajitajea meeca Abrahama; tempa avirotaque intacantearineri shequiasanojeitanajantsineri coajicani. 6Noshequiacaasanojeiteri catsini pishanincajeitajeari coajicani, irinashiyetanaquea irishanincajeiteari iriori aisati intime pincatsariventantayetanaintsineri. 7Noncaratempi aisati nonquempeteri pishanincajeitajeari coajicani, noncarajeiteri. Narotaque Pitasorentsite, aisati Intasorentsiteteari iriori. 8Nompempiro oca quipatsi pajitachari Canaán pisavicantacari, aisati irotaque irisavicajeitanteari pishanincajeitajeari coajicani. Incantaitatiyempani irisavicantajeitearo aisati narotaque Intasorentsiteteari.
9Aisati icantiri:
—Noncaratapinitempi, irotaque otimantari pimoncaratenaro, aisati iriori pishanincajeitajeari coajicani. 10Jero oca nocoacaaquempiri: ocameetsati irimoncaratero iriori maaroni pishanincajeitajeari. Maaroni shiramparipee picarajeitiri ocameetsati intoyeantajeitea. 11Pintotero capichaji omeshina pishiramparijeitantari. Irotaque iotacaajeitempirone acaratavacaajeitaca. 12Meeca pintoyeantajeiteri maaroni shiramparipee moncarataquerori 8 quitaiteri aisati pinquempejeiteri iriori maaroni jananequi jeri iriori pinampirepee yora pashinisatipee pamanantane. 13Aitaque pincantajeiteriri maaroni, tecatsi timanajantsine. Aitaque pincantajeiteari pintoyeantajeitea pivatsaqui. Irotaque pinquenqueshiretapinitantearori queario nocarataquempi, noncanteani. 14Irintiquea caari toyeantachane, eiro pishinetiritsi incarajeitempi; tempa te impincatsatena nocarajeitimpi.
15Icantajiri aisati Tasorentsi Abrahama:
—Meeca eiro opajitajatsi pijina Sarai, ainti ompajitajea Sara. 16Nontasoncacoventero iroori ontimanteariri pitomi. Queario nontasoncacoventasanotero catsini. Irotaque intacantajeitearineri maaroni pishanincajeitajeari, oshequianaintsineri coajicani, aisati intime pincatsariventantayetanaintsineri inampipeequi.
17Ari yoivotashitanajari aisati irosati quipatsiqui, ipincatsatasanotaqueri. Iro cantaincha ishirontashireaca, iquenqueshiretaca: “¡Ariompa nontimacaajero nojina meeca notomi, oncaratanaquerica 100 nosarentsite aisati oncaratanaquerica 90 osarentsite!” 18Irosati icantantacari Abrahama Tasorentsi:
—Cantenane pintasoncaventenari notomi Ismael.
19Ari yacanaqueri Tasorentsi:
—Tempa aitaque nocamantaquempi, ontimeri Sara pitomi. Ariorica intimanaque, pimpajiteriyea Isaac. Iriotaque nonquearioventeneri noncarateri, noncanteani. Aisati nonquempeteri irishanincajeitajeari iriori coajicani. 20Oca picoacoventaqueriri Ismael, noquemaquempi. Aitaque nontasoncaventaqueri iriori, irishequiasanojeitanaque itomipee. Aisati inquempetea irishanincajeitajeari iriori coajicani; irishequiasanojeitanaque catsini. Incarajeite 12 itomipee, iriotaque intacantajeitearineri pincatsariyetanaintsineri. Noshequiacaasanojeiteri catsini. 21Iro cantaincha yora pitomi ontimeri iroori Sara pashiniqui osarentsi, pajitachaneri Isaac, iriotaque noncarateri.
22Irotaque icantaqueriri Tasorentsi Abrahama, ari ipeanaja. 23-25Ari intsipaite imataquero Abrahama itoyeantaca aisati iriori itoyeantaqueri itomi Ismael ocarataque 13 irosarentsite. Aisati iquempejeitaca maaroni saviquimojeitiriri. Ari ocaratanaque 99 irosarentsite Abrahama. 26-27Yora Abrahama jeri itomi Ismael imajeitaca itoyeantajeitaca, aisati maaroni saviquimojeitiriri ivancoqui jeri inampirepee pashinisatipee yamanantane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.