Génesis 20
20
Isavicantacari Abrahama nampitsiqui pajitachari Guerar
1Yora Abrahama yojocanajiro isavicaveitani nampitsiqui MamrÉ, ipianaja quipatsiqui NÉgueb. Yareetapaacaro nampitsi pajitachari Guerar. Otimi nianqui caaraiteri pajitachari CadÉs jero Sur. Aitaque isavicapaajiri. 2Isavicantapaajari anta, itsaroacaajeitapaacari savicajeitatsiri. Imanacotaquero ijina, icantashitacari: “Irointi tsio.” Irotaque yora pincatsari pajitachari AbimÉlec icajemacantantacarori ivincatsarimentoqui, irijinantantearomeri. 3Ari tsiteniriqui imishitacaacari Tasorentsi AbimÉlec, icantaqueri:
—Ora tsinane paaqueri, timatsi ojime. ¡Irotaque meeca pincamanteari!
4Iro cantaincha tequeratsita iroonayero. Irotaque icantantanacariri:
—Novincatsarite, ¿ariompa poamaashitena, tecatsi nante? 5Irisati cantaquena Abrahama: ‘Irointi tsio.’ Aisati iroori ocantasanotaquena: ‘Irinti nojariri.’ Irotaque naantavetavacarori, noquemisantaquero icantajeitaquenari. Meeca, te noonaiteriji.
6Ari yacanaqueri Tasorentsi imainequi:
—Queario niotaquero pijivetaca queario icantaquempi. Irotaque caari noshinetantimpi poonayero, eiro pantimotantanarotsi caari cameetsatatsi. 7Meeca poimpiajeneri ojime; tempa iriotaque quenquetsatacotanari aisati iriotaque amanacoventempine, eiro picamantatsi. Eirorica poipiajiniritsi, ari pincamaque aisati maaroni pishanincapee.
Irotaque icantaqueriri. 8Ari oquitaiteamanaji itinaamanaca AbimÉlec, icajemajeitaqueri maaroni inampirepee. Icamantajeitaqueri maaroni imishitacaacariri Tasorentsi. Iquemajeitantacarori oca, itsaroasanojeitanaque catsini. 9Irosati icajemacantantacari AbimÉlec Abrahama, icantiri:
—¡Pamene, timatsi pantacaajeitaquenari caari cameetsatatsi! ¿Jaoca nocantaquempiri pantacantaquenarori antearoite caari cameetsatatsi aisati noshanincapee? Te oncameetsateji oca pantacaavetaquenari. 10¡Paita piquenqueshiretaqueri pamatavitantaquenari!
11Icantanaqueri iriori Abrahama:
—Nojivetaca aca nampitsiqui tecatsi quemisanterine Tasorentsi. Aisati nojivetaca, ari iroimenteetavaquenaro nojina iraanteetavaquearori. 12Iro cantaincha queario irotaque tsio, irotaque irishintosanori apani. Iro cantaincha pashini oni inirontanacari iroori, irotaque naantacarori. 13Peerani icantantaquenari Tasorentsi: ‘Pojocanajero pinampi’ Nocantitacaro: ‘Jaocarica anta areeyetaqueari pashinipee nampitsi, pincantaqueyea: Irinti yoca nojariri.’
14Irosati yoipiantajanari AbimÉlec Abrahama ijina aisati ipashiyetacari ovishapee, vacapee jeri aisati inampirepee shiramparipee jero tsinanepee. 15Ari icantiri aisati:
—Pamene, jero oca noipatsite; pincoyeanontea jaocarica pinintiri pisavicajeite.
16Ari icantiro iroori Sara:
—Ora nopaqueriri maaroni pijariri ipinataca 1,000 imentaqui quireequi. Irotaque iriotacojeitantempiri maaroni picarajeitaqueri cameetsa pisaviqui, tecatsi cantimatempine.
17Impoiji yamanacoventajiri Abrahama, irosati yoavisaacojeitantajari Tasorentsi AbimÉlec aisati ijina jeri aisati maaroni inampirepee saviquimojeitiriri, intimantajeari otomipee. 18Yaantavetavacarori AbimÉlec Sara, yora Tasorentsi te irishinejeitajeroji maaroni tsinanepee saviquimojeitiriri ontimajeitajeri otomipee. Aitaque ocantacari isavicantacari Abrahama nampitsiqui Guerar.
Currently Selected:
Génesis 20: cni
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
Génesis 20
20
Isavicantacari Abrahama nampitsiqui pajitachari Guerar
1Yora Abrahama yojocanajiro isavicaveitani nampitsiqui MamrÉ, ipianaja quipatsiqui NÉgueb. Yareetapaacaro nampitsi pajitachari Guerar. Otimi nianqui caaraiteri pajitachari CadÉs jero Sur. Aitaque isavicapaajiri. 2Isavicantapaajari anta, itsaroacaajeitapaacari savicajeitatsiri. Imanacotaquero ijina, icantashitacari: “Irointi tsio.” Irotaque yora pincatsari pajitachari AbimÉlec icajemacantantacarori ivincatsarimentoqui, irijinantantearomeri. 3Ari tsiteniriqui imishitacaacari Tasorentsi AbimÉlec, icantaqueri:
—Ora tsinane paaqueri, timatsi ojime. ¡Irotaque meeca pincamanteari!
4Iro cantaincha tequeratsita iroonayero. Irotaque icantantanacariri:
—Novincatsarite, ¿ariompa poamaashitena, tecatsi nante? 5Irisati cantaquena Abrahama: ‘Irointi tsio.’ Aisati iroori ocantasanotaquena: ‘Irinti nojariri.’ Irotaque naantavetavacarori, noquemisantaquero icantajeitaquenari. Meeca, te noonaiteriji.
6Ari yacanaqueri Tasorentsi imainequi:
—Queario niotaquero pijivetaca queario icantaquempi. Irotaque caari noshinetantimpi poonayero, eiro pantimotantanarotsi caari cameetsatatsi. 7Meeca poimpiajeneri ojime; tempa iriotaque quenquetsatacotanari aisati iriotaque amanacoventempine, eiro picamantatsi. Eirorica poipiajiniritsi, ari pincamaque aisati maaroni pishanincapee.
Irotaque icantaqueriri. 8Ari oquitaiteamanaji itinaamanaca AbimÉlec, icajemajeitaqueri maaroni inampirepee. Icamantajeitaqueri maaroni imishitacaacariri Tasorentsi. Iquemajeitantacarori oca, itsaroasanojeitanaque catsini. 9Irosati icajemacantantacari AbimÉlec Abrahama, icantiri:
—¡Pamene, timatsi pantacaajeitaquenari caari cameetsatatsi! ¿Jaoca nocantaquempiri pantacantaquenarori antearoite caari cameetsatatsi aisati noshanincapee? Te oncameetsateji oca pantacaavetaquenari. 10¡Paita piquenqueshiretaqueri pamatavitantaquenari!
11Icantanaqueri iriori Abrahama:
—Nojivetaca aca nampitsiqui tecatsi quemisanterine Tasorentsi. Aisati nojivetaca, ari iroimenteetavaquenaro nojina iraanteetavaquearori. 12Iro cantaincha queario irotaque tsio, irotaque irishintosanori apani. Iro cantaincha pashini oni inirontanacari iroori, irotaque naantacarori. 13Peerani icantantaquenari Tasorentsi: ‘Pojocanajero pinampi’ Nocantitacaro: ‘Jaocarica anta areeyetaqueari pashinipee nampitsi, pincantaqueyea: Irinti yoca nojariri.’
14Irosati yoipiantajanari AbimÉlec Abrahama ijina aisati ipashiyetacari ovishapee, vacapee jeri aisati inampirepee shiramparipee jero tsinanepee. 15Ari icantiri aisati:
—Pamene, jero oca noipatsite; pincoyeanontea jaocarica pinintiri pisavicajeite.
16Ari icantiro iroori Sara:
—Ora nopaqueriri maaroni pijariri ipinataca 1,000 imentaqui quireequi. Irotaque iriotacojeitantempiri maaroni picarajeitaqueri cameetsa pisaviqui, tecatsi cantimatempine.
17Impoiji yamanacoventajiri Abrahama, irosati yoavisaacojeitantajari Tasorentsi AbimÉlec aisati ijina jeri aisati maaroni inampirepee saviquimojeitiriri, intimantajeari otomipee. 18Yaantavetavacarori AbimÉlec Sara, yora Tasorentsi te irishinejeitajeroji maaroni tsinanepee saviquimojeitiriri ontimajeitajeri otomipee. Aitaque ocantacari isavicantacari Abrahama nampitsiqui Guerar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.