Matewsà 22:37-39

Neyukye hatà, Txesusu. Onà wyaro katxho ryhe, ohxe rma haxa naha, kàyweronàhyamatxho komo. Anar komo yoho nyhe naha. Kohkom xe xaxa ehtxoko. Khoryenkom xe rma ehtxoko, oyowan kom ke xaxa mak ha, ohnawon kom ke xaxa mak ha, oyehutwanàr kom me xaxa mak ha. Àro wyaro katxho rma, anar komo yoho nyhe naha, kekon hatà, Txesusu. Àhonan xarha, onà wyaro katxho rma, ohxe rma rha naha. Osox oyehtxoho wyaro rma, ohoyen kom xe xaxa ehtxok xarha. Àro wyaro katxho rma, ohxe rma rha naha, kekon hatà, Txesusu.